عايز تعكنن على اى حد نايم

[ahmed_tito91]

بسم الله الرحمن الرحيم

عزيزي الصاحي اذا كنت تعاني من أرق لأي سبب

و حاقد على واحد نايم او اذا طق فيوز النذاله فجأه عندك أو عرق

الرذالة بيوجعك وقدامك واحد نايم كأي بطيخة تحترم نفسها

ماعليك الا ان تتبع الخطوات التاليه

وصدقني ممكن يقتلك فيها

1) اذا كان في عز نومه وانت مانمتش أو مش جايلك نوم ادخل الغرفه وشغل النوووور

واطلع بمنتهي البرود كأنك لم تفعل شيء.

إذا كان نومه خفيف هايصحي وقولك ( إطفي النور يا حيوان ) طبعا إحنا

إتفقنا إنك بارد لذلك

لا تعره أي إهتمام و تذكر القانون الأول لنيوتن في التنفيض

" لكل فعل له تنفيضة مساوية له في المقدار و مضادة له في الإتجاة " .

أما لو كان نومه تقيل يبقي تستعمل الطريقة رقم 2

2 ) إكتشف إن في بيتكم سرير وعايز تتأكد إن كل حاجه تمام و إن السرير

رجليه مظبوطة طبعا دا السرير إللي أخينا

نايم عليه ويمكنك ساعتها القيام بالكثير من التخبيط و الدق وتحريك

السرير ولكن إنتبه فقد يصحو من النوم فيجدك تحت

السرير او رأسك في متناول يده فلا أحد يعلم ساعتها ماذا يمكن أن يحدث

لو كان من هواة النوم وبجوارهم مفتاح

إنجليزي .. لذلك أنصحك أن تهز السرير هزات عنيفة حتي يستيقظ وقبل أن

يفيق تماما أركض بأقصي سرعة

3) اذا كنت مقهــــــــور من واااحد ناايم العصر او الظهر أدخل الغرفه

وغطيه كويس و إقفل المكيف واطلع ولا تنسى أن

تغلق الأبواب والنوافذ.

واذا كانت في دفايه بالغرفه , ياعيني شغلها بقي علي أسخن حاجة وسيبه

واطلع بره كأنك لا تعرف عن الأمر شيء .

لسه ما قامش ؟؟ إوعي تيأس

4) لو كان لسه ماقامش !!! ماتعملش حاجة من اللي سبق ذكره إنما بهدوء

حط ايدك على الراديو وشغل محطه خرباااانه

و يا

حبذا لو كانت بتاعت أغاني هابطة من نوعية ( حبيبي فوق حبيبي تحت حبيبي

رايح حبيبي جاي ) وعلي

الصوووت على الآخر و امشي إنت كمل مشاهدة التليفزيون .

5) اذا كان لسه نايم وانت شبعااان نوووم بس عايز تتونس:

جيب ماء باااارد وقرب من النايم وقطر على جبهته قطره قطرة هايترعش

ويمسح جبهته فاكرها نمله ولا حاجة .

واقعد كده لحد ما يصحي أو يقوم يرزعك قلم محترم علي وشك ويكمل نوم

6 ) خذ منديل ولفها لحد ما يبقي على شكل العود... الغرض ان يكون نهاية

طرفه حاد ..

وبس يا معلم .. أخينا رأسه أصبحت ملعبا وأنت الهداف

ممكن تحطها في ودنه ( الحركة دي مستفزة جدا ومجربة )

ممكن تحطها في فمه

ممكن تحطها في أنفه بس مش لجوة أوي يعني

لو صحي يبقي إحتمال إنه يفرجك علي عنبر الكسور في أي مستشفي قريب من

بيتكم

واذا مانجحتش كافه الطرق اللي فوق... تأكد انه مش آدمي . . خليه نايم

واطلع بدل ما يجيلك شلل نصفي ولا اقولك احسن اقتلة وامشى زى ما انا هعمل

منتظر الردود دا فى حاله اذا كنتم عايزنى معاكم

احمد تيتو

[Ahmad Farahat]

الحقيقة يا أحمد ما شاء الله

ده الأذى بحره واسع يا ابني

ربنا يخليك للناس اللي انت عايش معاهم وميجبكش عندنا

قادر يا كريم

[shahd]

ده كده يطق يموت يا احمد.. .. :wub: ربنا يكفي النايمين شر الصاحين

موضوع جميل ......

[afreet]

ولله فى خلقه شئون

مش هاقول اكتر من كده علشان ما ابقاش قليل الادب

[ahmed_tito91]

بسم الله الرحمن الرحيم

شكرا على ردك يا استاذ عفريت

بس ملاحظه الموضوع منقول وكنت عايز اعرف الرد

واوعدكم انى سانسحب من المنتدى الغالى

احمد تيتو

[Ahmad Farahat]

ولله فى خلقه شئون

مش هاقول اكتر من كده علشان ما ابقاش قليل الادب

وليه تبقى قليل الأدب يا عفريت

وليه أصلا ترد رد زي ده ملوش معنى

أحمد ناشر موضوع في دعوة للإبتسام، ليه تقلبها ضلمة كده

معجبكش الكلام تخرج من غير ما تقول كلام زي ده

ولا انت عايزه في دعوة للإبتسام يقرالك البؤساء

يا أحمد ولا تسيب المحاورات ولا تنسحب

فأنت ابتسامة مضيئة ها هنا

أخوك الكبير

أرسين لوبين

[كمبيوترية مصرية]

جري ايه يا عم احمد؟؟ :lol: خليك كول

بسرعة كده زعلت!! من أخوك عفريت

ده بيهزر معاك بس بطريقته

فكرله في طريقة من طرقك اياها المنقولة

اكيد عفريت كان كابس عليه النوم و انت بموضوعك طيرت النوم من عينيه

[mohamed_mido87]

ايه يا احمد تيتو

مين يا بنى الى عكنن عليك كده

اكيد حد عمل فيك كل الكلام ده

موضوع جميل وتسلم ايدك

[رمضان]

انا اكتر شيء بيضايقني وانا نايم اني اسمع صوت تليفون او حد يتصل عليه كتير ويبعت رسائل دي فعلا بتنرفز جامد

[somebody]

:closedeyes: :roseop: :happy: :blink: :) :) :lol: :lol:

تم تعديل 17 أغسطس 2007 بواسطة somebody