Happy Birth Day تهنئة طيبة من القلب لأستاذ داروين فى عيد ميلاده اى عيد الثورة !!

[badroora]

بصراحة بقي اليوم عندى شغل بالليل وخوفت اصل انشغل وزميل اخر يسبقنى وويفتح موضوع للاحتفال بعيد الثورة

قصدى عيد ميلاد استاذ داروين

نبذه عن ثورة يوليو :rolleyes:

عانى الشعب المصري من الظلم والاستعباد وفقدان العدالة الاجتماعية وكانت الفجوة شاسعة للغاية بين طبقات المجتمع مما اثر بشكل سلبي على العلاقات بينها

وكانت الغالبية العظمى من المصريين يشعرون بالمهانة حينما يلتحقون بالجيش ليس لانهم لا يرغبون في اداء واجبهم الوطني بل لان هذا الواجب كان يقتصر على الفقراء وحدهم دون الاغنياء القادرين على دفع البديلة كمقابل اعفائهم ثم سيطرة حفنة قليلة من كبار الاقطاعيين على الارض الزراعية في مصر وعانى الفلاحون من سطوتهم فكان الاقطاعيون يملكون الارض ومن عليها

واقتصر التعليم على الاغنياء في ظل نظام فاسد يتولاه الملك فاروق وحاشيته الفاسدة التي كانت تنفق ببذخ شديد على حفلاته وهنا وفي ظل جشع الملك وحاشيته وفساد الحكم والاحزاب وفضيحة الاسلحة الفاسدة وحريق القاهرة وقمع المظاهرات الطلابية التي تطالب بالاستقلال انطلق الضباط الاحرار تملؤهم القوة والشجاعة وحب الوطن لياخذوا بيد الشعب من عصر الظلم الى ثورة وطنية ...

وكانت ليلة الثالث والعشرون من يوليو تموز سنة اثنان وخمسين وتسعمائة والف انطلق الضابط الاحرار ليعلنوا للشعب انتهاء فترة الاستعباد وبداية لعصر جديد مشرق في تاريخ مصر والعرب والشرق الاوسط بل ودول العالم الثالث وانتصرت ارادة الشعب الذي التف حول الضباط الاحرار لنبذ الظلم وليؤكدوا للشعوب العربية من الخليج الى المحيط ان قوتهم في توحدهم ليجمعوا الهمم نحو استعادة الحرية وتحقيق العدالة الاجتماعية

اسباب قيام الثورة

q استمرار الملك فاروق في تجاهله للاغلبية واعتماده على احزاب الاقلية

q قيام اضطرابات داخلية وصراع دموي بين الاخوان المسلمين وحكومتي النقراشي وعبد الهادي

q قيام حرب فلسطين وتوريط الملك للبلاد فيها دون استعداد مناسب ثم الهزيمة

q عرضت قضية جلاء القوات البريطانية على هيئة الامم المتحدة ولم يصدر مجلس الامن قرارا لصالح مصر

q تقليص حجم وحدات الجيش الوطني بعد فرض الحماية البريطانية على مصر وارسال معظم قواته الى السودان بحجة المساهمة في اخماد ثورة المهدي

q اغلاق المدارس البحرية والحربية

q سوء الحالة الاقتصادية في مصر

q الظلم وفقدان العدالة الاجتماعية بين طبقات الشعب وسوء توزيع الملكية وثروات الوطن

q

سفاهة حكم الملك فاروق وحاشيته في الانفاق والبذخ على القصر وترك الشعب يعاني

سورى نسيت كل سنه وانت طيب يا استاذ داروين وعقبال

10000 سنه يا رب وتكون دائما زعيم المحاورات وراعيا

لاستقلاليتها

معذزرة لكل من اود ان يفتح الموضوع دا قبلي

دا عيد الثورة يا جماعة وانتوا عارفين اهمية ثورة 23 فى حياتنا وانا حبيت اسبق الكل تضامنا مع الثورة

:sad: كل سنه وحضرتك طيب طبعا حضرتك استاذ داروين مش الثورة

عيد ميلادك بصراحة جاء فى mfb: يوم تاريخي وعشان كدا حبيت ميكنش مجرد عيد ميلاد وخلاص لازم يكون عيد ميلاد موثق بحقائق تاريخية ;)

ومين قدك يا عم مصر كلها

بتحتفل بعيد ميلادك والله تستاهل كل خير

واترككم مع الاغنية

تم تعديل 23 يوليو 2007 بواسطة نجفة المغرورة

[semsema]

كل سنه وحضرتك طيب يا استاذ داروين.. :rolleyes: وعقبال مليون سنه..

وكل سنه ومصر بألف خير..

