انقذوا حياة اختى من الموت

[khatabmohammed]

أختي/ نيفين خطاب ابراهيم من قرية الجنينة منية النصر دقهلية 21 عام أصيبت بجلطة فقدت على أثرها الجنين مرتين وكانت فى عداد الموتى وتم عزلها بالفعل فى غرفة العزل بمستشفى السلام الدولى بالمنصورة ولكن ارادة الله تدخلت لتعيش ولكنها الأن مشلولة يد ورجل بسبب الجلطة وبعد التحاليل والفحوصات تبين أنها تعانى من روماتيزم بالقلب ويجب عمل حراحة القلب المفتوح فورا وهذا لكلام منذ 6 أشهر والى الأن لم تقوم بإجراء العملية الجراحية ورغم اننا معنا خطاب علاج على نفقة الدولة وحددو لها الأربعاء الماضى للذهاب للمستشفى لعمل الجراحة بعد تأجيل أكثر من عشر مرات وذهبت الى المستشفى ورفضوا ادخالها وكلمت الطبيب المسؤل عن حالتها وهو الدكتور / وائل بمستشفى الدولى بالمنصورة على الموبايل ورد على بأنا العملية ستؤجل الى أخر شهر يوليو 2007 والسبب هو عطل بالمكيف فى غرفة العمليات بالمستشفى وللعلم أن الدكتور وائل هذا هو ابن أخت الدكتور حمدى السيد نقيب الأطباء المحترم وحزنت أن تنتظر حالة مثل هذه بسبب التكيف عطلان والله أحتى هذه تنام جالسة بين زراع المناوب معها ليلا ولا تستطيع النوم مثل أى شخص عادى .

لذا أهيب بالدكتور حمدى السيد نقيب الأطباء والدكتور وائل بمستشفى الدولى بالمنصورة بعمل الجراحة لأختى المسكينة المريضة وربنا يشفيها ويشفى كل مريض مسلم.ولو لم يكن هناك فرصة بهذه المستشفى أرجو نقلهخا الى معهد ناصر لأمراض القلب.

اخو المريضة

محمد خطاب ابراهيم

[badroora]

الاخ العزيز محمد الف الف سلامة على اخت حضرتك

اخى العزيز لدى بعض الاسئلة قد تكون خارج الهدف من الموضوع

اى عملية هتتعمل لمريضة عندها روماتيزم للقلب ؟

لازم تفهم كويس من الدكتور علاج روماتيزم القلب مش بالجراحة

ممكن تسال الاول الهدف من العملية ايه هل الروماتيزوم كان عندها من زمان ولن تعالج وبالتالى اثر عالصمامات وهتتغير ولا ايه بالظبط .

ثانيا عمل جراحة فى الحالة دى مخاطرة اختك شفاها الله باذنه لسها عندها اثار جلطة فى المخ كما تفضلت وذكرت يبقي من الافضل او العرف السايد ان محدش بيعمل عملية ويخدر مريض وهو اساسا عنده جلطة فى المخ لا اذا كانت طارئة وهيبقي لها احتياطات قوية جدا وروماتيزوم القلب لا يعتبر من الحالات الطارئة .

الرجاء اخى الفاضل مناقشة حالة اختك جيدا وسؤال لماذا الجراحة ولعل التاخير دا منحة من الله وخير .

انا بس حبيت اوضحلك النقطة دى

نرجع لموضوعك الاصلي

ربنا يكرمها يا رب ويستجيب لدعائك ودعائنا لها .

ملحوظة

ايه اخبار الاخ العزيز اللى هو كان فى السعودية وعمل حادثثة واخبار اسرته ايه يا رب يكون بخير هو واسرته .

تمنياتى لها

بالشفاء العاجل ان شاء الله

نجفة

[mesryforever]

الأخت العزيزة " نجفة المغرورة "

مع إحترامي لكل كلامك لأنه أعتقد إنه سليم - بس المشكلة إن إحنا عندنا الدكاترة في مصر منزلين بمعني إن الدكتور فاكر نفسه حاجه كبيره قوي والناس المرضى دي ولا حاجه بالنسبه لهم يعني متعرفيش تخدي معاهم حق ولا باطل ده كلام أنا جربته بنفسي مع والدتي شفاها الله وعافاه

