اغتيال اعضاء المحاورات واختفائهم فى ظروف غامضة !!!

[قائد المدفعيه الهولنديه]

مع انى بشارك فى المنتدى من فتره بسيطه الا انى اعجبت جدا بمدى الترابط الترابط بين الناس و بعضها هنا يعنى ممكن نقول زى افراد العائله الواحده ... لكن فجأه و بدون اى مقدمات غياب لعدد كبير من الاعضاء و حذف عضويه اعضاء و انسحاب بعض الاعضاء من المنتدى ..... طيب يا جماعه اللى يعرف حد زعلان يجى نتكلم و نتصالح و اللى عمل حاجه غلط تعالو نفهمه و اللى يعرف حد غايب يا ريت يطمنا عليه مش عايزين الموضوع ينتهى بينا زى الشجره وقت الخريف ورقه تقع ورا ورقه.

و شكرا للجميع....

[galaxy]

دعوة جميله جدا وان شاء الله تلاقي صدي بين كل المحاورين...........

بس احنا في اجازة ومعظم الناس نزلت اجازات و مشغولين طبعا وبالتالي مقلين جدا في الدخول....مش زعلانين علي ما اظن ولا حاجه........... :unsure:

العزيزة ناش نزلت اجازة النهارده وطبعا مشغوله موت. :wub:

الغاليه اماني عندها ثانويه عامه وكدا وبتدخل لما بتسمح الفرصه وبتشارك كتير. :happy:

العزيزة سهيله ام لاول مرة ومشغوله جدا بالامورة ملك وان شاء الله الظروف تتاح وتقدر تدخل . :lol:

دول اللي اعرف ظروفهم الي حد ما وعشان كدا قلت اطمنكم واكيد الباقي مشغولين مش زعلانين ....ربنا يرجع الكل بالسلامه ويجمعنا من جديد ..تحياتي لدعوتك

[مصري أصيل]

أخي الكريم قائد المدفعية

صراحة تسلم علي الدعوة الجميلة دي و أتمني فعلاً لو حد زعلان نقدر نرجعة تاني

أنا أعرف بس الأخ شاوشنك و أن شاء الله هأراسله و أرجعه .

و اللي يعرف حد زعلان يا جماعة يحوال يراسله و أن شاء الله نرجع زي زمان و أحسن

[حسام يوسف]

الدعوة رائعة

وأخلاق عالية

واشكر القائد عل نواياة الطيبة

وتحمس الزملاء جالاكسى ومصرى اصيل

جزاكم الله خيرا

[قائد المدفعيه الهولنديه]

الاعزاء جالاكسى و مصرى اصيل شكرا لإهتمامكم فعلا طمنتونا الى حد ما .... الناس اللى سبق ذكر اسمائها فعلا مفتقدينهم بس ده ما يمنعش اننا ندعو ربنا انه يوفقهم اللى فى حياته و اللى فى امتحاناته و اللى مع المولود الجديد ربنا يكرمهم جميعا بس يا ريت نتواصل مع بعض زى زمان .

انا للاسف معرفش حد معرفه شخصيه و غايب بس يا ريت باقى الناس اللى موجوده يورونا الهمه و يطمننونا عايزين نرجع الروح بتاعت زمان.

[حلواني]

اشكر الاخ القائد

واضم صوتي لصوته في دعواه للتواصل بين الاعضاء

كذلك دعواه الكريمه لمصالحه اي حد زعلان

ومستعد للمشاركه في تهدئه النفوس

[قائد المدفعيه الهولنديه]

الاخ الفاضل حلوانى شكرا روحك الطيبه يا ريت باقى الناس تسمعنا و تبتدى تاخد اى خطوات اللى عنده اى حاجه يحكى و احنا نحاول نصلح و ربنا يقدرنا

[iloveegypt]

موضوع اكثر من رائع يدل على خلق صاحبه الاكثر من رائع

واناشد الاخين الفاضلين اكسلينس وشاوشنك بالعودة لانى بجد مفتقدهم كاخوة افاضل

وبصراحة اخلاقك تشكر عليها :blink:

تم تعديل 19 يوليو 2008 بواسطة iloveegypt

[capitshino]

دعوة جميلة جدا وان شاء الله يرجع الاخوة الغائبين قريبا

[~Heba~]

اتمنى عوده الاخ العزيز شاوشانك

انا مدركة تماما سبب انسحابه

لكنى اتمنى فقط ان يعود و لا يحرمنا من مداخلاته القيمه

[قائد المدفعيه الهولنديه]

i love egypt شكرا"على كلمات حضرتك الراقيه و ان شاء الله يتجمع الشمل تانى :blink: .

اخت هبه : لو فى حد يعرف الاخ شاوشانك معرفه شخصيه ممكن نكلمه انا كنت مقل بصراحه فى الاسبوع اللى فات فى الدخول للموقع مش عارف ممكن يكون ايه اللى حصل . bv:-

الاخ الفاضل كابتشينو: نورت الموضوع و ان شاء الله ربنا يكرمنا و نقدر نجيب كل الناس تانى po::

[امانى]

اشكرك اخى الفاضل على هذه اللفته الجميلة وعلى شعورك الجميل تجاه اخواتك بالمحاورات

معلش انا اتأخرت شوية زى ما قالت الاخت جلاكسى كنت مشغولة بامتحان ابنى ودلوقت فى التنسيق بس ده ميمنعش انى بحن للمحاورات كثيرا وبتمنى ترجع زى زمان مجمعانا كلنا على حبها

صحيح لكل واحد ظروفه فى الابتعاد بس ده ميمنعش انهم بيوحشونا ولازم يرجعوا ولو بعد حين . انا عن نفسى وحشنى وجود قرنفلة

بينا مفتقداها ونفسى ترجع تنور المحاورات . كمان بدرية باناشدها الرجوع لانى مفتقداها وبحس ان المحاورات من غيرها بلا روح

كانت بتشع بوجودها جو المرح والاحساس بجو الاسرة ياريت ترجع هى كمان .

[مصري جدا]

من عروس البحر ...حبيبة قلبي اسكندريه ...ومع اول اسبوع أجازه ..شفت الموضوع الجميل ده واتمني ان كل من غاب عنا بسبب .....يرجع لنا

أضم صوتي للأخت أماني واكرر ندائي للأخت بدريه ...نوارة المحاورات كما أسميها .....بالرجوع ...ولو كانت واخده علي خاطرها .....وانا عارف من ايه .....لكن وجودها معانا ووسط أهلها هنا كافي لأن يزيل أي أساءه قد تكون شعرت بها ...

كذلك الأخوة شاوشنك وأكسلنس عودوا الي بيت المحاورات لزوال السبب اللي انسحبتوا من المحاورات بسببه

انا ممكن ابعد شويه بسيطه بسبب الأجازه لكن حأكون معاكم ان شاء الله ...

[امانى]

بعد اذن قائد المدفعية اوجه التهنئة بسلامة الوصول لاخ الفاضل مصرى واقوله منور اسكندرية كلها وحمدا لله على السلامة

واتمنالك اجازة سعيدة باذن الله

[metwallly]

مع انى بشارك فى المنتدى من فتره بسيطه الا انى اعجبت جدا بمدى الترابط الترابط بين الناس و بعضها هنا يعنى ممكن نقول زى افراد العائله الواحده ... لكن فجأه و بدون اى مقدمات غياب لعدد كبير من الاعضاء و حذف عضويه اعضاء و انسحاب بعض الاعضاء من المنتدى ..... طيب يا جماعه اللى يعرف حد زعلان يجى نتكلم و نتصالح و اللى عمل حاجه غلط تعالو نفهمه و اللى يعرف حد غايب يا ريت يطمنا عليه مش عايزين الموضوع ينتهى بينا زى الشجره وقت الخريف ورقه تقع ورا ورقه.

و شكرا للجميع....