وكل سنه والمحاورات بخير.. :sad:

[فــيــروز]

:sad: يبدو أن عدد كبير من الأعضاء من مواليد الشهر المفترج ده شهر "يوليو" شهر الثورات

كل سنه و انت طيب .. :rolleyes: بارك الله فى عمرك و رزقك خير ما تحب ..

[se_ Elsyed]

العيد الأولاني هو عيد ميلاد إبننا داروين اللي مخبي سنه - واخد بالك - وكاتب لي في البروفايل بتاعه إن عنده 6 سنين .. وناسي إن في مركز صحه في جده وتحديداً في حي الكرانتينا وممكن نكتفه أنا وموديست وناخده على هناك عشان الدكتور يسننه ونعرف عمره الحقيقي ....

أما العيد الثاني فهو عيد ثورة يولية المجيدة

وبهذه المناسبة أحب أهني اخويا بتاع كي جي ون داروين .. ودعونا نستغل موضوعه في مناقشة أسباب قيام ثورة يولية ... إلى جانب رصد جوائز قيمة عبارة عن شمعة وحتت جاتوه لكل من يذكر لنا أسماء أعضاء الثورة المباركة آنذاك وكمان أعمارهم وكمان الفلوس اللي قلبوها من الشعب :rolleyes:

ولا أقولكم خلي الموضوع ده بعدين وتعالو نحتفل بإبننا داروين وما نقلبهاش غم

[shahd]

كل سنة وحضرتك طيب يا استاذ داروين ..ويارب يفرح قلبك دنيا واخرة وعقبال 555555 سنة و5000 قرن

[Folana]

السلام عليكم ورحمة الله.....

"قوم يا داروين..مصر دايما بتناديك ...تحمى أرضك و...."

لا مش دى...أه..خلاص..

"بلادى...بلادى..بلادى...لك حبى وفؤادى"...

يوه ه ه ..ولا دى...

خلى السلاح صاحى...لو نامت الثورة..صحيت مع سلاحى..."

الله..الله..

استنى اما اقفل الراديو علشان اركز...

ايون..

"كل سنة وانت طيب يا داروين...على فكرة انت فيك حاجة من ريحة الثورة برضه ....لانك ثورجى برضه

عقبال 100 سنة من الحرية والاستقلال...........

:)

[Modest]

.

ما أجملها من مناسبة عندما تلتقي مناسبتان تاريخيتان هامتان مثل هاتان المناسبتان :)

و لعلها ليست من قبيل المصادفة أن تختار الثورة هذا التاريخ تيمّناً بتاريخ ميلادك لتطلق شرارتها التي أحرقت - أقصد أنارت - الأبيض و اليابس wst::

ياراجل أنا من كتر حبي للثورة نفسي تقوم ثورة تانية mfb:

كل سنة و انتي طيب يا ابو الدراوين

و بهذه المناسبة أهديك أغنية " أنا مولودة في يوليو الغالي"

.

[إبن مصر]

أخى الحبيب دارون..

ماليش نصيب أكتب لك أول واحد.. بسأنا أول من عيد عليك... تنكر؟؟

كل سنه وانت طيب يا حبيبى وعقبال الف سنه من السعاده..

الشىء الوحيد الى مش حلو هو التوقيت.. .. معلش..

وبهذه المناسبه اهدى اليك اغنيه .

الحلزونه يابا الحلزونه

وشوكرن

[nash]

كل سنه وأنت طيب يا داروين ...وعقبال ألف مليون سنه سعاده وهنا يارب....

إن شاءالله تكون أكلت التورته والأيس كريم وكده يعني....

الحقيقه معرفش علاقه الأيس كريم بعيد الميلاد الحقيقه :)

بس كلها حاجات حلوة....

وبالمناسبه الجميله هالطش تورته نجفه لإن الكومبيوتر مش بتاعي وبالتالي مش عارفه أستخدمه كويس....

[achnaton]

[size="5"]العزيز دارون

افتكر بعد المهرجان الذى اقامه الاحبة قبلى .. فانسونا به ذكرى احتلال المحروسة .. وادخلوا السعادة علينا بعيد ميلادك .. كل سنة وانت طيب وبخير وسعادة .. وقد احتفظت بالترتاية عندى لنحتفل بعيد ميلادك عندنا

تم تعديل 23 يوليو 2007 بواسطة achnaton

[DARWEEN]

كل عام وأنتم جميعا بكل خير وسعادة صحة ... :wub: :wub:

أيه يا جماعة ده كله ... كل الناس داخلة تهني وتبارك :blink:

الي ما فيه حد فيكم قال مد أيدك يا داروين ... دي تورتاية .. ولا حتة شيكولاته ... ولا حتى بشلن بونبوني :)

الغالية المنورة دائما نجفة ...