في الإجازة اللي فاتت نزلت لأن الوالده ربنا يديها الصحه وطولة العمر كانت مريضه بمرض ما بعيد عن السامعين المهم أن الدكاتره عندنا عباقرة علشان كده لازم يكلموا الواحد من " منخيرهم" معلش على اللفظ ده - وده ليه لأنهم ما خدوش في كلية الطب منهج كيفية التعامل مع أهل المريض أو الناس عموماً بكل ذوق وإحترام والمفروض يقدروا إن أهل المريض عاوزين يطمنوا عليه واللي فيهم إبن ناس شويه بعد فترة يتعدي من الدكتارة التانيين إللي بيبصوا للناس على أنهم أقل منهم -

المفروض يجيوا يشوفوا تعامل الدكتور المتواجد في دول الخليج بيعامل الناس إزاي والمريض بيطمن له ويقول له على كل أوجاعه - طبعاً أنا عارف إنك هتقولي إن الدكتور في الخليج بيخاف إن حد يشتكي عليه ويفنشوه ده أكيد بس في نفس الوقت مع مرور الوقت الدكتور دي بتبقى المسألة عادية إنه يتكلم مع أهل المريض بكل ذوق

بعد كل ده الدكاترة في مصر عاوزين إعادة تأهيل في مسألة التعامل مع المريض وأهله

آسف على الإطاله يا أخت " نجفه " ودائما منوره المنتدى

ودعواتنا بالشفاء العاجل للسيده / نيفين خطاب ابراهيم

[badroora]

ربنا يشفي والدتك يا رب ويديها الصحة

طبعا انا معاكى تماما ان اهل

المريض من حقهم انهم يتناقشوا ويعرفوا كل حاجة تخص المريض ومن حق الدكتور انه يجاوب على كل تساؤولات اهل المرضي و انا اتفق تماما معك في دا

ولكن فى كذا حاجة احب اوضحها وليس كدفاع

بصي يا عزيزتى اولا تعتمد على الظروف بمعنى ممكن يكون الدكتور مشغول جدا وفيه مرضي تانين وفى الحالة دى بيكون كلامة قليل يعنى بيقول المفيد دون الخوض فى نقاش عشان باقي المرضي

او حاجة تانية ودى كتيرة اوى تلاقي مثلا المريض ومعاه 4 اشخاص مثلا كلهم يسالوا نفس الاسئلة ويعيدوا ويزيدوا فى الحالة دى هو بيكلم واحد او المقربين وعادة بيكون الزوج او الابن لكن الباقي مش مطلوب انه يكلمهم

والحاجة الاهم ان مش كل الدكاترة كدا لان فى دكاترة محترمين جدا وبالهم طويل ويعيدوا ويزيدوا عشان مصلحة المريض

انا مكانك لو حد عمل معايا زى اللى حصل معاكى هازعل وهتضايق لانى بصيت للموقف وبس ولكن الجمع ظلم لاننا مش بنتعامل مع شخص واحد ويمثل الجميع

انا اشتغلت مع ناس كتير دكاترة فى مختلف مستوياتهم ومرت علينا ناس بتشتكى مننا ومنهم ولكن لما الامور بتوضح ويعرفوا الخلفيات بيعزرونا ومش بيزعلوا

انا الدكاترة اللى قبلتهم فى مصر مش فرقوا عن اللى فى الخليج من ناحية التعامل مع المريض واهلة لانها بتعتمد على مبدا الشخص نفسة ومهارة او فن التخاطب مع الناس مش المكان او الخوف من التفنيش

ولعلمك من انجح الدكاترة واشهرهم فى مصر والخليج هما المصريين يليهم الهنود

ودى حقيقة

والف الف سلامة على الولدة

نجفة .

[mesryforever]

أشكرك يا أخت " نجفه "

أولا أنا راجل مش ست

ثانيا :

طبعاً كلامك يا أخت نجفه صحيح مائة في المائة بس إحنا بينقصنا فن التعامل مع الآخر وده المفروض يتم تدريسه في خلال سنوات الجامعه لأن المفروض أن التعامل مع الاخر هو فن في حد ذاته يضمن للدكتور الإحترام والحب من قبل المريض والثاني يضمن للمريض راحة نفسيه لأن العلاح يبدأ بالفعل من كيفية تعامل الدكتور مع المريض - على فكرة أنا مش من المهاجمين للدكاترة ولا حاجه بس أنا كنت بأحكي موضوع حصلي لما كنت عاوز أعرف إيه طبيعة مرض الوالده وأنا عرف إن مش كلهم بس نقول أكتريتهم بكل صراحة مع العلم بأن هذه المستشفى مشهوره وكبيره بس في هذا الوقت مكنش عندهم أي شغل

