اذهب إلى المحتوى
محاورات المصريين

ممكن طريقة السبانخ..والخبز البلدى

OM SHADI

بواسطة OM SHADI
في المطبخ

 مشاركة

Recommended Posts

OM SHADI عضو جديد

OM SHADI

بتاريخ:
بتاريخ:

معلش أول مشاركة طلب

نفسي في السبانخ الفلاحي بالحمص واللحمة الضاني

ياريت تكتبوا لي الطريقة بالتفصيل الممل والمقادير (برضه المملة)

وأشكركم جميعاً

رابط هذا التعليق
شارك
مومو الامور عضو جديد

مومو الامور

بتاريخ:
بتاريخ:

يا شيخه الله يسامحك

جريتى ريقنا وجوعتينا

احنا فى غربه

وحشنى اكلك ياما

وحشتنى دقيه الباميه بالموزة

وفته الكوارع السمينه

اها يا غربه ياللى حرمتينا من حتى اللقمه

a5b1a75a2d.gif

التوقيع و الصورة الرمزية هدية من الاخت مصرية يعني مصرية

أشكرك

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

دى رابع مرة احاول اضيف وصفة السبانخ...كان زمانى طبختها ...هو انا مش مشرفة زرقا ولا ايه ... :roseop:

الاخت الكريمة ام شادى...ما تاخديش فى بالك من الجملة السابقة دى ..دى موجهة للزملاء.....بارحب بك اخت عزيزة واتمنى ان تسعدى بوجودك معنا ..

اليك وصفة السبانخ...- ولو ماعرفتيش توصلى لها قولى لى -

طريقة السبانخ

اما اشوف ...

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله...

ربنا يخليك يا بنت الشاطىء....جربى الوصفة وحتعجبك اكتر ان شاء الله....انت ممكن تستخدمى اللحمة الضانى عادى او اى نوع...بس انا من كتر ما بازهق من الطبخ باحب اخترع...واكتشفت ان العكاوى بتكون ظريفة فى السبانخ...

العكاوى غير الكوارع وان كانت مصنفة ضمن قطع غيار البقرة او الجاموس برضه....يعنى حتلاقيها بوفرة فى مراكز صيانة المواشى......

العكاوى هى ديل البقرة او الجاموس....بيتم سلخها من الجلد وتكسريها الى قطع...طبعا دى بتكون مهمة مهندس الصيانة يعنى الجزار...اما الكوارع فهى الارجل...- الكاوتش يعنى -

ارجو انى اكون وضحت الفروق..وللاسف ماعنديش صورة لها ونجفة متغيبة كانت لحقتنى بصورة..

صباحك جميل......... :roseop:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
OM SHADI عضو جديد

OM SHADI

بتاريخ:
  • كاتب الموضوع
بتاريخ:

السلام عليكم

أولاً : للحقيقة والتاريخ ( هم بيقولوها كدة) أنا أترجم لزوجتي التي أصرت وألحت أن يكن الإشتراك بإسمها (نوع من تأكيد الذات) على الرغم من أنها لا تقرأ عربي وأقوم أنا (مكره أخاك لا بطل) بالترجمة وكتابة المشاركة ( موش عارف ليه العذاب الأنثوي للرجال ده).

ثانياً : فلانة روحي ياشيخة الله يسترك طريقة السبانخ روعة وطبختها أنا بإشراف المدير العام حرمنا المصون , وبرضة للحقيقة والتاريخ كانت من غير حمص لأن الحمص هنا مجفف من عهد الديناصور ويجب نقعه عشر سنين حتى يصلح للإستعمال الآدمي.

ثالثاً برضة روحي ياشيخة الله يسترك فكرتيني بالعكاوي وجريتي ريقي وخليتيني أحلم بأكلة عكاوي محمرة , وهاحط لك صورة العكاوي علشان ما يبقاش حاجة في نفسك

Ox-tail.jpg

وعندي سؤال أو بالأصح عند سعادة المدير العام سؤال : حد هنا تخصصه عيش بلدي (الدنيا تخصصات برضة)

خبزنا العيش (لا يوجد عندنا حيث نقيم سوى العيش التوست) طلع شكله جميل جداً وطعمه جميل لكن مطاطي شوية يعني شبه الكاوتش .

ياترى حد يعرف إيه السبب ؟ هل هو نوع الدقيق ؟ أو لازم إضافة شئ آخر

اشكركم جميعاً

رابط هذا التعليق
شارك
بنت الشاطئ1 عضو جديد

بنت الشاطئ1

بتاريخ:
بتاريخ:

سؤال سريع لمدام فولانة

هل يمكن استخدام العكاوى واللحمة معا ام العكاوى فقط

العكاوى كما فى الصورة لحمتها قليلة مش كدا واللا ايه

بالنسبة للخبز يا أبو شادى

اولا هناك دقيق خاص بالخبز وهناك نوع خاص للحلوى..ديه حاجة

الحاجة التانيه العجن نفسه مهم كل ما اللت كان اكثر كل ما نجح الخبز

خلى العجينه معقولة ولا طرية قوى ولا يابسة قوى

الخميرة لازم تكون كميتها معقولة

بعد ما تخمر العجينة قطعها قطع وضعها على الدقيق واتركها نصف ساعة مع تغطيتها

ثم افرد هذه القطع واتركها ترتاح شوية نصف ساعة افردها على الدقيق ايضا

ثم اخبزها فى فرن حرارة عالية

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

اولا بأعتذر لحضرتك اخى الفاضل ..نقول "ابو شادى " مش كده؟....بس حضرتك والمدام واحد ومنورين معانا...

باشكرك على الصور..ربنا يكرمك...بخصوص الحمص الناشف...ممكن تنقعه قبلها بيوم..وهو حيستوى مع اللحمة

اما بخصوص العيش البلدى...فانا حاضيف رابط ..يارب تستفاد منه ...

الخبز البلدى

ودى طريقة تانية:

المقادير....كوبين دقيق اسمر....ملعقة خميرة بيرة...كوبين ماء دافىء...ملعقة ملح...كوبين ونصف دقيق ابيض

تدوب الخميرة فى الماء وتضيف الدقيق الاسمر بالتدريج وتقلب الخليط كويس...تغطيه وتتركه 3 ساعات يتخمر..وممكن ازيد من تلات ساعات ..

تقلب الملح مع الدقيق الابيض ويضاف بالتدريج للعجينة الاولى ..وتخلط كويس...وتتركه يتخمر لمدة ساعتين او يزيد...

تقسم العجينة الى كرات ...وتفرد كل كورة بالضغط عليها ثم بالنشابة ( ويفضل انك تفرده على ردة لو متوفرة عندكم) ..علشان تحصل على دائرة يكون سمكها نصف سم

وبعد الانتهاء من الكمية ترص الكلام ده فى صاج ويدخل الى الفرن الساخن لمده 5 دقائق او حسب مايتراىء لك

ومعاك كمان طريقة بنت الشاطىء...وقولى اى طريقة احسن علشان ابقى اجربها ..:wub:

اختى الغالية بنت الشاطى....هو يفضل لو استخدمتى نوع واحد اما العكاوى او اللحمة....لان كل حاجة لها طعم ولها وقت للتسوية...

على فكرة انا لسه مستنية وصفة الحلبة الفلسطينى فى موضوعك ....

:roseop:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
بنت الشاطئ1 عضو جديد

بنت الشاطئ1

بتاريخ:
بتاريخ:

شكرا لك عزيزتى فولانة

اما بالنسبة للحلبة الفلسطينية انا كنت متحمسة لأنى كنت عملت كام اكلة كدا وصورتهم وقلت تكون الاكلة

بالصورة اوضح

لكن وجدت ان الصور اختفت

لكن مش مشكلة انا هحاول مرة تانية ان شاء الله

رابط هذا التعليق
شارك
OM SHADI عضو جديد

OM SHADI

بتاريخ:
  • كاتب الموضوع
بتاريخ:

الأخت بنت الشاطئ

تقريباً ما ذكرتيه هو ما أقوم به

الأخت فلانة

ثلاث ساعات للتخمير وبعد إضافة الدقيق الأسمر ساعتين كمان ؟

يعني خمس ساعات للتخمير ؟

موش شايفة إنها كتير؟

على العموم خبزت اليوم مع تغيير نوع الدقيق ( على الرغم من إن الدقيق الأول كان دقيق للخبز وليس للكيك أو الحلويات ) وغيرت في الطريقة شوية بحيث إني وضعت صاج الفرن على أعلى رف بالفرن وخليت الحرارة من فوق

وكانت النتيجة جيدة

أشكركم جميعاً على التعاون اللطيف جداً

وهذه صورة الخبز (ممنوع التريقة) :roseop: :wub: :wub:

p1010789di7.jpg

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله.....

اخى الفاضل ابو شادى...الحقيقة مش عارفة خمس ساعات تخمير كتير ولا لأ...لان الطريقة دى انا جبتها لك من كتاب الشيف اسامة السيد.....انا شخصيا عمرى ماجربت اخبز العيش البلدى..لانه متوفر هنا ومدعم وبيجى بجميع الكماليات..مسامير وطوابير وخلافه...

لكن بالنظر الى صورة الخبز اللى كانت معروضة من يومه اعتقد ان خمس ساعات تخمير مش كتير ..لكن تسلم ايدك طبعا :roseop:

اختى الغالية بنت الشاطىء..جربى تضيفى الصور تانى ..وفى انتظار استكمالك لموضوعك...

صباحكم جميل.... :roseop:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

حضرتك تسأل اى سؤال مافيش مشكلة..واللى حنعرفه حنجاوبه..واللى مش حنعرفه حنسأل عليه مع حضرتك...

الدقيق الاسمر هو دقيق قمح ايضا..لكن القمح بيتطحن بقشرته...عكس الدقيق الابيض بيتم طحن القمح بعد تقشيره ....وطبعا بيكون أفيد لان القشرة بتحتوى على فيتامينات وحديد وعلى جنين القمح وعناصر اخرى مش قادرة اتذكرها دلوقت ..فمعذرة....

بنضيف عليه دقيق ابيض علشان يساعد فى عملية التخمر...لان الدقيق الاسمر صعب تخمره بسهوله لاحتوائه على القشرة...فبيحتاج خميرة اكتر....

الحقيقة دى بس المعلومات اللى عندى...ارجو ان اكون افدت حضرتك........لكن لو احد الاخوة والاخوات عنده معلومات اكتر اتمنى انى اعرفها...

شكرا ....

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
بنت الشاطئ1 عضو جديد

بنت الشاطئ1

بتاريخ:
بتاريخ:
الأخت بنت الشاطئ

تقريباً ما ذكرتيه هو ما أقوم به

الأخت فلانة

ثلاث ساعات للتخمير وبعد إضافة الدقيق الأسمر ساعتين كمان ؟

يعني خمس ساعات للتخمير ؟

موش شايفة إنها كتير؟

على العموم خبزت اليوم مع تغيير نوع الدقيق ( على الرغم من إن الدقيق الأول كان دقيق للخبز وليس للكيك أو الحلويات ) وغيرت في الطريقة شوية بحيث إني وضعت صاج الفرن على أعلى رف بالفرن وخليت الحرارة من فوق

وكانت النتيجة جيدة

أشكركم جميعاً على التعاون اللطيف جداً

وهذه صورة الخبز (ممنوع التريقة) :roseop::roseop::roseop:

p1010789di7.jpg

الأستاذ ابو شادى

انا الان اسألك بدورى كيف عملت هذا الخبز ممكن بالتفصيل

انا بعمله لكن بيطلع فيه لبابة كتير وانا افضل قلتها

ممكن الطريقة بقى

شكرا :roseop:

رابط هذا التعليق
شارك
Folana عضو جديد

Folana

بتاريخ:
بتاريخ:
أثقلنا عليكي أخت فلانة معلش

هل الدقيق الأسمر هو wholemeal

السلام عليكم ورحمة الله...

مافيش اثقال ولا حاجة اخى الكريم ...احنا كلنا اخوة فى الله

ايوة تمام الدقيق الاسمر اللى هو WHOLEMEAL او WHOLE WHEAT .....

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
OM SHADI عضو جديد

OM SHADI

بتاريخ:
  • كاتب الموضوع
بتاريخ:

كتبت الطريقة وبالصور وبعد مجهود وعند رفع المشاركة فوجئت برسالة تقول أنت وضعت صور أكثر من المسموح , عدد الصور كان 15

سأرفع الملف على أي موقع ثم أضع الرابط ولعل المنتدى يقبل الروابط

رابط هذا التعليق
شارك
OM SHADI عضو جديد

OM SHADI

بتاريخ:
  • كاتب الموضوع
بتاريخ: (معدل)

رفعت الملف على هذا الرابط بصيغة وورد على موقع الأرشيف ويمكنكم تحميله بالضغط على كلمة

DOC

على يسار الصفحة

http://www.archive.org/details/bread

يمكنكم الآن تحميله وأظن وجوده كملف أسهل لحفظه على الجهاز

تم تعديل بواسطة OM SHADI
رابط هذا التعليق
شارك
بنت الشاطئ1 عضو جديد

بنت الشاطئ1

بتاريخ:
بتاريخ:

خبز رائع يا استاذ ابو شادى

فعلا الصور وضحت كتير

شكرا لك

بس انا ساعات بعمله باللبن بيطلع ناشف ..والعجينه نفسها مش سهلة انى افردها

مش عارفة ليه

ان شاء الله هجرب الدقيق الاسود يمكن بيجيب نتيجة احسن

رابط هذا التعليق
شارك
OM SHADI عضو جديد

OM SHADI

بتاريخ:
  • كاتب الموضوع
بتاريخ:

مرحبا بك أخت بنت الشاطئ

اللبن لا يجعل الخبز ناشف , وأنا تغلبت على موضوع الخبز الناشف بأن جعلت الرغيف سميك قليلاً , وأيضاً وضعت صينية الفرن في أعلى رف وجعلت النار (الشعلة) من فوق , يعني الخبز يستوي (يتحمر) الوجه بسرعة ولا يأخذ وقت طويل مما يجعله يفقد الماء ويصبح ناشف أو يابس , وأيضا حينما يخرج الرغيف من الفرن أغطيه بفوطة حتى يبرد قليلاً ثم مباشرة إلى صندوق بلاستيك بغطاء أحفظ فيه الخبز ويستمر طرياً على الأقل ثلاثة أيام , لأني لا أحب وضعه بالفريزر ولم أجرب الفريزر من قبل.

جربي وهاتلاقيه ممتاز وياريت تورينا صورة النتيجة

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...