كوبرى قليـــوب و الحال المقلـــوب

[Tafshan]

كوبرى قليـــوب و الحال المقلـــوب ...

عن الاخبار

http://www.ahram.org.eg/Index.asp?CurFN=fr...tm&DID=9288

"وأعلن الدكتور محمود محيي الدين وزير الاستثمار أنه تم استخدام‏856,5‏ مليون جنيه من عوائد برنامج إدارة الأصول العامة للدولة في تنفيذ أربعة مشروعات كبري‏,‏ وهي‏:‏ مشروع كوبري قليوب بتكلفة تقديرية‏55‏ مليون جنيه‏,‏ ولكن التكلفة الفعلية بلغت‏44‏ مليون جنيه فقط‏...‏ "

اشعر بالغثيان عندما اطالع منظر الوزراء في مشهد افتتاح كوبرى تبلغ تكلفة بناءه نفس تكلفة شراء عمارة سكنيه فى احد شوارع القاهره .. اربع وزراء يحتفلون بالحدث التاريخى الا و هو توسيع كوبرى تم انجازه او "طلسأته " في 147 يوم ... و ما هو الا بقايه قشر البطيخ الذى تم نحته بابداع على يد اعضاء الوزاره النظيفه .. ثفقات بيع القطاع العام الملياراتيه تتمخض لتنجب فقراً على فقر ... بيعنا عمر افندى (500 مليون ) رخصة محمول (13.5 مليار) اراضى (16 مليار ) و اشترينا "كوبري" ! هل هذا هو برنامج السيد الرئيس ؟؟؟

طيب ..

موافق ..

و ماله الكوبري ؟؟

اقولك ...

اتسائل كيف تتم اعمال المقاولات في مصر ؟؟ كيف توفر الحكومه 11 مليون جنيه و هو الفرق بين المقدر و الفعلى من تكلفة الكوبري ؟؟

المقاول : شركة النصر للمقاولات ... سابقة الاعمال : محور 6 اكتوبر ... عرفتوا ليه انا قلت "طلسأه " ؟؟؟

الحقيقه انه حتى الكوبري الذى رضينا به لم يسلم من الايادى النظيفه .. و اذا كانت هذه طريقة صرف اموال الخصخصه فعليه العوض و منه العوض في مصر ...

و اخرتها ايه ؟؟؟

لا اعرف غير اننى ادفع عمرى هنا في الغربه فقط لكى اصل الى الصفر الذى ابدأ منه .. فقط لاشترى الشقه التى انام فيها ... و بعد مرور العمر .. قد افاجأ ان هذا العمر الذى افنيته لم يكفى ان اشترى تلك الشقه .. و ان هذا الصفر اصبح بعيد المنال .. و لو وصلت له .. فلن اجد شارع سليم اسير عليه و لا ماء نظيف لاشربه .. و مازال المزاد منعقد .. الا اونه .. الا دوى ... الا ترى ... اى حاجه قديمه للبيع ... وزير استثمار حاصل على دكتوراه من جامعة روبابيكيا .. يبيع البنوك و الهيئات و الشركات "بالكيلو" .. اوكازيون غير عادل ليس لنا فيه مكان ...

55 عام على الثوره التى اممت رجال اعمال حقيقيون و منهم عمر افندى الذى اسس هذا الصرح الذي بيع بتراب الفلوس ... و ماذا بقى منها ؟؟ اعادة بيع كل مأمم .. لمن ؟؟؟ للاجانب و نصبح كأخواتنا عرب 48 ... هم ايضاً باعوا .. كما نبيع اليوم ... ترى ... اي علم سنرفعه بعد ان تتم الصفقه ؟؟ ام سننضم الى طابور اللاجئين العرب ؟

[تيتو]

على الرغم من كل عمليات البيع التى تتم بسرعة رهيبة وفى سرية

اعلن السيد رئيس الوزراء احمد نظيف أن مصر ليست للبيع

وإنما يسعوا لجذب الاستثمارات فى كل المجالات

ما هو البيع برده استثمارات مش بيجيب فلوس للبلد وخلاص

[Tafshan]

على الرغم من كل عمليات البيع التى تتم بسرعة رهيبة وفى سرية

اعلن السيد رئيس الوزراء احمد نظيف أن مصر ليست للبيع

وإنما يسعوا لجذب الاستثمارات فى كل المجالات

ما هو البيع برده استثمارات مش بيجيب فلوس للبلد وخلاص

وزراء مصر على رأسهم بطحه !

دائماً تلاقيهم بيقولوا :

لامساس بمحدودى الدخل ... تعرف على طول ان الاسعار ح تزيد

لا مساس بالبنوك ... و اهى اتباعت ..

لامساس بالتأمين الصحى ... و اهو على وشك البيع ..

و ده الوقت "مصر ليست للبيع " ... تفتكر يقصد محجوزه

[Dr.mmfriend]

كوبري قليوب ده كويس ومعمول كويس وبيفيد كتير اوى اوى

فيه فلوس مسروقه او مفيش

مهى كده كده بتتسرق

ولا ايه

[صـــــقـــــر]

بسم الله الرحمن الرحيم

اولا اود ان اشيد بهذا المنتدى الرائع الذى اجبرنى ان اسجل فيه وذلك لوجود مجموعة رائعة بهذا المنتدى

ويشرفنى ان انضم لهذا المنتدى

ثانيا بخصوص الكوبرى بغض النظر عن السرقة او او 000000

فان هذا توسعة هذا الكوبرى فعلا تعتبر انجاز كبير فى وقت قصير جدا

وانا لسه ماشى عليه من يومان ما شاء الله اعطى سلاسة فى المرور بشكل فظيع

وقبل كدة كنت با شوفهم شغالين فيه بايدهم وسنانهم طبعا عشان الباشا الوزير هو اللى متبنى المشروع 000 ما علينا0000 ياريت كل المشروعات الحيوية تخلص فى وقت

قياسى زى ده او على هذا المنوال اللى بيوفر فعلا فى الموارد والسرقة وغيرهم

انا اخى مهندس مدنى لما دخل احدى شركات القطاع العام سنة2004 مسك مشروع صرف صحى لاحدى القرى المشروع ده شغالين فيه من 1999 اى 6 سنين ولسه قدامه على الاقل 4 سنين على ما يبدا يشتغل للناس

واتفرج بقى على اللى بيحصل سرقة ومقاولين مش عايزين يشتغلم لان المشروع خسر خلاص لان الاسعار اللى كانوا واخدين بيها من 1999 تعتبر خساااااااااااارة بكل المقاييس

يالا المهم

اهى نقطة ايجابية لمسناها قبل ما نموت