بوابة الحكومة المصرية

[عصام]

مش قادر أصدق نفسى ... :lol:

دخلت امبارح على موقع "بوابة الحكومة المصرية" (الرابط)

وكنت فاكر ان المسألة حركات .. وضحك على الدقون

دخلت على خدمات نيابات المرور .. وكشفت على المخالفات ..

لقيتها فى حدود 120 جنيه ..

الشيطان هيأ لى انى ادفع بالفيزا .. وبينى وبينكوا قلت المسألة كلها 120 جنيه .. يعنى لو راحوا مش كارثة

لكن المفاجأة انى لقيت شخص عندى فى المكتب النهارده .. من البريد السريع ومعاه شهادة براءة الذمة

وسلمها لى وما رضيش ياخد أى فلوس (إكرامية)

أنا فعلا مش مصدق

تحية لكل من يعمل على هذا المشروع ..

وآهى لمبة منورة فى نفق مظلم

[mesryforever]

لو كان كلامك ده صحيح

يبقى ممكن يكون فيه أمل

[عصام]

من كام يوم طمعت زيادة وعملت طلب تجديد لرخصة العربية .. ودفعت برضه بالفيزا

ومن خمس دقايق بس الراجل لسا ماشى من عندى .. بعد ما ادانى الرخصة والبادج اللى بيوضع على الزجاج ..

[DARWEEN]

عصاااااااااااااااااااااااام .... عصااااااااااااااااااااااااااااام ....

قوم بقى النهار طلع

الله الله

مش قلتلك ماتبقاش تتقل في الأكل ... وبلاش الفول قبل ماتنام

[عصام]

والله يا جماعة ما انا مجنون :D

صدقنى يا داروين يا اخويا ..

الكلام دا حصل .. وفى مصر wst::

طب اعمل ايه عشان تصدقنى؟ :wub:

أنا دفعت المخالفات وجددت الرخصة بدون ما اروح للمرور وبدون ما اضيع يومين تلاتة .. وبدون ما ادفع ولا مليم إكرامية أو رشوة :lol:

نا نفسى مش مصدق .. بس هو دا اللى حصل

أنا حتى قريت فى أهرام امبارح ان مصر ترتيبها أصبح ال 58 على العالم من حيث استخدام الإنترنت فى قضاء مصالح المواطنين :wub:

وبعدين اللى مش مصدق .. يجرب :110:

[kokomen]

الحمد لله أن فيه وجه مشرق في مصر

ربنا يجعل أيامنا كلها سهلة بإذن الله

ليه لاء .. عندنا عقول مصرية علي مستوى عالي من الأداء

[tahereyad]

يا جماعه انتو ليه بس مستغربين,,, معقول,, مهما كان مصر برضه بلد رائده,, والله الكلام ده بجد,, احنا كنا سابقين كل دول المنطقه بحاجات كتير جدا,,

مصر فيها كل حاجه بس المشكله اللي بتواجهنا هيه غياب الرقابه و التي تؤدي الي غياب الضمير,, لو كل واحد في مجال عمله أتقن عمله و عمل اللي عليه مصر هاتتفوق جدا جدا, و مش هانستغرب ايا من مظاهر الحضاره,,

أخيرا: أبعث بتحية احترام و تقدير شديدين للموظف بتاع البريد السريع اللي رفض الاكراميه, و أقوله بارك الله لك في رزقك, و أكثر من أمثالك.

[أبو حميد]

الرابط الموجود في مشاركة الأخ عصام به حرف S زائد

بوابة الحكومة المصرية

[رمضان]

تصدقوا انا خايف ادخل الرابط ليدفعوني فلوس

او يعرفوني انا لحد دلوقتي ما رحت السفارة المصرية ولا مرة وخايف اروح هناك

[kokomen]

تصدقوا انا خايف ادخل الرابط ليدفعوني فلوس

او يعرفوني انا لحد دلوقتي ما رحت السفارة المصرية ولا مرة وخايف اروح هناك

الأخ الفاضل : رمضان

أنا دخلت الي الموقع عدة مرات وهو ممتاز جدا وبه خدمات فعلا راقية

أما السفارات فلا أعرف كيفية خدماتها .. عندنا عقول مصرية ممتازة وعبقرية

بس ياريت تعطى الفرصة لتظهر نبوغها

[badroora]

يا جماعة الحكومة موفرالكم كل شيء وكمان مش عجبكم هتقطع نفسها عشانكم يعنى ولا ايه

يعنى تبقي قاعد فى بيتك وتعمل شهادة ميلاد وتخلص كل اجراءاتك وانت فى بيتك تحت البانكة اللى هى المروحة يعنى

وكمان مش عجبكم والله انتوا ظلمتوهم

بجد مصر تطورت جدا جدا

[muslim4ever]

السلام عليكم

واحب ازيد على الاخ عصام انك بتدفع فاتورة الكهرباء والتليفون وتصاريح السفر وطلب الحصول على اراضى ودفع المقدمات وفية اشياء كثيرة تدل على تطور فى الفكر والعقليات بس السؤال هنا هل كل المصريون مستفيدين من الخدمات دى !!! مفيش توعية ولا ارشاد للناس ده غير ان هذة الخدمات لا تخدم الا فئات معينة وشرائح محددة من المجتمع ودة فى حد ذاته مؤشر طيب ولكن الغالبية العظمى من اهلنا ملهمش علاقة بالمواضيع دى لاسباب كثيرة . علشان كدة الناس بتتهم الحكومة انها حكومة الاغنياء فقط.ولكن ارى ان هذة الخطوة ستحد كثيراً من الرشاوى والاكراميات الى انتشرت بشكل سرطانى فى المصالح الحكومية .

[badroora]

هو ممكن الكل يستفيد لو الحكومة غيرت طريقة استلام الرواتب كاش للموظفين

بمعنى لو كل مواطن بقي يستلم مرتبه عن طريق البنك بال ATM CARD or visa card

هتبقي كدا الناس كلها مستفيدة من الخاصية دى وبدل مايروح يوقف فى طابور طويل عريض هيرتاح ويدفع من وهو فى البيت

وبجد نفسي بلدنا تعمل كل زى باقي الدول

وتبطل موضوع المرتبات الكاش دي لكل المواطنين

تم تعديل 1 أكتوبر 2007 بواسطة نجفة المغرورة

[رمضان]

يعني من كتر الفلوس قوي هيحولوها على البنك

يعني عوزاهم يحولوا 100 جنيه و150 جنيه على البنك طب ازاي واي بنك اللي هيقبل كده

والنبي يا بدرية بلاش

[badroora]

يعني من كتر الفلوس قوي هيحولوها على البنك

يعني عوزاهم يحولوا 100 جنيه و150 جنيه على البنك طب ازاي واي بنك اللي هيقبل كده

والنبي يا بدرية بلاش

بالعكس ماهو لما البنك يرفض هما يضطروا يزودوا المرتب

واهو بردوا لتحد من النشل والنشالين اللى بيصيدوا الموظفين الغلابة كل اول شهر

لكن لو معاه الاتى ام كار ممكن يروح فى الخباثة :blush2: كدا وحدش شايفة ويقبض المعاش ويروح سالم غانم

وبكدا يبقي ساهمنا فى حل مشكلة النشالين

[رمضان]

يعني من كتر الفلوس قوي هيحولوها على البنك

يعني عوزاهم يحولوا 100 جنيه و150 جنيه على البنك طب ازاي واي بنك اللي هيقبل كده

والنبي يا بدرية بلاش

بالعكس ماهو لما البنك يرفض هما يضطروا يزودوا المرتب

واهو بردوا لتحد من النشل والنشالين اللى بيصيدوا الموظفين الغلابة كل اول شهر

لكن لو معاه الاتى ام كار ممكن يروح فى الخباثة :blush2: كدا وحدش شايفة ويقبض المعاش ويروح سالم غانم

وبكدا يبقي ساهمنا فى حل مشكلة النشالين

من صدجك انتي يا بدرية ده مكنش حد غلب

فيه فئات معينة رواتبهم على البنك بس حتى كارت البنك مالهم تعيس وحتى مفيهوش فيزا يعني مجرد كارت للسحب فقط من نفس البنك

[زعلان]

خدمة الرقم القومي مش شغالة معايا من البوابة لالكترونية هل في مشكلة

تم تعديل 8 أكتوبر 2007 بواسطة زعلان