عقد عمل فى الامارات (عاوزة رايكم بسرعة)

[smart_7]

السلام عليكم ورحمة الله وبركاته

بصراحه يا أخ ايهاب انت جبت الخلاص الأهم الأهم

انا كنت عاوز اقلها الكلام ده بس مكنتش عارفه اقوله ازاي

لإن ده اكتر حاجه ممكن تحصل وبعدها لاينفع الندم بعد فوات الأوان

وانا مره تانيه بقول للأخ موني اوعي تسافري عشان والله انا عارف الي بيحصل هنا

انا مولود في الامارات وعايش فيها ووالله هتلاقي ان عيشتك في مصر غاليه عليكي اوي والبلد هنا متساويش حاجه

يعني من الأخر متسافريش

وكمان شغلك في مصر دلوقتي افضلك بكتير

وانا ارفع صوتي عاليا واقول

‏(ماتسافريش ياموووووني)

وربنا معاكي ويوفقك

وشكرا

[muslim4ever]

السلام عليكم ورحمة الله وبركاتة

الاخت الفاضلة مونى لن ازيد على ماكتبة الاخوة الاعزاء ولكن لى راى احب ان اوضحة لكى وهو ليس راءي خاص بى ولكن موقف الشرع الحكيم (اتكلم معكى على اساس انك مسلمة) اذكرك بقول الله عز وجل (وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ ) واذكرك ايضاً بحديث النبى محمد صلى الله علية وسلم (لا يحل لامرأة تؤمن بالله واليوم الآخر أن تسافر مسيرة ليلة إلا معها رجل ذو حرمة منها) يعنى الموضوع اكبر من 2000 درهم و 2000 مليار درهم الموضوع اوامر من الله ورسولة لنساء المسلمين بان يحافظن على انفسهن وليس المطلوب منهن الاتيان بالمال والعمل والمرمطة لان المراة فى الاسلام مكرمة ومعززه وكما اوضح لكى بعض الاخو المنصفين بان الرجال ترى الامرين فما بالك بالنساء وبعدين فى امر مهم جداً كيف ستعملين سكرتيرة ومحاسبة فى ان واحد !!!!! جديدة وبعدين سكرتيرة يعنى حتكون مرتبطة بشكل مباشر مع رئيس العمل وده فى خطورة شديدة عليكى كفتاة لسة عود اخضر وبعدين ياجدعان انا حتجنن من الدم اللى بقى عصير فرولة اللى بيجرى فى العروق الان !!!! كيف لانسان ان يترك ابنته او اختة او ابنة عمة او ابنة خالة او اى فتاة من محارمة ان تسافر بمفردها فى بلد غريب !!!! واذاى انتى تقبليها على نفسك انك تعيشى فى بلد كل من سافر اليها يعود ويحمد الله على النجاة منها للمستوى الاخلاقى المتدنى التى وصلت الية انتى لازم قبل ما تسالى على السفر والمال والمتع تسالى على مدى مشروعية هذا السفر وهل هذا يرضى الله ورسوله ام لا واقراءى فى سورة الحجرات (يا ايها الذين امنوا لا تقدموا بين يدى الله ورسوله) ... وبعدين اللى انا فهمة من كلامك ان حالك ميسور ومش محتاجة المال يعنى الفلوس حضيع على الفسح والمكياج كحال 90% من العاملات وبعدين 2000 درهم فى الامارات يعنى كانك بتقبضى 100 جنية فى مصر اسالى نفسك وفكرة لو بتقبضى 100 جنية فى الشهر حتعملى بيهم اية !!!! اخيراً اوضح لك بعض اراء العلماء الاجلاء فى سفر المراة

السؤال

ما حكم الشرع في سفر المرأة بدون محرم وبدون إذن زوجها ؟ وجزاكم الله خيرا والسلام

الفتوى

الحمد لله والصلاة والسلام على رسول الله وعلى آله وصحبه وسلم أما بعد:

