كل سنه وانت طيب يا كوكو واوا

[semsema]

كل سنه وحضرتك طيب يا عمو كوكو..

ياخوفي لتكون ضحكت علينا وميكنش النهارده عيد ميلاد حضرتك..

ع العموم انا عملت اللي عليا وانشاء الله سنه احلى من اللي قبلها..وتحقق فيها كل اللي تتمناه.. وانشاء الله تكون سنه حلوه ع الزمالك كمان..

تحياتي

:closedeyes:

[Sherief AbdelWahab]

كل سنة وانت طيب يا كوكو.. أول مرة أعرف إنك مواليد يولية.. :closedeyes:

خلص الكلام

[semsema]

.. :closedeyes:

خلص الكلام

نفسي افهم ايه حكاية خلص الكلام دي..

..حتى في اعياد الميلاد؟؟

[badroora]

لاء مش ممكن وانا اقول النهاردة يوم غريب وعجيب والنور منور زيادة ويوم مبارك اتارى النهاردة عيد ميلاد العزيز الغالى كوكواوا

كل سنه وانت بالف صحة وهنا ويا رب يحقق كل امالك فى عيالك وفى كل حياتك وشغلك كمان

تم تعديل 7 يوليو 2007 بواسطة نجفة المغرورة

[kokowawa1979]

إبنتنا الغالية سمسمة كتبت :

ياخوفي لتكون ضحكت علينا وميكنش النهارده عيد ميلاد حضرتك

لأ والله ياسمسمة دي بجد مش بهزار - أمس أتممت نصف قرن بالتمام والكمال :closedeyes: واليوم عيد ميلادي بالفعل - وبالمناسبة كنت أتحدث مع أحد أصدقائي الإماراتيين - فقلت له إن اليوم يصادف عيد ميلادي - فقال بسم الله ماشاء الله - رقم مميز - تبيعه

شكرا لك على تحيتك الرقيقة ياسمسمة .

أخي الفاضل الأستاذ شريف عبد الوهاب :

وحضرتك طيب وخير وسلام - شكرا لك

هو كدة دايما الأستاذ شريف عبد الوهاب ياسمسمة - خير الكلام ما قل ودل

[kokowawa1979]

نجفة كتبت :

لاء مش ممكن وانا اقول النهاردة يوم غريب وعجيب والنور منور زيادة ويوم مبارك اتارى النهاردة عيد ميلاد العزيز الغالى كوكواوا

كل سنه وانت بالف صحة وهنا ويا رب يحقق كل امالك فى عيالك وفى كل حياتك وشغلك كمان

ده إنت اللي منورة المحاورات على طول يا نجوفة :closedeyes:

بصراحة أعياد الميلاد في المحاورات بقت شكل تاني وتحسي إنها إحتفالات على الطبيعة يا نجوفة من الهوايل اللي بتسويها .

أنا بقى نفسي أفرح بعريسك قبل عيد ميلادك ونشوف ولادك كدة منورين النت زيك واكتر

شكرا لك أختي الفاضلة

[semsema]

يادي النور يادي الهنا lo:: ... يعني النهارده عيد ميلاد حضرتك بجد.. يا سلااااام يا ولاااااااد ..

حضرتك ما تعرفش انا فرحانه اد ايه..

يلا يا جماعه عايزين نعمل لعمو كوكو حاجات متعملتش قبل كد في اعياد الميلاد..

واتفضل دوا مني .. :closedeyes: :wub: ـ معليش بأى حاجه على قدي ـ ماحدش يقارني باللي ميس نجفه بتعمله..

[kokowawa1979]

سمسمة كتبت :

حضرتك ما تعرفش انا فرحانه اد ايه..

وأنا فرحان أكتر بوجودك معنا ياسمسمة

ودلوقت نرجع للتوبيك الأصلي الخاص باحتفال أختنا علياء لأنها هي الأصل - كله يسبقني على هناك :closedeyes:

[badroora]

حلوة اوى موضوع الارقام دى الخليجين وخصوصا الامارتين والسعوديين يبيعوا اللى وراهم واللى قدامهم ويبقوا مش لائين يكلوا فى سبيل الارقام .

يلا يا كوكوا ولا يهمك بيعة وانت الاصل برده مش تقلق وكل منشوف الرقم هنقول علية بتاع كوكواوا .

بس لى عتاب عندك ليه مش مسجل عيد ميلادك كدا تخلينا نعملة بالصدفة ويا ترى كمان ايش نتيجة الولاد عشان نعمل فرح جماعى لاولاد الاعضاء

وسمسمة وارسين وماريمار وكل الطلبة اللى مكتمين عالنتيجة عموما هتتعرف هتتعرف واللى تقديره مش حلو هياخد انظار

:closedeyes:

موضوع الاصل

اكيد اليوم يوم عالمى يوم مواليد العظماء انت طبعا والاخت علياء فاحنا فرحتنا بكم اليوم مش تتوصف

عقبال الحج ان شاء الله

تم تعديل 7 يوليو 2007 بواسطة نجفة المغرورة

[semsema]

..

وأنا فرحان أكتر بوجودك معنا ياسمسمة

متشكره جدا لحضرتك..

دا طبعا من ذوء حضرتك والله..

ربنا يخليك لينا يارب ويبارك فيك..

على فكره .. انا عيد ميلادي كمان شهرين..

عايزاكوا تجهزولي الهدايا والترتا من دلوقتي.. محدش ينسا..

[badroora]

سمسمة كتبت :

على فكره .. انا عيد ميلادي كمان شهرين..

عايزاكوا تجهزولي الهدايا والترتا من دلوقتي.. محدش ينسا..

طيب استأذن انا بقي عشان احتمال اختفي قيمة 3 اشهر كدا وارجع تكون كل الحفلات خلصت :wub:

لا طبعا ياهزر يا سمسمة انتى بقي عيد ميلادك هيبقي عيد ميلاد مميز كفاية انه هيكون فى شهر 9 شهر بداية المدارس :closedeyes:

كل سنه وانتى طيبة من دلوئتى

تم تعديل 7 يوليو 2007 بواسطة نجفة المغرورة

[semsema]

وسمسمة وارسين وماريمار وكل الطلبة اللى مكتمين عالنتيجة عموما هتتعرف هتتعرف واللى تقديره مش حلو هياخد انظار

:rolleyes:

يا نجوفتي مش هقول يعني مش هقول.. لو مصره تعرفي اسألي ابواحمد هوا ممكن يقولك لكن مستحيل اقول كدا ع الملأ..

وعلى فكره انا حجيت مرتين.,عقبال حجك انشاء الله..

وعقبال ما نفرح بيكي وانتي ع الكوشه وجنبك العريس.. بس ما تنسيش تعزميني..

دا لو انتي عزمتيني هعملك عمايل في الفرح متعمليتش..

تم تعديل 9 يوليو 2007 بواسطة semsema

[shahd]

كل سنة و حضرتك طيب وعقبال 550 قرن

[Abdulaziz Omar]

الاخ الفاضل كوكوواو

كل سنة وانت في صحة وسعادة ورضا من الله عز وجل

عمر

[النسر المصري]

والله فرحة مابعدها فرحة.....ا

الاستاذ الزمالكاوي الأصيل والرائع دوما كوكو واوا نحتفل بعيد ميلاده هنا....ياسلام ياولاااد

كان نفسي اكون اول واحد يهنيك بعيد ميلادك :rolleyes:

بس يلا ملحلولقة :happy:

[kokowawa1979]

نجفة كتبت :

يلا يا كوكوا ولا يهمك بيعة وانت الاصل برده مش تقلق وكل منشوف الرقم هنقول علية بتاع كوكواوا .

بس لى عتاب عندك ليه مش مسجل عيد ميلادك كدا تخلينا نعملة بالصدفة ويا ترى كمان ايش نتيجة الولاد عشان نعمل فرح جماعى لاولاد الاعضاء

والله يا نجفة طول عمرك أصيلة - أنا صراحة مش من أنصار الاحتفال بأعياد الميلاد - لكن عندي العيال وامهم غاويين تلاكيك في أعياد الميلاد :happy:

الحمد لله التلاتة نجحوا وبتفوق من نعم ربنا علينا - وخاصة المفعوص الصغير اللي كان معقدني من حياتي ومحسسني إنه بيمتحن ثانوية عامة - وأصر على إني اشتري له موبايل زي إخواته - وطبعا كان ردي عليه إن الحرامية هايطلعوا عليه ويسرقوه منه في مصر - فاترعب وقال خلليني في البلاي ستيشن أحسن - وطبعا هم سبقوني على مصر من 3 أسابيع .

فشكرا لك أختي الكريمة على سؤالك .

سمسمة كتبت :

وعلى فكره انا حجيت مرتين.. عقبال حجك انشاء الله..

حج مبرور وذنب مغفور دائما ياسمسمة :rolleyes:

الفاضلة شهد كتبت :

كل سنة و حضرتك طيب وعقبال 550 قرن

550 مرة واحدة ياشهد - طيب بس أنا نفسي أعيش 3 قرون ويكون الزمالك فيهم البطل :lol:

متشكر جدا لذوق حضرتك .

أخونا الفاضل عبد العزيز عمر :

الاخ الفاضل كوكوواو

كل سنة وانت في صحة وسعادة ورضا من الله عز وجل

شاكر لحضرتك جدا الدعوة الجميلة دي .

العزيز الغالي النسر المصري الكبير :

والله فرحة مابعدها فرحة.....ا

الاستاذ الزمالكاوي الأصيل والرائع دوما كوكو واوا نحتفل بعيد ميلاده هنا....ياسلام ياولاااد

كان نفسي اكون اول واحد يهنيك بعيد ميلادك

والله يا نسور أنا عارف اللي في قلبك من ناحيتي - وهانت ياعم - أنا موصيلك على بلاص جبنة قديمة مع خلية عسل أبيض بنحلها :lol:

بس إوعى تخلع لاحسن أزعل بجد !!

دعوة لجميع الإخوة في المحاورات المتواجدين في مصر خلال الثلث الأخير من هذا الشهر لحضور احتفالية بسيطة بظهور بشائر المانجو - ومحصول العنب ( وصيت إن خطين كاملين من العنب الأبيض أبو خطين حمر يبقيهم الشباب يدون جمع علشان تتصوروا جنبهم :lol: ) فعلى من يرغب إرسال إيميل إلى : kokowawa1979@yahoo.com - وهذه دعوة جدية مفيش فيها هزار.

شاكر لكم جميعا شعوركم النبيل

[hooba]

كل سنه و انت بالف خير و سعاده و دائماً من الله أقرب و علي طاعته ادوم ..........

ايهاب

[DARWEEN]

كوكو يا كوكو ... يا أجدع زملكاوي .....

بقى يبقى عيد ميلادك وما تبعتش كرتونة طماطم بالحليب ... ( لونها أحمر برضه بالعند فيك )

كل سنه وأنت بألف ألف خير وصحه وسعاده :rolleyes: :happy: :lol: :lol:

وإن شاء الله السنه الجايه يكون ربنا هداك للحق وتعرف أن الأهلي هو الكبير يا كبير

أنا حابعت لك العنوان على الخاص علشان كرتونة الطماطم .... ياريت لو معاها توتايه صغنونه .... وحتتين لحمه وفرختين الله يسترك ويكرم الزمالك ويتقدم ويبقى التالت ويفك حبس مرتضى حبيبك

:lol: wst::

[semsema]

وإن شاء الله السنه الجايه يكون ربنا هداك للحق وتعرف أن الأهلي هو الكبير يا كبير

:rolleyes: :happy:

اللهم امين..

[badroora]

نجفة كتبت :

لاء مش ممكن وانا اقول النهاردة يوم غريب وعجيب والنور منور زيادة ويوم مبارك اتارى النهاردة عيد ميلاد العزيز الغالى كوكواوا

كل سنه وانت بالف صحة وهنا ويا رب يحقق كل امالك فى عيالك وفى كل حياتك وشغلك كمان

ده إنت اللي منورة المحاورات على طول يا نجوفة :rolleyes:

بصراحة أعياد الميلاد في المحاورات بقت شكل تاني وتحسي إنها إحتفالات على الطبيعة يا نجوفة من الهوايل اللي بتسويها .

أنا بقى نفسي أفرح بعريسك قبل عيد ميلادك ونشوف ولادك كدة منورين النت زيك واكتر

شكرا لك أختي الفاضلة

يا رب يا كوكوا بس الاقي اللى يستهلنى ويتقدر قدراتى

واوعدك عيالى هاخليهم يسرحوا فى سوق العبور عندك ويبقوا من صبيانك

الدعوة اللى عملها للى يتصور جنب العنب والمانجو

طيب ممكن اللى مش فى مصر تبعتلوا قفصين من كل نوع يتصور جنبهم ويرجعهم تانى

:lol: :lol: :lol: wst:: اوعى تفهمنى غلط انا قصدى اتصور بس

والف الف مبروك على نجاح الولاد طبعا ابوهم كوكواو مخترع الطماطم يبقي لازم العيال يطلعوا للابوهم ربنا يباركلك فيهم وتفرح بيهم يا رب

وكل سنه وانت طيب ومبروك على نجاح العيال :happy: