الزواج:معقد أم نحن الذين عقدناه؟

[Elham]

الاخ عادل ابو زيد كتب:

أنا أمنت على كل ما قيل عن مشكلة الزواج و تحفظت فقط على المشكلة المادية المتمثلة فى الشقة و الجهاز على اعتبار ان الفئة التى تطلب شقة تمليك ب 150 الف جنيه ليست هى الفئة السائدة اضف لذلك ان الزواج يتم كل يوم فى الأرياف و الأحياء الشعبية.

اوفقك تماما و اضيف ان المشكله من وجهه نظرى متمثله فى المبالغه الغير ضروريه من الاهل و الفتيات و فى بعض الاحيان من الشباب ايضا فى الجهاز و متطلبات الزواج.

[وسام]

طيب الان انا مقيم خارج المحروسة و ناوى ان شاء الله اكمل نص دينى و اعيش برة مصر برضه

حد عنده فكرة انا مطالب بأيه اذا حتقدم لطلب يد ابنة اسرة جيدة المستوى ؟؟

ليا قريب مر بنفس الموقف دة من فترة و الاجابات كانت فى منتهى الاحباط احدى الاسر اشترطت زيادة عن الامور المعروفة انه يشتريلها شقة بأسمها و اخرى طلبت انه يحط مبلغ و قدره فى حسابها فى البنك (وهوا يعمل كدة ليه و هو لسة فى اول حياته و مش عايش فى مصر) ..... كان احساس انه بيتجوز رهنية مش زوجة .....الراجل اخد بعضه و رجع على امريكا و اتجوز من هناك

[Elham]

اذا كنت يا اخ وسام هاتعيش بره على طول فيه و الله بنات من اسر مصريه برضه بس عايشين هنا سواء فى كندا او امريكا و بيتمنوا انهم يتجوزا شباب مصرى و هما على فكره على درجه عاليه من التدين و الالتزام و كمان طلباتهم غير مبالغ فيها اطلاقا و اسرهم متعاونين الى اقصى حد و ربنا يو فقك.

[وسام]

والله يا اخت الهام جايز انا مش محظوظ جدا فى عدد معارفى لانى مش متغرب من مدة طويلة و كمان فى عادة متبعة اعتقد انها المفروض تتناقش فى موضوع الخزعبلات ....انه لو الواحد مغترب يبقى من الافضل انه يرجع يتجوز من بلده احسنله واضمنله

مش عارف بقى ربنا يسهل :D

[elbana]

يا أخ وسام فعلاً كلام الأخت إلهام صحيح فيه بنات مع أهاليهم في الغربة ملتزمين أخلاقياً ، وفي نفس الوقت متفتحين جداً عقلياً وماعندهمش الطلبات المبالغ فيها اللي بتحصل في مصر ، والنوعية دي ح تكون متعودة على الغربة وما عندهاش مشكلة من الناحية دي ، إضافة إلى إن ح يبقى قدامك الفرصة لدراسة أخقلاها ووضعها أفضل لأنك في الأجازات بيكون صعب تختار اختيار سليم .

وعلى فكرة أنا شايف إن الطلبات المبالغ فيها من أسرة العروس مبرر كافي لعدم الاستمرار في الأمر والبحث عن البديل ، لأن ده بيكشف عن عقلية غير سوية ومادية ح تفضل تتعامل معاها باقي عمرك وده غير طبيعي في نظري ووراؤه مشكلات ضخمة ، المفروض يكون فيه قناعة ورحمة ، الأهل اللي بيصعبوا الزواج على الشباب بيصعبوه على بناتهم في نفس الوقت .

[KWA]

http://www.gn4me.com/mamnoo3/article.jsp?I...D=19104&order=7

[ragab2]

فيه مشكلة

ماحدش واخد باله منها

حصلت معايا ومع أصدقاء كثيرين عندما حضروا الى مصر لاختيار عروسة وصدموا فى ثقافة البنت المصرية التى لم تخرج أكثر من شارع منزلها ولم تتجاوز المكان التى أتمت دراستها فيه

فكان فارق الثقافة كبيرا وستجد أن المغترب يتكلم ويناقش على مستوى العالم وهى تناقش على مستوى شارع بيتها وجيرانها واخواتها وضحلة المعلومات العامة

وهذا يخلق فارقا كبيرا فى الثقافة والاهتمام والتفاهم بين الزوجين فى أول الزواج ولكن هذا الفرق كثيرا يتلاشى ويتقارب الفهم والاهتمام والثقافة مع مرور الأيام

ولكن ربما يكون هذا الفارق قد تم التغلب عليه بعد انتشار المحطات الفضائية

فى مصر

[ragab2]

كتب Sherief AbdelWahab

الزواج : معقد أم نحن الذين عقدناه ؟

نحن المعقدين وعقدناه

[Salwa]

سلام من عند الله ورحمته وبركاته.

ياجماعة الخير.

احنا اللى بنعقد الدنيا ....ماشى....الصراحه احنا اللى فى المنتدى لأ.

قصدى بعض المصريين اللى توقف بيهم الزمن عند تاريخ معين.

الاب يغالى فى المهر والشبكه...ولازم شقه تمليك...او ايجار جديد.

الام المنظرة قاتلاها وكان بنتها//شجرة الدر//وحاتقول ايه لما الفرح

يطلع ...مش زى فرح بنت فلان وعلان وترتان.

الامور ابسط من كده بكتير.

اهم حاجه يكونوا من نفس المستوى الاجتماعى ....دى مهمه جدا.

خدوا بالكم انا مجبتش سيرة ...غنى او متوسط او فقير.

مستوى الثقافه.....دى على اساسها//تتحل كل المشاكل//

طبعا ..الناحيه الدينيه دى اول حاجه...لو الاهل من الناحيتين يعرفوا ربنا

حق المعرفه..//حايرحموا بعض //

وطبعا يكونوا متفاهمين وفيه قبول...راحه نفسيه.//دى عشرة عمر مش رايحين يقضوا مع بعض فتره ويقولوا لو فشلنا نحاول تانى.

اذن......لو المشكله الماده....تتحل ازاى.

لو متدينين....مفيش فرح 5 نجوم مفيش راقصه مفيش //مكربين//

يصرخوا فى ميكروفونات .ويقبضوا حق ما بوظوا اعصاب العريس والعروسه...عندنا فى اسكندريه فيه دلوقت تقليد جميل...الافراح زى

افراح اوروبا...بالنهار...وفى اكتر من روستوران شيك جدا بحديقه رائعه.

والعائلتين يذهبوا...و..d.j...والشباب يزفوا العريس//واقروا الفاتحه لابو

العباس يا اسكندريه يا اجدع ناس //

من ناحيه الشقه...التمليك تطلع ارخص من الايجار الجديد.

مفروض ان الاتنين بيشتغلوا..ايجار جديد فى حدود 400...ده على الاقل

لكن التمليك..تدفع تقديم وممكن الباقى قسط ...فيه لغايه 30 سنه...

والقسط فى حدود 700 ....والله فيه 500.

انا بتكلم عن ناس لسه امامها العمر طويل ...وبس عاوزين يبدؤا

حياتهم....بالنسبه للموبيليا والادوات الكهربائيه..ممكن يبدؤا بحجرة

نوم رقيقه سعرها معقول ...حتى الرسومات الغريبه وكتل الخشب...

صعب شويه ..فى حاجات فى مصر جميله...ممكن يقولوا للنجار وهو

يفصل الخشب على زوق الاتنين.

وايضا حجرة واحده تشمل انتريه شيك وسفرة وبوفيه واحد.

يعنى حجرتين.

والادوات الكهربائيه بالتقسيط.

ولما يتوفر كل ده...ممكن يعيشوا مرتاحين...مش يكرهوا حتى نفسهم

طبعا مش حا يعجبكم كلامى وحاتقولوا دى معندهاش مشاكلنا وعايشه بعيد عن مصر.

حنقوللكم المشاكل هى هى فى كل الدنيا.

بس المهم كيفيه ايجاد الحلول بطريقه غير معقده.

وبصراحه كل اللى بيعقدوا الدنيا...هم اساسا...طبقات عايزه تقول انها

فى قمه الهرم ...والحقيقه انهارده ان دول فعلا هم ،فوق،من ساعة

ما الهرم اتقلب.

ومهما عملوا ومهما اتمنظروا...هم//هم//

واحنا //احنا//

ودائما البقاء للاصلح....ربنا يوفقكم.