عندى قطعة ارض فى شارع النصر بالمعادى وعاوز ابيعها ؟

[احمد صبرى]

السلام عليكم ...

يا جماعة انا نصيحتكم بخصوص بيع قطعة ارض بالمعادى ( تقاطع الاسلكى مع النصر ) ملك لواحد صحبى .. مساحتها 600 متر ..

الارض موقعها متميز جدا ( اما مؤمن , ماك , cookdoor )

ايه احسن طريقة لبيع الارض ..

اعلانات .. مزادات .. ولا ايه بالظبط

الارض تنفع اوى اى سلسله مطاعم .. بنك .. الخ

شكرا ياجماعة

[yasser6666]

افضل طريقة اعتبرها هو الاتفاق مع سمسار محترم بالمنطقة او منطقة مجاورة للبحث عن مشتري جاد

ويفضل الاتفاق علي النسبة المئوية للسمسار قبل البيع

بعضهم يشترط نسبة 2.5% من الاجمالي وبعضهم اقل او اكثر

وفي كثير من الأحيان يشترط البائع علي السمسار انه غير مسئول عن اي عمولات ويتحملها المشتري

واللي اوله شرط اخره نور

..

بينما اعلانات ومزادات يبقي صداع وتليفونات ومتابعة وربما لاتأتي بنتيجة

[بنت الشاطئ1]

ما تعرضها للبيع فى المحاورات هنا

يمكن حد يحب يشترى

بس يا ريت تقولنا على السعر..بس بالتدريج..عشان الصدمة

[se_ Elsyed]

قبل ما تحدد سعر البيع لازم تسأل على الأسعار في المنطقة عامله غزاي .. وبعدين تحدد مستهدفاتك .. كمان لاحظ إن معظم السماسرة هما اللي بيشتروا لو لقى السعر معقول .. لإنه بكده بيبقى إشترى بمكسب 5 % على الأق خالص وهذه النسبة تُمثل

2.5 اللي اخدهم منك لو هو أشترى .. على إساس إنك إنت البائع وهو السمسار ( ساعات بيجيب ناس تبعه يشتروا عشان النسبة دي وهو ما يبقاش في الصورة . )

2.5 لو باعها لحد غريب

عشان كده تلاقي إعلانات بيع أراضي او عقارات في الجرايد يقولك الوسطاء يمتنعون عشان ما يدفعش نسبة السمسرة ..

[احمد صبرى]

شكرا ياجماعة على ردودكم ....

قطعة الارض موجوده فى تقاطع شارع النصر مع اللاسيلكى فى المعادى ... ( ميدان النصر اللاسيلكى )

امام ( وصاية . ماكدونالذ , بكرى , راديو شاك )

مساحه الارض تقريبا 650 متر .. الواجه على الشارع 27 متر ... العمق 24 متر

سعر المتر على 20 الف جنيه ..

وسعر المتر ده انا حدتته بعد ماسألت هناك .... فى قطعة ارض لسه متباعه فى موقع اقل تميزا على 17 الف المتر .. وده كان قبل الذياده الاخيره فى الاسعار

لو حد عاوز يشترى او يعرف حد ممكن يشترى .. ممكن يكلمنى على الموبايل ده

0103664669

وممكن تشوفوا صوره لموقع الارض هنا

http://www.xneat.com/land.jpg

شكرا ياجماعة

تم تعديل 30 يوليو 2007 بواسطة احمد صبرى

[عصام أبوالفتح]

17 الف جنيه .. مقولناش 20 الف

عارفين ده معناه ايه ؟

ان تكلفة الارض هاتكون 3 اضعاف المبانى عكس المنطق والقانون اللى حكم صناعة البناء وهو ان الارض تلت تكلفة المبنى او اقل !

يعنى المفروض الناس تعرف المبنى الذى سيقام على الارض المستهدفة كم سيتكلف ومنها تاخذ الارض قيمتها حسب تميز الموقع

يعتى لو يوجد منطق فى الدنيا يقول انى اشترى ارض بعشرة مليون لابنى عليها عمارة ستتكلف 3 ولا 3ونص مليون

كده الشقة ستباع باربع اضعاف تكلفتها وهو غبااااااااء لمن يشتريها .. وده لو مفيش مكسب اطلاقا للمالك

وطبعا لو حط مكسب 20 % مع المصاريف الاخرى ستصل الشقة باستة او سبع اضعاف التكلفة للمشترى

يعنى لو العمارة 10 أدوار يبقى الشقة هاتوصل ل 700 الف بدون مبالغة

هـ ل د ه ش ئ ط ب يـ ع ى ؟ !!! !! ! ! ! ! !

[احمد صبرى]

ممكن السعر يكون مبالغ فيه لو بصينا من نظره ان ديه منطقة سكنيه ..

بس انا بتكلم عن منطقة تجارية .. يعنى الموقع ده مكانه ( بنك , سلسله مطاعم .. الخ ) فكده السعر معقول جدا

شكرا لكل من شارك او تصفح :closedeyes:

سلام

احمد صبرى

17 الف جنيه .. مقولناش 20 الف

يعنى لو العمارة 10 أدوار يبقى الشقة هاتوصل ل 700 الف بدون مبالغة

هـ ل د ه ش ئ ط ب يـ ع ى ؟ !!! !! ! ! ! ! !