ايه الفرق؟؟

[بنت شعنونة]

هل هناك فرق بين الغيرة والشك؟؟

:)

ولو فيه فرق

يبقى ايه هوا؟؟

:roll: :neutral:

[yasser6666]

الغيرة هي الخوف علي الحبيب من الوقوع في المحظور يعني الراجل الغيور مش عايز مراته تتعامل كتير مع الرجالة احسن تستلطف حد منهم وتبقي مصيبة

اما الشك ده حاجة تانية طبعا وهو الظن بانها وقعت فعلا في المحظور واستلطفت الواد الحليوة ابو دم خفيف واصبحت مهتمة بامره يعني مرحلة متقدمة شوية واخطر كتير من الغيرة فحسب ...

والاتنين اسوا من بعض لانهم بيشغلوا التفكير جدا وبيخلوا الواحد (او الواحدة طبعا )ماشي بيكلم نفسه !!!!!!!!!!!! :roll: :? :roll: :?

[بنت شعنونة]

يعني ما ينفعش يكونوا جزء من بعض

يعني مثلا

الغيرة فيها جزء من الشك

والشك فيه جزء من الغيرة!!

لو افترضنا ان افتراضي صح

على كلامك يا ياسر

يبقى كدا دا مشكللة؟؟؟؟ :? :roll:

[yasser6666]

ممكن صحيح تكون الغيرة فيها جزء من الشك وخاصة اذا كان احد الطرفين قد لفت انتباه الطرف الاخر انه يغير من شخص بذاته وهذا الطرف يصر علي التعامل مع الطرف الثالث بنفس الاسلوب.. ...ولكن الشك فيه جزء من الغيرة !!!! اشك !!!! :D :lol: :lol:

[بنت شعنونة]

طب فرضا انت متجوز واحدا من سنة واكتر

وراحت تعمل عملية

ووقت الأفاقة وهيا بتفوق من البنج

كانت عمالة تردد اسم رجل معين

وعمااااااااالة تكرر الأسم نفسه

وانت ما تعرفش مين الأسم دا او مين الراجل دا

تعمل ايه؟؟ :shock: :D :roll:

[yasser6666]

الحقها قبل ما تفوق و ابنجها تاني !!!

او يمكن يكون اسم الممرض اللي واخد باله منها :cool: :cool: :cool:

[ابو حلاوه]

الموضوع و اضح كل الوضوح

و الغيرة هي القابلية للزغزغزة

الشك هو شعور بالالم نتيجة غرز شئ حاد في الجلد

[ragab2]

أعتقد

أن الشك أربعة حروف فقط

أما الغيرة فهى ستة

رمضان كريم

[Cleo]

أعتقد

أن الشك أربعة حروف فقط

أما الغيرة فهى ستة

رمضان كريم

و الشك : مفرد مذكر

و الغيرة : مفرد مؤنث

الله أكرم :oops:

[بنت شعنونة]

:oops:

ايييييييييييييييييييييييه الحلالالالالالالالالالالالالاوة ديييييييييي بسسسسس

:? :? :?

دا انا مرارتي اتفقعععععت

انا ابتديت اشك فيكوا بصراحا :oops: :D :oops: :oops: :oops:

[yasser6666]

ممكن كمان نقول ان الشك ( الظن ) حرام ولكن الغيرة لا..

الله اكرم كمان مرة

[ابو حلاوه]

:cry:  

دا انا مرارتي اتفقعععععت

انا ابتديت اشك فيكوا بصراحا :D  :D  :lol:  :lol:  :lol:

ده اللي كنت خايف منه ....... اهو حد فقسني :cry:

[freefreer]

:D 

دا انا مرارتي اتفقعععععت

انا ابتديت اشك فيكوا بصراحا :D  :D  :)  :D  :D

و احنا بدأنا نغير منك .. هاهاهاهااا

بنج - عمليات - مرارة .. أدى اخرة الدردشة مع دكاترة .. :D :D

[Ragaai]

الغيرة غريزة فطرية يتمتع بها الشرفاء من الرجال والنساء وفي الحديث"قبح الله من لا يغار" وهي لا تدرس ولا تغرس في الأنسان بل يولد بها

أما الشك عمال على بطال فهو من علامات الغباء وضعف الثقة في النفس وهو رذيلة لا يقوم بغرسها في نفوس الأزواج والزوجات إلا أصدقاء السوء والحماوات اللهم احفطنا

[ragab2]

كتب د.رجائى

الغيرة غريزة فطرية يتمتع بها الشرفاء من الرجال والنساء وفي الحديث"قبح الله من لا يغار" وهي لا تدرس ولا تغرس في الأنسان بل يولد بها 

أما الشك عمال على بطال فهو من علامات الغباء وضعف الثقة في النفس وهو رذيلة لا يقوم بغرسها في نفوس الأزواج والزوجات إلا أصدقاء السوء والحماوات اللهم احفطنا

شرحه

[اللمبى]

السلام عليكم

الغيره والشك..... أأأأه يا ابنتى ..

للرجل ان يغير على حبيبته زوجته امه اخته وليس له ابدا ان يشك فى سلوكها فالمرأه تعشق ان يغير عليها الرجل ( الغيرة الطبيعيه ) فمعنى الغيره هى انى اغير من عيون الاخرين ان رأت حبيبتى .. اغير منهم .. ولا امس حبيبتى باى مشاعر .. لانى الغيره لا تتعارض مع ثقتى فيها ..

اذا فالغيره هى درجه من درجات الحب ولكنها اقوى فى التعبير .

اما الشك .. فهنا مشاعرى ليست موجهه للاخرين .. كالغيرة ... ولكن بالعكس هى موجهه الى الحبيب بذاته لاننى فى حاله الشك افترض موقف وافترض تصديقه واتعامل على هذا الاساس ... لذا المرأه لا تقبل الشك ابدا لان فيه طعنا للكرامه واهدارا للشرف ..( ليس الخيانه خيانه جسديه فقط ) .. لذلك قالوا للرجل ان يغير الاف المرات ولا يشك مره واحده وللمرأه ان تغير وتشك كما تريد .

وبعد هذا الشرح اعتقد انك وحدك يا شعنونه ستجدى الاجابه التى تريديها .....

السلام عليكم

[بنت شعنونة]

همممم

كلامكم حيرني اكتر

طب مش ممكن ان الشك يعتبر تصوير او تجسيد للغيرة!! :)

مثلا

الرجل يفتش شنطة زوجتة بعد عودتها عشان بيغير عليها

او المراة تفتش جاكتة الزوج عشان بتغير عليه.. :?

دا مش يعتبر غيرة برده؟ :?: :roll:

[بنت شعنونة]

كنت اتكلم مع اخي من كام يوم في موضوع مشابه

فرد عليا وقالي كلمة قوية جدا..

قالي

غيرة المراة تنتهي كبيره بخناقة... انما غيرته الرجل ممكن تنتهى بالدم!!!! :) :)

ولما سالته عن التفسير..

قاللي..

لو واحدة عاكست راجل مع مراته في الشارع

كبيره الموضوع ها ينتهى بخناقة بين الاتنين ستات وشوية ضرب وخلاص

او زعيق بس

انما لو راجل عاكس مرات واحد في الشارع

ممكن يقتله

فكرت في كلامه

فوجئت انه صح

بس قعدت اسال نفسي

ليه دا بقى؟؟؟؟؟

هوا احنا الستات ما عندناش دم يعني والا ايه؟؟؟؟!!!!! :) :? :? :mad: :mad: :twisted: :twisted:

[دكتور عادل الليثي]

الغيرة شعور طبيعي

فقد يغار الإنسان من آخر لأنه يشعر أنه أفضل منه في شيء يهمه

والغيرة بين الأزواج دليل على نقص الحب

أو اختلاف مستوى الحب عند الإثنين والغيرة هي هذا الفرق

فإذا كان الرجل يحب زوجته أكثر مما هي تحبه فتكون الغيرة عنده أكبر ، والعكس

وعلى ما أظن أن المرأة أكثر غيرة من الرجل

وربما يمكن إضافة شعور آخر وهو حب الاستحواز ، فنجد أن المرأة مثلا لا تحب زوجها ( ولا تكرهه ) ولكنها تخشى أن تفقده لأسباب نفسية اجتماعية ، أو ربما هي غيرة سببها ليس الحب ولكن الحاجة

أما الشك فهو دليل شعور بالضعف ، أو أنه بسبب عدم وجود تفسير مقبول لتصرفات ما

أي جزء نفسي وجزء عقلي

[بنت شعنونة]

"وعلى ما أظن أن المرأة أكثر غيرة من الرجل "

استاذ طه

معنى كدا ان حضرتك تختلف مع وجهة نظر اخويا اللي انا ذكرتها في المداخلة اللي قبلك على طول؟