ماهو سبب ظهور القرح فى الفم

[felfel]

أصدقائى أطباء المنتدى

أعانى بشكل دائم من ظهور قرح صغيرة الحجم فى الفم وعلى السان وهى تسبب الم فظيع بيأفل الشهية ويعكر المزاج , تأخذ كام يوم ثم تختفى وبعد كام يوم تظهر غيرها

الكاترة لم يعطونى أجابة شافية ,والغريب انى جربت كثير من الأدوية الموجودة فى السوق ولم تأتى بأى نتيجة

آخر نصيحة من أستاذ بطب عين شمس قالى أستحملها وخلاص لحد ماتخف , فقررت أستخدام "Jel" يستخدم كمخدر للأطفال اثناء التسنين

حد عندة فكرة مفيــــــــده !!!!!!

[ابو حلاوه]

اولا مش انت لوحدك

المشكله دي بنسميها

aphthus ulcer

السبب مش معروف بالضبط و لكن هناك بعض نظريات عن اسباب فيروسيه او عن نقص فيتامينات خاصه فيتامين سي المسئول عن كفائه كل الخلايا المخاطيه

و مافيش علاج محدد و العلاج بيستهدف الاعراض فقط و ليس السبب

و الجيل ممكن يكون مفيد

عموما الحاله دي بتزيد جدا لما الفرد يكون بيعاني من توتر او ضغط

[Cleo]

عزيزى فلفل...

إذا كنت فى مصر فهناك دواء هائل لهذه القرح اسمه Orabase و هو هبارة أنبوب يحتوى على ما يشبه العجينة توضع على القرحة فتكون بمثابة عازل للقرحة حتى لا يؤلمك ملامسة باقى أعضاء الفم لها.. كما أنها تحتوى على بعض المواد المعالجة التى تساعد على سرعة شفاء هذه القرح....

و حسب ما أعرف أن هذه القرح تظهر مع حالات البرد و ألأنفلوانزا.. الإمساك.. التوتر (كما ذكر أخونا أبو حلاوة) أو بسبب ميكروب ما فى المعدة....

أيضا أخبرنى أحد الأطباء أن هناك فيروس يعيش فى كبد الإنسان اسمه "هربس" و أنه ينشط فى فترات ضعف المناعة لدى الإنسان و يسبب هذه القرح الؤلمة...

جرب الدواء المذكور أعلاه و ربنا الشافى...

[بنت شعنونة]

لازم تعرف سببها الأولا

لو كانت على جانبي اللسان ممكن يكون سببها الأسنان

يعني سنانك هي سبب القرح وبالتالي يكون العلاج عن دكتور سنان وتنتهي المشكلة للأبد

اما لو كانت في وسط اللسان ف زي ما تفضلوا مشكورين من سبقوني aphthos ulcer

وهو غير معروف

في دراسات بتقول انه نسبتة بتزيد في المدخنين و بتزيد مع اكلي الشطة ومع من يتنفسون من فهمهم كثيرا.. والله اعلم

يفضل زيارة مختص

[بنت شعنونة]

نسيت حاجا

دايما والدي كان يقولي عليها في الحالات دي

وهوا طبيب ايضا

كان يقولي معلقة طحينة تقوم ياللازم

انا بكرهااااا جدا الطحينة دي

بس لجل الحق جربتها مرة وكانت مفيدة فعلا

بس تستحمل طعمها :?

[felfel]

شكرا على الأرىء القيمة ولكن مع الأسف مافيش جديد , كل ده جربتة , بالنسبة لل " orabase " هة بقلل شوية الأحساس بالألم ولكن لايعجل الشفاء , القرحة بتاخد من 4-7 أيام بصرف النظر عن الدواء

ولكن الملاحظة بتاعة شعنونة أنها بتظهر فى طرف اللسان دى صح , أنا لاحظت أكثر أنى باعض نفسى كثير خصوصا أثناء أزأزة اللب :) :) أو حتى الأكل مسببا جرحا صغيرأ أعتقد بعد كدة لازم يعمل القرحة

حكاية الطحية دى كان رأى مامتى ولم أسمع كلامها للأحساسى مقدما بالألم :twisted: :twisted: وهى بردة نصحتنى بأن أدوب خميرة بيرة ( بتاعة الخبز baking) وأشربة على الريق وبردة ماسمعتش كلامها :) :) :D

[عادل أبوزيد]

لست طبيبا و لكن من خلال رحلة العمر عندى ثقة كبيرة فى الخميرة و ليس بالضرورة اذابتها و شربها و لكنك يمكن ان تشتريها من الصيدلية dried yeast و هى مصدر جيد لمجموعة من الفيتامينات و كنت استعملها كلما ظهرت على وجهى ما يمكن ان يتحول الى بثور حب الشباب. اما الطحينة فاعلم تاثيرها الموضعى المهدئء و العازل على بثور الفم و كنا نضعها على حواف الشفاه عندما " تطلع فيها حرارة "

ليتك تسمع كلام والدتك تجارب الأهل و خبراتهم شئء له وزنه

دائما تجد عندى زجاجة اقراص الخميرة و عندما استعملها انا او اى من اولادى فناخذ ثلاث او اربع اقراص مع الوجبة و ليتفضل الأطباء بشرح التاثير الطبى للخميرة

[بنت شعنونة]

:) :) :D

و الله يا اخ فلفل خلتني احس انه ممكن يجي مني ك دكتورة :) :roll:

طب مادام كدا بقى

يبقى اذا عرف السبب

يبقى تروح لطبيب اسنان شاطر وتقوله شكوتك

وباذن الله الموضوع كله ينتهي

:D :)

وسلامات يا فندم

[ragab2]

الأخ فلفل

قرحة الفم Mouth Ulcer

هى التهاب الغشاء المخاطى المبطن للفم وتعرية نهايات الأعصاب به مما يجلب ألما عند ملامسة الطعام لهذه القرح

ويوجد من القرح هذه ثلاثة أنواع

النوع الأول

ويسمى Aphthous ulcers

كما ذكر أخى أبوحلاوة ويعزى سببها الى الشد العصبى والتوتر أو الحساسية ويقال

أن سببها فطريات أو نقص الفيتامينات وخاصة فيتامين ب المركب وسى وإيه

والنوع الثانى

وهو الناتج عن الاصابة traumatic ulcer

وينتج من عض أجزاء الفم واللسان ومن الأسنان الخشنة وعند تناول مواد ساخنة أو حريفة وكاوية عن طريق الخطأ

أما النوع الثالث

فينتج عند التعرض لنزلات البرد والانفلونزا

ويبدأ على شكل بثور أو فقاعة blisters ثم تنفجر وتكون قرحة

وعلاج

قرح الفم عامة يعتمد على تغطية القرحة بأدوية تعزل نهايات الأعصاب لتقليل الشعور بالألم وتحمى القرحة من التلوث بالميكروبات الموجودة بالفم كما تقلل احتكاك القرحة بالطعام حتى يسرع التئامها

ومنها أدوية orabase كما ذكرت الأخت كليو ويوجد أيضا ora5

ويمكن أيضا دهان القرح بالطحينة أو الجلسرين

كما ينصح بتناول فيتامينات ب المركب وسى وإيه

بعد العرض على الطبيب لتحديد السبب

وألف سلامة

[Cleo]

مين مابيعانيش من المشكلة دى؟؟

[maksoof]

مش عارف إيه اللى خلانى أدور فى المواضيع القديمة دى :lol:

المهم الموضوع ده كان بيهمنى لأن إبنى كانت بتجيله الإلتهابات دى من وقت ما كان عنده سنة و نص لغاية حوالى سن ال 12 سنة.

اللى فهمته وقتها من الدكتورة بتاعته (و لقيته بعدين فى الموقع ده ) إن سببها هو رد فعل ال Immune system لجزيئات كيميائيه غريبة على جهاز المناعة للشخص و بالتالى فجهاز المناعة بيهاجم الجزيئات دى و نتيجة الهجوم بتكون القرح (أو الإلتهابات) فى الفم. إتضح بعد كده إن البرتقال هو اللى كان بيسبب المشكلة دى.

العلاج: ما فيش علاج و لكن كنا بنستعمل دواء إسمه Kanka و كان بيقضى على الألم فورا و كمان كان بيقضى على القرح فى خلال يومين أو تلاته (من غيره كان الإلتهاب بيستمر أسبوع فى المتوسط)

اللى عايز معلومات أكتر عن الموضوع ده ممكن يعمل بحث عن Canker sores و عن Kanka

[سحر الورد]

انا بعاني كثير من هذه الالتهابات كيف بيعملو الطحينة ؟

[Alshiekh]

انا بعاني كثير من هذه الالتهابات كيف بيعملو الطحينة ؟

الطحينة هى مطحون حبوب السمسم

[سحر الورد]

هي خميرة جاهزة؟

طيب وكيف بشربها وخلاص؟؟

[قديم]

اهلا وسهلا استاذ فلفل

اولا انا لست طبيبا ولكن من تجارب الحياه . واوعي تاخذها علي محمل الجد قبل ان تعرضها علي اطباء

اولا لازم تعرف تاثير الفلفل .. ماده مهيجـه وليها تاثيــر علي الفم وم احــوى واعتقد انت داخل علي ثقيــل مع الفلفل والحوار .ومدمن بهارات وفلافل .. يعني لو ما خانتني الفراسـه اولا بدل ( غير) المعرف . وبدله بطماطم مثلا او فستق او عســـل اعتقد كدا

ثانيا : الفم زي ما بيقولو الاطباء هو مرأه الجســم . فاعتقد هناك مشكه ما في المعــده وليست في الفم او اللثه .

ثالثا . في بعض المرات الانسان طبيب نفسـه . . حاول تراقب الاكل الي حضرتك بتاكله .. ممكن تلاقي فيــه بعض الاكلات تسبب لك حساسيــه معنيــه . وزي ما حضرتك قلت . اللب .. وعض اللسان . .. . او العلك الناشف( علك اللبان ) مش عارف بيسموه في مصر

ايــه

ايضا الثوم . او بعض الحمضيات . او ليها تاثير حراق من غير ما تحس . عموما جرب تراقب الاكل .. والموعــد بعد اسبوع

مع تمنياتي لك بالشفاء العاجل .

[سحر الورد]

شكرا استاذ قديم على النصائح

بس انا حبيت اعرف كيف بستعمل الخميرة للتخفيف من هذه الإلتهابات؟

إلي عنده فكرة يوضح لي