فلا يجوز للمرأة أن تسافر إلا مع محرم لها، لما في الصحيحين وغيرهما عن أبي هريرة رضي الله عنه أن النبي صلى الله عليه وسلم قال: "لا يحل لامرأة تؤمن بالله واليوم الآخر أن تسافر مسيرة ليلة إلا معها رجل ذو حرمة منها" وهذا لفظ مسلم. وفيهما أيضا: "لا تسافر المرأة إلا مع ذي محرم" ولا يجوز لها أيضاً أن تسافر إلا بإذن زوجها ولو كانت مع محرم إلا إذا كان السفر لأداء فريضة الحج أو لضرورة ملجئة كعلاج مرض مستعص فلها في الحالتين أن تسافر ولو لم يأذن لها الزوج إن وجدت محرماً يرافقها خلال سفرها. والله أعلم.

السؤال

أنا فتاة أنهيت دراستي الأكاديمية هذه السنة، وأنا متفوقة في دراستي والحمد لله، اُتيحت لي الفرصة للحصول على درجة الماجيستير خارج البلاد (بلد أجنبية)، وهي مهمة جداً لحياتي العملية حيث ما سيتحقق لي وما سأستطيع أن أقدمه إن شاء الله في مجال التدريس في الأكاديمية.

المشكله عدم وجود محرم متفرغ للعناية بي في السفر إلا والدتي حيث إن خطيبي (سوف يتم الزواج هذه السنة إن شاء الله) لا يستطيع مرافقتي بعد الزواج فترة الدراسة والسفر لارتباطه بعمله، ولكنه سيقضي فترات متقطعه معي، ولا يوجد لي أخ، وأبي مرتبط بعمل في القطاع الخاص، وسيفقد عمله لو سافر معي، وبالتأكيد هذه مشكلة.

والدتي سترافقني الفترة كاملة ولن تتركني يوماً واحداً إن شاء الله. ما يحيرني هو حديث قرأته عن الرسول صلى الله عليه و سلم: "إن أرادت امرأة أن تدخل الجنة لا تسافر مسافة يوم بدون محرم".

فما الحكم في ذلك؟

الفتوى

الحمد لله والصلاة والسلام على رسول الله وعلى آله وصحبه وسلم أما بعد:

فالذي يظهر أنك على معرفة بوجوب وجود محرم يصحب المرأة أثناء سفرها، وهذا الحكم ثابت عن النبي صلى الله عليه وسلم بعدة ألفاظ في الصحيحين وغيرهما. من ذلك قوله صلى الله عليه وسلم: "لا يحل لامرأة تؤمن بالله واليوم الآخر أن تسافر مسيرة يوم وليلة وليس معها حرمة" رواه البخاري أي: رجل محرم لها كما هو مبين في رواية مسلم "لا يحل لامرأة مسلمة أن تسافر مسيرة ليلة إلا معها رجل ذو حرمة منها".

وهذا الحديث واضح الدلالة على عدم جواز سفر المرأة بدون محرم لها. وإذا كان العلماء اختلفوا في جواز سفر المرأة بدون محرم لها مع الرفقة المأمونة لأداء فريضة الحج فإنه من الجلي أن سفرها لغير ذلك غير مأذون فيه، لاسيما في البلاد الأجنبية، ثم إن مايخصك ليس هو السفر فقط، بل السفر والإقامة والدراسة، وفي ذلك من مطالب الحياة وضرورة التصرفات مايفوق أضعافا مضاعفة مخاطر السفر العابر المحدود الوقت.

ومما ينبغي معرفته أن والدتك ليست محرماً لك، لأنها هي بحاجة إلى محرم، فلينتبه لذلك.

وهناك مشكلة أخرى واقعة في الجامعات في البلاد الأجنبية لعلك ما انتبهت لها وهي مشكلة الاختلاط بين الجنسين، وهي مشكلة جد خطيرة تكفي لوحدها أن تمنعك من السفر إلى تلك البلاد والدراسة في جامعاتها حتى لو وجدت محرماً يسافر معك.

