طلب وظيفة أمينة مكتبة بالإمارات

[sherihan]

اهلا بيكم كلكم انا شيريهان من مصر ولسه جايه الامارات قريب في زيارة والحقيقه انا شوفت البلد ومعجبه بيها جدا ونفسي اشتغل فيها وبما انكم موجودين هنا بابلد عايزه نصايحكم كيف ابحث عن عمل انا امينة مكتبه وتخصصي هو المكتبات والمعلومات وعندي لغات انجليزي وفرنسي وعندي مهارات استخدام الحاسب الالي كمان ايه رايكم انفع وله منفعش حتي لو منفعش انا سعيده بيكم ونفسي اتعرف علي كل الناس اللي في المنتدي سلام واراكم علي خير

[mazazeky]

منورة الدنيا كلهااا يا شريهان والمنتدى كلة ويارب يوفقك كدة وتلقى شغل قريب ان شاء الله

[hussaindoit]

تحية لكي واعتقد انك ستجدي الرد عن قريب من مقيمي الأمارات بالتوفيق

[mesryforever]

أهلا بيكي أخت شيريهان ونورتي الإمارات

بالنسبه لشغل أمينة مكتبه أعتقد إن أفضل شئ علشان تقدري تشتغلي لازم تعملي (c.v) تكون كويسه بمعنى لا بد وأن يذكر فيها جميع مؤهلاتك وجميع خبراتك السابقة مرتبه ترتيب من الخبرات الحديثة إلى الخبرات القديمة وليس العكس وبعدين تكوني متابعة جيدة لجميع الجرائد مثل

جريدة الوسيط الأسبوعية

جريدة الإتحاد اليومية

جريدة الخليج اليومية

أو طبعاً يمكن إنك ترسلي (c.v) الخاصة بيكي إلى أماكن زي المجمعات الثقافية أو الإذاعة والتليفزيون أو جهه إني شايفة إنها ممكن تكون لها صلة بالمكتبات .

وطبعاً عليكي وعلى الإنترنت إبحثي في جميع المواقع التي فيها وظائف في الإمارات - فقط أكتبي في محرك البحث وظائف الإمارات هيطلع لكي مواقع كثيرة منها العربية ومنها الإنجليزية

في مواقع في الأول هيقولوا ليكي لازم تسجلي فيها وبعض المواقع التي لايتطلب التسجيل فيها

إزاي تسجيلي فيها

- المواقع التي يتطلب التسجيل فيها طبعاً التسجيل مجاناً بمعنى إنهم سوف يعطوا ليكي إستماره على الإنترنت وتمليها وسوف يقومون بإعطائك رقم للمتابعة الرقم سوف يتم إرساله إليكي عن كرسالة على الموبايل أو كرسالة على الإيميل الخاص بكي

ولازم تكوني ملاحظه في بعض هذه المواقع أنه لازم (تحفظي رقم user name , pass word) علشان تقدري تدخلي على موقعهم في أي وقت بيهم

- أما بالنسبة لبعض المواقع التي لا يتطلب التسجيل فيها فمن الممكن أن ظهور إستماره يتم ملئها عن طريق الإنترنت وطبعاً زي ماقولت قبل كدة لازم تكون عندك (c.v) مخزنه على الكمبيوتر وإرسالها كمرفقات للإستماره سابقة الذكر

طبعاً لازم يكون اللغة الإنجليزية عندك على الأقل جيده

أما بالنسبة للكمبيوتر لازم تكون على الأقل جيده جيداً

* وطبعا الواسطه بتعلب دور كبير في مسألة توظيفيك - ولكن الوسطه من غير خبره ولا حاجه لازم الإثنين يكونوا مكملين بعضهم

والتوفيق بإذن الله

[قاهرى]

اهلا بيكى شريهان . ربنا معاكى وتلاقى وظيفة بس حددى الامارة الى انتى عيزة الوظيفة فيها علشان نقدر نساعد بعض ولو حد عايش فى نفس الامارة الى انتى سكنة فيها ويعرف حد طالب الوظيفة دى ممكن يساعدك وربنا معاكى وانا اولهم طبعا بس حددى الامارة plz

[dubai guy]

Hi Sherihan,

Please send me your resume, I am working for new academic institution in dubai and they open for new position from time to time, I will try to forwared it to managers of the related departments.

Good Luck