كمبيوتر لكل مواطن

[ابو حلاوه]

اعتقد لو ان كلامك صح يبقي الموضوع ما فيش منه فايده

ازاي يمنع استيراد مكونات الكمبيوتر و هل يستطيع بهجت ان يغطي احتياجات مصر باكملها

و سلملي علي الجات

[felfel]

هذه الكلمة المستحدثة ظهرت بعد أن علمنا إلى أن هناك نية لحظر استيراد مكونات الكومبيوتر لحماية المنتج الوطنى البهيج المبههجج الذي ربما يتم تصديره إلى بهجاتيا العظمى (مع الاعتذار لفنان الكاريكاتير بهجت)

الكلام دة قديم شوية وكل شركات الكومبيوتر فى مصر اعترضت على هذا الكلام وتم تغيرة ويمكن للأى شركة أن تساهم فى هذا المشروع الذى تفعيلة اليوم الكلام دة موجود فى الأهرام بس مع الأسف موش لاقى المقال فى الموقع الألكترونى

لكن الفكرة ببساطة ان يقوم بنك مصر بالتمويل -يدفع لشركات الكومبيوتر-ويتم التقسيط على فاتورة التليفون بواقع 100 جنية فى الشهر

التجربة تبدأ فى 4 محافظات القاهرة وأسيوط وموش فاكر الباقى

[wahed_masry]

أفلحوا إن صدقوا

أنا فقط كنت استفسر عن البهججة

[الطفشان]

نقطة احب ان انبه عليها و هي انه خلال السنة الماضية اسعار اشتراك الانترنت في مصر بدرجة ملحوظة

اصبح لا يوجد اشتراك مع مزود الخدمة

و اصبح سعر الدقيقة هو نفس سعر دقيقة المكالمة العادية

و هذا في نظري شئ جيد جدا حيث يخفض تكلفة الانترنت بدرجة كبيرة

[Cleo]

أخى العزيز أبو حلاوة...

هل فكرت في عمل موقع عن هذا الموضوع 

لقد أرسلت مداخلة من قبل فى باب عالم الأنترنت و الكمبيوتر أسأل عن أى موقع يمكننى من عمل homepage على ألا يكون geocities بس محدش سأل فيا..... :?

و على العموم انت عنك حق فى كل ما ذكرته...... عشان تبحث عن تاريخ شخصية أو موضوع رسالة أو غيره فى المواقع العربية هو درب من المستحيلات....

أما مواقع التشات و البريد و الألكترونى و المزيكا و المهيصة..... فزورونا تجدوا ما "يضركم" ....... :?

[وسام]

منع استيراد مكونات الكمبيوتر لتشجيع الصناعة الوطنية او لل ( بهججة) فرقعة فى الهواء مالهاش معنى

لاننا لا نملك البنية التحتية لتصنيع المكونات اللهم الا التجميع ساعتها يبقى كلام تانى

هل نحن قادرين على صنع هارد درايف !!!! ذاكرة !!!! الخ

انا جالى صداع

فكرتونى صحيح

احنا بتوع الاستيكة :D

[ابو حلاوه]

الأوسط للبريد الإلكتروني المجاني هوتميل على موقع إم.إس.إن. وينافس الموقع بوابات عالمية مثل ياهو في ما يتعلق بالمضمون والتكنولوجيا.

وتأمل مصر أن تصبح مركزا إقليميا لتكنولوجيا المعلومات من خلال جذب استثمارات لمشروع "القرى الذكية" وهي مناطق خاصة ذات بنية أساسية تسهل عمل شركات التكنولوجيا الحديثة ومدارس تعليم الكمبيوتر.

ويقول بشارة إن في مصر الآن ما بين 500 ألف و600 ألف مستخدم للإنترنت منهم 10% مشتركون في الخدمة. وأشار إلى أن ما يعيق استخدام الشبكة الآن في الأساس هو التكلفة، لكن اللغة وتقديم الخدمة وعوامل أخرى تؤثر كذلك على عدد المستخدمين.

http://aljazeera.net/science_tech/2001/6/6-12-1.htm

بدون تعليق

[felfel]

ويقول بشارة إن في مصر الآن ما بين 500 ألف و600 ألف مستخدم للإنترنت منهم 10% مشتركون في الخدمة

ياأخونا ألكلام دة قديم ييجى ستة والنهاردة لايوجدشىء فى مصر اسمة "Internet subscriper" فية فقط " Internet user" ويمكن للأى مواطن فى أى

محافظة من محافظات مصر استخدام ارقام مثل

07770777-link.net بتاعة ساويرس وخالد بشارة

0777777 الشركة المصرية للأتصالات ( Egypt telecom)

07770555 Nile Online د. هشام الشريف X-IDSC

Internet Egypt 07775000بتاعة عم أحمد بهجت

07775757 دى بأة تأليعة جديدة فهذا الرقم دخلة بيروح تبرعات لجمعية أصدقاء معهد الأورام اللى أرفونا بية

طبعا فى أرقام تانية كتيرة أوى , بس دول أهم الأرقام

بعد تطبيق الأنترنت المجانى , زاد عدد المستخدمين الأنترنت ليصل الى ما بين 1-1.5 مليون ( هذه الألرقام من واقع السوق المصرى وليس تقرير رسمى ) هذا الرقم يشمل الشركات والمؤسسات الحكومية

مشروع الكومبيوتر الذى نحن فى صددة هى أحد الأفكار اللتى جاء بها د/أحمد نظيف لتصحيح خطىء جسيم وقعت فية الوزارة حينما تم تطبيق سياسة الأنترنت للجميع -توجة سياسى - وكان من المتوقع أن يرتفع عدد المستخدمين الى 5 مليون خلال سنة ولكن هذا لم يحدث للأن المشكلة موش اشتراك الأنترنت الموشكلة فى وجود الحاسب للدخول الى الأنترنت

علشان كدة جائو بهذا المشروع لزيادة عدد المستخدمين

رأيت ردود الأخوة على مداخلتى و اريد أن أؤكد ان باتكلم عن واقع اراة بعينى كل يوم

أتل لست معارض للمشروع غلى العكس تماما فهى خطوة بالتأكيد الى الأمام ولكن هذة الخطوة دون أن يتبعها برامج مدروسة للثقافة وللتعليم فإن نتيجة المشروع الحتمية ستكون زيادة زوار المواقع الأباحية والدردشة الهايفة

أخيرا , مايخص مسالة الhosting أذا اراد أحد الأخوة أى أستشارة أو خدمة فرجاء أرسال Private message لى وسأحاول المساعدة على قدر المستطاع فأنا متخصص فى هذا المجال

[ابو حلاوه]

يا ريت يا فلفل تقولنا عن برنامج سهل و لانشاء المواقع

فيه برامج كتير لكن المشكله ان اكواد ال اتش دي ال ام مش سهله خالص

و فيه مشكله كمان ان انشاء موقع بالعربي بويندوز مش عربي مش موضوع هين عندك حل

[ابو حلاوه]

يا اخ فلفل الموضوع عرض قبل الطلب خللي وزاره التعليم تعمل موقع محترم لنماذج الامتحانات كده بس

او خلي اساتذه كليه تجاره او اداب او حقوق يعني كليه من الكليات اللي فيه اعداد كبيره ينزل محاضراته علي الانترنت و هتشوف ازاي استخدام الانترنت ممكن يتغير

[wafdy]

اود اولا وقبل كل شئ ان اتمني للجميع صوما مقبول باذن الله ونحن في ايام عطره مباركه اما عن الثقافه التقنيه واستخدام الحواسب الاليه فقد قدمت الشركه المصريه للاتصالات مشروع الكمبيوتر لكل بيت وهو برنامج يشمل الصيانه والجوده والتقسيط المريح ايضا 100 جنيه علي الاكثر لاي احد والحقيقه انا اشعر بان التخلف العميق بالبحث العلمي جعل الحكومه تعمل علي انتشار التقنيه بسعر ذهيد خاصه ان ذللك يلائم صوره مصر خارجيا كدوله تعمل علي تحقيق الديموقراطيه وحقوق الانسان وكذلك مما يدعم النجاح للاعلام ايضا صاحب الفضل الاول في رجوع حنان ترك للتمثيل مره اخري يعني ان اتشار المعلومات وما هو دعائي واستهلاكي وسياسي ايضا لا يعني استيعاب شريحه كبيره من المصريين لهذا القدر من الداتا الاعلاميه والتكنولوجيه والسياسيه فكلنا لا يعرف مصير بغداد ولا القدس ومن اجل ذلك فان تحليل لفئات المستخدمين للقنيه يتجه لانشطه لا علاقه لها بالتفكير العلمي ولا غيره الذي لم يكن في نيه احد وللاسف النتيجه انحراف للمجتمع عن مساره في ظواهر اجتماعيه من التغيير المستمر لثقافه الشعب والعيب هنا لابد ان يكون في التحلل الاجتماعي لنا فنحن نكاد ان نطواءئ علي انفسنا لنسير جمعيا في جهل سياسي مميت

[felfel]

يا ريت يا فلفل تقولنا عن برنامج سهل و لانشاء المواقع 

فيه برامج كتير لكن المشكله ان اكواد ال اتش دي ال ام مش سهله خالص 

و فيه مشكله كمان ان انشاء موقع بالعربي بويندوز مش عربي مش موضوع هين عندك حل

مافيش أسهل نت ال MS front page وهى لاتحتاج أى معرفة سابقة بالHTML أستخدامها أشبة بالWORD ومسالة الupload to the server بسيطة لو أن الserver بيدعم مايعرف بى “front page extension" أما مسالة العربى فأن اwindows الجديدة زىXP & 2000 is multilingual والعربى بيجى فيها

يا اخ فلفل الموضوع عرض قبل الطلب خللي وزاره التعليم تعمل موقع محترم لنماذج الامتحانات كده بس 

او خلي اساتذه كليه تجاره او اداب او حقوق يعني كليه من الكليات اللي فيه اعداد كبيره ينزل محاضراته علي الانترنت و هتشوف ازاي استخدام الانترنت ممكن يتغير

ما تقولة فى غاية الأهمية وهو يصب فى نفس المعنى الذى أعنية فخلق محتوى جذاب للطلبة هو البداية ولكن المجهود المبذول على المستوى العام يعتبر تسبيا ضعيف

تصفح هذا الموقع

http://www.sol.net.eg

[ابو حلاوه]

http://www.alwafd.org/docs/details.php?new...date=2002-11-22

مشروع وزاره التعليم معقول جدا عن مشروع وزاره الاتصالات

65جنيه في الشهر و الكمبيوتر من غير فوائد وسعر الجهاز 2800جنيه

كده المساله فيها امل

الموقع بتاعك يا فلفل خطوه مش بطاله ابدا

[felfel]

تعاقد‏1000‏ مواطن علي كمبيوتر وزارة الاتصالات في اليوم الأول لفتح باب التعاقد من السنترالات التي تم تخصيصها لهذا الغرض‏,‏ وذلك من إجمالي‏4000‏ مواطن بسبب سوء التنظيم لم تسمح لأغلبهم فرصة التعاقد‏.‏ و قد قرر المشروع امكانية تسلم المواطنين الذين قاموا بتسديد مقدمات الكمبيوتر اعتبارا من بعد غد الكمبيوتر من أحد منافذ التوزيع المخصصة لذلك وعددها‏80‏ منفذا علي مستوي الجمهورية‏.‏

http://www.express0555.com/news/arabic/det...ws_type=ArNewsE

هذا الموقع الرسمى لشركة Nile Online

[ابو حلاوه]

البداية تبدو مشجعة

و المطلوب هو حركة تنشيط للجامعات و المدارس علي الخصوص لانشاء مواقع علي الانترنت

هنا في فرنسا الكمبيوترات المستعمله ابتداءا من بنتيوم 133و 233 تباع باسعار زهيده جدا جدا

و معظمها عباره عن شركات كبيرة بتتخلص من اعداد مهوله من الكمبيوترات القديمه و تجدد ما لديها

و هذه الكمبيوترات كافيه للقيام بالاعمال المكتبية المعتاده و تصفح الانترنت

و اعتقد ان في معظم دول العالم الاول تمارس نفس الاسلوب

انا احلم بالحصول علي هذه الكمبيوترات التي لا تكلف شئ و توزيعها علي المدارس و الجامعات في مصر