ومع ذلك أنا إتعاملت مع دكتوره في غاية الأخلاق والذوق كانت تبتسم في وجه المريض وتحاول تطمنه وتطمن أهله بكل أدب وإحترام

وأنا عارف أن الدكتور المصري طبعا هو أحسن دكتور بس ينقصه أشياء كتير مهمه هي ممكن تكون صغيره بس لها أهمية كبيرة جداً .

[khatabmohammed]

الاخ العزيز محمد الف الف سلامة على اخت حضرتك

اخى العزيز لدى بعض الاسئلة قد تكون خارج الهدف من الموضوع

اى عملية هتتعمل لمريضة عندها روماتيزم للقلب ؟

لازم تفهم كويس من الدكتور علاج روماتيزم القلب مش بالجراحة

ممكن تسال الاول الهدف من العملية ايه هل الروماتيزوم كان عندها من زمان ولن تعالج وبالتالى اثر عالصمامات وهتتغير ولا ايه بالظبط .

ثانيا عمل جراحة فى الحالة دى مخاطرة اختك شفاها الله باذنه لسها عندها اثار جلطة فى المخ كما تفضلت وذكرت يبقي من الافضل او العرف السايد ان محدش بيعمل عملية ويخدر مريض وهو اساسا عنده جلطة فى المخ لا اذا كانت طارئة وهيبقي لها احتياطات قوية جدا وروماتيزوم القلب لا يعتبر من الحالات الطارئة .

الرجاء اخى الفاضل مناقشة حالة اختك جيدا وسؤال لماذا الجراحة ولعل التاخير دا منحة من الله وخير .

انا بس حبيت اوضحلك النقطة دى

نرجع لموضوعك الاصلي

ربنا يكرمها يا رب ويستجيب لدعائك ودعائنا لها .

ملحوظة

ايه اخبار الاخ العزيز اللى هو كان فى السعودية وعمل حادثثة واخبار اسرته ايه يا رب يكون بخير هو واسرته .

تمنياتى لها

بالشفاء العاجل ان شاء الله

نجفة

لأخت نجفة المغرورة ......

أولا والحمد لله الأخ صاحب الحادثة الأخ أبو حمادة الحمد لله الأن بخير وهو جليس السرير المتحرك ولكن الحمد لله أنه وسط أولاده وأهل الخير الحين عرفوا المنزل وكل من يقدره ربنا على حاجه يذهب اليهم فى المنزل ولكن أنا قصرت معهم وذلك لأنشغالى والله العظيم ببعض المور الشخصية والتى منها موضوع أختى وسفر أسرتى وأجهز الأن للسفر الى مصر من أجل حل موضوع أختى هذا وربنا يقدم الى فيه الخير والسبب الرئيس هو ذلك الموضوع . على فكرة ولاد أبو حماده صاحب الحادثة نجحوا والحمدلله وأنا متابع أخبارهم من أختى بس ليس مثل أول وحمدا لله على سلامته . ولكن من الواضح أن لديك خبرة فى المجال الطبى وفعلا ماقلتيه صحيح 100% كان هناك روماتيزم من الصغر ولم نعرف به ومات الطفل الأول فى بطنها ونزلته بالصدفه ولم تبحث عن السبب ولكن فى هذه المرة حدث ماحدث من جلطة وتسمم حمل وإكتشاف ثأثر الصمامات والتى أقر الطبيب يجب عمل الجراحة ولكن سرعة الترسيب كانت السبب الرئيسى فى التأجيل ولكن النسبة كانت ثابتة على مدار 6 شهور رغم الأدوية والعلاج خلال هذه الفتر وفعلا أنا موش فاهم حاجة وان شاء لما أنزل مصر ممكن أعرف ماهو الموضوع بالضبط لأنى لى 4 سنوات لم أرى مصر وفعلا وحشتنى قوى رغم مانراه وما نسمعه من القادمين والتليفزيون ربنا مايورى أى أحد الا كل خير وشكر ياستى عل اهتمامك .