لو سألتك انت مصري تقولي ايه؟؟

[tahereyad]

منذ فتره ليست بعيده أرسل لي أحد الأصدقاء ايميل يقول كاتبه: "انه أثناء ركوبه الميكروباص سمع اغنية لنانسي عجرم بتقول (لو سألتك انت مصري تقولي ايه؟) ووقتها تساءل الكاتب هل فعلا انك لو سألت أي مصري هذا السؤال هل سيكون فخورا بمصريته في ظل كل ما يحدث في البلد من فساد و اهمال و سرقه و احتكار وانفراد بالسلطه وما ادي اليه من انتشار الجرائم والقتل الجماعي (العبّاره المصريه ) و انتشار الامراض (وعلي رأسها السرطان), ساعتها أخذ الكاتب يكرر في أننا لو سألنا أي مصري فلن يكون أبدا فخورا بمصريته و سيحاول التهرب و النتصل منها",,انتهي المقال,, لكن ساعتها والله أحسست بالغضب, وأرسلت الرد لجميع من تلقوا الايميل: "أن مصر يا جماعه أكبر من كل ده, مصر التاريخ والحضاره والارض والنيل بريئه من كل من افسد و من أهمل و من سرق و من احتكر وأيضا كل من سكت علي ذلك وكان سلبيا, فلابد أن نتوحّد كانا في وجه الظلم والفساد ونحاربه, وأن نعتز بمصريتنا بدلا من أن نتهرّب منها, وأن نعلم أولادنا كيف يكونو مصريين حقيقيين محبين لوطنهم",,انتهي الرد,,

طالعتنا اليوم الصحف بثلاث أخبار:1- مصرع مئتين بتحطم الطائرة البرازيلية والسلطات تعلن الحداد,, الحكومه البرازيليه أعلنت الحداد في وفاة 200 مواطن برازيلي فقط,, و حكومتنا كمّلت لعب بطولة افريقيا بل واحتفلت بالفوز بالبطوله عندما غرقت العباره وتوفي أكثر من ألف مصري غرقا و أكلا من أسماك البحر الأحمر,,, وكأن اللي ماتو دول كانو,,,,, محكوم عليهم بالاعدام

2- قضاء ليبيا يخفف الحكم إلى السجن المؤبد في قضية الإيدز,, خفف المجلس الأعلى للهيئات القضائية في ليبيا عقوبة الممرضات البلغاريات الخمس والطبيب الفلسطيني في قضية أطفال الإيدز من الإعدام إلى السجن المؤبد. حيث تم التوصل إلى تسوية مالية تقضي بدفع مليون دولار تعويضا لعائلة كل طفل وكان المتهمون أدينوا بحقن 438 طفلا عمدا بفيروس الإيدز في مستشفى ببنغازي توفي منهم 56. وأوضح لاغا أن عدد الضحايا ارتفع إلى نحو 460 بينهم نحو عشرين من الأمهات أصبن بالعدوى من أطفالهن.

و دلوقتي ممكن سؤال برئ........ هم الممرضات جابوا كل فلوس التعويضات دي منين,, واذا كانت الحكومه البلغاريه بتعمل كل ده عشان 6 من مواطنيها في ليبيا,,, طيب في كام واحد مصري مسجون و متعذّب و معتقل في دول العالم, ولا حتي دول الخليج,, مين اللي يسعي لافراج عنهم؟؟؟ برضه الحكومه البلغاريه؟؟؟

3- البرادعي: نرحب بالخطوة الايرانية "الايجابية",,,, رحب محمد البرادعي مدير الوكالة الدولية للطاقة الذرية بقرار ايران السماح لمفتشي الوكالة بزيارة مفاعل آراك الذي يعمل بالماء الثقيل. وقال البرادعي إن ايران وافقت للمرة الاولى - بعد محادثات اجرتها مؤخرا مع خبراء من الوكالة - على مناقشة بعض القضايا العالقة في ملفها النووي,, انتهي الخبر

ايران دافعت باستماته من أجل حقها في أن تكون دوله نوويه "حتي ان كان ذلك فقط في الاغراض السلميه" ولكن علي الاقل, بعد 15 سنه, لما البترول يبدأ في النضوب من معظم دول العال, ايران زي باقي الدول التقدمه حتفضل الشوارع فيها منوره و السيارات هاتمشي بالطاقه الكهربيه المختزنه,, يا تري مصر بعد مرور ال 15 سنه دول هاتكون و صلت فين و ياتري هانشوف النور تاني بعدها ولا خلاص هانرجع ننام بعد المغرب زي جدودنا....

بس برضه,, أنا بقولها و كلي فخر "أنا مصري و أبويه مصري"

كفايه كده,,, أنا خلاص قرفت

[حلم بعيد]

كلامك عين العقل بس الواقع هو الواقع اذا كنت عايش في اي بلد عربي او غربي هتلاقي حرج في انك مصري و هتعرف ايه معني ان جنسيه بلدك اما ان تجعلك محترما او ان تجعلك ....

مافيش كلام تاني ممكن اقوله

[badroora]

(لو سألتك انت مصري تقولي ايه؟)

هاقول

Egyptian and So Proud !!!

مصرية وبافتخر !!

[tahereyad]

الأخ حلم,, أنا فعلا عايش في دوله عربيه,,,,, و هاقول زي ما قالت الأخت نجفه اللي نورتنا

مصري............... و أفتخر

مشكورين علي المرور

[afreet]

زى ماقال لك الاخوه هاقول لك انا مصرى وابن مصرى وده قدرى

ولان مصر عظيمة وولاده وخيرها كتير طول عمرها على ولادها وعلى الى حواليها واللى ناسى نفكره

واذا كانت مصر تمر بظروف عصيبه من سوء الاداره والفساد ده لانها مطمع ودوام الحال من المحال ولازم هاترجع مصر تانى مصر

[autoscriptor]

حقول اني باعتذر بشدة

[badroora]

حقول اني باعتذر بشدة

انتى ليه اخد موقف من مصر اوى كدا ؟!!!

مش معقول ان البلد كلها سيئه اكيد فى خيط ولو رفيع مضيء وفى فرق صغير بردة بين مصر الحكومة ومصر مبارك ومصر الجنسية التى تنتمى جذورنا لها بغض النظر عننا راضين عنها ام لا !!

طبعا مع كامل احترامى لوجهة نظرك

بس مش عرفة ليه حسه ان مصر مزعلاك او واخد منها موقف !!

[memo2007]

لو سألتك إنت مصري قولى أيه اييييه قولى مصري وابن مصري وابن مصر الله عليه

قولها بأعلى صوت وارفع راسك لفوق أنا مصري وابويا مصري وسماري ولونى مصري

ياااااااااااااه فكرتونى بالاغنيه دى بحبها قوىىىىىىىىىىىىى

أنا بحب مصر موت وفخورة إنى مصريه وعايشه فيها

لو مصر فيها فساد فده مش عيبها ده عيب اللى عايشين فيها

[autoscriptor]

انتى ليه اخد موقف من مصر اوى كدا ؟!!!

مش معقول ان البلد كلها سيئه اكيد فى خيط ولو رفيع مضيء وفى فرق صغير بردة بين مصر الحكومة ومصر مبارك ومصر الجنسية التى تنتمى جذورنا لها بغض النظر عننا راضين عنها ام لا !!

طبعا مع كامل احترامى لوجهة نظرك

بس مش عرفة ليه حسه ان مصر مزعلاك او واخد منها موقف !!

لا ... لا ... لا .....

أنا بعتذر بشدة لو ساعات بأتسبب بدون قصد في نشر الكآبة والتشاؤم. ما تخديش على كلامي. الدنيا جميلة وحلوة والعصافير لسة بتزقزق على الأقل.

تم تعديل 1 أغسطس 2007 بواسطة autoscriptor

[Lembic]

لو حد سألنى إنت مصرى حاقول أيوه عندك مانع؟

[الطيار المصرى]

هاقول اني مصري جدا جدا ........مصري قلبا و قالبا......

مصري الي ان تتغير احوال البلد بايدينا.......

او اموت سواها......

