صفوت الشريف رئيسا للحزب الوطني ... حد يزغرد

[kokomen]

لننتظر ونرى ماذا يحدث داخل الحزب الوطني

قد تحدث حركة تصحيحية داخل الحزب الوطني

قد توضع سياسات جديدة تدفع الي الأمام

اذا تولى السيد جمال مبارك رئاسة الحزب فأهلا وسهلا ... المهم أن نرى خطوات الإصلاح ... لما لا ؟؟؟؟؟؟

أما اذا تولى السيد صفوت الشريف رئاسة الحزب ؟؟؟ فالأمر مختلف ؟؟؟ أعتقد ذلك

أين دور الأحزاب الأخرى ؟؟؟ أليس لها دور ؟؟؟؟؟

[se_ Elsyed]

أين دور الأحزاب الأخرى ؟؟؟ أليس لها دور ؟؟؟؟؟

الله يكرمك يا كوكومين ما تجبش سيرة اللي ما يتسموش وتشعب الموضوع

يا راجل دي احزاب طراطير لا تملك حتى سلطة الحكم على ملابسها الداخلية ...

أين هم من بيع البلد ؟

أين هم من الكوارث التي تحدث في الشارع المصري ومنها إنقطاع المياه عن كثير من القُرى لعدة شهور ؟

أين هي الأحزاب أساساً المحترمة التي بها رجلٌ واحد تستطيع ان تشير إليه وتقول بإنه رجل له كلمة مسموعة أو موقف .

والله العظيم يا راجل دول لو بني أدمين وعندهم دم كانوا حلوا احزابهم ووقفوا يتفرجوا زيهم زي أي حد ... لكن يسيبوا الهبر لمين .. ويسيبوا تأشيرات الحج المجانية اللي بيبيعوها بملايين لمين ؟

[الطيار المصرى]

يا ابو احمد الاحزاب لو ليها لازمة كان زماو اتعملهم الف حساب ........الاحزاب دي سكتت لما اتعدل الدستور و اعطي الحزن الوثني صلاحيات في الترشيح لن تعطي لتلك الاحزاب....و ماحدش فيهم فتح بقه.......و زي ما قال سي السيد ماكنش ليهم ادني دور في البلاوي اللي حصلت بالفترة الاخيرة....وانا شايف استحالة حدوث حركات تصحيحية في الحزب..........و يتعبوا نفسهم ليه...

ويفكروا في الشعب ليه.........والشعب ساكت ........خلاص يولع الشعب..

[ناصر الملك و الملكية]

أنا أرى أن نتفائل , جمال مش لازم يطلع زى أبوه

الخديو توفيق كان حاجا و ابنه الخديو عباس الثانى طلع حاجا تانية

الملك فؤاد بردوا كان حاجا و ابنه الملك فاروق الأول طلع حاجا تانية خالص

و بعدين ما ننساش أن كدا هيبقى جمال ورث البلد عن أبوه , و تفرق كتير أنه

يرثها عن أبوه عن أنه يكون وارثها عن رئيس أخر كان هو نائبه

أعتقد أن جمال قادر على إحداث طفرة فى المجتمع المصرى .

[se_ Elsyed]

أنا أرى أن نتفائل , جمال مش لازم يطلع زى أبوه

الخديو توفيق كان حاجا و ابنه الخديو عباس الثانى طلع حاجا تانية

الملك فؤاد بردوا كان حاجا و ابنه الملك فاروق الأول طلع حاجا تانية خالص

و بعدين ما ننساش أن كدا هيبقى جمال ورث البلد عن أبوه , و تفرق كتير أنه

يرثها عن أبوه عن أنه يكون وارثها عن رئيس أخر كان هو نائبه

أعتقد أن جمال قادر على إحداث طفرة فى المجتمع المصرى .

ده رأيك وإنت حر يا ناصر

لكن ده لو رأي قطاع كبير من الشعب المصري وخصوصاً من الشباب ... يبقى عليه العوض ومنه العوض في البلد

وأنت بنفسك قارنت الملكية التي لا يوجد بها دستور يحكم ومال الشعب هو مال الملك والبلد بتبقى عبارة عن عزبة بتتوارثها أجيال الملك وتوزع مصادرها على العائلة ..

قارنت هذا بالجمهورية التي تقول بإن الشعب هو اللي بيحكم وتنادي بضرورة تداول السلطة ..

فانت كده بمناداتك بإن جمال هو أحسن الموجودين يبقى أضفت فقرة جديدة لما نتحدث عنه وه : " ضرورة تداول السلطة .. بس بين أبناء الحاكم فقط " يعني يشقطوا الكرسي لبعض وإحنا نقعد نتفرج ولا أمل لنا في الأصلاح .

أنا هاسألك سؤال واحد يا ناصر وياريت تجاوبه : إيه هي المعطيات والدلالات اللي خلتك تعتقد إن جمال ممكن ييجي منه خير .. تكملة السؤال بيقول .. من ساعة ما جمال مسك لجنة السياسات وبقى يتحكم في كل صغيرة و كبيرة في البلد ويضع سياسات البلد الداخلية والخارجية .. هل لمست بارقة أمل فيما يفعله .. أم أزدادت الأمور سوءاً في بلدنا واصبحت على شفا الإنهيار التام إقتصادياً وسياسياً ؟

يا عزيزي مبدأ إن إبن الرئيس لازم يبقى رئيس غصبٍ عن اللي خلفونا وده لإنه شارب الصنعة من أبوه اللي كان بياخده معاه المحل كل يوم الصبح ويشوفه بيعامل الزباين إزاي ده مرفوض تماماً حتى لو هو كان أفضل شخص على وجه الأرض .... لإن البلد لا هي عزية ولا هي محل فول وطعميه .....

[الطيار المصرى]

مع خالص احترامي لرأي الاستاذ ناصر......

لكنه مش من الضروري ان نساق كالخراف في كل مرة يجب ان نقرر فيها من يحكمنا...........

نفسنا مرة نقرر مين اللي يمسك زمام الامور.......

و ما يقتصرش دورنا علي مات الملك .............عاش الملك