فعليك أن تتقي الله تعالى وتقري في بيتك وتواصلي دراستك – إن أحببت – عن طريق المراسلة في إحدى الجامعات التي عندها ذلك النظام أو في بلدك إذا كان بغير إختلاط محرم.

والله أعلم.

والله من وراء القصد

اللهم ارنا الحق حقاً وارزقنا اتباعة وارنا الباطل باطلاً وارزقنا اجتنابه .

[ام مريم]

السلام عليكم و رحمة الله و بركاته

صلي صلاة الاستخاره و سيوفقك الله فيما تزعمين القيام به يا اختاه

[Founder]

السلام عليكم ورحمة الله وبركاتة

انا قربت موضوعك وشوفت الاعضاء اللى ردوا عليكى وفى جزء كبير من الحقيقة فعلا اتقال فى كلامهم بس لو عايزة نصيحتى توكلى على الله وتعالى لان اولا :

1- موضوع ان انتا تبتدى بمرتب صغير سواء 2000 ولا 2500 درهم دة شى مش غريب لان لو بصيتى فى 80 % من الناس اللى جت هنا بدات بمرتب زى دى والحمد الله ربنا كرمهم ومرتبهم زاد وبقا اضعاف المبلغ دة سنة ورا سنة لحد ما بدوا يقفوا على رجليهم فا دة شى طبيعيى جدا هنا وفى اى بلد فى العالم . لان احنا مش حنضحك على بعض على قد معلوماتك وخبراتك فى البلد وفى مجالك حتاخدى فلوس وكل ما تتعلمى اكتر حتاخدى اكتر . وفى ناس بتيجى ما شاء اللة بتاخد مبلع كويس من الاول ودة علشان هما موهلين بخبرات احسن منى ومنك ومن ناس كتير وبرضة فى الاخر دة نصيب ورزق بتاع ربنا ممكن ربنا يبارك فى ملاتبك الصغير وتحوشى منة اكتر من لما يكون مرتبك كتير ومصاريفك والتزاماتك كتير

2- البلد دى على اد ما هيا فيها جنسيات كتير وملهاش صفات يعنى ولا تحسى انها بلد عربية 100% او بلد اجنبية 100% لكن بلد امان يعنى مفيهاش مشاكل كتير يعنى الست هنا واخدا حقها كويس قوى من حيث حقوقها ومفيش ان حد يرخم عليكى ولا يضايقك علشان هو مواطن ولا غيرة لان هنا حقى وحقك عند الشرطة دة لا قدر الله والموضوع وصل لحد الشرطة يعنى

3- موضوع ان الكفيل ياخد باسبورى ومش عايز ينزلنى ويحبسنى هنا دة كلام فارغ موجود فى السعودية بس . هنا اها ممكن ياخد منك الباسبور لكن تيجى عايزة تنزلى وتطلبى باسبورك ومش عايز يدهولك يبقى سنة اهلة سودة وانا بكلمك الكلام دة عن ثقة . فى حاجة اسمها ان انتى اخليتى بعقد اوكى يخصم من فلوسك تكاليف الاقامة اللى هو عملها او تذكرة الطيارة اللى ادهالك لكن يشيل باسبورك ويقولك ملكيش باسبور دة كلام مش بيحصل ولو حصل هو اللى حيضر مش انتى ( الكفيل )

4- موضوع ان انتى عقدك سنتين ولا تلاتة مش مشكلة لان هو مش حيفضل مديكى نفس المرتب السنتين دول لانة بيقولك فى عقدك ان فية زيادة كل سنة على حسب شغلك بنسبة كذا مش معنى العقد سنتين ان انتى تفضلى السنتين بتاخدى مرتبك من غير ما تفتحى بقك . وكمان انتى حقك من تكملة كل سنة ان انتى تتنقلى لشغل تانى المهم من غير مشاكل علشان هو ممكن يعملك حرمان 6 شهور من وزارة العمل والعمال لكن ممكن تيجى البلد تانى من بكرة بعد الحرمان على فيزا زيارة لكن مش تقدرى تحوليها فيزا عمل الا بعد 6 شهور الحرمان

