بيضه لكل مواطن

[تحيا مصر]

مع غلاء اسعار اللحوم الداجنه وبالطبع البيض الذى يعتبر اقل غذاء مفيد والمفروض انه يكون الارخص

اصبح الان فى زياده مستمره نتيجه سياسة البلد مش انفلونزا الطيور كما يدعوا

وان كان لاجل انفلونزا الطيور يبقى البلد ولا الناس اللى بيصطادوا فى الميه العكره

الان اصبحت الاسعار فى تضاعف سريع والضحية المستهلك الذى لايستطجيع الاستغناء عن الضروريات

ايه الحل

[badroora]

والغريب انك تلاقي المرتبات كما هى مش بتزيد مع غلو الاسعار وكأن المسئول مش مصري ولا يعرف متوسط دخل الفرد البسيط اللى حتى هنخلى البيض يعتبر فاكهة ليه لانه مش هيقدر ياكلة الا فى المواسم قولى مثلا اسرة مكونة من 6 اشخاص ودى متوسط عدد اى اسرة حيث اننا نمتاز فى مصر بكبر عدد الاسر وهنقول ان الاسرة حبت تفطر طبعا بيضه مش هتكفي فرد واحد يبقي كل واحد 2 بيضة يبقي 2 بيضة لكل مواطن فى 6 بتساوى 12 شوف بقي فطار بسيط ممكن يكلف شخص قد ايه ومرتبة قد ايه

ويا ريتها جت عالبيض وبس

وادى مقالة من جريدة الاهالى

ارتفاع جديد فى أسعار منتجات الألبان

بقلم إيمان صلاح الدين من جريدة الاهالى

شهدت الأسواق المصرية موجات متعاقبة من ارتفاع أسعار المواد الغذائية فقد ارتفعت أسعار اللحوم الحمراء بنسبة 5% حيث وصل سعر الكيلو جرام من اللحم إلى 35 جنيها، وارتفعت أسعار الأسماك بنسبة 5،20% من أسعارها السابقة وذلك بعد اكتشاف مرض إنفلونزا الطيور وتلا ذلك ارتفاع أسعار الدواجن حيث وصل سعر كيلو الدجاج الأبيض إلى 10 جنيهات وكيلو الدجاج البلدى إلى 14 جنيها نتيجة لقلة المعروض بعد مذبحة الدواجن، كما ارتفعت أسعار البيض حيث يباع بيض الدجاج ب 60 قرشا للبيضة أما بيض البط فقد وصل سعره إلى 160 قرشا.

بالإضافة إلى ارتفاع أسعار الخضراوات والفواكه بشكل ملحوظ حيث وصلت بعض أنواع الخضراوات إلى 10 جنيهات للكيلو مثل البامية والثوم وكذلك سجلت الفواكه أعلى أسعار لها خلال هذا الموسم والسنوات السابقة.

كما شهد قطاع الألبان ومنتجاتها ارتفاعا ملحوظا فى الأسعار حيث ارتفع سعر كيلو اللبن السائل من 75،2 جنيه إلى 3 جنيهات ثم ارتفع مرة أخرى إلى 5.3 جنيه للكيلو فى حين وصل فى بعض المناطق إلى 5،4 جنيه للكيلو، كما ارتفع سعر الجبن الأبيض بمختلف أنواعه حيث ارتفع سعر كيلو الجبن الأبيض من 8 إلى 12 جنيها ثم ارتفع مرة أخرى ليصل إلى 14 جنيها للكيلو فى حين وصلت أسعار بعض أنواع الجبن الأبيض إلى 20 و22 جنيها للكيلو.

كما ارتفعت أسعار الجبن الرومى فى المتوسط من 17 إلى 24 جنيها للكيلو ثم ارتفعت مرة أخرى حتى وصلت إلى 26 جنيها للكيلو فى حين تباع بعض أنواع الجبن الرومى ب 35 جنيها للكيلو أى بسعر اللحم الأحمر.

وكذلك ارتفع سعر الجبن الشيدر من 16 إلى 23 جنيها للكيلو ثم وصل أخيرا إلى 26 جنيها للكيلو كما تباع بعض أنواع الجبن الشيدر ب 34 جنيها للكيلو.

أما بالنسبة للجبنة النستو فقد ارتفع سعره أكثر من مرة فقد كانت تباع العلبة ب 175 قرشا حتى وقت قريب ثم ارتفع سعرها إلى 75،2 جنيه للعلبة وارتفع مرة ثالثة ليصل سعرها فى المتوسط إلى 75،3 جنيه للعلبة.

وزادت أسعار الجبن المطبوخ حيث كانت تباع الكرتونة منه والتى تحتوى على 20 كيلو جراما ب 300 جنيه أى ب 15 جنيها للكيلو ثم ارتفع سعرها إلى 470 جنيها للكرتونة أى 5.23 للكيلو فى حين وصل سعرها حاليا إلى 600 جنيه للكرتونة بواقع 30 جنيها للكيلو.

كما أثر ارتفاع أسعار الألبان بشكل عام على أسعار الألبان المعلبة المبسترة وغيرها من منتجات الألبان المعلبة والتى سجلت جميعها ارتفاعا فى أسعارها وصل إلى ثلث قيمتها تقريبا.

ويذهب منتجو وتجار الألبان إلى أن السبب وراء الارتفاع المتكرر والمتتالى لأسعار الألبان إنما يعود لارتفاع أسعار العلف الحيواني، كما أنه من المتوقع استمرار الارتفاع فى أسعار منتجات الألبان مع ارتفاع درجات الحرارة لقلة الإنتاج الحيوانى بشكل عام خلال فصل الصيف ومن الجدير بالذكر أن صناعات الألبان فى مصر تقدر بحوالى 40 مليار جنيه.

منقول من جريدة الاهالى

الاهالى

يعنى المفروض السادة المسؤولين يحسوا شوية بالشعب ويدعموا كل حاجة وخصوصا الاكل والشرب دى ايبسط شيء ممكن يقدموه للشعب اللى هيطق منهم .

بالطريقة دى هنلاقي الناس بقت عندهم انيميا وسوء تغذية لانها هتكون غير قادرة على تناول اكل صحي متوازن وبالتالى هتاثر على البلد اقتصاديا باثر رجعى

الناس لما يجلها سوء تغذية

ادائها فى العمل هيقل يبقي كدا الانتاج تاثر

الناس هتمرض يبقي كدا العبيء على وزارة الصحة هيزيد وهيكلف الدولة مليارات للعلاج

غير ان مستوى كل شيء هيقل يبقي كل اللى اتعمل انهم بغلوا الاسعار خسروا اكتر من اللى هيكسبوه من وراء ارتفاع الاسعار

فياريت السادة المسئولين ينتبهوه شوية ويراعى متوسط دخل الفرد البسيط قبل التسرع بزيادة اى سلعة

بجد ربنا يستر وعمار يا مصر يام الدنيا والخير بس للاسف مسروقة ومش عارفين كل دا لصالح مين .

تم تعديل 11 يوليو 2007 بواسطة نجفة المغرورة

[تحيا مصر]

اختى الفاضله ايمان صلاح الدين

اتمنى من الله ان يرجع ايام صلاح الدين الايوبى لاننا فى حاجه ماسة اليه الان كلنا فى حاجه للعدل , للطمأنينه , للثقه فى قدرتتنا كشعب على التغيير

لا يغير الله ما بقوم حتى يغيروا ما بأنفسهم.....

ولكن الموضوع شكله زى حلقات السلسلة متشابكة ومرتبطه ببعضها

تيجى تسألى هو ليه السلعه ديه غليت يقوللك الدولار غلى على اساس انه البلد ومستقبلها فى ايد الدولار

وبعد كده تلاقى سعر العلف غالى بالتالى سعر اللحوم هيغلى وبالتالى الالبان تم الجلود ثم البيض ثم الدجاج وندخل فى حلقه مفرغه البيضه ولا الفرخه

وفى الاخر تلاقى انها لعبه دنيئه من المسئولين عشان الاسعار تزيد من غير ما تحس

تلاقى البنزين غالى وبالتالى الاجره هتزيد وانتى عصب عنك وعفوا فى اللفظ الجزمه تبقى فى فمنا ومنتكلمش ونرضى بالامر الواقع المفروض علينا

ه9ى لعبه والحكومه عاملاها صح الغلاء ما يجيش مره واحده ولا فى سلعة معينه ولكن ييجى فى السلع الاقل والدايره تدور على باقى السلع واحنا لاحول لنا ولا قوه ولا لسان

عشان نقول لا وبصراحه انا اعتقد ان احنا نستاهل لاننا ساكتين وراضيين عشان نعيش العيشه المهينة ديه

[badroora]

ايمان صلاح الدين مش انا دى اللى كاتبة المقال فى جريدة الاهالى .

[تحيا مصر]

انا اسف عن اللبس اللى حصل الغير مقصود

ولكن ده ما يمنعش انى اتمنى ان عهد صلاح الدين الايوبى يرجع لاننا محتاجينه جدا

[inas]

نسيتي يا نجفه سعر الدقيق كمان ارتفع وبالتالي ثمن الرغيف ارتفع سواء بلدي او فينو

انا مش عارفه بصراحه معادله صعبه جدا

الطفل صحيا يجب ان يأكل بيضه على الاقل في اليوم

لو عائله مكونه على الاقل من 4 افراد مرتبهم يتراوح من 300 الى 500 جنيه في الشهر ودا لطبقة الموظفين و المدرسين وغيرهم

لو كل عيل اكل بيضه في اليوم بلاش الاب والام يعني يحتاجوا 360 جنيه بس عشان ياكلوا بيض

دا حاف منغير عيش !!!!!!!!!!!!!!!!!!!!!!!!!!!!!!!!!!!!!!!!!!!

لا قلنا عشا ولا غدا

طيب مفيش كباية لبن للطفل دا

ومش عايزين الناس تسرق ولا ترتشي ولا يدوا دروس خصوصيه

طيب الناس تعمل ايه

الف حمد وشكر ليك يارب

[تحيا مصر]

طبعا انا لو حسبناها بالمنطق ده هتكون الحسبه غلط

ولكن احنا نسينا ان ممكن ياكل النهارده بيض وبكره ياكل العيش حاف

وطبعا الاب بيخرج من بيته قدى الزريبه وانا اسف فى اللفظ ويروح الحقل او الشغل بتاعه ويرجع اخر اليوم مهدووود

مش فاضى لاى شىء غير النوم

لا يجلس مع اولاده ولا مع زوجته عشان يتناقشوا فى امور الحياه ولا حاجه

وبالتالى الزوجه تزهق من هذا الوضع وتنشأ خلافات لا الزوج ولا الزوجه لهم دخل فيها ولكن ظروف البلد هى الاساس ويا ريت حد يراعى

وتبدأ الحلقه فى الزياه الى ان تشمل باقى الاسره من عذاب وتشريد الا من رحم ربك