استفسار في الجمارك

[afreet]

سيدى الفاضل

كما تعلم تماما انه لا يوجد فى صالات جمارك الافراد باى ميناء جوى او بحرى او برى بمصر اى اجهزة كشف بصالات الوصول ويتم الكشف على الحقائب بصحبة الركاب بثلاثة طرق معا جميعها يعتمد على الفراسه

وجود رجال جمارك فى صالات المطار يتابعون الركاب وطرق حملهم للحقائب وهى غالبا توضح محتوياتها اذا كانت قيمة او قابله للكسر او اعادة توزيع الحقائب بين الركاب القادمين معا وتبليغ ذلك الى رئيس الورديه

جلوس رئيس الوردية متابعا للصالات قبل منطقة التفتيش وملاحظة سلوك الركاب

مفتش الجمرك وهو ذو خبره حيث انه بمعرفة سن القادم و بلد القدوم ووسيلة القدوم ومدة سفره فى هذه البلد ومهنته وطريقة لبسه وعدد الحقائب يمكنه من معرفة محتوياتها تقريبيا واحتمالات التهريب الامنى والجمركى وعند تفحصة للحقائب ظاهريا من الخارج وسؤال القادم عن محتوياتها يمكنه عن طريق رد فعله ان يحدد اذا كان محل اشتباه ام لا

مفتش الجمارك هو موظف مصرى يعانى مما يعانى منه اى مواطن مصرى فهو ذو دخل ضعيف ويعتقد انه يستحق اضعاف ذلك وانه يبذل جهد خارق دون مقابل وانه عبقرى لايمكن الضحك عليه وان كل قادم هو مشتبه به محتمل

ولو كان الامر بيده لامر الركاب بالعبور بملابسهم الداخليه وفتح جميع الحقائب ولكن نظرا لضيق الوقت وكثرة عدد الركاب حيث انه مطالب بالدرجة الاولى بعدم عمل ازدحام بالصاله وحسن معامله الجمهور وهذه هى التعليمات التى لديه وان كان له كافة الصلاحيات فى منطقته فانه يضطر الى تمرير الركاب مكتفيا بفراسته ويكفيه عمل ضبطية تهريب من ان لاخر لاثبات صلاحيته كما يكتفى بفتح شنطه كعينه عشوائيه من بعض او كل الركاب حتى لايقع عليه اللوم فى حالة ضبط شىء لدى الراكب فى حالة وجود اخباريه او طلب رئيس الورديه اعادة الفحص

وعليه اذا كنت صغير السن قادم من بلد عربى على احد المطارات ذو مؤهل عالى ولك اكثر من عام بالخارج فالوضع الطبيعى انك تحمل اجهزه الكترونيه مثل شاشات ال سى دى او دي فى دى او ماشابه وهذه الاجهزه اما ان تكون صريحه فى عبواتها او مخباه واذا كانت مخباه فانها ستكون فى شنطه او كرتونه كبيره الحجم حتى يمكن لفها وحفظها من التلف

وهكذا

اما عن الموبايلات وما شابهها فما اسهل تمريرها يمكنك وضع 3 او 4 موبايل فى جيوبك دون الحاجه الى كل هذا

اما عن اللاب توب يمكنك وضع اتنين فى شنطه اللاب توب ووضع بينهم مجموعة اوراق او وضع احدهم فى ملف فارغ ووضع الثانى فوقه مع ملاحظه نزع كل مايدل على انه جديد وللعلم فان اسعار اللاب توب فى مصر ارخص منها فى دول الخليج

وكما سبق فانت غير مطالب بالافصاح عن هذه الاشياء لتفاهة جماركها فلا تعلن عنها ولكن لو سؤلت سؤالا صريحا فيجب ان تكون اجابتك صريحة وصحيحه

اما عن طرق تهريب الاشياء ذات القيمه فهذا حديث اخر

[se_ Elsyed]

صلوا عالنبي يا جدعان

مش عايزين نكون منبر للحديث عن " الدرر الحديثة في طٌرق تهريب الأشياء النفيثة "

الخطا خطأ ولا توجد مبررات لقيامنا بالحديث عن أساليب التهريب تحت شعار الشطارة أو إن البلد ما تستاهلش واللي ييجي منهم أحسن منهم .

قال رسول الله صلى الله عليه وسلم " الأثم ما حاك في الصدر وخشيت أن يطلع عليه الناس "

يعني لو اللي الواحد بيعمله ده صح .. هل كان يخاف حد يفتشه أو يلجأ إلى وضع مش عارف إيه في تُرمس الشاي ولا كنكة القهوة ؟

وكلها في الأخر كلام فارغ وجنيهات معدودة لا تستحق إن الواحد يقع في موقف اللي رايح واللي جاي يهزأ فيه أو تتعمل له قضية تهريب ويتحط على القائمة السوداء إلى حين إنتهاء القضية او تُصادر منه أشياء دفع فيها مبالغ كبيرة او ما إلى ذلك .

[قاهرى]

الاخ عفريت فى البداية اهلا بيك المعلومات دى انا قرتها فى موقع اسمو فى البلد موقع جامد جدا .انا شخصيا من محبى معرفة المعلومات الداخلية والسياسية لمصر وبحاول ديما اعرف اية اخر الاخبار على الساحة المصرية خصوصا . انا كونت عايز اعمل copy للكلام الى مكتوب فى الموقع بس مش بيعمل مش عارف لية تقريبا لخصوصية الموقع ممكن بس انا هديك الصفحة الى مكتوب فيها الكلام دة وهى http://news.filbalad.com//News.asp?NewsID=20220

ادخل عليها اقرى الكلام الى انا بقولك علية بس على فكرة هيا طبعت 20% مش 15% اصل انا كونت قرتها من فترة والله ومكنتش فاكر اوى المهم يعنى هتلاقى الكلام الى انا قولتو فى الموقع دة واتاكد بنفسك

اما موضوع طرمس الشاى والورق الالمونيوم يا جماعة الموضوع هزار احنا مش فى مطبخ يعنى . الواحد فعلا احسن حاجة يروح محترم علشان ميتظبطش من الاخر . انا شخصيا الحمد الله بقالى 4 سنين بروح اجى عمر ما فية واحد فتحلى شنطة والحمدالله لانى بكون واثق من نفسى اوى وانا بتكلم لانى بيكون فعلا مش معايا حاجة هى مرة وحدة بس الى اتجمركت وكونت صريح معاة قلى معاك اية قولتلو 2 رسيفر بس قلى هنجمركك على واحد قولتلو زى متحب ودفعنى جمرك لواحد منهم بس . يا جماعة خلينا محترمين هى بلدنا كدة بس احنا هنطلع احسن منهم وامرنا لله . وعلى فعلا صحيح الى بيبقى عايز يهرب حاجة بيهربها باى طريقة ولا ورق المونيوم ولا طرمس لانها فعلا فى مطار القاهرة مفيش تفتيش x ray التفتيش بيكون يدوى. بس طبعا الواحد بيخاف على برستيجو زى منجفة قالت قبل كدة . هى بتختلف من واحد لواحد فى واحد بيكون مستعد يتهزء وواحد محترم وبيخافى على برستيجوا .... وربنا معانا كلنااااااااااااااا سلاممممممم :blush2:

[afreet]

الاخ القاهرى

اشكر لك ردك ولا اقصد التشكيك فى الكلام ولكن كنت احب اعرف مصدر المعلومه لانى كما قلت لك لا اعرفها واريد ان اتاكد منها حيث ان نظام الجمارك لا يشملها فاردت معرفة اذا كان هناك تعديلات او الحاقات للنظام الحالى لست على درايه بها واشكر تجاوبك

اما بالنسبة للمقال المشار اليه فان نسبه 15 او 20% المذكورة طبقا لمنظمه الطيران المدنى الدوليه او ما يعرف بالاياتا وهى منظمه دوليه وانظمتها استرشاديه لشركات الطيران وليست قانون مصرى وواضح ان المقال يتحدث عن عمليات امنيه وليست جمركيه حيث ان الكلاب تستخدم للمفرقعات او المخدرات وكلاهما غير وارد

اشكر لك تجاوبك معى واهتمامك بالرد

اما عن كلام الاخ سيد فيما يخصنى فانه ليس المقصود هو ايضاح طرق التهريب للاخوه حيث ان ماذكرته هو عقلية رجل الجمارك وهم على علم تام بما قلته عن الموبايلات واللاب توب وكما ذكرت فانها منقولات قليله القيمة وليست هدفهم بل على العكس ففى ردى الاول قلت احترم رجل الجمارك ليحترمك

واتفق معك تماما فى عدم مشروعية التهريب من الناحية الدينية والاخلاقية تحت اى اسباب نضعها لانفسنا بل على العكس ان الموبايلات واجهزة الكمبيوتر من الاشياء التى يراها مفتش الجمارك ويسمح بمرورها رغم خضوعها قانونا للجمارك ورسوم وزارة المواصلات بشرط ان تضعها بطريقه لا تعطيه الانطباع بانك تريد خداعه وتمريرها ولا تضعها بصورة مكشوفه بحيث يساءل هو عن مرورها

ارجوا ان اكون اوضحت القصد من كلامى

مع خالص احترامى للجميع

[dedo]

السلام عليكم

عاوزة فى البداية اسجل اعجابى بالمنتدى الرائع و باعضائه الكرام و بالنسبة لموضوع الجمارك

اخبار الجمارك على الاجهزة الكهربائية ايه يا ترى (مكنسه - ميكرويف - سماعات من النوع الكبير)؟

معليش يا جماعة دى اول مرة حنزل فيها مصر بعد سنة غربة و معنديش اى فكرة عن الجمارك ....

و الوزن بيبقى كام للشخص الواحد و لو حصل و كان فيه زيادة فى الوزن يعنى تقريبا بيبقى كام

يعنى علشان الواحد يعمل حسابه و ربنا يستر

سلام

[badroora]

اهلا بيكى يا اخت ديدو نورتى النتدى

بصي يا ستى انا هاقولك عالوزن وباقي الاخوة بقي اللى عندة خبره يكلمك على الاجهزة الكهربائية مع ان والله مصر بقي فيها اجهزة كهربائية كتيرة اوى حلوة ورخصية وخاصة الميكرويف

المهم الوزن للشخص الواحد على حسب شركة الطيران اللى هتنزلى عليها

عندك مثلا طيران الخليج بيديكى عالتذكرة 20 كيلوا وفى المطار 10 كيلوا يعنى 30 كيلوا لو الشنطة واحدة ودى اللى هتبقي فى كارجو الطيارة وممكن تاخدى معاكى داخل الطيارة كمان 10 كيلوا بس على شرط الشنطة تكون حجمها ضغير

بكام بقي على حسب عملة البلد اللى انتى فيها بس هاحسبهالك بالمصري اسهل

الكيلو بحوالى 60 جنية مصري

وعندك مصر للطيران بتدي 40 كيلو عالتذكرة وممكن تخدى 10 داخل الطيارة

باقي خطوط الطيران بصراحة معنديش فكرة وممكن بردة لو حد عنده فكرة وجرب يبقي يقولنا

نصيحة بقي لو عاوزة تخدى حاجات كتيرة وعجباكي اشحنيها كارجوا اللى هو door to door هى هتبقي غالية شوية بس هترحمك من تخليصها فى قرية البضائع

او ممكن تشحنيها شحن عادى وتبقي تروحى بنفسك تستلميها

مع ان والله احسلك تشترى الحاجة اللى شايفاها ضرورية فقط ومش موجودة فى مصر

يا رب اكون قدرت افيدك

وتوصلى بالسلامة ان شاء الله

واهلا بك مرة اخرى

نجفة :blush2:

تم تعديل 1 أغسطس 2007 بواسطة نجفة المغرورة

[afreet]

اختنا الكبيره نجفة غطت الموضوع بحيث ماعدش فى كلام ينقال تانى

لكن انا هاضيف حاجه صغيره

لو بقالك سنه وجاى من دوله عربية عادة بيعدوا المكنسه و الميكروويف العادى بدون جمارك يعنى بيعدوا حاجه او اتنين من الحاجات الخفيفه الى زى دى وطبعا حاول ماتكونش عدد الشنط كبير لان لو عدد الشنط كبير احيانا بيدخلوك على الصاله الحمراء حتى لو مامعاكش حاجه

طبعا الوزن الزائد على الطيارة يقارب 40 جنيه مصرى للكيلو من دول الخليج بمعنى اى حاجه هاتشتريها وتحسب لها وزن هاتلاقيها واقفه بالخساره

وفعلا الشحن من الباب للباب افضل وارخص شىء مع ناس مضمونه طبعا بحيث مايضربوش عالحاجه واضرب انت راسك فى الحيط وعلى فكره بتحصل كتير

وزى ماقالت اختنا دلوقتى كل حاجه موجوده فى مصر واى حاجه هاتتجمرك هاتبقى غاليه جدا مقارنه لو اشتريتها من مصر غير طبعا الفيلم بتاع الضمان والصيانه ودة فيلم هندى اربع ساعات لوحده

تجربتى الخاصه بتقول ماتشتريش اى حاجه مش محتاجها دلوقتى وهاتستعملها دلوقتى لان تخزين الاجهزه بيدمرها وموضتها بتقدم ويطلع الاحدث وبيكون ارخص افضل شىء الشراء عند النزول نهائيا

[dedo]

السلام عليكم

فى البدايه اشكر كلا من الاخت نجفة و الاخ afreet على سرعة الرد و توضيح الامور امامى

بس كنت عاوزة اعرف عدد الشنط المسموح بها لاربع اشخاص(انا و اولادى) قد ايه و يعنى

لو خمس شنط ممكن ده يعتبر كثير ..و لو معاهم جهاز كهربائى او اتنين يبقى فيه كده مشكله؟

فى نقطة كنت برضة عاوزة افهمها الشنطة نفسها بيبقى لها وزن ممكن يوصل ل 10 ك تقريبا او اقل

فهل ده معنا انى لو على الطيران المصرى و الوزن فيها 40 ك فيبقى لى 30 ك بس للشخص بالاضافة الى وزن

الشنطة ولا لى 40 ك غير وزن الشنطة و ده معناه انها على الميزان تبقى 50 ك ..معليش يا جماعة طولت

عليكم فى الاسئلة .. بس الحقيقة موضوع السفر ده بيقلقنى كده كده ...و ربنا يسهل و يسترها

سلام

[badroora]

وعليكم السلام ورحمة اله وبركاتة

شوفى يا عزيزتى

مصر للطيران كل تذكره عليها 40 كيلو 20 كيلوا عالتذكرة و20 فى المطار وكمان ابقي اتاكدى من الموضوع دا بنفسك وانتى بتشترى التذاكر

بس فى حاجة لازم تخدى بالك منها الايام دى بقي بيشددوا فى المطار اوى على اى شنطة فيها اكتر من 30 كيلوا يبقي لازم تفضي منها 10 كيلوا لان الوزن المسموح للشنطة الواحدة لازم يكون 30 كيلوا فقط ودى حصلت معايا مرة

اذن وانتى بتجهزى الشنط تبقي تعملى حسابك ان الشنطة لا يزيد وزنها عن 30 كيلوا

وكمان لا تقلقى عالوزن لانك على حسب عدد ولادك هيكون معاكى وزن كافى ان شاء الله

ولا تقلقي ان شاء الله تروحى وترجعى بالسلامة

لو احتجتى اى حاجة لا ترددى فى السؤال

[afreet]

كالعادة اختنا الكبيره قوى نجفه ردت ووفت ولازم طبعا انا كمان اضيف

التذكرة لها 40 كيلو عدا مطار جدة الى بيدى 30 كيلو واذا سعادتك معاك عضوية تاخد 10 كيلو زياده طبعا الكلام ده للدرجة السياحية ولغير الاطفال الرضع لان تذاكر الاطفال الرضع لايسمح لهم بوزن فى العفش

هذا بخلاف الحقائب المحمولة داخل الكابينه وتكون لها مقاسات محددة ولا تزيد عن 10 ك وحقيبه واحدة لكل راكب ويمكن وضعها ضمن العفش ويشمل ذلك الرضع

وطبقا للنظام الحالى وزن الحقيبه لا يزيد عن 32 كيلو والا لن تقبل وسيكون عليك اعادة ترتيب الحقائب بالمطار

بعنى اذا سعادتك معاك 4 تذاكر كامله او شبابية 160 كيلو اى فى حدود 6 حقائب غير الحقائب اليدوية اى 10 حقائب اجمالا على الاقل وهذا هو المنطقى فى الجمارك وربنا يعينك بقى تعرف تروح بيهم البيت

[dedo]

السلام عليكم

اكرر شكرى للاخت نجفة و الاخ afreet و الحقيقة انى اطمنت بعد قراتى لردودكم

بس اخدت بالى من نقطة التذكرة الكاملة الى اشار اليها الاخ afreet فحبيت اعرف

الوزن المسموح لنصف تذكرة بتبقى كام يعنى يساوى نصف وزن التذكرة الكاملة و لا ايه

..... ولكم تحياتى

[badroora]

السلام عليكم

اكرر شكرى للاخت نجفة و الاخ afreet و الحقيقة انى اطمنت بعد قراتى لردودكم

بس اخدت بالى من نقطة التذكرة الكاملة الى اشار اليها الاخ afreet فحبيت اعرف

الوزن المسموح لنصف تذكرة بتبقى كام يعنى يساوى نصف وزن التذكرة الكاملة و لا ايه

..... ولكم تحياتى

اعتقد نص التذكر دى للرضع اما الاطفال العاديين بيبقي الوزن واحد

وانا من راى وانتى بتشتري التذاكر بردة تتاكدى لان الحاجات دى بتتغير من وقت للاخر

فانتى اتاكدى من موضوع الاوزان من مكتب الطيران نفسة اللى هتجيبي منه التذاكر وكمان بيبقي مدون على التذكر نفسها !!

[badroora]

الا صحيح يا جماعة الاخ المعمارجى مش ظاهر ليه !!

شكلة سافر ولا ايه

طيب كنا بس عاوزيم نطمن عمل ايه فى الجمارك يا ريت يبقي يقولنا على تجربته على ارض الواقع

ويا ترى افدناه بارائنا ولا وداناااااااااااه فى ....................الف سلامة

انا بس باطمئن اصلي مش حبة اشعر بالذنب تجاهه ولا حاجة لو سمع نصايحي ونفزها !! md2:

يلا ربنا يسمعنا عنه سمع خير wst::

[afreet]

اختنا العزيزة

فى تذكرة رضع ودى بتبقى عشر ثمن التذكرة مضافا اليها مبلغ التامين والضرائب ان وجدت وكذلك رسوم المغادرة ولا يحق لها وزن بالعفش ويحق لها حقيبه واحدة فى حدود 10 كيلو بالمقاسات المتعارف عليها و كرسى اطفال متحرك

تذاكر شبابيه تحت سن 26 سنه ولها كامل حق الوزن فى العفش وعلى الطائرة

نصف تذكره تحت 12 سنه وتم الغاؤها على اغلب الخطوط فى مصر للطيران ولها كامل الوزن فى العفش وعلى الطائرة

[doha]

معلومات كويسه اوي

للرفع ...

[tarek nokia]

طيب لو نزلت تلفزيون lcd sony 32 inch مستعمل سنتين حدفع جمرك كام وشكرا

[doha]

طيب لو نزلت تلفزيون lcd sony 32 inch مستعمل سنتين حدفع جمرك كام وشكرا

الال سي دي اختلفت فيه الاقوال

سألت واحد من الي بينقلوا العفش من الباب للباب بثلاثه ريال الكيلو عن الال سي دي الاثنين وثلاثين بوصه قالي هياخذ فيه ثلاث الاف جنيه !!!!

طبعا على اساس ان البوصه بـ 100 جنيه

بس لنااقارب اخذوا ال سي دي من كام شهر ودفعوا اما 600 او 400 مش متاكده بس على اساس تم احتسابه كمستعمل وطبعا كانوا في الخارج ونازلين نهائي واسرة كمان

طبعا الي معاه اقامه بتختلف معاملته جمركيا عن الي نازل نهائي منه عن الي جاي زياره وراجع جري

[محمد الشافعى]

السلام عليكم ورحمة الله وبركاته

حبيت أشارك فى الموضوع الصراحه أنا لسه جى الرياض من شهر مسافر من مطار القاهره أول مادخل من بوابة الجوازات لقيت ظابط بيفتشنى تفتيش على السريع كده وانا معدى من البوابه على أساس ان البوابه الألكترونيه ده مش بتكتشف حاجه المهم كان معاه واحد تانى بيقولى الشنط ده فيها ايه قلتله ده اللاب توب وده شنطه فى الملابس واغراض تانيه قالى طب هات الجواز قالى أه السعوديه راح مقرب منى وقالى كل سنه وانت طيب مفيش اى حاجه على السريع بصيت حوليا فى وسط المطار وانا اول مره أروح المطار قلت هنا كمان فى كل سنه وانت طيب روحت مديله 10 جندى والله مافتح الشنط ولا لمسها الى بعدى كان بيفتح الكراتين الى معاهم بالماطوه الصغيره الى معاه علشان معيدوش عليه وكمان لقيت واحد بعديها وأنا بملى استمارة السفر بيقولى مش عاوز قلم تملى بيه كل سنه وانت طيب mfb: قلتله شكرا أم فى اللاب توب كان معاى فى الشنطه الخاصه على الطياره وبس ولما نزلت الرياض ولا قالولى اللاب توب عليه أيه ولا اى حاجه

[engmido]

معلومة قيمة

[herohero]

السلام عليكم ورحمة الله وبركاته

حبيت أشارك فى الموضوع الصراحه أنا لسه جى الرياض من شهر مسافر من مطار القاهره أول مادخل من بوابة الجوازات لقيت ظابط بيفتشنى تفتيش على السريع كده وانا معدى من البوابه على أساس ان البوابه الألكترونيه ده مش بتكتشف حاجه المهم كان معاه واحد تانى بيقولى الشنط ده فيها ايه قلتله ده اللاب توب وده شنطه فى الملابس واغراض تانيه قالى طب هات الجواز قالى أه السعوديه راح مقرب منى وقالى كل سنه وانت طيب مفيش اى حاجه على السريع بصيت حوليا فى وسط المطار وانا اول مره أروح المطار قلت هنا كمان فى كل سنه وانت طيب روحت مديله 10 جندى والله مافتح الشنط ولا لمسها الى بعدى كان بيفتح الكراتين الى معاهم بالماطوه الصغيره الى معاه علشان معيدوش عليه وكمان لقيت واحد بعديها وأنا بملى استمارة السفر بيقولى مش عاوز قلم تملى بيه كل سنه وانت طيب :cry1: قلتله شكرا أم فى اللاب توب كان معاى فى الشنطه الخاصه على الطياره وبس ولما نزلت الرياض ولا قالولى اللاب توب عليه أيه ولا اى حاجه

بصراحه غريبة المظاهر ده كانت فعلا مودجوده بكثافة وتكسف لكن ف السنوات الاخيره اختفت وبصراحه صاله 3 قمة ف الرقي ومحدش بيقول حاجه انا من شهرين نازل بشنطتي ومعايا الاب توب شخصي والراجل بصراحه المفتش راجل محترم ولا قال شيئ ولا فتح الشنطة وقبلها نفس القصه كان زمان موضوع فتح الشنط لان هيجمرك ايه كميرات الفيديو اتشال عليها الجمرك مشفاضل الاشاشات ا سي دي وده هتخبيها فين

يعني بصراحه شغل السنكحه بتاع حمد الله ع السلامة اتمنى اختفائه نهائي

وهنا ف الرياض باحوال قبل كده بص ع السي ديهات والمره ده ما بصش ف الاب توب حسب الظروف

وعموم اي حاجه يدفع عليها جمرك خسارة شيلها لان بجد مصر فيها كل شيئ خسارة بجد الشيل والتعب زمان من فترة ماشي اما غير كده فدلوقتي اشك ان فيه شيئئ هنا مش ف مصر الا حبنا كمصريين باننا نلخم نفسنا ف شيل وشنط