مخابز بالكهرباء بالقاهرة ..

[achnaton]

يا ايها الدنيا أطلى وأسمعى

غراب الخراب يبغى مصرعى

بالحق سوف نحاربه وباصبعى

نكتب ونكشف خطته بالمنتدى

يلومنى البعض على نقدى لرئيس وزارة الكساد " غراب الخراب " { على فكرة هذا الأسم نقلته كثيرا من المنتديات عن منتدانا } .. وعشان تعرفوا إنى كان معايا حق عندما أنعمت عليه بهذا اللقب العظيم أذكركم بالحجة اللى إتمسح بها عندما أراد تجهيز وجبه "لسلعوة الأستثمار " فى أسوان .. و باظت الطبخة وشاطت منه وكانت حجته أن قلعة كيما الصناعية فى أسوان متأخرة فى دفع ثمن الكهرباء ؟؟ ولم يتعلم .. ويعرف أن صجافة النفاق التى يعتمد عليها لم تعد مجدية بعد التقدم التكنولوجى فأرتفع صوت الحق على منابر الأنترنت .. وفى مقدمتها منتدانا ..

وقبل أن يعد الطبخة الجديدة فى مطبخ الفساد وبرضة بحجة الكهرباء وسافر من أسوان الى سيناء .. وعاوز يبيع منجم المغارة وشركته .. لقانا زى العظمة فى الزور .. وإن شاء الله حنولع له فى المطبخ الهباب بتاعه ده .. حتى لا يتمكن من إعداد آية طبخة الا فى العراء وسنعرف حتما وحنشغل صوابعنا العشرة فى الكتابة لما نشيط له كل طبخة .. الغريبة أن ديون الكهرباء كانت حجته برضة فى إعلان نيته على غلق منجم المغارة .. يعنى هو شايف أن الكهرباء غالية ..ومصانعنا مش قادرة على ثمنها كما انها مش كفاية وعاوز يوفرها لإستخدامات اخرى يحتاجها الشعب .. مثل إنارة القرى .. و طرق الموت السريعة ..

شوفوا بقى وزير الدندورما { كما يسميه الأستاذ احمد رجب } قرر إيه .. وطبعا قراره ده بموافقة وايعاز من " غراب الخراب " مش معقول وزير يصدر قرار خطير زى كده الا بمواقة رئيسه .. حنخبز بالكهرباء يا رجاله .. والله يرحمك ياجدى الشيخ حسن .. كنا بنخبز فى فرن الدوار بالحطب "والجلة " طيب الحطب وممكن نقول إن وزارة الخراب ناوية تصنعة زى قش الأرز .. طب " والجلة " برضه فيها أزمة .. ؟؟

كتب ـ محمد زكي فى جريدة الوفد اليوم " السبت " مايلى : نشبت أزمة بين المجلس المحلي لمحافظة القاهرة ووزارة التموين. رفض المجلس قرار الدكتور حسن خضر وزير التموين والتجارة الداخلية، بتحويل المخابز التي تعمل بالسولار، للتشغيل بالكهرباء في نهاية العام الحالي. أكد سامي عطا رئيس لجنة التموين بالمجلس صدور تعليمات من وزارة التموين للمديريات المختصة بضرورة تحويل جميع المخابز للعمل بنظام النصف آلي. أشار عطا الي ان القرار يهدد بإلغاء تراخيص هذه المخابز تحت مسمي التطوير. حذر عطا من تأثير تحويل جميع المخابز الي النظام الآلي، علي الأمن القومي في حالة انقطاع التيار الكهربائي. وأوضح رئيس لجنة التموين أن الاعتماد علي مصدر واحد للطاقة يهدد جميع المخابز بالشلل. يبلغ عدد المخابز التي تعمل بالسولار في القاهرة 354 مخبزا. يا عالم فهمونا ..آخرة الخراب ده إيه .. البلد دى ملهاش صاحب .. وفين نوابنا فى مجلس اللمة .. يلموا الحكومة الفاشلة شوية ..

اللهم بحق هذا الشهير الفضيل .. الطف بنا فالبرج الباقى فى رؤوسنا يكاد راخر يطير .. ومنك لله يا غراب الخراب .. وحسبى الله ونعم الوكيل ..

اخناتون المنيا .. الحزين لما وصلنا اليه :D :cry: :cry: :cry: :cry: :cry: :cry: :cry: :cry: :cry: :cry: :cry: :cry:

[Mohd Hafez]

شوفوا بقى وزير الدندورما { كما يسميه الأستاذ احمد رجب } قرر إيه .. وطبعا قراره ده بموافقة وايعاز من " غراب الخراب " مش معقول وزير يصدر قرار خطير زى كده الا بمواقة رئيسه .. حنخبز بالكهرباء يا رجاله

أنا موافقك تماما يا أستاذ إخناتون أنه لا يمكن لوزير من وزارة غراب الخراب أن يصدر قرار خطير كهذا بدون إذن غراب الخراب .. ولكن أليس من الأولي أيضا أن يستأذن غراب الخراب من رئيسه المباشر أيضا .. أم أنه تصرف من تلقاء ذاته .. أرجوا الإفادة حتى نعرف عن من نتكلم ؟؟

[achnaton]

أنا موافقك تماما يا أستاذ إخناتون أنه لا يمكن لوزير من وزارة غراب الخراب أن يصدر قرار خطير كهذا بدون إذن غراب الخراب .. ولكن أليس من الأولي أيضا أن يستأذن غراب الخراب من رئيسه المباشر أيضا .. أم أنه تصرف من تلقاء ذاته .. أرجوا الإفادة حتى نعرف عن من نتكلم ؟؟

يا عزيزى إيجبت 5 .. صباح الخير

ليس بهذه البساطة .. وشكلا كده معاك حق .. ولكن لما تقرأ عن واجبات رجال الدولة .. فى آى كتاب عن علم الإدارة .. حتلاقى أسس النظام الأدارى .. وفى حالتنا هذه وكما تعودنا منذ قرون أن كبير البلد هو اللى بيختار مدير عام أعمال الدولة .. – وهنا مشكلتنا مع الدستور والقصور اللى فيه –حيث نطالب بأستمرار أن يكون هذا الأمر فى يد الشعب .. هو اللى يختار مدير عام أعمال الدوله ويعهد اليه بمراقبة أعمال مساعديه اللى هو بيختارهم .. وعشان كده بيكون عادة رئيس الحزب الذى يمنحه الشعب ثقته بناء على برنامج بيقدمه الحزب للشعب ليجمع أكبر عدد من أصوات الشعب ..' date='وكذلك بتكون هناك صورة طبق الأصل من هذه المجموعة بتشكلها أحزاب المعارضة ويطلقون عليها حكومة الظل .. بيكون لها الحق فى متابعة الحكومة الحقيقية وأعمالها وكل فى أختصاصة له الحق فى الحصول على كل البيانات اللى يطلبها من الوزير ويراجع أعماله ويناقشه فى مجلس الشعب وينتقده إذا لزم الأمر وبيكون تحت يده كل المعلومات .. للأسف ده مش موجود عندنا .. لأن زى ما قلت .. فيه قصور فى الدستور اللى وافق عليه نواب الشعب المنتخبين .. طب أنت عاوز إيه أكثر من أن الرئيس يختار واحد مؤهل ومعاه " دكتوراه " والتحريات اللى بتروح له بتجمع أن الرجل مخه نضيف ومتخصص فى الإدارة .. حيقول لهم شوفوا الشهادة دى مضروبة ولا لأ ؟؟ .. إذا كانت الجامعة عينته أستاذ فيها فهل يشك المرء أن شهادته مضروبه ؟؟ وآدى أنت شفت نائب مدير المستشفى اللى فضل يعالج الناس بشهادة مضروبة أكثر من 15 سنه .. ما هو ممكن يكن الغراب بتاعنا برضه معاه شهاة شهادة مضربة بدقة .. أو ماشر بطريقة " شيلنى وأنا أشيلك .. " ماهو السئد الوقت الخراب والفساد .. .. و " غراب الخراب " بتاعنا ليس غبيا كما يتصور الناس ولكن مستوى ذكائه عالى جدا وللأسف بيستغل هذا الذكاء فى الهدم السريع وليس فى البناء !! ومعظم الأفاقين فى العالم كله كانوا على مستوى عالى جدا من الذكاء .. وبعدين لو أتبعت قصص آل كابونى او آى عصابة من تلك العصابات تلاقى أن أذكاهم هو اللى بيخطط وينفذ أما الراجل الكبير فبيبقى عايش فى الظل بعيدا عن كل الأحداث بيدلع فى نفسه .. أنا لا أدافع عن رئيس الدولة .. فالشعب هو اللى أختاره او هكذا أقنعتنا صحافة النفاق وتصفيق نواب الشعب .. ومجموعة موافقين .. تفتكر يعنى لما " غراب الخراب " يروح له ويقوله أنا وافقت الدكتور بتاع " 1الدندورما " - ماهو راخر " دكتوراه .. ما اعرفش بيجيبوا الشهادات دى منين - .. وافقته على تخفيف الأمر على الشعب وتنظيف البيئة وبدلا من إنتاج رغيف بالمسامير والقش وريحته هباب من السولار اللى بيخبزوا به .. إحنا حنلغى الخبيز بالسولار ونخبز بالكهربا ء حتى يأكل الشعب رغيف خالى من ريحة الجاز .. تفتكر حيقول له إيه .. يعنى لو قال أو رجع له .. الحاجات دى حاجات صغيره .. المسئول عن القرارات الخايبة دى .. وربط المواضيع بعضها البعض ومحاسبة الوزراء ورئيسهم هو مجلس الشعب .. نواب الشعب ..وحكومة الظل إذا كانت موجودة .. ولما يكون هؤلاء من النوام .. وإذا فاق الواحد منهم يردد على الفور موافق ..موافق .. !! والصاحى قوى منهم مش فاضى للحاجات دى ..

بأقولك إيه .. يا أخ إيجبت 5 .. واقع إحنا عايشينه للأسف .. و لما يكون النظام العام للدولة .. اللى موجود فى دستورها كاوتشوكى .. يبقى كل واحد يعمل اللى هو عاوزه .. ويشكل المببررات زى ماهو عاوز .. وبكرة تشوف لما حزب الفساد يخرج علينا بأن الشعب كله إنضم ليه .. وهو الحكومة .. وهو الأب وهو الأم وهو كل حاجة .. وإذا كان عاجبك .. ؟!! واللى عاوزه المغرضون حيمشى .. وبيؤيدهم المنافقون .. مالم نتحد كلنا زى الشعوب الواعية ونضرب عن الأنتخابات المزورة ونصر على إنتخابات حرة .. ويتكرم علمائنا ورجالنا الأفاضل بترشيح أنفسهم ونختار هم .. ونحارب بكل الأشكال ماعدا القوة شياطين الإعلام المنافق .. ولعل هذه الرسالة وصلت للجميع .. وخاصة " غراب الخراب .. فإذا كانت المعارضة الرسمية بتاعة الأحزاب مش موجودة أنا وأنت وغيرنا موجودين بنصرخ بأعلى صوت والحمد لله الذى أتاح لنا منبر محترم زى منتدانا ده .

اخناتون المنيا الحزين

:) :D :D :D :cry: