كمبيوتر لكل مواطن

[yasser6666]

عندك حق يا اخت كليوباترا ولكن نفس المشكلة في اوربا ايضا لايمكن تشتري الا الحديث فقط يعني علشان تجدي هارد دريف اقل من عشرين هنا ده مستحيل وهو ده اللي عرفني بالاسعار بين اوربا ومصر ...لاني بابحث عن هارد لاخويا في مصر وشوية اكسسوارات للكمبيوتر بتاعه وفي النهاية قررت الا اشتري اي شئ من الخارج حيث الاسعار ثلاثة اضعاف علي الاقل

HardDrive 20 Gb = euro 250

Ram Chip 128MB = euro 55

اما البرسسور الله اعلم ويبقي خراب بيوت لو قلتلهم يركبوا لك اي حاجة في الجهاز ....بيقولي اركب الرام بخمسين يورو وهي تمنها خمسة وخمسين يورو مع ان الشغلانة تاخد بالضبط عشر دقايق ...افترا ...

[yasser6666]

نسيت اضيف حاجة وهي انك بتقولي لازم تصرفي باستمرار علي جهازك زي العربية والموبايل ... مش معاك !!! اهم حاجة لاتفتحي الجهاز الا للضرورة القصوي وخاصة اذا كان جديد ..واضمن لك انه سيعيش اكتر ولن تصرفي عليه ابدا ...ولكني لاحظت ان اصحابي في مصر بيشتغلوا علي الجهاز وهو مفتوح و اصلا الغطاء مرفوع علشان يبقي مستعد يمد ايده داخل الجهاز في اسرع وقت للتصليح!!!!!!!!!!!!!!!!!!!!!!!!!!!!!!!

فيه حاجة مهمة جدا اسمها E.S.D. وهي التفريغ الكهربي من الجسم للاجهزة الالكترونية وهي مضرة جدا لمجرد اللمس فقط

[ابو حلاوه]

انا مش معاك يا ياسر

120 جيجا بحوالي 150 يورو و اي بي ام كمان ---- بافكر اشتريه----

و انا اشتريت اس دي رام 256 بحوالي 75 يورو

الاسعار ارخص من مصر ده اكيد

[yasser6666]

عزيزي ابو حلاوة الاسعار اللي بقولك عليها حقيقية طبعا لاني سالت عليها بنفسي مش قلت لاي حد يسال بالنيابة عني وعلي العموم الكلام ده في دبلن

(pc world-dublin-Ireland)

مفهوم ان الفرق بيكون صغير جدا عندما تطلب رام 128 او 256 يعني مش ضعف الثمن لانه ضعف السعة مثلا....

المهم ان الاسعار دي مازالت اعلي بكتير من مصر ..حسب كلام اخي في مصر...هل تعتقد ان الرام ال 256 تمنها في مصر اغلي من 375 جنيه لانها كما تقول ب 75 يورو ..مش ممكن طبعا !!!!!!

ياريت ياجماعة حد يدلنا علي الاسعار في مصر

[ابو حلاوه]

يوفر المشروع كمبيوتر ذا كفاءة عالية يسدد ثمنه علي‏49‏ قسطا شهريا كل قسط‏65‏ جنيها باجمالي مبلغ‏3185‏ جنيها يمكن تخفيضه الي‏195‏ جنيها قيمة الأقساط الثلاثة الأخيرة عند الالتزام بالسداد في المواعيد المحددة‏.‏

وقال الوزير أن المشروع يساهم في رفع كفاءة التلاميذ في التعامل مع لغة العصر ويجعل الكمبيوتر جزء أساسي من التعليم والتعلم مشيرا الي أن جميع مدارس مصر بها أجهزة كمبيوتر وأن الوزارة أدخلت مناهج الحاسب الآلي في جميع المراحل التعليمية منذ فترة طويلة‏.‏

http://www.ahram.org.eg/arab/ahram/2002/11...11/28/EGYP1.HTM

[whirlpool]

نظام مايكروسوفت ويندوز هو العقبه الحقيقيه امام المشاريع الحكومية التى تهدف لتوصيل الحاسب للجميع. و ذلك لأن النسخه الواحدة من وندوز XP تضيف 500 جنية لثمن الجهاز. و لا يمكن لهذه المشاريع ان تبيع اجهزه بة نسخ منسوخه بغير حق او بيع اجهزه خالية من نظام التشغيل.

هنا يأتى دور نظام التشغيل الحر المجانى لينكس Linux. قض يندهش البعض من وجود نظم تشغيل للحاسب اخرى غير ويندوز. و الحقيقه ان هناك العديد. اشيعهم استخداما هو لينكس.

لينكس هو نظام تشغيل بدء كتابته من الصفر لينوس تورفالدس فى أوائل التسعينيات ليحاكى نظم اليونكس التى تعمل على الحاسبات الخادمه. لينكس مصدره مفتوح , لذا يشارك لينوس العديد من المبرمجين من ارجاء الدنيا لتطوير النظام. أثبت لينكس جدارته و تفوقه على نظام ويندوز , خاصة فى ثبات النظام و امانه و عدم احتياجه لاجهزه سريعه جدا للعمل.

لينكس يعمل على الحاسبات الخادمه و الـ 486 .

لينكس مجانى اذا اردت نسخه يمكنك تحميلها من على النت أو جعل أحد من مستخدمى لينكس فى مصر ان ينسخ لك نسخه.

لتعرف المزيد من المعلومات :

http://www.linux-egypt.org/article/43

http://www.linux.org

[ابو حلاوه]

ويربول انا باشكرك بشدة علي موضوع اللينوكس... و انا معاك ان الفكرة جيدة..

انا شخصيا لي تجارب مع اللينوكس لقيت ان الموضوع صعب تلات حبات و مش ماشي قوي

و الله يا خوي انا جربت كله ماندراك و رد هات و ديمو لينوكس الخ

لكن بعد كل ده اقدر اقول انه علي بعض المستويات المحدده زي الانترنت و معالجة الكلمات لينوكس جيد جدا لكن كاستعمال شامل و عام زي ما بنستخدمه في البيت الموضوع ملعبك حبتين

لكن

لو كان الهدف استعمال محدد زي الجامعات و مقاهي الانترنت الموضوع يستحق الكثير من التفكير و انا معاك ان فرق السعر يستحق التفكير و ان ال500 جنية احنا اولي بيهم مش بيل جيتس

بس لو شخص عادي ابتدي بلينوكس هيتعقد في حياته و هيكره الكمبيوتر

و لا ايه.؟

[aratux]

اوكى

واحدة واحدة

الحكاية مش مجرد 500 جنيه

الحكاية إن الويندوز الأمن فيه = صفر

الحكاية إن الويندوز الحرية فيه = صفر

الحكاية إن كل حاجة فيه تساوى صفر ما عدا ( الفرفشة)

طيب

حد فكر يشوف البرامج اللى معمولة فى مصر برامج ايه ؟؟ و ايه هية البرمجة اللى الطلبة فى كليات الهندسة و الحاسبات و المعلومات بيتعلموها مع مايكروسوفت ؟؟

برمجة داتابيز (قواعد بيانات) مع أكسس أو غيره

طبعا الداتابيز مهمة جدا, لكن مش هية كل حاجة

فين الأبحاث عن الكلسترنج و أمن البيانات و الأنظمة المدمجة ................ الخ ؟؟

للأسف, مافيش فرصة تتعلم حاجة من دى مع الويندوز, و طول ما احنا عبيد لفكرة اننا نستخدم البرنامج الجاهز اللى عاملاه شركة معينة, و مافيش فرصة إنك تعدل أى حاجة مش عاجباك.

عموما, الموضوع كبير, و محتاج كلام كتير, لكن كفاية نعرف إن معظم الدول المتقدمة قررت الإعتماد على لينكس و التخلى عن الويندوز

ألمانيا و فرنسا و الصين و الهند و معظم دول أمريكا اللاتينية قرروا يعملوا ده.

أنا عن نفسى, بطلت أستخدم ويندوز, و لينكس أسهل بكتير من الويندوز بالنسبة لى.

عموما هاحاول أجمع افكارى و ابعت هنا تانى

بالمناسبة, ده برنامج واحد مصرى عامله للينكس, شوفوه

http://www.linux-egypt.org/article/47

و بالمناسبة, انا كتبت الرد ده من لينكس.

بالنسبة للأخ ابوحلاوة, ممكن تجرب لينكس تانى, التطور فيه سريع جدا, و أكيد شكله دلوقتى أحسن بكتير من آخر مرة جربته فيها

http://promo.kde.org/newsforge/kde-3.1.html

سلام

محمد

[ابو حلاوه]

انا عندي مندراك 9 علي الكمبيوتر و جربت رد هات الاخير . انا مانكرش ان كل مرة فيه تطور و كل اصدار اسهل .. لكن احنا موضوعنا عن كمبيوتر لكل مواطن ... و كل مواطن يعني اللي عنده وقت و صبر و اللي ما عندوش وقت.. و ويندوز اقرب ما يكون للهدف ده ... انا مش عارف امكانية الحصول علي اصدرات قديمة من ويندوز و طرحها علي الكمبيوترات الجديدة باسعار رخيصة.. بالتاكيد ده ممكن يكون حل لتخفيض قيمة الكمبيوتر الكلية

و بالنسبة للينوكس اعتقد انه ممكن يكون حل مثالي للمدارس و الجامعات و ليس للبيوت

و علي فكرة فيه برنامج اسمه اوبين اوفيس ممتاز و ببلاش و بيعمل معظم خصائص الميكروسوفت افيس

[الصاوى]

السلام عليكم ورحمة الله

انا فى الحقيقه قررت منذ عامين تقريبا ان استعمل اللينوكس بدلا من الويندوز

وفعلا قمت بتثبيته على الكمبيوتر ولكنى اضطررت الى العودة الى ويندوز لعدة اسباب :

1. عدم وجود بديل للاوتوكاد او ال SolidWorks

2. عدم وجود عربى

3. عدة برامج هندسية اخرى

[ragab2]

هل

ممكن نستعرض مزايا وعيوب كل برنامج حتى يمكننا الاختيار حسب هذه المقارنة

وللعلم أستعمل ويندوز 98

وليس به عيوب الا البطء والتهنيج فى بعض الأحوال

[Faro]

 وليس به عيوب الا البطء والتهنيج فى بعض الأحوال

128 رام زيادة

[ابو حلاوه]

اكبر مزايا لينوكس علي الاطلاق انه ببلاش... اي و الله ببلااااااااااااش

بالاضافه ان كثير من البرامج الملحقة به مجانية ايضا يعني ان بتشتري ما يوازي ثمن الكمبيوتر كله برامج

الاهم من كده انه open source يعني اصل البرنامج ممكن تاخذه و تغير فيه و تنزله تاني بحسب ما يوافق احتياجاتك مش زي وندوز سر من الاسرار الحربية العظمي

dvd, word processor , و بعض البرامج الهندسية و المتخصصة الاخري

و لكن عيوبة الاساسية

اول ليس كل مكونات الكمبيوتر ممكن التعرف عليها بالبرنامج خاصة كروت الشاشة و غيرها رغم المحاولات المستمره لعمل درايفرز خاصة باللينوكس

2- تثبيت البرنامج عملية معقدة... و خطر... خاصة لو هتنزل البرنامج علي هارد ديسك عليه و يندوز... لان البرنامج يحتاج لتوزيعة خاصة علي الهارد ديسك... و ليس نظامي ويندوزfat 32, nfts

3- اختلف مع الزملاء اللي بيمدحوا ثبات لينوكس ... ربما الاصدارات الخفيفه المتخصصة اكثر ثباتا من ويندوز... لكن الاصدارات الشاملة المنزلية اقل ثباتا خاصة بالمقارن باكس بي