5- اهم حاجة تشوفيها فى عقدك يا بنت الحلال مرتبك والزيادة السنوية كام والتغطية الصحية ليكى من قبل الشركة ( لا قدر الله ) وتذكرة طيرانك كل سنة ولا سنتين

6- ويبقى ربنا كرمك لو اشتغلتى فى الشركة دة وتكون منطقة حرة ومعنى منطقة حرة ان انتا لو جيتى زى ما بتقولى عايزة امشى بعد 6 شهور ميقدرش يعملك اى حرمان لان انتى انتى مش حتكونى مسجلة فى وزارة العمل والعمال انتى حتكونى فى منطقة حرة يعنى اخرة يقولك انا عايز واللة تكلفة الاقامة اللى عمتهالك وبس لكن حرمان لو شركتك تبع وزارة العمال والعمال

توكلى على الله وصلى صلاة استخارة وسيبها على الله البلد هنا مش وحشة ومش وهم لكن بلد زى اى بلد الحياة فيها صعبة مدام مش بلدك

واللة الموفق ولو احتاجتى معلومات عن اى حاجة انا وموجود والاعضاء كلهم موجودين يساعدوكى بس انا بقولك اللى اعرفة من طبيعية شغلى فى ادارة الهجرة والجنسية فى دبى من 3 سنين

السلام عليكم

[se_ Elsyed]

تم فصل المداخلة الخاصة بالأخت شريهان في موضوع منفصل

أبحث عن وظيفة امينة مكتبة بالإمارات

[n3sa]

السلام عليكم

انا مع الاخ طفشان 100%

واللهى العظيم العيشه غليه جدا" وال2000 درهم دول ولا حاجه

وللاسف معظمنا متداين للبنوك اشى كار لون اشى كردت كارد

الوضع مش سهل خالص و علشان تعيشى بال2000 درهم حتكون اشفره

[mony]

السلام عليكم ورحمة الله وبركاتة

انا قربت موضوعك وشوفت الاعضاء اللى ردوا عليكى وفى جزء كبير من الحقيقة فعلا اتقال فى كلامهم بس لو عايزة نصيحتى توكلى على الله وتعالى لان اولا :

1- موضوع ان انتا تبتدى بمرتب صغير سواء 2000 ولا 2500 درهم دة شى مش غريب لان لو بصيتى فى 80 % من الناس اللى جت هنا بدات بمرتب زى دى والحمد الله ربنا كرمهم ومرتبهم زاد وبقا اضعاف المبلغ دة سنة ورا سنة لحد ما بدوا يقفوا على رجليهم فا دة شى طبيعيى جدا هنا وفى اى بلد فى العالم . لان احنا مش حنضحك على بعض على قد معلوماتك وخبراتك فى البلد وفى مجالك حتاخدى فلوس وكل ما تتعلمى اكتر حتاخدى اكتر . وفى ناس بتيجى ما شاء اللة بتاخد مبلع كويس من الاول ودة علشان هما موهلين بخبرات احسن منى ومنك ومن ناس كتير وبرضة فى الاخر دة نصيب ورزق بتاع ربنا ممكن ربنا يبارك فى ملاتبك الصغير وتحوشى منة اكتر من لما يكون مرتبك كتير ومصاريفك والتزاماتك كتير

2- البلد دى على اد ما هيا فيها جنسيات كتير وملهاش صفات يعنى ولا تحسى انها بلد عربية 100% او بلد اجنبية 100% لكن بلد امان يعنى مفيهاش مشاكل كتير يعنى الست هنا واخدا حقها كويس قوى من حيث حقوقها ومفيش ان حد يرخم عليكى ولا يضايقك علشان هو مواطن ولا غيرة لان هنا حقى وحقك عند الشرطة دة لا قدر الله والموضوع وصل لحد الشرطة يعنى

3- موضوع ان الكفيل ياخد باسبورى ومش عايز ينزلنى ويحبسنى هنا دة كلام فارغ موجود فى السعودية بس . هنا اها ممكن ياخد منك الباسبور لكن تيجى عايزة تنزلى وتطلبى باسبورك ومش عايز يدهولك يبقى سنة اهلة سودة وانا بكلمك الكلام دة عن ثقة . فى حاجة اسمها ان انتى اخليتى بعقد اوكى يخصم من فلوسك تكاليف الاقامة اللى هو عملها او تذكرة الطيارة اللى ادهالك لكن يشيل باسبورك ويقولك ملكيش باسبور دة كلام مش بيحصل ولو حصل هو اللى حيضر مش انتى ( الكفيل )

4- موضوع ان انتى عقدك سنتين ولا تلاتة مش مشكلة لان هو مش حيفضل مديكى نفس المرتب السنتين دول لانة بيقولك فى عقدك ان فية زيادة كل سنة على حسب شغلك بنسبة كذا مش معنى العقد سنتين ان انتى تفضلى السنتين بتاخدى مرتبك من غير ما تفتحى بقك . وكمان انتى حقك من تكملة كل سنة ان انتى تتنقلى لشغل تانى المهم من غير مشاكل علشان هو ممكن يعملك حرمان 6 شهور من وزارة العمل والعمال لكن ممكن تيجى البلد تانى من بكرة بعد الحرمان على فيزا زيارة لكن مش تقدرى تحوليها فيزا عمل الا بعد 6 شهور الحرمان

5- اهم حاجة تشوفيها فى عقدك يا بنت الحلال مرتبك والزيادة السنوية كام والتغطية الصحية ليكى من قبل الشركة ( لا قدر الله ) وتذكرة طيرانك كل سنة ولا سنتين

6- ويبقى ربنا كرمك لو اشتغلتى فى الشركة دة وتكون منطقة حرة ومعنى منطقة حرة ان انتا لو جيتى زى ما بتقولى عايزة امشى بعد 6 شهور ميقدرش يعملك اى حرمان لان انتى انتى مش حتكونى مسجلة فى وزارة العمل والعمال انتى حتكونى فى منطقة حرة يعنى اخرة يقولك انا عايز واللة تكلفة الاقامة اللى عمتهالك وبس لكن حرمان لو شركتك تبع وزارة العمال والعمال

توكلى على الله وصلى صلاة استخارة وسيبها على الله البلد هنا مش وحشة ومش وهم لكن بلد زى اى بلد الحياة فيها صعبة مدام مش بلدك

واللة الموفق ولو احتاجتى معلومات عن اى حاجة انا وموجود والاعضاء كلهم موجودين يساعدوكى بس انا بقولك اللى اعرفة من طبيعية شغلى فى ادارة الهجرة والجنسية فى دبى من 3 سنين

السلام عليكم

الف شكر على الكلام الجميل

وعلى كل اخواتى اللى ردوا هنا ربنا يخليكوا ليا بجد

انا اللى وصلتله من الردود ومن كل كمان اللى حواليا ان 2000 درهم دول قليل جد وانا كمان من النوع المصرف كمان

طيب يا جماعه انا فى شركة سفريات عارضه عليا تاشيرة زياره على 5000 ج ايه رايكم اخد تاشيرة يزياره وبمؤهلى و بالانجليش والكمبيوتر بتاعى ااقدر ااقدمت على شغل كويس هناك ويمكن تلعب معايا

بس هى مغامرة انا عارفه بس انا هموت على السفر بصراحة

يا ريت تقولولى رايكم

[mesryforever]

يا أختي العزيزه

أوعي أوعي أوعي تسمعي كلام اللي يقولك هأجيب لك تأشيرة زيارة بالمبلغ ده وأوعي تدفعي مليم واحد دول معظمهم حرامية وبعدين إللي عاوز أعرفه ليكي إن الواحد ممكن يقعد أكثر من سنه يدور على شغل وما يحصلش إللي هو عاوزه ده غير إحسبي المصاريف الآتية

الحد الآدني للمصاريف بالتقريب طبعاً

1- تذكرة سفر طيران (رايح جاي) أقل شئ 2200 جنيه

2- سكن لو قلنا أنك هتسكني مع فتاتين في حدود 600 درهم لكل واحدة يعني 900 جنيه بالمصري وهذا البند شهري (في الشارقة) إللي هيه أرخص مكان في الإمارات

3- أكل وشرب أقل شئ ده لو كنتي ست بيت وهتعرفي تدبري نفسك يعني في حدود من 600 إلى 800 درهم شهري طبعاً

4- ده غير المصاريف الشخصية يعني لو قلنا (مواصلات وخلافه ) في حالة إنك هتخرجي كل يوم مرة واحدة أقل مشوار رايح جاي في حدود من (25 إلى 30 درهم)

5- المصاريف إللي هتصريفيها علشان تدوري على الشغل مش هتكون شويه

ده غير إن مدة الزيارة شهرين فقط يعني ستين يوم بالضبط وإذا حبيتي تجديدي هتجددي لمدة شهر واحد فقط بـ 500 درهم

ولو قعدتي مخالفة هيحسبولك عن كل يوم قعدتيه مخالفة 100 درهم

والله أنا حبيت أوضحلك الصورة

واللي عنده أي إضافه ممكن يضيف حاجه أنا ممكن أكون ناسيها

إحسبيها كويس وتوكلي على الله

والله من وراء القصد

وربنا يوفقك

[قاهرى]

طفشان انت استاذ بجد . انا نفس المشكلى دى حصلتلى صاحب الشغل قلى هشغلك براتب 2000 درهم كراتب ابتدائى وبعد من 3 الى 6 شهور اختبار هزود رتبك (مع العلم انى مهندس) ودلوقتى بقالى 3 سنين فى انتظار الزيادة ومحصلش ولما اجى اطلب الزيادة يفضل يخترع اى مشكلة فى الشغل وانى مقصر كتير. دلوقتى بعد لما عرفت ان مفيش منوا حل وانو حاطط فى دماغوا اساسا انوا ميزودش انا بدور على شغل فى مكان تانى بس بردوا دلوقتى مش بالسهل الواحد يلاقى شغل فى الامارات مجليش حاجة لحد دلوقتى بردوا مش عارف لية مع انى مهندس مدنى وشاطر جدا والله ودلوقتى عندى خبرة 3 سنين وسنة فى مصر.طبعا هى نصيب فى الاول او فى الاخر بس بجد فعلا الى يبدأ غير هيفضل صغير .

[mony]

اه يعنى فكره السفر زياره دى ارفضها انا كنت متخيله ان فرص العمل هناك كتير غير مصر يعنى ولا ايه :(

[عصام أبوالفتح]

توكلى على الله وسافرى

اولا : ربنا هايجنبك مشاكل انك بنت لانه قريب والدك والموضوع فى العيلة

ثانيا : لو هو نفس الشخص كان بيشتغل فى مصر عمرك ما كنتى هاتحوشى 1500 ج من راتبك منه

ثالثا : بالنسبة للوظيفة ( حسابات بناية كاملة ) فهى وظيفة بسيطة .. لكن تاخدى وعد بالزيادة بعد سنة حسب مجهوك

رابعا : الراجل اكيد مش هايدفعك حاجة زى الفيزا والتاشيرة والاقامة .. يعنى الهيديك الجانبى مش هايكون كبير عليكى

خامسا : انوى تعملى قرشين كويسين وتتفرجى على البلد .. وترجعى تتجوزى فى بلدك .. مش فى النص ابدا

سادسا : السنتين هايعدوا اسرع مما تتخيلى .. السنة فى الخليج زى شهر فى مصر .. وهتجربى

بالتوفيق

[mesryforever]

نا بدور على شغل فى مكان تانى بس بردوا دلوقتى مش بالسهل الواحد يلاقى شغل فى الامارات مجليش حاجة لحد دلوقتى بردوا مش عارف لية مع انى مهندس مدنى وشاطر جدا والله

إلى الأخ قاهري

متزعلش من الكلام إللي هأقولهولك

مليون في المائة حضرتك غلطان أو قصرت في حق نفسك لأن مفيش مهندس ومدني كمان بيأخد المبلغ ده باي حال من الأحوال

بص بقه ممكن تعمل إيه وكن واثق في نفسك وفي كفائتك

أولا البلد عامة في الوقت ا لحالي كل شغلها مباني أي معتمده على شركة العقارات الكبرى

أنا متأكد مليون في المائة لو قدمت في شركة العقارات الكبيرة في أبوظبي مثلا هتلاقي مليون أكيد هيكون أقل عرض من 7000 إلى 8000 درهم ده بالإضافة إلى المميزات الاخرى منها السكن والسيارة الهاتف وإلخ.....

وأوعي ترضي بأقل من كده لأنهم هيقولوا إن الشخص ده غير جدير بهذه الوظيفه أو بمعنى أصح غير كفء وبالتالي يرضي باي راتب

حاول تقدم في الشركات العقارية مثل

صروح

طموح

الدار العقارية

والكثير الكثير من هذه الشركات لأنها مليون في المائة بتكون محتاجه مهندسين

وثاني مرة أنت مقصر في حق نفسك ومتزعلش مني في مثل في مصر بيقول "يا بخت من بكاني وبكى عليا ولا ضحكني وضحك الناس عليا "

وبالتوفيق بإذن الله

[mesryforever]

نا بدور على شغل فى مكان تانى بس بردوا دلوقتى مش بالسهل الواحد يلاقى شغل فى الامارات مجليش حاجة لحد دلوقتى بردوا مش عارف لية مع انى مهندس مدنى وشاطر جدا والله

إلى الأخ قاهري

متزعلش من الكلام إللي هأقولهولك

مليون في المائة حضرتك غلطان أو قصرت في حق نفسك لأن مفيش مهندس ومدني كمان بيأخد المبلغ ده باي حال من الأحوال

بص بقه ممكن تعمل إيه وكن واثق في نفسك وفي كفائتك

أولا البلد عامة في الوقت ا لحالي كل شغلها مباني أي معتمده على شركة العقارات الكبرى

أنا متأكد مليون في المائة لو قدمت في شركات العقارات الكبيرة في أبوظبي مثلا أكيد هتلاقي مليون شركة أقل عرض ممكن يكون

من 7000 إلى 8000 درهم ده بالإضافة إلى المميزات الاخرى منها السكن والسيارة الهاتف وإلخ.....

وأوعي ترضي بأقل من كده لأنهم هيقولوا إن الشخص ده غير جدير بهذه الوظيفه أو بمعنى أصح غير كفء وبالتالي يرضي باي راتب

حاول تقدم في الشركات العقارية مثل

صروح

طموح

الدار العقارية

والكثير الكثير من هذه الشركات لأنها مليون في المائة بتكون محتاجه مهندسين

وثاني مرة أنت مقصر في حق نفسك ومتزعلش مني في مثل في مصر بيقول "يا بخت من بكاني وبكى عليا ولا ضحكني وضحك الناس عليا "

وبالتوفيق بإذن الله

[mony]

الاخ قاهرى

هما ال 2000 درهم بيفوك كل شهر ولا لاء؟؟؟

وعرفت تحوش اى حاجة؟؟

استاذ عصام الف شكر على الكلام الجميل انت شجعتنى والله

[الحسناءالفاتنة]

وافق دة احسنلك لان مع احترامى لبلادنا بس النظام هنا مبيقدرش حد بيقدر الوسايط فقط