شكرا قائد المدفعية الهولندية على موضوعك الجميل ده

أنا برده كنت متغيب عن الكتابة بس لأنى كنت موقوف واخد أسبوع راحة

بس كنت متابع المنتدى يوميا ومتابع موضوعك

وأنا لى عتاب على الأخ مهيب وهو عارف ليه وياريت لو فيه فرصة

يبعتلى الماسنجر أيضيا بتاعته علشان أفهمه وجهة نظرى

ومبروك للأخت أمانى على النجاح فى الثانوية العامة وخلاص أستريحت من المذاكرة

اللى بقالها سنتين وربنا يوفقها للكلية اللى بتحبها(بس ما عرفناش المحموع كام)

وشكرا للأخ محمد((mohammed)) اللى اللوجو بتاعه علم مصر

لأن هو اللى رجع لى صلاحية الكتابه النهارده الصبح

[قائد المدفعيه الهولنديه]

الاخ المحترم جدا مصرى جدا : الف حمد لله على سلامتك و انا عارف ان اسكندريه ممكن تنسى اى واحد اسمه ... و بصراحه انا مبسوط انك افتكرتنا اتمنالك اجازه سعيده و ان شاء الله ما تغيب عننا ابدا.

الاخت الفاضله مدام امانى : ان شاء الله تكون الامور على ما يرام ... الثانويه العامه ضغط نفسى و عصبى كبير ..... نورتينا من جديد اتمنى نشوفك على طول معانا.

الاخ الفاضل متولى : حمد لله على سلامتك بعد الفاصل انا مش هكتبك غياب بس لو غبت تانى انت حر نورت بيتك و فى انتظار مشاركاتك.

اسمحولى اضم صوتى للاخوه و الاخوات الاعزاء اعتقد فعلا كلنا مفتقدين العزيزه جدا بدريه ...نداء عاجل جدا الى من يعرفها معرفه شخصيه من فضلك نورينا من جديد :sad:

يا جماعه فعلا رديتو فيا الامل بعد ما كنت خلاص نويت امشى زى كل اللى مشو بس صعب عليا الروح الجميله اللى كانت موجوده و اختفت من فتره بسيطه بس عندى امل ان شاء الله ترجع تانى

[حسام يوسف]

وانا بوعد انى هكلم بدرية وشاوشانك

ويارب ميكسفونيش

[Nonna]

في ناس كتير غايبة

و من أول من عرفتهم في المنتدى

يعني مثلا

ناش

أماني

زيزيتا

فولانة

حتى انتي يا بدارة

و أستاذ سين سين

و في اي بي

اكيد في ناس تانية غايبة

ربنا يطمنا عليهم و يكون المانع خير

[badroora]

انا لبيت النداء وجيت :happy:

يا هلا والله مش هتكلم كتير ومش هاقول اى خاجة غير انى طرحت الزعل من الفرح لاقيت

ان الزعل يخسر فى سبيل الحب والود دا كله

ومش نجفة الضب اللى تكسف حبايبها انا جيت اهو brth) عشان الناس اللى بيحبونى وبحبهم وبس

اشكر كل اللى بلغونى بالموضوع دا واللى سألوا عنى

النجم الثاقب ميرسي جدا جدا انت بس غيب شوية شوف انا هاعمل ايه

مصري جدا جدا اول ماسمعت صوتك جيت على طول جرى

امانى حبيبة قلبي جيتلك يا قومر

حسام ازيك ومش ممكن اكسفك ابدا ولا اكسف اى حد مش نجفة الضب :sad:

قائد المدفعية ... والله اللى خلف مماتش يا ولاد صحيح كدا انت اثبت نفسك بجدارة ومقدرش

اول موضوع ليك فى باب الاجتماعيات اعملك احباط

ومجيش نحن بعون الله نتبنى المواهب الشابة وننميها

من الاخر بقي وحشتونى كلكم كلكم كلكم

:D brth)

تم تعديل 21 يوليو 2008 بواسطة Badria Mekkawy

[badroora]

لا يا نونا انا جيت اهو :sad: وعقبال الباقين يا رب

تم تعديل 21 يوليو 2008 بواسطة Badria Mekkawy