[hussaindoit]

مع أحترامي للأراء السابقه ولكن لي تحفظ

مصر النيل وانتم عرفين أكتر مني مدى صموده ضد تلوثه بأيدينا

مصر الأرض بتتباع واحنا مكبرين دماغنا وكأن من يدخل السلطه له 4 قصور و 400 فدان مع كارنية العضوية

مصر الحضارة ملهاش أثر الحضارة على سلوكياتنا حاليا ومش حقول على تقدمنا خليها سلوكنا كفاية

مصر أم الدنيا للأسف أم الدنيا لأي مغترب فيها بيحل مشاكله بسهوله مقارنه بأي واحد من أهلها

خدوا بالكوا ياجماعه عشان خاطري ترك المسئول لكرسيه لا يعني عوده ما سلبه من أراضي لتعود ملك للشعب

تحياتي

[hooba]

حتي النخاع !!!

[tahereyad]

الحمد لله رب العالمين,,,

هنيئا لمصر بشعبها و بمواطنيها.. المحبين و المنتمين,,, أنا حقيقي باكون سعيد جدا لما باسمع الكلمات اللي تدل علي الوطنيه و حب مصر...

الاخ حسين,,, مع تحفظاتك الاربع,, أحب أقوللك ان مصر عدّت عليها فترات أصعب من كده بكتير,,, و اقرأ تاريخ مصر,, شوف المماليك عملو فيها ايه,, و شوف الانجليز عملو فالناس ايه,,, ما زالت مصر موجوده,, و ان شاء الله هاترجع مصر للمصريين (اقصد المصريين اللي بجد) و هاتفضل مصر أكبر من كل فاسد أو سارق أو مستبد..

مصري............... و أفتخر

[كمبيوترية مصرية]

كلامك عين العقل بس الواقع هو الواقع اذا كنت عايش في اي بلد عربي او غربي هتلاقي حرج في انك مصري و هتعرف ايه معني ان جنسيه بلدك اما ان تجعلك محترما او ان تجعلك ....

مافيش كلام تاني ممكن اقوله

مع أحترامي للأراء السابقه ولكن لي تحفظ

مصر النيل وانتم عرفين أكتر مني مدى صموده ضد تلوثه بأيدينا

مصر الأرض بتتباع واحنا مكبرين دماغنا وكأن من يدخل السلطه له 4 قصور و 400 فدان مع كارنية العضوية

مصر الحضارة ملهاش أثر الحضارة على سلوكياتنا حاليا ومش حقول على تقدمنا خليها سلوكنا كفاية

مصر أم الدنيا للأسف أم الدنيا لأي مغترب فيها بيحل مشاكله بسهوله مقارنه بأي واحد من أهلها

خدوا بالكوا ياجماعه عشان خاطري ترك المسئول لكرسيه لا يعني عوده ما سلبه من أراضي لتعود ملك للشعب

تحياتي

أتوافق مع حلم بس للأسف السبب في وجهة نظر العرب هم المصريين فى الخارج نفسهم...لان نسبة كبيرة جدا من المصريين بره مثال سيء سيء سيء يعني بصراحة تتكسف من تصرفاتهم ...و المشكلة ان الناس بره فاكرين هم دول المصريين ...وأعتقد ان اللي عايش به عارف الموضوع ده كويس

بالنسبة لحسين انا متوافقة مع رأيه ...احنا بنقول مصر النيل و ملوثينه و بنقول مصر الحضارة(اللى هي شوية حجارة عمالين نكنشفها)ما بنقولش حضارة العلم...لكن للأسف مصر الحاضر ايه؟؟؟؟ مصريين بنقتخر بالماضي و بس لكن الحاضر يخيب الأمل

مصر جميلة طبعا و أسوا حاجة فيها هم الناس اللي بيقدمو نماذج سية في كل تصرفاتهمو اكيد النا دول برضه ضحية ...ضحية مين؟؟؟ ضحية ناس تانية عملت فيهم كده

[Diab]

لو سألتك انت مصري تقولي ايه؟؟

أقول أقول إهيء إهيء إهيء :sail: :sail:

[مومو الامور]

:sail: الاخت كمبيوتريه مصريه

اود ان اعقب على كلامك ان الامثله السيئه للمصريين ليس بالخارج فقط

لو سالتى اى حد هيقولك الدنيا كلها فيها الحلو وفيها الوحش

ونظريه التعميم غير مطلوبه فى بعض الحالات

فمثلا لو حد خليجى مثلا بتكلميه ومعرفش انك مصريه هتبقى مشكله

لان الناس اتعودت على طريقتنا وتعاملنا والخليج بالاخص الان قدر يحدد الجنسيه من الشكل (اغلبيتهم)

لذا فلا تقولى انهم كثر قولى ربنا يسهل عليهم

وانا لو حد سالنى انى مصرى هاقوله نعم مصرى وابن مصرى وجدى مصرى وانشالله احفادى مصريين

وقف الخلق ينظرون جميعا كيف ابنى قواعد المجد وحدى

وتحيه خاصه لكل المغتربين والمغتربات الاحياء منهم والاموات

اخوكم مومو الامور :sail:

تم تعديل 5 أغسطس 2007 بواسطة مومو الامور

[abo_sameer]

المساله ليست تعصب لمصر

المساله ليست امتحان للوطنيه

المساله ليست قول الحقيقه حين تكون انت وأصولك مصريه

انا شايف السؤال هل يعجبك حال الواقع اللي بيحصل في مصر دي الوقت وهل انت فخور باللي يحصل في بلدك

هذا قدرك وهذا فخرك وهذا وطنك رضيت او رفضت . هاجرت او بقيت .

الواقع الداخلي انا فعلا في قراره نفسـي ابقا مكسوف اننا اقول انا مصري ,,,,,. لكن لو انا في امتحان وقدامي الورق هكتب انا مصري ولو سالوني ابوك يطلع مين بقول بردو مصري ,,, الخ

الناس اللي هاجرت برا هتقول عن نفسها انها مصريه حتي النخاع

لو بقينا نداري ونفتخر وننسي الحراميه ( لانها هي عندها ازدواج في الجنسيه ) شفطو خيرات مصر وسابو لنا الوطنيه .

وكل سنه مصر بخير

تم تعديل 5 أغسطس 2007 بواسطة abo_sameer

[كمبيوترية مصرية]

:sail: الاخت كمبيوتريه مصريه

اود ان اعقب على كلامك ان الامثله السيئه للمصريين ليس بالخارج فقط

لو سالتى اى حد هيقولك الدنيا كلها فيها الحلو وفيها الوحش

ونظريه التعميم غير مطلوبه فى بعض الحالات

فمثلا لو حد خليجى مثلا بتكلميه ومعرفش انك مصريه هتبقى مشكله

لان الناس اتعودت على طريقتنا وتعاملنا والخليج بالاخص الان قدر يحدد الجنسيه من الشكل (اغلبيتهم)

لذا فلا تقولى انهم كثر قولى ربنا يسهل عليهم

وانا لو حد سالنى انى مصرى هاقوله نعم مصرى وابن مصرى وجدى مصرى وانشالله احفادى مصريين

وقف الخلق ينظرون جميعا كيف ابنى قواعد المجد وحدى

وتحيه خاصه لكل المغتربين والمغتربات الاحياء منهم والاموات

اخوكم مومو الامور :sail:

الاخ الامور...أنا عارفة ان كل بلد فيها الكويس و الوحش بس مشكلتناان المصريين فى الغالب تلقيهم اكبر نسبة من الوافدين في دول الخليج مثلا بعد الوافدين من شرق آسيا

و طبعا المصريين مكتسحين

و الباقي كلنا عارفينه

[ahmedarab]

انا مصرى وابويا مصرى ....................... بسمارى ولونى مصرى

وبخفــــــــــــــــــــــــــــــــــة دمــــــــــــــــى مصــــــــــــــــــــــــــــرى

وكل مصـــــــــــــــــــــــــــرى اللـــــــــــــــــــــــــــه عليــــــــــــــــــــه

ما عدا الحريمة طبعا وحبيبنا اللى بالى بالكم

تم تعديل 30 أغسطس 2007 بواسطة ahmedarab