و كان هناك بعض البرامج من هيئات غير حكوميه لنقل الكمبيوترات القديمه لدو ل العالم الثالث

هل لديكم فكره عن هذا الموضوع و ما رايكم فيه؟

[بهيـــة]

مســـــاء الخير،

طبعـــــــا فكـــرة تدويير الكمبيوترز (بمعنــــي بيعهــا أو التنــــــازل عنهــــــا بأســعار زهيــدة لأخريـــــــن احتياجاتهم أقـــــل أو محــــــدودة )فكــــــــرة جيـــدة جدا، وحســـــــب معلومــاتي أن هذا الموضــــــوع موجود لكن علي نطــاق ضيق في مصــــر .، ولكن بصـــورة حبيـــة....خاصـــة في ملحقات المســـاجد و المستوصفـــات الطبيـــة. فقد بدأت الفــــكرة أصلآ بتدويــــــر الأجهزة الطبيـــة من مستوصف جيد التجهيـــز الي آخـــر أقـــــل قليلآ....وهـــــكذا

ممكــــــن أيضــــا اعتبار الفك و التجميـــــــع و أعـــادة البيـــــع نوع آخـــــر من التدويـــــــر.

و أ جب في هذه النقــــطة مناقشـــــــة بعض النقاط و التســــــــاؤلات بخصـــوص الموضوع العــــام " كمبيوتر لكل مواطن"، و هو حلم جميـــل لنا كلنا:

* موضـــــــوع التدوييــــــــر علي نســـق مستمر و منظم (institutionalised) صعب بالنســبة لمصر، لأن فكــــــرة الاحلال و التجديــــد عندنــــا مش زي أوروبـــا ولا أمريــــكا، و في اعتقـادي مش ضروري أبدا تكون، و نظـــــــرة واحدة للعربيات في شـــــــوارع القـــاهرة أو الأقـــــاليم تشـــهد بذلك.

*تو جـــد العديد من المشــــروعات" التنمويــــــــــة" بين بعض البلآد الأوروبيـــــــة و الافـــريقية بمقتضـــــــاها تتســــلم بعض الجمعيات الأهليــــة بهـــا هذه الكمبيوترات و تستــــــــخدمها ســـــــواء في التعليـــــم أو العمــــــــل. بذلك يضربــــــون عصفورين بحجر واحد: مـــن ناحيه تتخلص البــــلاد الأوروبيـــة من قمــــــــــامة ،تعتبــــــر خطرة، و تحصــــــــل ال دول الفقيـــــــــــرة علي التكنولوجيا مجانا..........

طبعا تبقي مشكلــــة التخلص من هذا النوع الجديد من القمــــامة في الدول الفقيــــــرة ، لكن ده مش موضوعنـــــا دلوقت.

* ليــــــــــه " كمبيـــوتر لكل مواطن "؟؟ أعتقد أن ده مش ضروري قوي....... المفـــــــروض أن يكون تفكيــــــــرنا " أقـــل عدد من الكمبيوترز لخـــــــدمـــة أكبـــــــــر قاعدة "......... يعنـــي في المكتبات ( هم بيقولوا أنهـــا مالية مصر )، في المدارس ، المســــــاجد و الكنائس ( و ده بدأ فعلآ)........ أذا كان استخدام الشخص المتوســــط ستاعتيـــن أو ثلآثـــه، ليـــه يجيب كمبيوتر 24 ســـاعة؟؟

لــــــــي تســــاؤلات أخــــــري ، بس للازم أحضــــــــر الفطــــار... اتفضـــلوا معانا..

[yasser6666]

علي فكرة بالرغم من صعوبة شراء كمبيوتر في مصر لكل فرد الا ان اسعار الاجهزة في مصر تعتبر ارخص كتير بالمقارنة لدول اوروبا وخاصة قطع الغيار مثل الهارد دريف والرام وخلافه.. ولكن تبقي المشكلة وهي انها مازالت غالية جدا بالنسبة لدخول المواطنين

[Cleo]

اسعار الاجهزة في مصر تعتبر ارخص كتير بالمقارنة لدول اوروبا وخاصة قطع الغيار مثل الهارد دريف والرام وخلافه

العام الماضى وقع خلل بالهارد ديسك فى جهازى المنزلى.... فلم أجد فى السوق كله إلا سعة 40 جب .... طب وأنا أعمل إيه ب40 جب فى البيت أنا كفاية عليا أوى 10 أو 20 جب ؟؟!!!!!!!!!

المهم اشتريته و كان ثمنه حوالى 400 جنيه... طيب؟؟؟

بعد تركيبه اكتشفنا أن الخلل لم يكن فى الهارد ديسك القديم.. و إنما فى البروسيسور..... فبحثت عن بروسيسور نفس مواصفات القديم فلم أجد.. و كان سعر البروسيسور الجديد حوالى 800 جنيه.. إنما المشكلة أنى عشان أغير البروسيسور بواحد جديد كان لازم أغير الماذر بورد لأن نوعية البروسيسورز الجديدة لا تتوائم مع نوع الماذر البورد الحالى...!!!!!!!!!!!! و كان سعر الماذر بورد مش عارفة كام...!!!!!!!!

المهم حصلت المعجزة و عن طريق أحد الأصدقاء و هو عفريت فى مسألة الكمبيوترات استطعت الحصول على بروسيسور مستعمل بنفس مواصفات القديم و كان ثمنه 300 جنيه ...!!!!!!!!!!!!!!!!!!

يعنى ديسك و بروسيسور فقط اتكلفوا 700 (ده غير أن أثناء التركيب فيه راماية ضربت و جبت بدالها تمنها 175 جنيه :? :? )

يعنى اللى يشترى كمبيوتر لازم يكون عنده الإمكانية إنه يصرف عليه زى العربية و الموبايل و العيال ....... :? :? :?

غير كده الفكرة مش بس فكرة فلوس.. فكرة أن مفيش وفرة فى الموديلات و السعات المختلفة... يعنى معندكش اختيار انك تجيب حاجة صغيرة أو كبيرة حسب احتياجك.. نظام "معندناش غير هو ده"

:shock: :shock: :shock: :shock:

[ابو حلاوه]

معظم المكونات اللي موجودة في مصر مكونات مستوردة من الصين

و ده في حد ذاته مش مشكله

المشكله ان سعرها مبالغ فيه جدا بالمقارنة باسعار الماركات المحترمه

انا عايز اسال حد متخصص هو سوق الكمبيوتر في مصر فيه احتكار كمان و لا ايه؟

[بهيـــة]

صبــــاح الخير

أشــــــار ياســــر الـــــي نقطة هامة ، و هي مـــا يمثله القســـــط الشهري لشـــراء الكمبيوتر بالنســـــــبة الي ميزانيـــة الأســـرة المصـــرية، هذا طبعـــــــا مع التســــليم أن الأولويــات الأخــــــري مستوفـــاة...........

عنــــــد التفكيــــــر في القســـط ، يبقــــــي معه قيمـــة مكالمات التليفون، غيـــر ما يلزم الكمبيوتـــــر من ديسكـــــات و خلافـــه، نقــــول مثلا 100 جنيـــه كمان ( علي حساب 15 ســاعة في الشــــهر )، كم أســـرة مصريـــة لديها هذا الفائض؟؟

كــــــليو تؤكد هذا الكـــلام بم أوردته عن صعوبـــةشــــــراء و غلاء قطع الغيـــار، و كــــذلك عدم وجـــــــود capacities مختلفــــــة لكـــل حسب أحتياجاته.

كــــل ذلك، بالأضـــافة الي مداخلاتكـــــم تزبد من أقتنـــاعي بضـــــرورة التفكـــــــير في حلول عمليــــــة و مفيـــــــدة للســـــــواد الأعظم........

يعني اللــي مش عايشـــين في المـــدن، و ما عندهمش خطوط تليفــــــون( 90% من خطوط التليفونات في المـــدن )

في اعتقـــادي أنه يصــــح الأتجـــاه للحلليـــن علي التوازي،

الفجــــوة بغد كـــــــــده حيكون أصـــعب و أصعب تجاوزها.