مصنع انتل فى الشرق الاوسط

[وسام]

فى خبر ان شركة انتل تنوى بناء مصنع لتصنيع شرائح المعالجات الدقيقة بقياس 1. ميكرون الجديدة و سيتم تشغيل 2000 وظيفة و ان المفاوضات شغالة مع اسرائيل لبناءه هناك ولكنهم قلقين من الوضع الامنى هناك

و معروف ان انتل ليها 3 مصانع فى الولايات المتحدة و ايرلندة و اسرائيل

السؤال ؟؟؟؟؟؟؟احنا فين من الحكاية دى ليه مفيش عروض لاحتواء المشروع دة و بناء المصنع فى مصر خصوصا و احنا نايمين على مخزون هائل من السيليكون اكتر من اللى فى صحراء النقب

خلاصة الكلام ان بعد سنتين او تلاتة حيكون فى كل جهاز كمبيوتر بتشتريه فى مصر قطعة مكتوب عليها ( صنع فى اسرائيل) و هيا طبعا اهم قطعة فى الكمبيوتر

ايه العوائق اللى تمنع وجود هذه التكنولوجيا على ارضنا

[EBN ELBLD]

[color=#ec0000]الكلام قوله للجماعه بتوع المقاطعه[/color]

[وسام]

هيا شركة انتل موجودة فى قوائم المقاطعة ؟؟؟؟؟

دهه مشروع استراتيجى لو متعملش مش بعيد يجيى يوم غصب عننا لازم نشترى المعالجات من اسرائيل عشان هيا المحتكر لانتاج المعالجات فى الشرق الاوسط :mad:

[KWA]

بسم الله الرحمن الرحيم

السلام عليكم ورحمة الله وبركاته

ممكن تعرفني مصدر الخبر يا أخ وسام لك جزيل الشكر ...

فى خبر ان شركة انتل تنوى بناء مصنع لتصنيع شرائح المعالجات الدقيقة بقياس 1. ميكرون الجديدة و سيتم تشغيل 2000 وظيفة و ان المفاوضات شغالة مع اسرائيل  لبناءه هناك ولكنهم قلقين من الوضع الامنى هناك 

و معروف ان انتل ليها 3 مصانع فى الولايات المتحدة و ايرلندة و اسرائيل

السؤال ؟؟؟؟؟؟؟احنا فين من الحكاية دى ليه مفيش عروض لاحتواء المشروع دة و بناء المصنع فى مصر  خصوصا و احنا نايمين على مخزون هائل من السيليكون اكتر من اللى فى صحراء النقب

خلاصة الكلام ان بعد سنتين او تلاتة حيكون فى كل جهاز كمبيوتر بتشتريه فى مصر قطعة مكتوب عليها ( صنع فى اسرائيل) و هيا طبعا اهم قطعة فى الكمبيوتر

ايه العوائق اللى تمنع وجود هذه التكنولوجيا على ارضنا

[زيزو]

الفساد الموجود بمصر

لا يجعل أي شركة تفكر في الإستثمار هنا.

لا يوجد قانون في مصر يحمي الحق! الشرطة نفسها فاسدة من أولها لآخرها، وأظن إن كل من إحتاج اليها يعرف هذا.

القضاء بطيئ جداً، وأحياناً الأحكام لا يتم تنفيذها.

مصر يحكم فيها قانون الغابة!

وفي ظل هذا لن يكون هناك لا إستثمار داخلي مفيد ولا خارجي ولا أي حاجة!!!!

في مصر لا يمكن التنبؤ بشئ، وإسرائيل رغم الوضع الأمني المتدهور، الا أنها آامن للمستثمر من مصر! هذا رأي شخصي.

[الأفوكاتو]

كلام الأخ زيزو فيه تلخيص واف لأسباب تدهور الإستثمار فى مصر.

10 على 10

[Cleo]

الفساد الموجود بمصر

لا يجعل أي شركة تفكر في الإستثمار هنا.

لا يوجد قانون في مصر يحمي الحق! الشرطة نفسها فاسدة من أولها لآخرها، وأظن إن كل من إحتاج اليها يعرف هذا.

القضاء بطيئ جداً، وأحياناً الأحكام لا يتم تنفيذها.

مصر يحكم فيها قانون الغابة!

وفي ظل هذا لن يكون هناك لا إستثمار داخلي مفيد ولا خارجي ولا أي حاجة!!!!

في مصر لا يمكن التنبؤ بشئ، وإسرائيل رغم الوضع الأمني المتدهور، الا أنها آامن للمستثمر من مصر! هذا رأي شخصي.

أضف إلى ذلك:

فقر قواعد البيانات و صعوبة الحصول على معلومات

و انتشار الرشاوى حتى أن أى مشروع يكلفك قد تكاليفه الحقيقية شاى و سجاير للبهوات....

ذبذبة أسعار الصرف و الحالة الاقتصادية

شعار "فيها لأخفيها" لأخوكم علاء شريككم..

فقر العمالة المدربة

[dimage]

فقر العمالة المدربة

وذلك ناتج عن سياسة تعليم غير عصرية

سياسة تعليم تعلم الطالب حفظ مواد لا تفيد في واقعة العملي

سياسة لا تعلم الطالب كيفية الابداع او حتي كيف يفكر وينقض ما يقرأءة

فلماذا تأتي شركات التكنولوجيا الكبري التي تحتاج لعاملين من نوع خاص

[KWA]

http://web.fares.net/w/.ee7fcf4

[وسام]

KWA :الخبر كان منشور من يومين فى مصراوى

اعتقد بعد تفكير ان المشروع لو راح من ايدين البُعادا فا ممكن يروح لدبى منطقة جبل على هناك تغنى عن 100 منطقة حرة او تكنولوجية من بتوعنا و قصة نجاح دبى فى جذب الاستثمارات معروفة ..... يا ريت مش حزعل

[amoun]

اخوانى الاعزاء

بس لمعلوماتكم هنتل بنتيوم 4 الموجود فى العالم كلة و احنا كمان بنستعملة مصنوع فى اسرائيل

[Proud Muslim]

الله الغني عن فلوس أمريكا .

و المقاطعة و الحمد لله وسام عى صدور من يقاطعون .

ثم بدلا من أن نظل نتلقف الفتات او أن تمن علينا Intel أواي شركة أمريكية بلقمة , أن نصنع غذائنا بيدنا , أن تقومشركات وطنية بأفكار مصرية , مش نفضل عايزين شوية فكة و في الآخر يمنون علينا الى أن نموت ؟؟

يعني يفضا الاقتصاد المصري عالة الى الأبد , لا يستطيع أحد أن يقول ثلث الثلاثة , للأنه لو تلكم , أمريكا هتهدد بتخفيض الاستثمار و اغبلق الشركات و الناس يتخرب بيتها .

يعني اللي مش عاجبه المقاطعة يسكت .. مش كمان ينتقد !!!

اللهم عليك بأمريكا و من شايعها .

[EBN ELBLD]

وللعلم صاحب شركه انتل ومؤسسها هو آندى جروف يهودى اسرائيلى

ويسكن فى مدينه بيفرتون بولايه اوريجن واكبر نائب له(نائب رئيس انتل للعمليات والتصنيع) هو السيد ى ا

مصرى الجنسيه كمان

[watany ta7n]

الكلام قوله للجماعه بتوع المقاطعه

والله عرفين إن الدول العربية متنيله بنيله ومش عارفة تصنع حاجه ومش مستنيينك تفكرنا.

لكن على الأقل لو فى بديل للشئ اللى حتشتريه من أمريكا أو إسرائيل فأشتريه حتى لو كان أغلى أو أقل جوده.

ولو حضرتك مش ناوى تقاطع معانا فعلى الأقل بلاش تهبط عزائمنا.

وعلى فكرة أسأل المتخصصين عن منتجات إنتل وميكروسوفت وأوراكل وكيف أنهم يمنعون بيعها لدول مثل إيران والعراق وغيرها وبيعها لهم يعتبر مخالفه قانونية.

وأسأل أيضا كيف أن ميكروسوفت متخصصه فى سرقة المستخدمين عن طريق سرقة الباسورد وإنتاج برمجيات غير آمنه إلا بإضافة برامج مساعدة.

همه بيتفننوا فى سرقتنا والضحك علينا وإحنا بنعتب على بعض عشان خطوة جاده عملناها!!!!!!