ربنا يخليكي ويبارك فيكي ... أشكرك على فتح الموضوع والتهنئة الرقيقة

وأزيدك شكرا على النبذة التاريخية عن الثورة والإقطاع والظلم والفساد والحاجات ... خليتي الدموع فرت من عيني ( عقلي الباطن : هو حد قالها أني كنت من الظباط الأحرار )

كما لا يفوتني في هذه المناسبة أن أشكرك على ( صور ) التورتات الجميلة وكذلك الأغنية الثورية

وأحيي في هذه المناسبة تحالف قوى الشعب العامل والإنتفاضات الثورية

بجد بجد متشكر يا نجفة يا منورة

الأبنة العزيزة سمسمه ...

أشكرك لتحيتك الرقيقة .. وأرجو لك كل السعادة والخير دائما

كل سنة وأنتي بخير وهناء ... وكل سنة وكلكم في المحاورات في أسعد حال

الأخت العزيزة فيروز ...

وبارك الله فيكي ومتعك بكل السعادة والصحة ...

بجد أنا مش متفق مع باقي مواليد يوليو ... بس أعمل أيه بقى هيا جت كده

الوالد الحبيب س س ...

يا أخي بلاش تلاكيك ... كي جي ون إزاي بس ... أنت عارف أني واخد الأبتدائية السنه دي :blink:

وبعدين ما أنت بالذات عارف أن شوية الشعر ( اللي فاضلين ) بقوا أبيض من قلب المؤمن ...

وطبعا لا يفوتني هنا أن أناقش معك أهم أسباب الحركة المباركة ( الله يبارك فيك ) و أطالبك بإسم كافة طبقات الشعب أن تفيض علينا من جاتوهاتك وشمعاتك ( أفتكر أنا لسه ليا عندك يوم ضيافة من التلاته بتوع المره اللي فاتت )

الغالية شهد ...

وكل عام وأنت بألف خير ... بس كتير قوي 500 قرن ... هما 499 كفايه أنا مش طماع ...

أشكر لك رقتك المعهودة ولك مني خالص الشكر

الأخت العزيزة فولانه هانم ...

من غير ما تقفلي الراديو ... أنا عارف اللي نفسك تقوليه ... أحلف بسماها وبترابها .. صح ؟

كده برضه تشمتي فيا الناس وتقولي عليا ثورجي ؟؟؟ ماكانوش عشر سنين في المعتقل اللي حتذلوني بيهم

ربنا يخليكي يا رب وألف ألف شكر على تهنئتك الغالية

موديست الحبيب

ألف رايه بيضا ( مش حمرا ) أخيرا ظهرت على الشاشة ..

طبعا كلمات الشكر لا تكفي على جميل عطفك وفيض رقتك ...

وأحب في هذه المناسبة أن أعلن أما كافة الأعضاء أن كل من يرغب في الإستكتاع بكوب من الكابتشينو الساخن اللذيذ ذو النكهة أن يجأ للأخ موديست ملك الكابتشينو ... ماعليك سوى الإتصال أو مراسلته على الإيميل .... وصدقوني جربوها ...

تعيش ليا يا موديست ياغالي ... ويعيش كل الكابتشينو ...

بس أنا عندي سؤال ..... ( هو أنت لسه في المكتب من أسبوع ؟؟ وهل هما حابسينك في أودة الفيران ؟؟ وياترى عملت أيه علشان يحبسوك الحبسة دي ؟؟ ) وشد حيلك وأعمل ثورة تانيه أنت

أخي وحبيبي أحمد محمود

وأنت بكل خير يا طيب ويارب ينعم الله عليك بموفور الصحة والسعادة أنت والأسرة الكريمة الحبيبة ...

أيوه أنكر طبعا ... مين قال أنك أول واحد ... لا يا بابا لا ... كتيرررررررررررر سبقوك ... ده حتى فيه ناس بتهنيني من عيد ميلادي اللي فات ووصلوا العيدين في بعض

هو علشان أنت أكبر مني بـ 3 أيام تفرد عليا يا حماده ... ماشي مردوده لك في الأفراح

نااااااااااااش

ألف مليون شكر وربنا يخليكي على كرمك ( بأمارة أنها واخدة تورتة نجفة ) طبعا أنا عارف العلاقة بين التورتة والأيس كريم غير أنهم حاجات حلوة ... وغير أنك بتحبيهم هما الأتنين وتقعدي تتنططي لما تشوفيهم وتقولي هييييييييه هيييييييه wst:: mfb: فاكرة ؟؟ بس أنا مش حاقولك أيه العلاقة التانية بين التورته والأيس كريم ... لو عرفتي الحل أتصلي على 900وأي أرقام بعدها

ربنا يكرمك ويخليكي يا ناش وربنا يديم عليكي موفور الصحة والسعادة أنت والأسرة الكريمة نفرررر نفرررررر

أستاذي العزيز أخناتون ...

