بيحصل قي بلد النيل ... وبعدهالك يااحمد يامغربي

[محاور مصرى]

الناس بتموت بعضها عشان الميه....واحنا في بلد النيل...

الخبر التالي منقول من موقع مصراوي

http://www.masrawy.com/News/2007/Egypt/Pol...y/18/water.aspx

وقد شهدت قرية بشبيش التابعة للمحلة الكبري الاثنين مشادات ومعارك بالايدي بين مئات الفلاحين الذين تجمعوا للحصول علي المياه.

وفي محاولة منه لتدارك الازمة ارسل اللواء الشافعي الدكروري محافظ الغربية لجنة خاصة لفض النزاع بين الفلاحين والمزارعين الذين هددوا بتصعيد الموقف اذا لم تقسم كراتين المياه بينهم بالعدل.

وهدد عدد من هؤلاء باحتجاز السيارات لحين حصولهم علي حقهم وقد تأزم الموقف بعد ساعات وذلك علي اثر نجاح مجموعة من الشبان بالاستيلاء علي عدة كراتين وقاموا بتهريبها عبر الزراعات المحيطة بالمكان

وعلي الفور قام عدد من الموظفين بمطاردتهم غير ان هؤلاء نجحوا في نهاية الامر في الوصول لمنازلهم الفقيرة بكراتين المياه وبسبب تصاعد الازمة والاحتقان بين سكان مدينة بلقاس التابعة لمحافظة الدقهلية قرر المحافظ حسن حميدة جمع معلومات موثقة عن اهالي المركز من اجل تسليم كراتين المياه المهداة من الاميرة سماهر ابنة الامير ترك ببطاقات الرقم القومي.

وقد ازدهرت في القري التي تعاني من ندرة المياه في محاذاة الدلتا تجارة المياه حيث يتردد التجار علي الاماكن المحرومة ومعهم جراكن يقومون ببيعها مقابل خمسة جنيهات للجركن الذي يحتوي علي عشرين لترا من المياه وقد ارتفعت الاسعار بعد تفاقم الازمة.

وقد ناشد مسؤولون بالمحافظة المواطنين التعامل مع المياه بحرص شديد وعدم اهدارها في ما لا يفيد واقتصار استخدامها علي الشرب فقط.

يعني ايه ... مفيش طبيخ مفيش استحمام ... طيب الناس بتعمل ايه عشان تحل الموضوع ده ...

قعدت افكر في الموضوع مالقيتش حل...لحد اما فتحت التلفزيون وشفت الصور عالنت ... الناس بتجيب الميه من الترعة ...ياخبر ..من الترعة ..اي والله من الترعة ...الله يرحمك ياعبد السلام ... حضروا نفسكوا عشان بقى بكرة هانسمع في مصر مشكلة البلهاريسيا و انتشارها تاني ... و يجي وزير الصحة يقولنا ان ده حصل بسبب مشكلة الوزير الزميل ....زي ماعمل زميله و قال ....

وشدد علي انه ليس مسؤولا عن تلك الازمة مشيرا الي انه ورثها عن سلفه د. محمد ابراهيم سليمان، وناشد المغربي المتضررين من انقطاع المياه الصبر والتشبث بالارادة مؤكدا علي عزم الحكومة حل الازمة في وقت قريب.

اللي يغيظ بقى...

وبالرغم من الهجوم والانتقاد اللاذع للحكومة الا ان مظاهرات العطشي لم تجبر الحكومة علي عقد اجتماع واحد لمجلس الوزراء لمناقشة الازمة.

وقد تبرع ثلاثة من رجال الاعمال من دولة الامارات بكميات جديدة من المياه لاهالي بلقاس وتقدر الكمية التي وزعت علي المواطنين بمقدار كرتونة لكل اسرة تحتوي كل منها علي اثنتي عشرة زجاجة، حسبما ذكرت جريدة القدس العربي.

وصل عدد المتبرعين بمياه صالحة للشرب للعطشي المصريين في ثلاث محافظات بالوجه البحري فقط لخمس اثرياء من دول الخليج ارسلوا بالفعل عدة شاحنات عملاقة محملة بكراتين المياه المعدنية لانقاذ العطشي.

شوفوا بقى الموضوع وصل لايه ... اللي هم عايزينه بيحصل عايزين شعب يشحت و يخدم ....بدات بخادمات الوزيرة عيشة و دلوقتي شحاتين المغربي .....حسبي الله ونعم الوكيل فيكوا كلكوا....وصلتوا الشعب للدرجة دي... ياااعالم دي بلدنا احنا مش بلدكوا ... الناس مش هاتكون ابدا زي ماانتو عايزين ....

و ا خيرا يظهر الوزير امس عالتلفاز على برنامج البيت بيتك....

للاسف رايت اخر 20 دقيقة تقريبا من اللقاء.... قال ايه بقى الوزير فلتة عصره ....

مشكلة الميه هاتتحل انشاء الله في كل مصر بعد اربع سنوات...

اه يعني اصبر الاربع سنوات دول يامصري هايجليلك شوية فشل كلوي على شوية بلهاريسيا على شوية....الخ من الطبيخ و الاستحمام بمية الترع...معلش اصبر شوية ضحي بصحتك و عمرك عشان بلدك بلدك اللي شربت من نيلها :lol: و اكلت من خيرها ...ضحي عشان هم يعيشوا و يظبطولك البلد عشان بعد لما تموت تتمتع بالبلد لما تلاقي مكان كويس تتدفن فيه... مصر بتحبك يامصري...

وقال الوزير مش عاجبه جملة ثورة العطشانين ....عل لسانه في البرنامج ... :

"ثورة العطشانين في مصر " ايه التهريج ده

قالها بعنف لدرجة ان المذيع اتخض :D ...

مش عاجباك الكلمة طيب خد عندك ..." ثورة العطشانين في مصر ""ثورة العطشانين في مصر ""ثورة العطشانين في مصر" يافاشل يافاشل يا فاشل يا فاشل...........( معلش شوية تهريج لاني كنت هاطق من ردوده )

اسمعوا الرد بتاعه على سؤال المذيع عن مشكلة الصرف الصحي و اختلاط مياه الصرف مع مياه الشرب في بعض الاماكن في مصر...

على لسان الفلته...

لا ... مشكلة الصرف الصحي حاجة تانية دي بقى ماتتحلش في 4 او 5 او 6 او 7 سنين ده غير الميزانية المطلوبة لحل المشكلة

اسف مش قادر اكمل.... ضغطي اترفع....

حسبي الله و نعم الوكيل....

[محمد عبدالعزيز]

شاهدت لقاء الوزير أمس فى البيت بيتك, وقرأت الخبر اليوم فى موقع مصراوى ولا أجد ما أقوله غير حسبى الله ونعم الوكيل.

بصراحة لا أستطيع أن ألوم الوزير الحالى ولا أى وزير سابق أو لاحق, الأحق باللوم هو رأس الأفعى, والمواطنين المفرطين فى حقوقهم شركاء فى الجريمة.

لماذا لم يتحرك هؤلاء منذ بداية المشكلة منذ 12 سنة فى بعض القرى ومنذ 5 سنوات فى قرى أخرى كما جاء فى الصحف؟ لماذا التكيف مع الفساد والظروف غير الآدمية؟

والمصيبة -كما جاء فى الخبر على موقع مصراوى- إن المواطنين تصارعوا على كراتين المياه وكل يريد أن يأخذ أكثر من الآخر وهناك من سرق كراتين وهربها!!!

لم يظهر المعدن الأصيل للمصريين والشهامة والنخوة والمروءة وقت الشدة والأزمة, بل أصبحنا على العكس تماماً نخدع بعضنا ونطمع فى بعضنا ونقتل بعضنا ونسب بعضنا ونسخر من بعضنا, كل هذا فى وقت اﻷزمة.

[محاور مصرى]

بصراحة لا أستطيع أن ألوم الوزير الحالى ولا أى وزير سابق أو لاحق, الأحق باللوم هو رأس الأفعى.

الاخ محمد كلامك ده فكرني بحاجة تانية كمان....

في المشاكل اللي في البلد اللي مابتتحلش الا من توجيهات سيت الرريس ....مش اسمه كده برده

وممكن المشكلة دي بقدرة قادر تبقى منهم ...ان شاء الله.

احب اقول لسيته انه صعبان علينا بجد هيلاقيها منين و لا منين من الوزير ده و لا من ده و لا من اللي قبله...

انا عارف ان اختيار الوزرا اكيد صعب ... بس للتسهيل حبيت اقوله ياريت في اختياراته ياريت يختار ناس ... قياديين ... بيعرفوا يتصرفوا في المشاكل بسرعة ... مش يفضلوا نايمين او تايهين ( لو كانوا بيحاولوا يعملوا حاجة اصلا ) ..و مستنين الاوامر و الحلول من سعته ( طبعابعد الناس كلها تتاكد ان مفيش حل )...

معلش ياريس انت بجد صعبان علينا ... اتعب شوية في الاختيار عشان يريحوك بعد كده ...

.....................................

.....................................

.....................................

ربنا يصلح الحال....

.....................................

.....................................

والمواطنين المفرطين فى حقوقهم شركاء فى الجريمة

مش عارف...بس ماتلومش المواطنين ...

الجهل و الفقر و المشاكل و الهموم ملياهم ....

و بعدين اقرا...

الامن يهدد باعتقال المتظاهرين ضد العطش

الخبر ده في كل حته ....

http://www.masrawy.com/News/2007/Egypt/Pol...y/17/water.aspx

ياترى الاعتقال و بهدلة الكرامة و انه الفرد يسيب اسرته محدش بيصرف عليهم و ممكن توصل لضياع للحياه باكملها يساوي انه يتظاهر او يعارض او يقول كلمة حق و برده مابيحصلش حاجة لانه الاضعف..مش عارف...

ياريت حد يقولنا راي الدين في الموضوع ده ... بس طبعا لو حد عنده علم ... ويكون جايب الاثباتات...بلاش الاراء العنجهية ...

عموما الناس بدات تفوق ... وفي حالة وعي في البلد و عند الناس ... نتيجة الانفتاح و التلفزيون و الانترنت واللازي منه .

[achnaton]

[font="Arial"]

بسم الله الرحمن الرحيم

لا حول ولا قوة الا بالله العظيم

وزارة الاسكان والمرافق والتنمية العمرانية .. وزارة فى تصورى مهمتها تقديم الخدمات للشعب .. بمعنى انها وزارة خدمات .. ولكن يبدو لى ان كبار القرية الذكية وعلى رأسهم العمدة الألكترونى شايفين -ومعاهم حق - ان الخدمات دى التى تقوم بها هذه الوزارة يجب اولا ان يتمتع بها سكان القرية الذكية دونا عن بقية قرى المنحوسة ( المحروسة سابقا ) .. واعتقد ان الكثيرين منا شافوا او سمعوا او قرأوا عن الانجازات الرائعة لهذه الوزارة فى عهد وزيرها السابق ..( من هذه الانجازات تخريب شركات المسبوكات واستيراد المواسير من فرنسا ) هذه الانجازات التى يشهد بها عدد من الوزراء وبعض ابواق الكذب الوطن التى نطلق عليها مجازا " الصحافة القومية " وقصور الابراهيمين .. وسمارة ابو زمارة .. وغيرهم الذين ساعدهم عن بعد معالى الوزير السابق .. الوقت حولوها الى وزارة خدمات لتنظيف جيوب المواطن .. والمساهمة فى بيع املاك الشعب .

السؤال الغريب الذى يدور من فترة فى راس الكثيرين .. لماذا كل هذا الحجم من الاعمال نجبر فرد واحد على اتخاذ القرار فيها .. ( من فضلكم رجاء الاطلاع على :

http://www.egyptiantalks.org/invb/index.php?showtopic=33144

السادة بتوع القرية الذكية .. خبراء ايضا فى البيع بالمزايدات والتصفية .. ومن اولى المهام القائمين بها بيع كل ما يمكن بيعه من املاك الدولة حتى تبدوا الهيئة الخارجية بما تتناسب مع خيبتنا القوية .. زى زمان ما شفنا فى احد الافلام حكاية الامير الفلسان ..

ويبدو ان خبراء القرية الذكية فطنوا ان الشعب مازال عنده فلوس تحت البلاطة ..وعنده لسه اصول ممكن تتباع !! ووسع انت وهو .. بعد بنك اسكندرية وعمر عمر افندى والفادق .. دخلوا على بنك القاهرة .. طيب وكيف يتم التنظيف .. ؟؟ وايه اللى بيعملوه فى البلد ده .. دول نازلين فيها بيع ؟!!!!!!!

عملية سهله امام خبرة خبير التنظيف .. تنظيف الجيوب .. نبيع المرافق .. اللى بتجيب فلوس واللى من غيرها يغرق المواطن ويلوص .. الكهرباء .. والماء .. واذ لم تكفى نبيع الاسبوع الجاى الهواء .. بعد أن يدهنه الخبراء ديكو .. وهى دى المهمة التى يتولى السيد احمد المغربى تنفيذها الآن.. ظهر للمرة الثانية راكب الحصان .. فى برنامج البيت بيتك وللمرة الثانية فى وقت قصير يتحمل حضرته التوضيح عن حكومة القرية الذكية .. وتسويق سياسة الحزن الوطنى .. ولن تهدأ هذه الوزارة الا بعد أن تبيع الماء والكهرباء والهواء .. والتمهيد ابتدأ .. والمسرحية بتاعة المظاهرات وتسليط الاضواء على انعدام مياه الشرب فى القرى والاحياء .. ويبدأ الوزير ويحكى .. ونزود الاعتمادات ونحل الاختناقات .. وبعدين نلاقى الخزنه فاضية .. وعندما يتضح لمعالى الوزير ان حكاية 15 مليار اللى اعتمدها وزير خراب الخزانه لتيسير شربة ماء للمواطن ما يجبوش جراكن لاهالى القرى المصرية المحرومه من مياه الشرب .. كل الحكاية 2 مليار يورو يعملوا بالكثير ثلاثة محطات تكفلى مين ولا مين ؟؟ حيخرج علينا معالى الوزير ويقول لازم القطاع الخاص يساهم ونعطيه حق تجارة مياة الشرب ؟؟!! ومش حنتكلم عن حكاية الكهرباء وحملة الدعاية للمبات الكهرباء اللى حيبعوها للشعب بالتقسيط !!! ايوه ما هو المستمع او المشاهد عبيط !!

بعد ما نخلص من التخلص من مرفق المياه .. نشوف الصرف الصحى يجيب كام لدعم الميزانية ؟؟ ما هو مفيش بنى آدم حيستحمل الامساك اكثر من ثلاثة ايام .. نشوف شركات قطاع خاص تشيل العملية .. تمام مثل شركات القطاع الخاص بتوع الزباله ..

دا احنا لسه ياما حنشوف .. ربنا يسترها مع الجميع .. والله دى حاجه تغيظ ..!! تعبت .. نتكلم فى ايه ولا ايه .. نكمل بعدين باذن الله

تم تعديل 19 يوليو 2007 بواسطة achnaton

[shawshank]

... و يجي وزير الصحة يقولنا ان ده حصل بسبب مشكلة الوزير الزميل ....زي ماعمل زميله و قال ....

وشدد علي انه ليس مسؤولا عن تلك الازمة مشيرا الي انه ورثها عن سلفه د. محمد ابراهيم سليمان، وناشد المغربي المتضررين من انقطاع المياه الصبر والتشبث بالارادة مؤكدا علي عزم الحكومة حل الازمة في وقت قريب.

...

.... قال ايه بقى الوزير فلتة عصره ....

مشكلة الميه هاتتحل انشاء الله في كل مصر بعد اربع سنوات...

اه يعني اصبر الاربع سنوات دول يامصري هايجليلك شوية فشل كلوي على شوية بلهاريسيا على شوية....الخ من الطبيخ و الاستحمام بمية الترع...معلش اصبر شوية ضحي بصحتك و عمرك عشان بلدك بلدك اللي شربت من نيلها و اكلت من خيرها ...ضحي عشان هم يعيشوا و يظبطولك البلد عشان بعد لما تموت تتمتع بالبلد لما تلاقي مكان كويس تتدفن فيه... مصر بتحبك يامصري...

بعد أربع سنوات سيكون الوزير الحالي صار سابقًا وسيقول الحالي ساعتها : "لست مسؤولا عن تلك الازمة لأنني ورثتها عن سلفي أحمد المغربي" .

[محاور مصرى]

[font="Arial"]

وعندما يتضح لمعالى الوزير ان حكاية 15 مليار اللى اعتمدها وزير خراب الخزانه لتيسير شربة ماء للمواطن ما يجبوش جراكن لاهالى القرى المصرية المحرومه من مياه الشرب .. كل الحكاية 2 مليار يورو يعملوا بالكثير ثلاثة محطات تكفلى مين ولا مين ؟؟ حيخرج علينا معالى الوزير ويقول لازم القطاع الخاص يساهم ونعطيه حق تجارة مياة الشرب ؟؟!!

ماهو ده الي ناقص يعملوا كمان.....

.............

.............

ايه ده ..تصدق عندك حق ...

ربنا يستر و ميخصخصوش الميه كمان للاجانب وعشان نشرب من نيلنا لازم ندفع للاجانب ..ياكده يا.......

يا يبيعوا الشعب عشان ياخدوا فلوسهم ...حاجة كده زي موضوع خادمات عيشة ...

[mesryforever]

بلاش تشربوا ميه أشربوا "كوكا كولا وبيبسي وسفن أب" إللي أثبوا علماً وبالدليل القاطع إن المشروبات الغازية يدخل في تركيبها " أمعاء خنازير " ده غير نسبة " المواد المسرطنه" إللي فيها تفوق الحد العالمي وخصوصاً في مصر

لأن صاحب هذه الشركات أو الشريك الرئيسي فيها في مصر هو إبن سعادة الباشا سيت الرئيس

أعطشوا علشان سيت الرئيس يشرب

جوعوا علشان سيت الريس ياكل ويشبع هو وحكومته الرشيده

موتوا علشان سيت الريس يعيش

أتعروا علشان سيت الريس يلبس

أما أنت يا شعب معندكش دم صحيح

هو مش سايبلكوا الهواء معالهوش ولا جمارك ولا ضرايب

لكي الله يا مصر

وحسبي الله ونعم الوكيل

[محاور مصرى]

في المشاكل اللي في البلد اللي مابتتحلش الا من توجيهات سيت الرريس ....مش اسمه كده برده

وممكن المشكلة دي بقدرة قادر تبقى منهم ...ان شاء الله.

وفعلا زي ماكلنا ياجماعة توقعنا يتدخل سيته لحل المشكلة زي كل المشاكل بتاعت البلد....

تدخل بعد ماالقنوات و الصحف استضافت جميع المسئولين بمن فيهم الوزير .... يظهر بقى هو ويحلها ....انشاء الله...

اتفضلوا اقرأوا...

خلال اجتماعه بهما في حضور نظيف.. مبارك وجه انتقادات عنيفة لـ "أبو زيد والمغربي" وحملهما المسئولية عن أزمة العطشى

كتب أحمد عثمان (المصريون): : بتاريخ 20 - 7 - 2007

وجه الرئيس مبارك، انتقادات شديدة إلى وزيري الموارد المائية والري الدكتور محمود أبو زيد والمهندس أحمد المغربي وزير الإسكان خلال اجتماعه معهما الأربعاء الماضي، على خلفية أزمة العطشى التي تشهدها العديد من الأحياء والمدن خلال الفترة الأخيرة.

ورفض الرئيس مبارك، الحجج التي ساقها الوزيران المعنيان بالأزمة حول حاجة هذا القطاع الحيوي لضخ استثمارات تقدر بمليارات الدولارات، خاصة وأن البنية التحتية لهذا المجال تعاني تدهورًا شديدًا.

وهدد، الوزيران بالإطاحة بهما من منصبيهما في حال تكرار هذه الأزمة مستقبلاً، مشددًا في ذات الوقت على أنه سيعتمد ملياري جنيه تخصص لإصلاح البنية التحتية لقطاع مياه الشرب من أجل حل الأزمة وضمان عدم تكرارها.

ووفقًا للمصادر، فإن الوزيرين عرضا على الرئيس مبارك تقارير تشير إلى أن الأزمة الأخيرة كانت متوقعة في ظل الوضع السيئ لمرفق المياه، وهو ما حدا بالقيادة السياسية إلى أن تطلب منهما تقديم تصور يتم بالتشاور مع الدكتور أحمد نظيف رئيس مجلس الوزراء لمنع تكرار هذه الأزمة مستقبلاً.

وكانت أزمة العطشى قد أشعلت الغضب داخل أروقة السلطة من أداء الحكومة خاصة وأنها خلقت نوعا من الشك في مصداقية النظام الذي يعتبر البنية التحتية من أهم إنجازاته.

ولم تستبعد المصادر أن يؤدي ذلك إلى التعجيل بإجراء تعديل وزاري بعد أن وجه الرئيس مبارك انتقادات عنيفة لرئيس الوزراء الدكتور أحمد نظيف أثناء حضوره لقائه مع وزيري الري والإسكان وحمله المسئولية المباشرة عن الأزمة التي استغلتها المعارضة لتوجيه المزيد من الانتقادات بحق النظام.

الخبر منقول من جريدة المصريون...

http://www.almesryoon.com/ShowDetails.asp?...6221&Page=6

ياسلاااام ... ياسلااااام الراجل حاسس بالناس فعلا حامي الحمى ... وعشان كده احنا اختارناك...

وتاني ....

احب اقول لسيته انه صعبان علينا بجد هيلاقيها منين و لا منين من الوزير ده و لا من ده و لا من اللي قبله...

انا عارف ان اختيار الوزرا اكيد صعب ... بس للتسهيل حبيت اقوله ياريت في اختياراته ياريت يختار ناس ... قياديين ... بيعرفوا يتصرفوا في المشاكل بسرعة ... مش يفضلوا نايمين او تايهين ( لو كانوا بيحاولوا يعملوا حاجة اصلا ) ..و مستنين الاوامر و الحلول من سعته ( طبعابعد الناس كلها تتاكد ان مفيش حل )...

معلش ياريس انت بجد صعبان علينا ... اتعب شوية في الاختيار عشان يريحوك بعد كده ...

تم تعديل 21 يوليو 2007 بواسطة معمارجي

[محاور مصرى]

ورفض الرئيس مبارك، الحجج التي ساقها الوزيران المعنيان بالأزمة حول حاجة هذا القطاع الحيوي لضخ استثمارات تقدر بمليارات الدولارات، خاصة وأن البنية التحتية لهذا المجال تعاني تدهورًا شديدًا.

وهدد، الوزيران بالإطاحة بهما من منصبيهما في حال تكرار هذه الأزمة مستقبلاً، مشددًا في ذات الوقت على أنه سيعتمد ملياري جنيه تخصص لإصلاح البنية التحتية لقطاع مياه الشرب من أجل حل الأزمة وضمان عدم تكرارها.

خدوا بالكوا من الحتة دي الوزرا عايزين مليارات الدولارات لحل المشكلة .... و حسب مااتذكر من برنامج البيت بيتك ان الوزير كان بيتكلم في مبلغ فوق ال 15 مليار جنيه .... ياريت حد يصححلي ....

و في الاخر انشاء الله طبعا الموضوع هايتحل ب 2 مليار جنيه

ايه التهريج ده ... وزير ده ولا ...ايه بس ...

[محمد عبدالعزيز]

أنا شفت التمثيلية دى فين قبل كده؟

[محاور مصرى]

أنا شفت التمثيلية دى فين قبل كده؟

اكيد .. اكيد في مصر

طب اتفرج بقى على الخبر ده...

تكملة لمهزلة الفلوس الكتير ... و الوزراء الناجحين...

وزير مصري : الحكومة تهدر 40 مليار جنيه على مشتريات لا تستخدم

قال الدكتور أحمد درويش وزير التنمية الإدارية أن قيمة المخزون الراكد بالحكومة تتراوح ما بين 15 و40 مليار جنيه نتيجة المشتريات الحكومية التي تم شراؤها دون تخطيط مسبق الأمر الذي يضع مزيدا من الأعباء علي خزانة الدولة ، ويحملها بما لا تطيق ، ودون داع !

الخبر منقول من جريدة المصريون

http://www.almesryoon.com/ShowDetails.asp?...297&Page=13

حسبنا الله و نعم الوكيل ..... مهزلة بكل المقاييس

* الاول وزير عايز مليارات الدولارات عشان يحل مشكلة بعد كده يجي الرئيس و يقول تتحل ب 2 مليار جنيه

* بعد كده يطلع واحد تاني يقولك اشترى مشتريات ب 40 مليار جنيه دون تخطيط مما تسبب بعبء على خزانة الدولة

ايه دول وزراء و لا ....والله العظيم ده لو جبت عيال يمسكوا البلد ماهيعملوا اللي بيتعمل ده .....

لا يوجد اي شعور بالمسئولية ...مسئولية بلد كاملة ..شعب كامل 80.. مليون مواطن .. يبقوا دول المسئولين عنهم ... و في الفترة الصعيبة اللي احنا فيها دي ...العالم كله بيتحرك للامام ... ودول بيسحبوا البلد للخلف بكل برود ....

سيادة الرئيس .... وزراءك فاشلين فاشلين و هايغرقوا البلد ....

سيادة الرئيس .... ارجوا من سعتك مشاركة الشعب في اختيار الوزراء ....

سيادة الرئيس .... عايزين وزراء باختيار و انتخاب الشعب ... ... ... زي مااختارنا سعتك ....

الاخوة المحاورين اعضاء المنتدى المحترم ....

هل من الممكن ان نبدأ حملة من هنا ( بمراسلة القنوات الفضائية و الصحف )للمطالبة بما سبق ....بدل الشجب و التنديد و الدعاء عليهم ....هل من رد فعل او تصرف ايجابي ....هل يوجد احد عنده فكرة اخرى ايجابية....

هل من مجيب....

تم تعديل 22 يوليو 2007 بواسطة معمارجي

[se_ Elsyed]

الاخوة المحاورين اعضاء المنتدى المحترم ....

هل من الممكن ان نبدأ حملة من هنا ( بمراسلة القنوات الفضائية و الصحف )للمطالبة بما سبق ....بدل الشجب و التنديد و الدعاء عليهم ....هل من رد فعل او تصرف ايجابي ....هل يوجد احد عنده فكرة اخرى ايجابية....

هل من مجيب

أنا معاك في الحملة دي بس بشرط نبداها بإتهام الرئيس نفسه بالفشل لإن ما يحدث الأن في مصر هو حصاد لفترة سوداء من تاريخها بلغت 25 عاماً هي فترة حكم مبارك الذي زرع أشجار الفساد خلال تلك الفترة وها هل تؤتي ثمارها وبوفرة تكفينا لعشرات السنين قدام وإذا كنت قرأت عما يحدث في القرى المصرية من مظاهر للعطش في بلد النيل .. فلقد شاهد الجميع على شاشات القنوات المستقلة الغير حكومية منظر الناس في قرى الوجه البحري وهي بتتقاتل عشان يملوا حلة ولا جركن مية من الترعة عشان يشربوا مع العلم إن الكاميرا لو أتحركت سنتيمترات على شط الترعة هاتلاقي واحد بعمل شاور للحمار بتاعة وأولاد صغنانين قمامير قالعين سالبوتا وبياخدوا شاور جنب الحمار لإنهم غلابة وما بيقدروش يروحوا مارينا أو شرم وقدام شويه جنبهم مجموعة نسوة جايبين المواعين بتاعت المطبخ وبيغسلوها في الترعة لإن ما عندهمش دِش ووشر تخيل بقى كل ده بينضرب في الخلاط والناس بتشربه في القرن الواحد والعشرين وفي عصر القائد الرئيس مبارك الميمون .

في حين تطالعك وزارة الري والثروة المائية بأخبار عن إستعدادات الوزارة لمواجهة أثار الفيضان الذي أغرق السوادن ... يعني الناس بتموت من العطش ودول بيتكلموا عن وفرة في المياة تسبب الفيضانات .

وهاتروح بعيد ليه ... خلينا نقول إن مدينة نصر هي من المناطق الراقية في مصر .... أنا عايز اللي ساكنين هناك يحكوا عن كام سنة دلوقت المية بتقطع في فصل الصيف بشكل منتظم عامل زي الساعة الوسويسرية والناز بتصرف فلوسها على الميه المعدنية اللي سعرها بيتضاعف وقتها ... وأقسم بالله بأفتح الحنفية الاجازة دي عند اختي اللي ساكنه في السفارات وألاقي المية نازلة بيضاء بياض اللبن الحليب من كتر الكلور اللي بيهري المعدة ومش بس كده ده فيها كائنات بتلعب وواخده حريتها ... فبنضطر طبعاً نعيش على الميه المعدنية .....

ما بالك إن شبكة المياة في مدن غير القاهرة ماحدش بيقرب لها ولا بينضفها وبعضها مكسور ووالله العظيم تلاته عندنا في قُرى الشرقية مياة الشرب مُختلطة بمياة الصرف الصحي وبينزلك من الحنفية أحلى كوكتيل بطعم ورائحة المجاري وأشرب وزيح يا عم العيا مُر وأهو ما دام بنبني مستشفيات للسرطان وللفشل الكلوي يبقى خلي الناس تشرب وعلينا العلاج .. ولو الدولة قصرت في العلاج يبقى الناس هاترتاح وتريح والعدد يقل عشان نعالج مشكلة الزحام .

[محاور مصرى]

أنا معاك في الحملة دي بس بشرط نبداها بإتهام الرئيس نفسه بالفشل لإن ما يحدث الأن في مصر هو حصاد لفترة سوداء من تاريخها بلغت 25 عاماً هي فترة حكم مبارك الذي زرع أشجار الفساد خلال تلك الفترة وها هل تؤتي ثمارها وبوفرة تكفينا لعشرات السنين قدام

استاذ س س كلامك مضبوط ميه الميه و مفيش حد ممكن يختلف عليه .انا نفسي افهم ليه الراجل ده مابيقارنش نفسه مثلا بواحد زي مهاتير محمد اللي مسك الحكم في نفس السنة اللي مسك فيها صاحبنا البلد .

ولكن هناك سبيبن اني اريد ان نطالبه هو بتغيير الوزراء الفاشلين و مشاركة الشعب في اختيارهم....

1- اني بصراحة معرفش اذا كان فيه قانون في دستورنا (بتاع الرئيس اللي بيغير فيه اللي هو عاوزه في الوقت اللي يناسبه) يسمح بمعاقبة رئيس الجمهورية او المطالبة بتغييره او حتى محاسبته .....

2- لو قولنا ان الراجل غلطان ايه هي الصحيفة او القناه المحترمة اللي هاتقول الكلام ده .الكلام هايفضل هنا في المنتدى بس و لن يؤثر خارجه وانت عارف ليه طبعا.

يااستاذ س س الراجل ده راجل كبير و اكبر من جدي كمان و انا مش عايز اتكلم عليه كتير... انت عارف ان الشيبة هيبه برده ....الله يرحمك ياجدي ...

انا بحاول اكون واقعي ... و تعالى نخادها واحده واحدة ....

زي ماانا كنت طالبت قبل كده في موضوع تاني ... ان واحد من اخوانا المحاورين اللي بيعرفه يكتبوا كويس يكتب خطاب موجه لسعته ,معددا فيه مهازل وزارة رجال الاعمال بتاعت اليومين دول و الوزارة اللي قبلها و اللي قبلها و اللي .....محتاجين كده مجلد مش خطاب ... نتكلم ان مفيش وزارة منهم نجحت في حاجة ... يتكلم على الفساد الاداري , السياسي , المالي , الاموال الضائعة , الحالة الاقتصادية....الخ ...و يتم ارسال هذه الخطابات الي القنوات التلفزيزنية و الصحف ... حتى يشعروا بحالة الغضب الشعبي ...

المهم مانعديش اللي بيحصل في البلد بالساهل لحد ماينيموا الموضوع .....

زي موضوع الميه دا مثلا ....... امس و اليوم ...على التلفاز و الصحف و مواقع الانترنت لم اجد خبر واحد يتكلم عن الموضوع او يقولنا تبعيات الموضوع و ايه اللي بقى بيحصل ... هو المشكلة اتحلت و لا ايه ... و لا الموضوع ده كمان هاينام زي كل مواضيع الخراب و الفساد في البلد ....حد لاحظ الموضوع ده و لا انا بيتهيألي ......

[se_ Elsyed]

إسمح لي أقولك بكل صراحة إنك طيب ياوي يابا الحاج معمارجي

ليه ؟

انا نفسي افهم ليه الراجل ده مابيقارنش نفسه مثلا بواحد زي مهاتير محمد اللي مسك الحكم في نفس السنة اللي مسك فيها صاحبنا البلد

طب ما سألتش نفسك ليه أبو لهب عاش الفترة دي كلها وما قارنش نفسه بسيدنا عُمر مثلاً ؟

يا حبيب قلبي يقارن ليه وهو شايف نفسه في المرايا 100 فُل وخمستاشر ؟

واحد من اخوانا المحاورين اللي بيعرفه يكتبوا كويس يكتب خطاب موجه لسعته ,معددا فيه مهازل وزارة رجال الاعمال بتاعت اليومين دول و الوزارة اللي قبلها و اللي قبلها و اللي .....محتاجين كده مجلد مش خطاب ... نتكلم ان مفيش وزارة منهم نجحت في حاجة ... يتكلم على الفساد الاداري , السياسي , المالي , الاموال الضائعة , الحالة الاقتصادية....الخ ...و يتم ارسال هذه الخطابات الي القنوات التلفزيزنية و الصحف ... حتى يشعروا بحالة الغضب الشعبي ...

مش بأقولك إنك طيب

يا حاج إذا كان هو المُخطط والمُنفذ لكل ما يحدث ... يبقى تيجي حضرتك وتقول نكتبله جواب غرامي نقوله رجالتك حراميه يا ريس ؟ طب فين الجديد ما هو عارف وهو اللي منقيهم عالفرازة وإسأل يوسف والي وكمال الشاذلي وأحمد عز ؟

إوعى تفتكر إنه قاعد في برج عاجي ومش عارف اللي بيحصل او ما بيقراش جرايد وما بيتفرجش على قناة الجزيرة ؟ .... لأ ده عارف كل حاجه وبيبارك ذلك وبيدعي ربنا كمان إنها تخرب كمان وكمان ....

إنت مش واخد بالك يا معمارجي إن مبارك كان ظابط جيش .. وإن الجيش يحكمه مبدا هام جداً لا يتغير ويقول " لو ريحت العسكري يتعبك "

ده حقيقي .. يعني تخيل إنهم جابو للعساكر وجبات غدا من كنتاكي ... والعشا من سميراميس ... والمشروبات من فرغلي ... يبقى كده في غعتقادهم الجيش هايبقى كازينو صفيه حلمي

هو باصص لنا على إننا عساكر عنده في معسكر التدريب .. وبالتالي لازم يجوعنا ويطلع عين اللي خلفونا لإننا لو إرتحنا وكل واحد فينا بقى يفطر كل يوم مربى بزبدة لورباك الشهية ويبلع بإنجليش تي وتشيز كيك .. يبقى كده مخنا هايشتغل ونبتدي بقى نتكلم في كلام مالوش لازمه عن الديمقراطية والادمية وحقوق الإنسان وتداول السلطة .. وده كلام ما ياكولش لا مؤخذه مع العسكر .

العسكر يا ريس أوامر وعلى الجميع التنفيذ ..

العسكر يا حاج هرم بشري اللي فوق بياكل اللي تحته لحد ما توصل للسفح - اللي هو احنا الشعب يعني - وما تلاقيش حد تحتك تاكله فنبتدي ناكل في بعضينا واللي فوق بيتفرج ومبسوط عشان بعد عنه وجع الدماغ ..

لسه مُصر نكتب له جواب . ولا إيه رأيك نتصل به عالمحمول أو نديله ميسد كول ؟

[محاور مصرى]

إسمح لي أقولك بكل صراحة إنك طيب ياوي يابا الحاج معمارجي

............

يا حبيب قلبي يقارن ليه وهو شايف نفسه في المرايا 100 فُل وخمستاشر ؟

............

لسه مُصر نكتب له جواب . ولا إيه رأيك نتصل به عالمحمول أو نديله ميسد كول ؟

..........................................................................

الاستاذ الفاضل se elsayed

معتقدش ابدا ان طيابتي اللي حضرتك حولت الموضوع ليها لا تعني ان مش الموضوع يعني جواب نقوله ان اللي تحت ايدك حراميه ياريس و لانعرفه بحاجه هو مش عارفها اصلا..ليس كلامي المقصود منه توجيهه الى شخص بعينه ... و لا حتى ان احنا نقول حاجة معينة نفسنا نقولها و خلاص و هو سايبنا نقولها ....

انا اقصد من كلامي اني احنا لا نجاريه في تمثيليته المعروفه بانه ينيم المواضيع لحد ماتتنسى ..و في نفس الوقت اللي مش فايق من الشعب يفوق و اللي فايق و خايف يعرف ان في ناس معاه ...

اليومين دول في حالة فوران عامة في الشعب كانت واضحة في المظاهرات بتاعت المياه و في الاعتصامات من موظفي العديد من الشركات...الحال بيقول ان الناس بدأت تفوق و تقول لا و تطالب بحقوقها ... فأردت الضرب عالحديد وهو سخن ...و تحويل الموضوع و الحالة العامةللاعلام ايضا...لان حسب ماقولت مش عايزين المواضيع دي تفوت و تعدي و ينيموها و هاتتنسي بعد كام يوم و تيجي في البلد مشكلة جديدة تاخدلها كام يوم برده ..وكده .. الدورة البقت مقررة علي المصريين يوميا ....كل كام يوم مشكلة وتنام ....

وبسبب ان احنا بنعدي كل حاجة بالسهولة دي اصبحنا شعب بلا كرامة واقرا مواضيع منتداكم اللي بتتكلم عن الموضوع ده ...

المهم...

زي اي مصري مخنوق دي محاولة للتغيير بأسلوب محترم و ليس باسلوب حماسي او ثوري ينعكس بالضرر على احد ... و اظن ان ده شيء معروف بالتجربة التاريخية للبلد ....

واذا لم تجد الفكرة قبول لدى الناس ( وفي هذه الحالة ارجوا عدم التوجه للاراء الشخصية في الافراد , لانه اسلوب فيه نوع من الاستفزاز و هذا ليس مكانه ) اذن فالفكرة غير صالحة او سيئة و هذا ليس بالامر المحبط او المحزن لي و لكن على العكس بيكون توضيح لنوع من حقيقة معينة يغفل عنها صاحب الفكرة ...و اما الامر المحبط اني اعمل زي ناس كتير جت هنا الغربة و بعد ما استقر حالها و اصبحوا اقوى للاسف ازدادوا كرها للبلد و مش عايزين يرجعوا تاني لمجرد انه وجد حياة افضل ........و طبعا هو ده اللي عايزينه الناس اللي مايتساموش...........

انا بستغرب والله ..اذا ماكنش ابناء البلد هم اللي يصلحوا بلدهم ....امال بلدنا مين ليها...

هو احنا مش هانتسأل يوم القيامة برده ...ان ماكنش باستطاعتنا ان نغير المنكر باللسان و ليس بمجرد القلب فقط ...

دي كانت وجهة نظري حبيت اوضحها ...

و لو احد عنده حلول افضل و طبعا كتير ممكن يطرحها للمناقشة في محاولة للمساهمة منا في اصلاح بلدنا ..... بلدنا احنا...

معذرة للاطالة...

تم تعديل 23 يوليو 2007 بواسطة معمارجي

[محاور مصرى]

صحيفة: قرى مطلة على النيل تؤدي صلاة الاستسقاء

في اول بادرة من نوعها قام الاهالي مؤخرا بأداء صلاة الاستسقاء بعد تفاقم ازمة مياه الشرب التي تعيشها قري عديدة في الدلتا والصعيد وبقاء الازمة بلا حل.

وفي تطور سريع لمأساة العطش اعلن الامير محمد بن راشد المكتوم عن التبرع لانشاء محطة تنقية مياه عملاقة من اجل القضاء علي ازمة المياه في دكرنس.

كما اعلن البنك الدولي عن تقديمه قروضا مخفضة الفائدة قيمتها مئتان واربعون مليون دولار لبناء محطات تنقية جديدة.

منقول من موقع مصراوي...

http://masrawy.com/News/2007/Egypt/Politic...y/23/water.aspx

[achnaton]

بسم الله الرحمن الرحيم

مرة ثانية يشاء سوء حظى ان اشاهد المقابلة التليفزيونية الثانية بالنسبة لى اشاهد وامتع نظرى بمعالى وزير وزير الاسكان ومتعهد الضحك على دقون الشعب الغلبان فى القناة الفضائية امس .. ووالله انا حزنت على نفسى .. ولولا انى من زمن نجدت قفايا .. كان زمانه ورم من ضربات معالى الوزير .. معاليه بيتكلم عن مشاكل المياه فى قرى واحياء مصر وكأن المشاهدين من دولة اخرى .. ويبدو ان معاليه كان مشغول او عايش فى بلد آخر من عشرات السنين .. فنحن كمصريين بهرتنا واقنعتنا الى حد ما التصريحات الوردية بتاعة اللجان الوزارية التى كانت خلال العقدين الاخيرين تؤكد لنا ان المياه النقية وصلت الى كل قرية وكل نجع حتى ولو كانوا على حدود الجمهورية .. والله يجازيه " سمارة ابو زمارة " ومقالاته الجبارة !! ولا لما كان السادة الوزراء يتحدثون عن مشروع توشكى ومياه الرى الزائده عن الحاجة وحنزع مليون فدان وزياده !!! والحقيقة انا من ساعتها قرفان من نفسى .. ضحكت علينا الحكومات المتعاقبة .. ببيانات وتصريحات وردية .. وكل يوم حكاية وكل مساء روايه .. وتستمر التمثيلة والدنيا حر اقلع هدومك نحفظها لك .. والحفظ يطول وبقينا عرايا .. بعنا الهدوم .. عشان سندوتش فول !!! والحكومة الالكترونية كملت على الباقى مش فاضل غير حاجه مش حا اقول عليها ولا احددها ..

الوزير فى حديثة الممتع اللى فكرنى بحديث " المس " بتاعة روضة الاطفال اللى بيروح فيها حفيدى .. ربط بين بيع اراضى مصر وتمويل مشاريع المياه .. وبان كده من كلامه ان ال 17 مليار جنيه التى اعتمدها معالى وزير الخزانه الخاوية حتيجى من بيع الاراضى !! بواسطة هيئة المجتمعات العمرانية التابعه لسيادته .. والتى رفعت اسعار الاراضى فى مواقع الجمهورية .. والنهارده شدنى موضوع اخونا الفاضل سين سين وهو يروى حكايات الاراضى والعقارات .. واضاء لنا عدة لمبات على كل الموضوعات .. واللى ما يعرفوش ابو عمر الشهير بسين سين .. ان التقيل لسه جاى .. فبعد الجهد الفائق لسكرتير الحزن الوطنى الذى رفع اسعار الحديد ليتساوى مع اسعاره فى اوربا .. مع الفارق .. ان متوسط دخل المواطن الاوربى كذا ضعف .. يعنى 1500 يورو فى الشهر = حوالى 12 الف جنيه .. طب احمد عز رفع اسعار الحديد الى هذا الحد ليه ؟؟؟ ما اعرفش !!! .. ياترى بيدى العامل 12000 جنيه فى الشهر ؟؟ الانيل - جايه من النيلة - ان الخطوه الجايه حترفع تكاليف البناء بشكل يقربنا الى حد ما للأمثلة التى قدمها لنا وزير الاسكان فى حديثة .. ان فى الهند تكتفى الحكومه بمساعدة المواطنين بسكن مكون من غرفة واحدة وبدون حمام .. الحمام خارج المبنى عمومى لسكان الشارع .. احنا بالقطع حنشوف التجربة دى لما يطبقها احمد المغربى .. الذى يخطط مع العمده الالكترونى .. بتاع القرية الذكية .. والساده وزرائه لبيع الشركة القومية للأسمنت .. صحيح كما تقول جريدة " المسائية " فى العدد 439 فى 21 يوليو2007 معارضة شعبة مواد البناء للتخطيط وبتطالب بدعم الشركة لزيادة الانتاج بدلا من بيعها .. فى نفس الوقت الذى اعلنت فيه شركة السويس للأسمنت رفع سعر الطن بداية من اول اغسطس 20 جنيه .. مين من الشعب حيفكر بعد

كده يبنى .. قبل ان يؤمن طريقة لزيارة موارده ؟؟!! والانضمام بجدية للطابور المعروف لنا جميعا .. خبراء تفتيح المخ ...

الحكومة الخايبة دى بتسحمرنا .. والوزير بيستشهد بقلة المياه فى اوربا .. الواحد يقول له ايه ؟؟؟ حد يساعد ويكمل معايا شوية فانا تعبت واكمل فى المداخلة الجاية .!!!!!

تم تعديل 24 يوليو 2007 بواسطة achnaton