يابتوع الاقناع....اقنعونى ..

[Salwa]

هى كل حاجة بنعرفها بالصدفة ...؟؟

مكتبة الاسكندرية ...

هذااااااااااااا الصرح العظيم ....

والعالم كله جالنا و حضر الاحتفال ....

وايشى قسم للسينما ....وايشى قسم كتب معرفش ايه ؟؟...وايشى تماثيل من عهد مينا والكل مش عارف ايه ؟؟وحاجات ومحتاجات ...يعنى فخمة وضخمة ....وتفتيش وانت داخل وتفتيش وانت خارج ...ومكان مخصوص للشنط وتذاكر و..و..و.......وبحيرة صغننة وكتابة بكل اللغات وووووووووووو..

اهم شئ...

مكتبة يعنى فيها كتب ...

يعنى هم فكروا فى كل حاجة ....كل شئ ...كل طوبة وكل كرسى وكل لمبة وكل سلم فى المكتبة العظيمة ...

وكمبيوترات ...كتيرررررررر.....

ومرتبات بالدولار وقصص تانية خالص ....وقيمة ومركز ووظيفة ميرى وابهة وهيلمان ومؤتمرات وصولجان ومش عارف ايه ؟؟

طيب والكتب ؟؟

فيه كتب كتير عربى ومترجم ....كتب كتير قوى قوى ...

و...

بالصدفة البحتة ....تعالوا نتفرج على كتب القانون (( الدسمة )) ...

ايه الفقر ده ؟؟ ...دى كتب فقيرة جدا جدا جداااااااااااااااا........

يعنى طبعا مكتبة كلية الحقوق فيها كتب افضل الاف المرات .....

يعنى لو عملنا مقارنة ...اى مكتب محامى محترم فى اى بلد اوروربى .....لو دخلت عنده حاتلاقى كل ما يرضيك وحاتلاقى كل ما تحتاجه من الكتب ..

مجرد محامى ....

فمابالك باضخم مكتبة ؟؟ ....مكتبة الاسكندرية ؟؟

طيب كمان بالعربى مفيش كتب قانون شاملة ؟؟ قصدى كموسوعة قانونية ؟؟

بالتأكيد لو بحثنا فى شأن آخر سوف نجد نفس العجز ...

مش لاقية تعبير تانى ....

الكتب فقيرة ...(( كشئ شامل يرضيك )) ...

هم بيقيسوا فخامة المكتبة بالكم والا بالكيف ؟؟ والا ......لاده ولاده ؟؟

اعذرونى انى اشركتكم معايا ....

فى سؤالى وتساؤلى ....الساذج ..

[se_ Elsyed]

طب إنت عايزه تقولي يا مدام سلوى إن حضرتك روحتي المكتبة ومالقتيش كتب قانون ؟ ولا ده خبر منشور عن المكتبة ؟ ..

أنا ما دخلتش المكتبة بصراحة لكنها تصميمها الخارجي بيعجبني وباتبسك كل ما أعدي من أمامها :blush2:

ده على كده بقى من بره هالله هالله ومن جوه يعلم الله ... وشووووووبش يا مثقفين

[Salwa]

لالالا ياسى السيد ....معقول ده خبر برضه حايتنشر عن المكتبة ؟؟

هو حد بيقول حاجة ؟؟

ده كله جميل وكله تمام ........وشيرين بتغنى ..(( ماشربتش من نيلها !!!)) ..

الحكاية ان ابنة اختى بتحضر رسالة ....اتأجلت قبل كدة لظروف عائلية حدثت.

وانا هناك من كام شهر ...ذهبت معها المكتبة واعتقدت بعد البحث المضنى معها ..(( اننا لم نبجث جيدا )) يعنى العيب علينا ..

((( عارف زمان كان فيه نكتة فى اسكندرية لما اكتشفنا ان الشاى مغشوش ....قالوا الوزير صرح ان الشاى مش مغشوش لكن الناس مبتعرفش تشرب )))..

يعنى انا قلت ...احنا اللى مش بنعرف ندور بقى .....(( حتى فى الكمبيوتر !!!))

واليومين دول ....(( وجدت ضالتها ...زى ما بيقولوا ...فى مكتبة الجامعة...فى كلية الحقوق يعنى ))...مكتبة اسكندرية يامولاى كما خلقتنى .

انا بس عايزة اعرف ...

مكتبة بهذا الحجم لابد تكون (( حاجة مرعبة يعنى ....حاجة تخوف )) ...عظمة وشموخ ...

والا انا عندى تخلف عقلى ولسا عايشة فى الاوهام ؟؟

والله العظيم ...الناس فى اوروبا بيحلموا بمكتبة اسكندرية وبيتكلموا عليها كأنها معجزة بكل المقاييس ..

لدرجة اننا نعرف كاتب معروف(( صديق لنا )) .....طلب مننا انه يقدم اهداء للمكتبة حوالى مائة نسخة من كتبه ..

وانا بنفسى قلت له انتظر ....سوف اتصل واسأل لو ممكن ترسل اكثر من نسخة مكررة .....لكذا رواية ...وهل يتم قبول كتب كثيرة بلغات متعددة ؟؟ وكيفية ارسال الكتب ؟؟

يعنى اخدت الموضوع جد جداااااااا....

خصوصا ان البلد هنا قدمت اكبر رقم من الكتب اللى اتقدمت هدية للمكتبة ...

معرفش ....

هل (( عيلتنا متخلفة !! ثقافيا ....( واضح ان عندنا قصور ثقافى !!) ...مش بنحمد ربنا ونقنع بالموجود ؟؟ ..والا انتوا معايا ان ده عيب واضح جدا جداااا ومفيش رقابة على اللى موجود ....واللى موجود لا يستحق كل هذا الهيلمان !!! )) ...

والله العظيم ..كلمتك ان يظهر من برة هالله هالله ومن جوة يعلم الله .....خلتنى بقيت اكلم نفسى واقول صح ياسى السيد هو ده الصح هو ده اللى فعلا حاصل ...

[عم صابر]

يا مدام سلوي و يا أستاذ سي السيد

مكتبة الأسكندرية تم تصميمها علي طراز المكتبة الأصلية و اللي كانت من ايام الفراعنة , و ايامها ما كانش فيه رفوف علشان يحطوا عليها الكتب , هي خروم اسطوانية في الحيطان يدفسوا فيها لفائف البردي. و ده اللي التزموا بيه في النوذج المعاصر .. الحيطان جوا المكتبة لو اخدتوا بالكم كلها مخرمة زي الجبنة السويسري في انتظار كنوز المعرفة.

ذنبهم ايه بقي العالم المسئولين عن المكتبة انه ما بقاش فيه كتب اسطوانية الشكل و اللي موجود دلوقتي ليها اشكال هندسية اغلبها مستطيل, تقطع الناس نفسهم علشان اللي عايز يتثقف او يحضر ماجيستير, لوموا مصممي الكتب و المطبعات اللي ما بيراعوش ضميرهم و ما بقوش يعملوا كتب اسطوانية الشكل .

و لا كل الحاجة لازم نتهم بيها المسئولين و الحكومة .

أففففففف .