الله يخليكي لينا دائما ... ولك مني كل الشكر والتقدير ودعائي للمولة عز وجل ان ينعم عليك دائما بموفور الصحة والسعادة

بس بصراحة بصراحة ... أنا كنت طمعان في تورتاية تاينة بدل اللي دابت من كتر قعدتها في التلاجه دي

أشكركم جميعا وربنا يديمكم ليا وللمحاورات وللثورة

وتحيا مصر

[وليد صفوت]

أستاذى الفاضل محمود داروين،..

كل عام و انت فى صحة و سعادة و خير دائماً. أتمنى لحياتك كل اللحظات السعيدة، و دائماً فى طاعة الله و إليه أقرب.

أخوك الصغير،..

وليد

[Ahmad Farahat]

أستاذي الكبير داروين

كل عام وأنت بألف خير وتظل في منتدانا العامر شعلة من الحماس والجهد المتواصل

تحياتي لك وإلى كل الناس بمناسبة يوليو وبمناسبة عيد ميلادك أعاده الله ألف عام

أرسين

[Sherief AbdelWahab]

كل عام وأنت بخير عزيزي داروين .. شيء جميل إن يوم الميلاد يصادف يوم صادف تغير كبير في التاريخ أياً كان اتفاقنا أو اختلافنا على نوعية واتجاه التغيير دة.. :)

كل عام أنت بخير .. كل عام أنت بإذن الله بيننا..

خلص الكلام

[kokowawa1979]

حبيبنا الغالي الأستاذ داروين

كل سنة وانت طيب ياأمير وعقبال لما نحتفل بمئويتك إن شاء الله - وإن كان لي عمر بإذن الله هاخلليهالك احتفالية أحسن من احتفالية الأهلي بمئويته .

عيد ميلاد سعيد إن شاء الله - وأسأل الله لك المزيد من السعادة وارفاهية وموفور الصحة بإذن الله .

كل سنة وانت طيب ياحبيبنا :) md2:

[DARWEEN]

عزيزي وليد ...

يعني دايما تيجي متأخر كده ... أهي التورته خلصت ...

خد نص جنيه اهه وهات لك عسليه ولا بونبوني ... لأ مفيش بيسبسي النهارده ... انت شربت كتير في عيد ميلادي السنه اللي فاتت ...

متشكر يا وليد وعقبال مانفرح بيك في الكوشه وكل سنه وأنت طيب

عزيزي أرسين

كبير أيه بس يا حبيبي ... أن لسه ما قفلتش العشرين ( وش واحد بيغالط أو عنده فقدان ذاكره )

تعيش يا أيها اللص الظريف والشاعر الجميل ... وكل سنه وأنت طيب

حبيبي كوكو واوا ...

يعني أنا باقول عيد ميلاد وعيد ثوره وقصص ... وعمال الغوش .. وانت مصمم تقلبها أهلي ...ومئويه ... أنا كلها السنه الجايه واحتفل بالمئويه الأولى ... حضر نفسك للأحتفال بقى

و أن شاء الله السنه الجايه يكون الزمالك كسب ولو بطولة أم أحمد للطاوله على قهاوي بولاق

كل سنه وانت طيب يا اجمل قلب زملكاوي

[ahmed_tito91]

بسم الله الرحمن الرحيم

استاذ داروين

كل سنه وانت طيب وكل صحه وسلامه و ان شاء الله تبقى معنا فى محاورات المصريين

احمد تيتو

اصغر محاور

[الطيار المصرى]

استاذ داروين...........كل عام وانت الف بخير ......متمتعا بصحتك و شبابك في ظل الحكم الزاهر و عصر الانجازات بتاع سيادة الرئيس حسني مبارك الشهير بحسني كباري و بنية تحتية (ايوة يا عم خلينا في السليم بلا ثورة بلا عبد الناصر بلا اخوان).........

و ان شاء الله تفضل منور المحاورات علي طول.......و عقبال دشليون سنة....... :wub:

الطيار المصري....... منتظر طب اسنان( يا رب )

[hooba]

الاستاذ داروين ......

اسف جدا علي التأخير .... و كل سنه و حضرتك طيب و السنه الجاية تكون بالف خير و سعاده ....

و تكون دايما يا رب من الله أقرب و علي طاعته ادوم ....

و تمتعنا دايما كده بموضوعاتك و ارائك الجميلة اللي يا رب ما نتحرمش منها ابدا ً ....

ايهاب ...

[Diab]

بكرة هتقولوا أن داروين هو اللي موحد القطرين

كل سنة وأنت طيب يا غالي وعقبال 100 سنة

يلا بقي فين الهدية

عاوز شقة وعروسة وعربية

:blush2: