لو سألتك انت مصري تقولي ايه؟؟

[زعلان]

اقول ان السفارة رفضت منحي جواز سفر مصري

[tarek hassan]

الكلام عن خفة دم المصريين واللون القمحي واللي شرب من مية النيل لازم مش عارف ايه ولون الفانلة والمصريين أهمه والفراعنة ساعات اخجل من كوني مصريا حينا نعرض على الناس في الفضائيات النماذج الأسوأ من المصريين وحينما نجد المزمرين والطبالين وساعات افتخر حينما يعرض الأحسن عمال على بطال مينفعش

[amrhoras]

:lol: اعشقها اكثر من روحى ودمى وافتخر ان اكون مصري :lol:

مصر ليست حكومة او قلة فاسدة مصر أمة وأرض له امجاد وتاريخ لاتنسون علماءنا الحاليين فى جميع المجالات هنا في السعودية يتمنون ان يكون مستوى التعليم مثلنا او يملكون نصف تفكيرنا فلا داعى ان تكون خجولا من قول انى مصرى بل كن مفتخرا حتى ولو كان من حولك يسخر من مصريتك فلا أحدا يعرف قيمة هذه الكلمة من عزه وكرامة لشعب قد حرر ارضه بنفسه شعبا حافظ على عاداته وتقاليده على مر الزمان ماظهر منهم سيء كان كما يقول الهنود والبنغال (كتشرا) او سيء هم قله وان كثر عددهم ولكن وسط 80000000مصري لا يذكر هذا العدد.

ولكن الحاضر والمستقبل ان شاء الله اجمل واحسن

ليس المصريون فقط من يضر بسمعة بلدة ماهم الا نفوس مريضة اما نقص او مرض نفسي او عقده ما فيما مضي زمع ذلك هناك من يرفع براية بلدنا الغالى واقل مثال اعضاء المنتدى اغلبهم مغتربون ولا يزالون متواصلون من اجل حياة افضل لوطن واحد هو مصرنا الغالى

شكرا ولا تعليق

تم تعديل 30 أغسطس 2007 بواسطة amrhoras

[امانى]

انا مصرية بنت مصرى وجدى مصرى واعتز وافتخر انى مصريه

ليست مصر هى الحكومة والقلة الفاسدة التى يجعلها البعض عنوان لمصر

مصر الحضارة والتاريخ والهرم والنيل وعلماؤنا المشرفين مصر بالخارج

وان كانت مصر بتمر بظروف قاتمة وليل طويل فلابد للفجر ان ياتى فلا ليل الا يعقبه نهار

بحبك يامصر واتمنى الا افارقك واموت على ارضك 0

أمانى

[عبده بيه]

مصري بكل فخرو اعتزاز وشرف وارفع رأسي وأقول مصري بكل فشخرة

[المكافح]

ماتقولش اية ادتنا مصر ...... وقول هاندى اية لمصر

عمر الامثلة السيئة ما هاتكون هى الحكم على مصر ومصر هاترجع تانى بإذن الله ثم بجهدى وجهدك وجهد كل مصرى بيحب بلدة وبعيد عن الحرامية واللى باعوها من زمان

لازم هاييجى اليوم اللى هاترجع مصر فية احسن من الاول

ومصر هاتفضل غالية علية ............ مصر هاتفضل غالية علية

مصرى بكل فخر

مصراوى على طول

[عبده بيه]

تسلم اخي المكافح كلامك جميل الله يحفظك

[mamdowh]

مصرى حتى النخاع

وباحب طبق الفول والطعمية وباحب كل حاجه فيها وباحب اللى بيحبها واللى يحب اللى بيحبها وبالمناسبه دى احب أهديكم هذه النكته يمكن تكون قديمه بس عاجبانى,,,,,, مذيعة قابلت اتنين شباب بتسأل أول واحد ,,,,,, بتحب مصر قد إيه ,,,, بص لها واتصعب كدةه وقالها ,,,,,,, مصر دى باحبها زى أمى,,,,,, فسألت المذيعة الثانى وانت بتحبها قد إيه ,,,,,, فرد عليها بكسوف ,,,,, مش معقولة أحب أم صاحبى :wub:

[فــيــروز]

إذا لم تكن مصر هى الحكومه الفاسده و لم تكن هى الشعب الذى يأكل القوى فيه الضعيف و ينتظر الضعيف فرصته ليأكل من هو أضعف منه طيب هتكون مين !!

إجابتى عن السؤال ستكون نعم أنا مصريه كتقرير واقع بلا زياده أو نقصان .. بس كلام من بتاع "لو لم أكن مصريا لوددت أن اكون بنغاليا" مايأكّلش عيش و كلّه ضحك ع الدقون .. :rolleyes: عمركم شفتم حد فى دوله متقدّمه بيتكلم عن الاغانى الوطنيه أو حتى بينفق الوقت و الجهد و المال لتأليفها !!

كانوا عملوا حاجه نفعت البلد أحسن من الكلام الفارغ ده

[elneshawy]

سؤال محرج مقدرش أجاوب عليه ؟

مصر مش نيل و سياحة و أماكن ......

و لكن مصر بسلوك مواطنيها سواء حكومة و لا شعب

و للأسف الاثنين أسوء من بعض

حكومة فاسدة

و شعب سلبي ... كلمة تلمه و عصاية تفرقه

فعلا سؤال محرج ؟!

أتكسف إنى أنكر إنى مصرية لأني مش قليل الأصل مهما كان اتولدنا و اتعلمنا و أكلنا و شربنا من خير أرض شعبها ...

أتكسف أنى أنتسب لمصر مش لفساد و الظلم و الحاجت دى لأنها موجود فى كل مكان و لكن من سلبية الشعب اللى مضروب في الخلاط على رأي محمد سعد

و مش ننكر طبعا وجود الأفاضل و الناس المحترمة اللى موجودة بس الغالبية العظمي إيه ؟؟؟