بتكتب لمين؟

[IHAB AZZAM]

ممكن ياجماعة أسأل سؤال ومحدش يفهمني غلط لوسمحتو

انا بس كنت عايز أعرف وبعدين

اخر الكلام الجميل اللي بياكل عمرنا ايه

اخر المشاعر الرقيقه اللي بتسيل علي الورق

والاحساس الراقي المتوهج اللي بيحرق روحك

مين بيسمعلك

امتي تقدر تقعد في ندوة

امتي تقدر تنزل كتاب

بتكتب لمين ؟؟؟؟؟

فهمني بتكتب لمين؟؟؟؟

انا قعدت 5 سنين اكتب بشكل يومي

اقعد لوحدي بال12ساعه متواصل

وعلي راي الشاعر اخمد عبد المعطي حجازي

وكانت التبغه إصبعي

وحنين غامض في اضلعي

لبلاد يوجد القرصان فيها

هاهاها

اااااااااااااه ايام

انا مش جاي هنا عشان اتكلم عن نفسي

ولاعشان افوق حد...او انبهه ان عمره بيضيع وراء الورق

او ان اصحابه بيضحكوا عليه لما يخرجوا من عند

بعد مايجبرهم يسمعوا قصايده

او ان حبيبتك بتاخد كلامك اللي انت كاتبه عشانه

وتقريه لزمايلها صبيان وبناتى ويضحكوا

او انك في عالم لوحدك .....وممكن تعدي السنة ورا السنة

وانت الوحيد اللي متحسش

لاااا

انا جاي هنا عشان اسالك ؟؟؟

ناوي علي ايه

بعد المعاناة والحرفيه والدمعه اللي ممكن تنزل منك بسبب معني لمسك وكتبته

وبعدين هتحترف ازاي

هتاكل منين

انا بحاول ادخل المنتدي من العرض فقط او الهوايه

الي شئ واقع عملي

تنجح فيه ونباركلك عليه ونساعدك بكل مانملك

بس يكون عندك الهدف وتقولي عليه

بتكتب لمين؟

[إبن مصر]

استاذ ايهاب.

مرحبا بك..

اولا .. انا عن نفسى أكتب لكل من يقرا ولا احترف الكتابه أو امتهن الشعر بل اكتبه حين أريد لمن أريد..هى مشاعر أطلقها فى هذه المساحه .. قد يقراها من هو معنى بها وقد لا يقرأها وتظل هى عبرات وهمسات انظمها.

لا أفكر فى تجميعها او نشرها فلم أفكر فى ذلك أجمعها لنفسى ويشاركنى بها اصدقائى وتقرأها من أكتبها لها وهذا هو المهم.. ما تفعله هى بها شىء خاص بها حتى ولأن سخرت منها.

ما اكتبه لاثمن له الا نظره وجد او اثاره مشاعر الحب ..

اشكر مرورك الكريم.. وخوفك على ما نكتب ..

[IHAB AZZAM]

بص انا محترم وجهة نظرك دي جدا

وانا معاك فيها لو هي نوع من الفضفضه او الراحه بتقولها لاصحابك في المنتدي

او بتعبر بيها عن نفسك

بس معلش

انا بقرأ هنا نقد لمعظم الاعمال وتقييم ناس بتفهم بتقول ايه

واطراء علي بعض الاعمال في معظم الاوقات

يعني الحكايه متعتبرش نوع من البوح او ملئ الفراغ او انك وجدت مساحه

الموضوع مهم بالنسبه ليك وبالنسبه للناس اللي بتدخل هنا

اوعي تكون فاهم اني بحبط عزيمتك او بكره الناس في المحتوي

بالعكس والله دا أنا نفسي اسمع عنك في الجرايد واشوفك في التليفزيون وأقرألك كتب

ومتنكرش انك نفسك في كده

[IHAB AZZAM]

ازاي مشتركه جديده وعرفتي انه ملك الفلوب وبيعلمنا الحب

لحقتي في خمس دقايق تقرأي كل اللي كتبه في المنتدي

ياجماعه محدش يدخل باسم جديد عشان يدافع عن فكره

[DARWEEN]

أستاذ أيهاب ...

حضرتك مش ملاحظ أنك هجومي قوي بدون داعي !!!!

مش فاهم تحديدا أنت أيه اللي مش عاجبك ...

يا أخي الفاضل إن عجبك ماتقرأ ... فتمتع بمشاعر جميلة راقية ... وإن كان لديك إنتقاد محدد فأكتبه ... وإن لم يعجبك ... فأقلب الصفحة ..

لكن أن توجه باقي الأعضاء حين يدلون بأراءهم ... أسمح لي فهذا غير مقبول

[IHAB AZZAM]

يا داروين انا مش هجومي ولا حاجه

بس انا مبحبش الحاجة اللي مش واضحه وصريحه

مش هتكلم علي اخر رد ليه

بس هكلمك عن انت ناوي تعمل ايه؟

عايزيين نوسع نطاق شعرك بره

مش عايزيكو في يوم من الايام تبطلوا تكتبو وتستسلمو

مش عايز شعرك وثقافتك وقرأتك دي تروح علي الارض

مش عاوز دا كله يكون نزوة

محدش عاوز يرد عليه علي اني معاكو مش عليكو

هجومي فين بقي ياداروين

عايز نفكر نساعد حد فيكم انه يبقي جامد والدنيا كلها تسمع عنه

يبقي انا هجومي كده

انا لو مش عاجبني اللي مكتوب زي ماانت قلت مكنتش دخلت اصلا

بس اللي مكتوب ده يستاهل يقرأه مش 100 ولا 200 ولا 1000 واحد بيخشه المنتدي

لا

دا يستاهل يقرأه كل من ينطق بالعربيه

[Folana]

ازاي مشتركه جديده وعرفتي انه ملك الفلوب وبيعلمنا الحب

لحقتي في خمس دقايق تقرأي كل اللي كتبه في المنتدي

ياجماعه محدش يدخل باسم جديد عشان يدافع عن فكره

السلام عليكم ورحمة الله....

استاذ ايهاب...اسمح لى اسألك نفس السؤال حضرتك لسه عضو جديد معانا لحقت تعرف منين كل اللى كتبته فى هذا الموضوع؟....4 مشاركات من اصل 6 مشاركات...هنا فى هذا الموضوع والذى بيصنف من اجمل الموضوعات وهذا رأى الاعضاء....زبالمناسب ماحدش محتاج انه يسجل باسم جديد علشان يدافع عن فكره..الا اذا كانت المشاعر والافكار ورقى الاحاسيس تهمة تستوجب الدفاع من وجهة نظر حضرتك....

بس يكون عندك الهدف وتقولي عليه

بتكتب لمين؟

يعنى ده سؤال...؟... عمرك شفت شاعر او كاتب بيتسأل انت بتكتب لمين؟....حضرتك كنت بتكتب ياريت نقرأ جزء من كتابات حضرتك ومش حنسألك انت بتكتب لمين برضه

اوعي تكون فاهم اني بحبط عزيمتك او بكره الناس في المحتوي

بالعكس والله دا أنا نفسي اسمع عنك في الجرايد واشوفك في التليفزيون وأقرألك كتب

ومتنكرش انك نفسك في كده

لا تعليق....

[إبن مصر]

استاذ ايهاب.

انت كده بتبوظ الموضوع بتاعى فعذرا ليك.

اولا اتهامك مرفوض بالمره وفيه تطاول على شخصى لا اقبله فلا لمثلك او الف مثلك ساجعل احد يدافع بدلا عنى عن فكرى او رأى ولا اقبل منك هذا الاسقاط الغير سوى تجاهى .

ثانيا رأيك انت قلته وشكرا هذا الموضوع ليس لمثل هذه المهاترات ... انت تريد ان تأكل عيش من الشعر... ماشى غيرك مش عايز.

تخير لغه خلافك وحوارك مع الاخرين حتى على الاقل يقبل الانسان منك الكلام.

اما ان تنثر رزاز كلماتك بهذه الصوره وتتهم هذا وتلقح كلام على تلك.. فهذا ليس مسوح به فى هذه الساحه ولن اسمح به فى موضوعى .

لذا اما ان تكتب بهدؤ وكلام منطقى مقبول حواريا او فلتتفضل بعدم افساد المواضيع بهذه الصوره.

ارجو ان يكون كلامى واضح المعانى .

[IHAB AZZAM]

يا جماعة انتو واخدين الموضوع بشكل شخصي جدا

انت فهمت ايه من سؤالي انت بتكتب لمين؟

انا حاسس انك فهمت ان سؤالي ده معناه بطل كتابه بقي بدام مفيش ناس كتيير بتقرألك

لايااخي والله حرام عليك

انا معجب باللي بيتكتب وبالمشاعر الرقيقه والاحاسيس العاليه اللي موجوده

وداخل وفكري انك او غيرك هيقدر اتجاهي ده ان الموضوع ياخد شكل حرفي

عشان انا خايف علي كل الشعراء اللي هنا ليبطلوا كتابة لأي سبب من الاسباب

واهمها لقمه العيش

ليه متكنش هوايتك وحبك وعشقك وأدبك والحاجه اللي بتحب تعملها هي لقمة عيشك

كنت عايز نوصل ان احنا نفكر في الموضوع ده عشان محدش يبطل كتابه في يوم من الايام

بس فوجئت ان في ناس فاكرني بتهكم عليهم

وبتسألني انت بتكب طب وريني بتكتب ايه ومحدش هيقلك بتكتب لمين؟

الموضوع مش شخصي بيني وبينك او بيني وبين اي حد كتبت ورد عليه

هوه ده ياناس اللي بيموت اللي الادباء في مصر

عارف ان الانسان بيكتب ومش مستني حد يقرأ

او مش مستني نقد وانا مش ناقد

انا عايز كل حرف كتبته من يوم ما بدأت تكتب لحد اخر حرف كتبته في حياتك يكون متسجل وموجود وبيتكرر

ميمتش معاك

المميز فينا نطلعه نظهره نساعده نوجهه ندعمه

المهم يطلع من نطاق اليوميات والفضفه الي مكان اوسع هوه يستحقه وانت تستحقه

والله هوه ده القصد

وياريت تفهمني صح

[إبن مصر]

الاخ الفاضل سيتم فصل مداخلاتك الخاصه بتشجيع الشعراء على النشر فى موضوع مستقل فى نفس الباب .

المداخلات التى اخرجت الموضوع من سياقه سيتم ضمها اليه ووفر نقاشك لهذا الموضوع المستقل .

برجاء من اى من زملائى المشرفين فصل هذه المداخلات .

وشكرا

[IHAB AZZAM]

لا يااخي شكرا علي ردك المحترم القيم

وعلي مناقشتك الجريئة البنائة

و اسف اني اتهكمت علي شخصك

واسف اني بوظت الموضوع (((((بتاعك)))))

ومن غير ماحد من الاخوة المشرفين يفصلني

انا مش داخل المنتدي ((((بتاعك)))) تاني

وشكرا واتمني انك متزعلش مني

لو قلتلك انك عامل الموضوع ده عشان الناس تقرأ افكارك لوحدك

مش عشان الناس تطرح افكارها

اسف

السلام عليكم

[إبن مصر]

المنتدى مش (((بتاعى)))

الموضوع لو كان (((بتاعى))) الا ان المشاركات فيه مكفوله دون الخروج عن سياق العرض الادبى ونقد النص الادبى المكتوب.

لغته الجميله الراقيه الغير تهكميه المحترمه والقيمه وغير هجوميه تستطيع ان تستخدمها مع الجميع ولكن فى المكان المخصص لذلك.

اسقاطك على شخصى الضعيف هو رأيك الذى احترمه وان كنت لا اوافقه.

شكرا لوجودك واتمنى الا تغضب وتنسحب فهذا الموضوع بكامله لمناقشه افكارك وارائك الخاصه بتشجيع الشعراء على نشر اشعارهم ..

[DARWEEN]

يا أخ أيهاب ...

إن كان دخولك للمحاورات بغرض أنك تقول ماقلت .... فلقد وصلت الرسالة

لكن محاورات المصريين ليست ملكا لأحد ولن تكون يوما ما ملكا لأحد

الموضوع ببساطة هو عبارة عن أحاسيس شعرية جميلة نشارك فيها جميعا بالكلمة الراقية

أما كون أن سيادتك تطلب أن يسترزق أحد مما يشعر ويكتب ... فأعتقد أن هذا متروك لصاحب الكلمات إن كان يود إستغلالها بشكل تجاري أم لا ...

أما كون أن الآلاف يجب أن يقرؤا ما يكتب ... فلن يوجد أفضل من محاورات المصريين التي يزورها ويقرأ موضوعاتها الألاف بالفعل

أما كونك بوظت الموضوع ... فهذا لكونك خرجت بالموضوع عن سياقه الفعلي وحولته لمناقشات حول جدوى ما يكتب فيه

أما كونك تشارك في المحاورات أم تكتفي بما شاركت به ... فتلك حريتك الشخصية ... وأهلا بمشاركاتك البناءة دائما

تحياتي

[IHAB AZZAM]

ياأخ نيرون

مش الفكرة انك تسترزق باللي انت كتبه علشان تعرف تكمل كتابه

انا كنت بناقش الموضوع عشان نلاقي حل مع بعض

لو عندك حل تاني قولي

لو عندك فكرة قولها

قولي انا عن نفسي مش هبطل كتابة عمري

عشان كذا كذا

قولي انك مش محتاج فلوس اصلا ولا محتاج تشتغل ولا محتاج تتجوز

قولي انا منفسيش حد يسمع عني

ولا نفسي الاقي تقدير

ولا نفسي الاقي اسمي مكتوب علي ديوان

لو عندك حل تاني قوله

الشعر ده مبيكتبش كده بالساهل

بياخد من اعصابك ومشاعرك واحساسك ووقتك

الشعر مجهد مجهد مجهد

كمل ربنا يوفقك بس فكر ازاي تساعد نفسك

وتحقق حلمك انك تبقي شاعر كبير

ومعروف

وابقي اتنزل عن ايراد كتبك ليه

سلام

[IHAB AZZAM]

اسف

اقصد داروين

[Folana]

ياأخ نيرون

مش الفكرة انك تسترزق باللي انت كتبه علشان تعرف تكمل كتابه

انا كنت بناقش الموضوع عشان نلاقي حل مع بعض

لو عندك حل تاني قولي

لو عندك فكرة قولها

قولي انا عن نفسي مش هبطل كتابة عمري

عشان كذا كذا

قولي انك مش محتاج فلوس اصلا ولا محتاج تشتغل ولا محتاج تتجوز

قولي انا منفسيش حد يسمع عني

ولا نفسي الاقي تقدير

ولا نفسي الاقي اسمي مكتوب علي ديوان

لو عندك حل تاني قوله

الشعر ده مبيكتبش كده بالساهل

بياخد من اعصابك ومشاعرك واحساسك ووقتك

الشعر مجهد مجهد مجهد

كمل ربنا يوفقك بس فكر ازاي تساعد نفسك

وتحقق حلمك انك تبقي شاعر كبير

ومعروف

وابقي اتنزل عن ايراد كتبك ليه

سلام

السلام عليكم ورحمة الله.....

نيـــــــرون ؟؟؟؟؟؟؟؟!!!!!!!!! نيرون!!!!!!

الاخ الفاضل نيرون لم يشارك فى هذا الموضوع....ولا اجد تفسير لزلة القلم هذه الا انها ظهرت فى وقت مناسب.....كما ان سعادتك عضو جديد والزميل نيرون له مده طويلة جدا مش بيشارك معانا...يعنى مش معروف قوى كده ( سامحنى يانيرون )....لكن احب اوضح ان المقصود بفصل الموضوع هو ان يصبح موضوع مستقل كما ترى حضرتك وليس المقصود فصل سعادتك ...

شكرا لك...............:lol:

[إبن مصر]

معلش هو اكيد مش قصده الاسم التبس عليه .. لانه عضو" جديد" ومسجل "امبارح" بس فميعرفش ((نيرون)) .

المهم ان بس لفت نظر بسيط مش لازم احلام الشخص تبقى هى نفس احلام كل الناس.

مش علشان حلمك انك تتعرف وتكتب دواوين يسبقى لازم دى تكون احلام الكل..

بس

[DARWEEN]

قولي انك مش محتاج فلوس اصلا ولا محتاج تشتغل ولا محتاج تتجوز

قولي انا منفسيش حد يسمع عني

ولا نفسي الاقي تقدير

ولا نفسي الاقي اسمي مكتوب علي ديوان

الحمد لله ....

أنا وأخي أحمد محمود ( عذرا إن كنت سمحت لنفسي بالحديث نيابة عنه )

مش محتاجين فلوس ( الحمد لله على نعمه ) :lol:

مش محتاجين نشتغل فكل منا يعمل في مركز جيد جدا وطالع عيننا من كتر الشغل ( تاخد شويه ) :D

مش محتاجين نتجوز فكانا متزوج ( للأسف ):wub: وأتحدث هنا عن نفسي بس ماليش دعوه بأحمد

منفسيش حد يسمع عني ... نعم فنحن نكتب مشاعرنا ولا نبحث عن شهره

يكفينا تقدير أخوتنا هنا في محاورات المصريين فهم نخبة من مثقفي المثقفين

ولا نفسي ألاقي أسمي مكتوب على ديوان ... لن يزيدنا شيء ولن ينقص من قدرنا شيء عدم كتابته

ماسبق أخي الفاضل كان إستهلالا لابد منه ( إقتباس مشروع من أستاذنا عادل أبو زيد ) وذلك لكي أجيب على تساؤلاتك ... أما بعد ...

يا أخي العزيز ... مجرد إفراغ ما بداخلك في معاني جميلة وكلمات منظومة راقية هو إمتاع في حد ذاته ... و من منظوري الشخصي ... أرى أني لا أحتاج تصفيق ولا هتاف ... ولا أطلب شهرة ولا أسعى لهتاف المعجبين

أنا أكتب ( وكثيرا كثيرا لا أنشر حتى هنا ) حتى أشعر أني إنسان ... يشعر ... يتفاعل ... ويعبر عما بداخله

وبالمناسبة ... لا يعني أن أكتب في العشق أني متيم ومغرم ... كما لا يعني أني أكتب غاضبا أني إنسان ثائر أو حانق ... فربما كنت مجرد أماني ... أو أحلام ... أو لحظات شجن

أخي العزيز ... هي لحظات نحياها ونتفاعل بها ( كل على قدر إحساسه بالأمور )

فدعنا يا عزيزي نكتب ونفرغ عن أحاسيسنا بكلمات تنقرها أناملنا على الصفحات

ولعلمك لقد أثار موضوعك أفكاري للعودة لكتابة الشعر بعد فترة من التوقف ( بالعند فيك )

[IHAB AZZAM]

ياأخ داروين

انت ليه حاسس ان انا ضدك او ضد الاخوة في المنتدي

ليه ياجماعة مش مصدقين ان انا مش داخل اعمل مشاكل

ليه متنقشنيش في فكرتي بوضوح ومباشرة بدون كلام شخصي

ليه بطلت كتابه اصلا؟

هل الحياة اخدتك؟

هل الشغل الشاغل اللي عندك أخدك من هوايتك المفضلة؟

طب يبقي انا كده....صح

انت بتناقشني في فكرة حصلتلك بالفعل

وبتكتب غيرها

ولو انت مش محتاج وربنا يزيدك من نعيمه يارب

فكر في اللي محتاج

وهيبطل زيك بسبب الشغل الشاغل

مش افضله ببساطه بعيد عن الفلوس ياسيدي

مش هيبقي انتجه اكتر

وزهنه اصفي

وابداعه امتع

وبعدين الحمد لله انك رجعت تكتب ياسيدي بالعند فيه

كده يبقي انا اثرت فيك بحاجه

وطلع كلامي كله مش علي الفاضي

بس ياتري بقي

هتكتب لمين؟

[DARWEEN]

ياعم مين بس قال اني باقول انك ضدي ولا معايا

والله ولا خطر على بالي انك داخل تعمل مشاكل ولا للحظه واحده ... وصدقني لو كان هذا الاحساس تطرق لذهني للحظة واحدة فأكيد كان تصرفي معاك سيختلف تماما .... وأنا لم أفعل شيء إلا إني شرحت لك كيف تجري الأمور وماهي خلفيات الموضوع ( على إعتبار إنك عضو جديد )

وأنا ياسيدي هنا أناقشك ولست أتحداك ...

ليه بطلت الكتابه ... لو كنت متابع كنت ستعرف أني تعرضت مؤخرا لأزمة صحية ....

مشاغل الحياه أخذتني ... ومن منا لا تأخذه مشاكل الحياة ومشاغلها ؟؟

نيجي لفكرتك ....

أولا ... هل قناعتك الشخصية أن ماتكتبه يصل لمرحلة الإحترافية ؟؟

هل سيجد له من يقرأ ويستمتع ؟؟

هل سيكون متبعا لأساليب الكتابة الصحيحة ؟؟

إن كان ذلك كذلك ... فنحن في إنتظار أن تمتعنا معك بكلماتك

أظن أن المشاركة دائما أفضل

تحياتي وأمنياتي بالتوفيق