4- البرنامج يحتاج لذاكرة محترمة خاصة لو هتثبت البرنامج بالكامل

5- ادارة البرنامج صعبة خصوصا للي زي حلاتي اللي بيحب يلعب في الكمبيوتر و يحتاج لمعرفة و حفظ اوامر بالهبل .. زي الدوس.. لكن و الحق يقال لو انت مستخدم هادي و مش شعنون الامور ممكن تمشي بسلاسه

بشكل عام لينوكس مش بطال ابدا بالذات للي هيستخدم الكمبيوتر في استخدام محدد من غير لف و لا دوران.. معالجة الكلمات.. انترنت

الخ ولكن مش سهل ابدا لو عايز تعمل حاجات كثيرة زي الاستخدام المنزلي العادي... علشان كدة ان بانصح به للمدارس و الجامعات

[ashraf_hussein]

اولا احب اقول انى مبسوط جدا من الموقع دة او ممكن اقول قهوة الانترنت دى- لان كل واحد بيقول اللى عاوزه فعلا. انا موجود فى القاهرة باشتغل فى شركة نشاطها مصرفى انشأت بعد حرب الخليج و بتمويل من المعونة الامريكية و بالتالى عايش و حاسس بكل المواضيع اللى بتثار فى المنتدى

انا لى تعليق على موضوع الكمبيوتر و هو ان ليه لما فكرة كويسة بتتنفذ بنحاول نشكك فيها و نهدمها - اقصد ان فى 3 مشروعات دلوقت بخصوص توفير حاسب الى زى مشروع كمبيوتر لكل طالب و حاسب لكل تلميذ و كمبيوتر لكل مواطن و كلنا عارفين ان اكيد فى محسوبية هاتظهر و فى ناس هاتحاول تستفيد بطرق غير مشروعة لكن مايكونش دة سبب لوقف او تعطيل المشروع و انا لاحظت ان معظم الردود بتوصل من اخوة موجودين خارج مصر و واضح جدا ان معظمهم خرج بذكريات سيئة كانت سبب تركه للبلد لكن مش عاوز تكوت دة النضارة اللى بنشوف بيها او نحكم على اللى بيحصل فى البلد - انا حاسس انى اتكلمت كتير مرة تانية انا مبسوط بالمشاركة معاكم و ان شاء الله احاول اشارككم على طول فى مناقاشتكم.

[ابو حلاوه]

اهلا بيك يا هاش .. و ارجو ان تستمر معنا بارائك

[kokowawa1979]

ياترى حد عارف مين وكيل الكمبيوتر اللي هايتوزع على كل مواطن ؟؟؟

مش اللي في بالكم

:oops: :cry: :cry:

[ابو حلاوه]

فيه برنامج مجاني مشابة لميكروسوفت اوفيس

اسمة اوبين اوفيس .. بيغطي معظم الوظائف الاساسية لميكروسوفت اوفيس .. الفرق أنه ببلاش اي و الله ببلاش و انا جربتة لمدة عدة اشهر الان و صدقوني و جهة نظري انه اكثر من ممتاز

البرنامج ممكن تنزيل من الموقع ده

www.openoffice.org

[ragab2]

كتب فارو

وليس به عيوب الا البطء والتهنيج فى بعض الأحوال

128 رام زيادة

ياعم فارو

المشكلة ان عندى رامات 128

والهارد ديسك 20

تحياتى

[ابو حلاوه]

حاول تعمل ديفراجمينتاشون من وقت لاخر

و علي فكرة لو عندك برامج كتيرة و الهارد ديسك مليان من الافضل انك تزود 128 رام زيادة

[Faro]

 

ياعم فارو

المشكلة ان عندى رامات 128  

والهارد ديسك 20  

تحياتى

256 رام أصبحت ستاندر

أذا كان الهارد ديسك مليئ بملفات شخصية فمن الأفضل تخزينها على أقراص سي دي روم ... أو إتبع نصيحة الأخ أبو حلاوة ... أو شراء هارد ديسك ذو سعة أكبر.