استفسار في الجمارك

[محاور مصرى]

السلام عليكم و رحمة الله و بركاته

انا سمعت ان اللاب توب بقوا بياخدوا عليه جمارك في مصر ...

ممكن حد يفيدنا في الموضوع ده ...او كان نزل مصر و معاه لاب توب ... و بتتحسب الجمارك ازاي عليه ...

معلش اصل انا هنا اول سنة و المصري الوحيد في المكان اللي انا فيه...

و ياسلام بقى لو تقوللنا هم بياخدوا الجمارك ازاي لو حد خد معاه مثلا كاميرا ديجتال , ipod , موبالين جداد ...كده يعني حاجات الكترونية صغيرة كلها...

شكرا...

[mesryforever]

يا جماعه

الموضوع ومافيه إن مفيش حد من سيادة الحكومه قلبها على مصر المهم بس اكبر روؤس في الدولة فقط هم يعشيوا في نظافه والباقي في خرابات دي مش مشكلتهم دي مشكلة الشعب

وأنتم فاكرين حكاية الشركة الفرنسية إللي تعاقدت مع الحكومة المصرية من كم سنه وأخذت مبالغ وهربت بزمتكم دي حكومه - من أهم مقومات الحكومه ا لناجحه هي كيفية إدارة المشكلات بنجاح أما أحنا في مصر عندنا حكومه ماشاء الله من أهم مقوماتها الناجحه فيها وبتفوق هي كيفية ترقيع المشكلات حتى تتفاقهم وبعدين تقول إن الشعب ما بقدرش عمل الحكومه

بمعنى أصح الحكومه دي ليس لها أي دور في المجتمع المصري دورها الأساسي في خدمه رجال الدوله العليا فقط والشعب ياكل بالجزمه القديمه

نرجع تاني لموضوعنا وهو " الزبالة كثروة قومية " فعلا القمامه ثروة قومية بس إزاي نقدر نستفيد منها هو ده مربط الفرس يعني فيها إيه بجملة المصاريف والتهليب لو نبعت أفضل أستاذه من الجامعات المصرية إلى البلاد الأوروبيه ويتعايشوا مع المواطن الأوروبي فتره من الزمن ويشفوا المشكلات هناك بتتحل الزاي ومنها مشكلة الزبالة وكيفية الإستفاده منها كان أكيد الوضع هيبقي مختلف

أو نشوف حد عنده خبره في هذا المجال داخل مصر زي ما أحد الأعضاء بيقول

وبكده نقدر نستفيد من زبالتنا في

1- تشغيل أيدي عاملة يبقى قضينا على (البطالة)

2- رؤس الأموال داخل بلدنا يبقى " فلوسنا عندنا ومخرجتش بره "

3- أكيد ده هينعكس على الوضع الإقتصادي في الدولة من جهه زيادة الدخل

ونبدا من حيث أنتهى الآخرون

[محاور مصرى]

ايه ده ...!!!

النمرة غلط يا masry4ever

[Founder]

السلام عليكم

بمناسبة موضوع الللاب توب اللى بياخدوا علية جمارك دى اشاعات انتا خدة فى شنطة الللاب توب على كتفك وانزل بية محدش يقدر يكلمك لان دة اسمة استعمال شخصى ودة عن تجربة شخصية كتيرة من مرة ولا مرتين يعنى

وبالنسبة لل Ipod او Digital Camera بردة زى ما بقولك شيلها من الكرتونة بتعتها وحطها فى شنطة ايديك وكل دة حيعتبر استخدام شخصى محدش لية كلمة عليك

وتوصل بالسلامة ان شاء الله

تم تعديل 21 يوليو 2007 بواسطة Founder

[se_ Elsyed]

السلام عليكم و رحمة الله و بركاته

انا سمعت ان اللاب توب بقوا بياخدوا عليه جمارك في مصر ...

ممكن حد يفيدنا في الموضوع ده ...او كان نزل مصر و معاه لاب توب ... و بتتحسب الجمارك ازاي عليه ...

معلش اصل انا هنا اول سنة و المصري الوحيد في المكان اللي انا فيه...

و ياسلام بقى لو تقوللنا هم بياخدوا الجمارك ازاي لو حد خد معاه مثلا كاميرا ديجتال , ipod , موبالين جداد ...كده يعني حاجات الكترونية صغيرة كلها...

شكرا...

ولا حاجة من اللي حضرتك قولتها بيتاخد عليها جمارك

انا لسه راجع من مصر اول امبارح

ونزلت كذا مره باللاب توب وماحدش قال حاجه في المطار لكن لو نازل بري ممكن يغلسوا عليك ويدفعوك 200 ج جمرك حتى لو قلت لهم اثبتوه على الجواز لان بتوع المنافذ البرة بيبقوا كفتجيه

بس ما تاخودش 5 لاب توب وتقول ده استعمال شخصي لإن كده فيها جريمة تعاطي

الديجيتال كاميرا والاي بود والهاندي كام برضوا ما عليهمش جمارك

انا ثابت الهاندي كام على جواز سفري بس قلت المره دي اغلس على بتوع المطار وقلت لهم انا معايا كاميرة فيديو وماحدش قال حاجه

اهم شيء بيركزوا عليه في الجمارك هو عدد الاجهزة دي عشان موضوع الاتجار والمكسب

وبعدين التنفيض كله بيبقى على الـ LCD مونيوتور

دي بيجيبوك على جنب وبيتعاملوا معاك وجماركها لا تقل عن 100 ج للبوصة الواحده

آه نسيت اقولك ان الموبيلات ما عليهاش جمارك بس برضوا ما تكترش وتقول دول استعمال شخصي يعني حتتين تلاته وجيب اي حاجه الا النوكيا 95 الجديد لان لسه عندهم حساسية منه

[محاور مصرى]

الاخوة Founder , س س ....

الف الف شكر

انتم لحقتوني قبل مانزل والله ...الحمد لله

ده انا كنت لحد امبارح عمال اسأل البشر . بس للاسف محدش منهم كان مجرب ...

وتوصل بالسلامة ان شاء الله

الله يسلمك يارب .

انا لسه راجع من مصر اول امبارح

حمدا لله على السلامة في ال....ال.... عموما ارجوا انك تكون قضيت اجازة كويسة .

بس ما تاخودش 5 لاب توب وتقول ده استعمال شخصي لإن كده فيها جريمة تعاطي

ماتقلقش عليا خالص من موضوع تعاطي اللاب توبات ده

تم تعديل 21 يوليو 2007 بواسطة معمارجي

[badroora]

الطريقة دى هدية منى ليك بس والله مانا اللى عملتها لانى بخاف على بيريجستجي اوى فى المطار بس اصحابي بيعملوها وعملوها وبيعدوا عادى

موضوع الاب توب الاخوة خلاص حلوهولك

بس بقي لو حبيت تاخد لالابتوبين تلاته او اى حاجة بتتجمرك

شلها من العلبة او وهى بعلبتها ممكن تغطيها بورق المونيوم اللى هو بتاع الاكل دا وفى المطار مش بتبان عااشاشة اثناء عمل اسكان على الشنطة كلها اما بقي لو واحد حرك وهارش الموضوع يبقي هيبفتح الشنطة وهينكشف المستور

:rolleyes: جرب بس على مسءوليتك لو اتمسكت ولو عديت ابقي مش تنساسي بالحلاوة

توصل بالسلامة ويعمى بتوع الجمارك عنك

س س

حمدالله عالسلامة ويا رب تكون قديت اجازة سعيدة

[se_ Elsyed]

الطريقة دى هدية منى ليك بس والله مانا اللى عملتها لانى بخاف على بيريجستجي اوى فى المطار بس اصحابي بيعملوها وعملوها وبيعدوا عادى

موضوع الاب توب الاخوة خلاص حلوهولك

بس بقي لو حبيت تاخد لالابتوبين تلاته او اى حاجة بتتجمرك

شلها من العلبة او وهى بعلبتها ممكن تغطيها بورق المونيوم اللى هو بتاع الاكل دا وفى المطار مش بتبان عااشاشة اثناء عمل اسكان على الشنطة كلها اما بقي لو واحد حرك وهارش الموضوع يبقي هيبفتح الشنطة وهينكشف المستور

:rolleyes: جرب بس على مسءوليتك لو اتمسكت ولو عديت ابقي مش تنساسي بالحلاوة

توصل بالسلامة ويعمى بتوع الجمارك عنك

س س

حمدالله عالسلامة ويا رب تكون قديت اجازة سعيدة

الله يسلمك يا نجفه

بس إنتي كده هاتودي الراجل في طوكر

بقى عايزاه يلف الاب توبات الزيادة في ورق الومنيوم مع قليل من شرائح البصل وحلقات الطماطم وكل ده يتحط في الفرن وبألف هنا وشفا وبكده يبقى عندنا وجبة بنتيوم فور متكاملة ؟

يا نجفة ما فيش إكس راي عندنا في المطار وإنتي راجعه والتفتيش بيتم يدوي وبشكل إنتقائي عشوائي وبالتالي إحتمالية إنه ينكشف بتبقى وارده جداً

[محاور مصرى]

ممكن تغطيها بورق المونيوم اللى هو بتاع الاكل دا وفى المطار مش بتبان عااشاشة اثناء عمل اسكان على الشنطة كلها اما بقي لو واحد حرك وهارش الموضوع يبقي هيبفتح الشنطة وهينكشف المستور

:rolleyes: mfb:

اول مرة اسمع موضوع ورق الاومونيوم ده..

طيب سؤال لو الموضوع اتهرش...ياريت تقوليلي اتصرف ازاي ؟

ولا انا مش هالحق اتصرف اصلا ... ومن دلوقتي اجهز قميص بياقة عالية لزوم ال...... :sad:

عموما شكرا جزيلا يا اخت نجفة و الله يسلمك يارب...

وصدقيني مش هاعدي الحل ده كده بالساهل من غير مابحث فيه ... ممكن ينفع في الحاجات الصغيرة ....

شكرا عالافكار الجديدة ...

يا نجفة ما فيش إكس راي عندنا في المطار وإنتي راجعه والتفتيش بيتم يدوي وبشكل إنتقائي عشوائي وبالتالي إحتمالية إنه ينكشف بتبقى وارده جداً

اييييييه....في مطار في الدنيا مافيهوش اكس راي

يااستاذ س س ياريت تاخد بالك ان انا مش هانزل في مطار القاهرة التعبان ده....

ابسلوتلي .... انا ان شاء الله على مطار النزهة بالاسكندرية ... في فرق كبير بين الاثنين ....

و ماادراك ما هو مطار النزهة ... ياسلام على مطار النزهة و حلاوة مطار النزهة ووجاهة مطار النزهة..

حاجة كده يا استاذ س س قد صالة بيتكوا ان لم تكن اصغر ...

ولو مطار القاهرة مفيهوش اكس راي يبقى اكيد النزهة مفيهوش و لو فيه هاتلاقيهم مش عارفين ده بتاع ايه وممكن يكونوا فاكرينوا ماكرويف لتسخين الاكل و لا حاجة ....

و للسببين دول ممكن نفكر تاني في موضوع ورق الالومنيوم بتاع نجفة...ولو ضبطوا الحاجة المتغلفة ممكن يعرضوا عليا انهم يسخنوها لي في الميكرويف ... قال يعني عشان اديهم نصيبهم من الطبق ورك فرخة مثلا ولا حتى شوية باذنجان مخلل...

اقوم انا بقى عامل فيها عم الفت ومطلع ال 10 ريال اياها و حاططها في جيبه ...هايشبع كده في لحظتها ...ولا يفتح الورق بقى و لا انا البس القميص ابو ياقة اياه ...

عموما اشكركم جزيلا ...ولو حد عنده افكار تانية ... يقولنا ... ;)

تم تعديل 22 يوليو 2007 بواسطة معمارجي

[badroora]

شكلك كدا موضوع ورق الالومنيوم دا شعشعت فى مخك

بس خد بالك مش تاخد تليفزيون بلازما 40 بوصة الكبير الحلو دا اللى تحس وانت بتتفرج على الماتش انك فى حضن اللعيبة

وتلفة بورق فويل وتقولهم دى علبة شكولاته للولاد

خليك فى الخفيف الخفيف الاول لحد ما تطمئن وبعد كدا ان شاالله تنقل الخليج كلة فى مصر

بص بقي بخصوص الموبايل

ممكن تشيل فى جيوبك قيمة 3 اربعه كدا

فى شنطة الاب توب طبعا دى عليها حصانه مش بتتفتش

حبشها بقي ايشي كام كاميرا ديجتال على اي بود على ام بي 3

عينك ظاغت على رسيفير وهو بعلبته لفة بالورق الالومنيوم ودزة فى الشنطة بين الهدوم

يعنى طبقة هدوم وطبقة جهاز طبقة هدوم وطبقة جهاز ومن راى خفف اوى ابقي جيب هدوم من مصر

فى حاجة كمان الايام دى مزنئين اوى عالاوزان خصوصا طيران الخليج والمصري خالى التقيل فى الشنط اليدوية ويكون حجمها صغير

كفاية كدا اصل تكون لجمارك مرئبة المنتدى ويستنوك فى المطار لزوم الاستقبال

:) البي مش مرتاح لسفريتك دى الله يعديها على خير

تم تعديل 23 يوليو 2007 بواسطة نجفة المغرورة

[yasser6666]

لا استني شوية بقي يا استاذ معمارجي

انت بتقول ايه (مطار النزهة)

قول تاني كده ؟؟؟

المطار ده بالذات اخر غلاسة ولازم لازم يطلب منك تفتح الشنط

انا علشان من الاسكندرية ورايح جاي عليه عارف نظامهم ايه هناك

علي الاقل في مطار القاهرة محدش بقي بيقولك افتحلي الشنط وخلاص اتعلموا الشياكة وبقوا بيتكسفوا شوية علي دمهم...

انما في مطار النزهة بالذات لسه فيهم العادة المنيلة دي لغاية اخر مرة

لدرجة اني اخر مرة قلت لشاب صغير طلب مني افتحله الشنطة

(انتوا ليه هنا بالذات بتفتحوا الشنط ومعدش فيه مكان بالعالم كله بيطلب كده خلاص)

بصراحة الواد قالي معلش دي اوامر هنا ولازم نعملها ولأني ماكنش معايا حاجة وواثق من نفسي شوية اليوم ده

حبيت افهمه ان كده مش منظر واني لازم اساوي الشنطة تاني والهدوم حتتبهدل.....

عينك ماتشوف الا النور.لقيت ظابط جاي يجري والشرر يتطاير من عينه وجاي يشخط في الولد ويقوله ايه فيه ايه معاه حاجة ده (ده هو انا طبعا) وطبعا قلة ذوق الشرطة في مصر وعدم احترامهم لانفسهم او غيرهم ده عادي

وتعتبر هي دي ال (welcome) بتاعتهم بدل الابتسامة وحمدالله علي السلامة

المهم الواد اتكسف وقاله لا كله تمام يافندم واليوم عدي بالسلامة ده طبعا بعد ماقالي اديني باسبورك علشان يبص فيه تاني غلاسة وتخويف وتنطيع من الشرطة المصرية

....

المهم عاوز اقولك انك ممكن تتقلب في المطار ده وربنا يجيبك بالسلامة

وتقضي رحلة سعيدة

وسلام

[محاور مصرى]

شكلك كدا موضوع ورق الالومنيوم دا شعشعت فى مخك

الصراحة أه :)

المطار ده بالذات اخر غلاسة ولازم لازم يطلب منك تفتح الشنط

انا علشان من الاسكندرية ورايح جاي عليه عارف نظامهم ايه هناك

الصراحة لا

ليه كده بس ياعم ياسر

طيب هم بيفتحوا و يفتشوا برده الهاندباج ..؟؟

[afreet]

اخى العزيز

ايا كان ماستفعله فلا تفعل شىء يضعك تحت طائلة القانون بمعنى لاتحاول تهريب شىء او اخفاء ملامحه او تغيير شكله

اللاب توب للاستخدام الشخصى مسموح به وانا رايح جاى به طول السنه عمر ماحد كلمنى عليه ولكن اذا كان فى علبته او لازال بملصقاته فانه يعتبر هديه ويدخل ضمن اغراض بصحبة راكب بواقع 5% من قيمته بالشريحه التى تضعها الجمارك وذا كان هناك اكثر من جهاز اعتبر اتجارا ويلزم تصريح جمركى بذلك واذا تم محاولة اخفاؤه او عدم التصريح عنه عند السؤال المباشر اصبح تهربا ويقدر بثلاثه امثال القيمة الجمركية على اعلى سعر او التنازل

نفس الموضوع على الموبايلات

وبتجربتى الشخصيه عندما تحترم مامور الجمارك فانه يحترمك لا تحاول اخفاء شىء وخصوصا ان ماتحمله ليس ذى قيمه

اما عن فتح الشنط فهو امر عادى وهذا من حق اى مامور جمارك واعتقد ان الهدف منه امنى اكثر من جمركى فالجمارك مع راكب الطائرة لن تكون ذات قيمه عاليه واذا كانت ذات قيمة عاليه فهى لبضاعه يصعب اخفاؤها

اذا كنت قادما من دول الخليج هل تعرف ماذا يبحث عنه مامور الجمارك

انه يبحث عن بذور الخيار وفسائل النخل ولقاحات دوائية غير مصرح بها فهى ممنوعه قانونا لاسباب معروفه ولا يبحث عن 200 او 300 جنيه يمكن ان ياخذهم منك ولكن لو امكن فلا ضرر

وهكذا كل دوله لها اشياء تاتى منها فلو اتيت من هولندا مثلا فانه ينظر الى سنك وفترة اقامتك وعملك ويفتشك على هذا الاساس وغالبا ما ستنتهى بتفتيش ذاتى

تعامل بهذه العقليه وستعرف كيف تاخذ اشياءك معك دون تهريب ودون جمارك مع كامل الاحترام

[badroora]

وهكذا كل دوله لها اشياء تاتى منها فلو اتيت من هولندا مثلا فانه ينظر الى سنك وفترة اقامتك وعملك ويفتشك على هذا الاساس وغالبا ما ستنتهى بتفتيش ذاتى

تعامل بهذه العقليه وستعرف كيف تاخذ اشياءك معك دون تهريب ودون جمارك مع كامل الاحترام

معلش سؤال فضولى شوية ليه اللى قادم من هولاندة يتعمل معاه كدا هل فى اسباب معينه خاصة بهولاندا بالذات ؟

وشكرا عالرد مقدما

[afreet]

قصدت بعبارتى ان كل دوله لها اشياؤها المشهورة بها اما عن هولندا على سبيل المثال فانه يصرح بزراعة الماريجوانا و ما شابهها من نباتا مخدرة وذلك للاستعمال الشخصى ولا يصرح ببيعها او تصنيعها بدون ترخيص

ناهيك عن صقل الالماس والاحجار الكريمة التى تعد مادة خاضعة للجمارك ويسهل تمريرها لذلك فالقادم من هولندا يعامل معامله خاصة بحثا عن هذه الاشياء بالاضافه للاسلحة والخمور الغير معلن عنها ناهيك عن البذور الزراعية المعاملة وراثيا والتى تستلزم تصريح وزارة الزراعة والسيمن الذى يستلزم تصريح الهيئة البيطرية وهى جميعها اشياء صغيرة الحجم عالية الثمن ذات جمارك مرتفعه او ممنوع دخولها حفاظا على الثروة القومية " طبقا للقانون"

[قاهرى]

نجفة المغرورة انتى شكلك كدة هتودى الواد فى 60 دهية انتى عرفة ان اصلا قانون المطار بيقول ان التفتيش يكون بنسبة 15% بس على الشنط كلها . الى بيحصل ان موظف الجمرك بيشوف الاول من الاقامة بتاعتك انت بتشتغل اية لو انسان محترم زى كدة (مهندس) :blush2: بيسالك معاك حاجة تتجمرك؟ وخلاص وخلاص .بس الى عرفتوا ان الفترة دى خلو نسبة التفتيش على الشنط 100% خوفا من العمليات الارهابية والتهديدات الى بنسمع عنها انهم هيفجروا متروا الانفاق وكدة (حتى شعبان عبد الرحيم عمل اغنية للمترو) عرفين كدة . فلو اخد اى حاجة معاة وخباها هيبقى شكلو وحش اوىىىىى .. بص يا بنى روح وخد الحاجة الى انت عيزها معاك لو قلك عليها جمرك قولوا انا هرجع بيها تانى وعايز اضفها الى الباسبور وارجع بيها تانى وامرك لله او تدفع جمركها باء وتكبر الهد. انتى عرفة بمناسبة ورق الالمونيوم انا اعرف حاجة كمان . عرفين طرمس الشاى بردوا مش بيبين الى جواة . انا ارعرف واحد جاب طرمس شاى كبير اوى وحط جوة 10 موبيلات وعدا بيهم ومتقفش بس على فكرة دة عيزة واحد جرىء لانك لو عامل عاملة والراجل سالك وحس انك مرتبك هينفضك من الاخر . وربنا معانا :lol:

[badroora]

نجفة المغرورة انتى شكلك كدة هتودى الواد فى 60 دهية انتى عرفة ان اصلا قانون المطار بيقول ان التفتيش يكون بنسبة 15% بس على الشنط كلها . الى بيحصل ان موظف الجمرك بيشوف الاول من الاقامة بتاعتك انت بتشتغل اية لو انسان محترم زى كدة (مهندس) :blush2: بيسالك معاك حاجة تتجمرك؟ وخلاص وخلاص .بس الى عرفتوا ان الفترة دى خلو نسبة التفتيش على الشنط 100% خوفا من العمليات الارهابية والتهديدات الى بنسمع عنها انهم هيفجروا متروا الانفاق وكدة (حتى شعبان عبد الرحيم عمل اغنية للمترو) عرفين كدة . فلو اخد اى حاجة معاة وخباها هيبقى شكلو وحش اوىىىىى .. بص يا بنى روح وخد الحاجة الى انت عيزها معاك لو قلك عليها جمرك قولوا انا هرجع بيها تانى وعايز اضفها الى الباسبور وارجع بيها تانى وامرك لله او تدفع جمركها باء وتكبر الهد. انتى عرفة بمناسبة ورق الالمونيوم انا اعرف حاجة كمان . عرفين طرمس الشاى بردوا مش بيبين الى جواة . انا ارعرف واحد جاب طرمس شاى كبير اوى وحط جوة 10 موبيلات وعدا بيهم ومتقفش بس على فكرة دة عيزة واحد جرىء لانك لو عامل عاملة والراجل سالك وحس انك مرتبك هينفضك من الاخر . وربنا معانا :lol:

اوديه فى داهية ايه بس انا بس حبيت اخدم !!

نداء الى الاخ معامرجى عليك وعلى قيمة 10 12 ترومس لزوم الرحلات والشاى واللبن والهقوة والشوربة

واملاهم على قد ما تقدر وتابقي بس سلبلنا رقم تليفونك عشان نبقي نطمئن عليك لو جرالك حاجة احنا بردة منتخلاش عن رجالتنا اللى بتوقع

يلا ربنا معاك ويعمى عنك المفتنشين والجمراكية

قادر يا كريم :lol:

[afreet]

الاخ قاهرى

بعد التحية

لا علم لى بقانون ينص على تفتيش 15% من حقائب الركاب بالمطارات والموانىء كذلك لا اجد اى تعليمات بذلك رجاء التكرم بتوضيح مصدر المعلومه

تفتيش الركاب يكون بصورة عشوائية ويمكن للمفتش الجمركى فتح كل او بعض الحقائب فى حالة الاشتباه كما يمكنه تفتيش الراكب ذاتيا دون الحاجه الى مذكرة تفتيش و تكون التعليمات شفهيه للمفتشين حسب موقع كل منهم

[se_ Elsyed]

تاني برضوا ؟

يا جماعة ورق ألمونيوم إيه وترمس شاي وشفشق حلبة إيه ؟

التفتيش في مطارات مصر يتم بشكل يدوي ... يعني إنت وحظك وبالتالي أمتعتك لا تمر على جهاز كشف الكذب :blush2:

أما لو نازل بعربيتك فنفس الشيء برضوا ... بالإضافة إلى إستخدام الكلاب البوليسية لكشف الخدرات والمتفجرات .

ولو نازل عن طريف الباصات .. فشنطتك وجميع أمتكعتك هاتعدي على الإكس راي .

الأجازة دي كان في واحد ظابط مستنيني في المطار .. والصالة كانت زحمه جداً ... فأنتو عارفين إن المطار في مخرجين :

1- الصالة الخضرا ودي اللي الجميع بيخرج منها وساعات بتبقى زحمة وبالطوابير ..

2- الصالة الحمرا ودي اللي بيحولوا عليها اللي بيتنفضوا ... وغالباً بتبى رايقه ... فالراجل عشان ما يوقفنيش طابور راح مخرجني من الصالة الحمرا اللي ما كانش فيها حد .. لكن لتكملة الإجراءات الناس كانوا ذوق واستأذنوني يفتحوا أي شنطة من اللي معايا وأساساً ما كانش معايا حاجه تتجمرك .

[محاور مصرى]

شكرا ياجماعة... و الله ماقصرتم ...

انا بصراحة قررت ان اسمع كلام المحاور عفريت و اتكل على الله و لا اخفي شيء ... اهو بقى اول مرة نشوف هايحصل ايه ... ربنا يستر ان شاء الله

و الواحد برده مابيتعلمش ببلاش ...

انا اعرف واحد جاب طرمس شاى كبير اوى وحط جوة 10 موبيلات وعدا بيهم ومتقفش

اااه كده الموضوع وسع شوية ...

بس نستفيد من كلامك و كلام الاخت نجفة ان العوازل الحرارية من الواضح انها مابتبينش اللي تحتها في الاكس راي...

و مادام الموضوع كده اكيد ياجماعة مفتشين الجمارك عارفين الليلة دي كلها حتى لو كانوا في مطار موريشيوس الدولي العالمي العائلي ال 7 راكب ...

(بس برده موضوع ورق الالومنيوم ممكن يعدي في الاشياء الصغيرة اللي ممكن تخفيها وسط الحاجة في الشنطة)...

انما بقى لو الموضوع مش كده ... و ترمس الاخ قاهري كان بيعدي .. يبقى ممكن نجيب تلاجة ميتاج امريكي 25 قدم من ام 9 باب و نحط فيها اللي احنا عايزينه من كنوز علي بابا و الاربعين حرامي كمان ... ومافيش حاجة هاتتهرش في الجمارك الا التلاجة طبعا اللي هاتدفع جمركها اللي يعتبر ولا حاجة امام الكنوز اللي جوا الثلاجة...

عموما طبعا الشكر واجب للمحاورين اللي افادونا و طبعا ماننساش رجال الجمارك الابطال و رجال الحكومة الشرفاء و احمد عز وحسام حسن و يسرا ... و السيد الرئيس راعي الامن و الامان ...