المطبخ المطبخاوى - وصفات للمطبخ

[هشام عبد الوهاب]

بما ان عندنا مجموعه جميلة ولذيذة وشعنونه وبهية ومسلمه

وفريدة من نوعها فى المنتدى بين سيدات وانسات مجتمع المنتديات :inlove:

وحيث اننا من قبل قد طلت علينا رائحة الملوخية الفول والطعميه . :sigh:

واخيرا وليس اخرا سد الحنك

بسم الله نفتتح صفحة وصفات الاطعمه من الاعضاء والى الاعضاء والقراء

:idea:

ياترى مين صاحب اول وصفه شهيه واكله هنيه وفكره ذكيه .

[KWA]

بسم الله الرحمن الرحيم

السلام عليكم ورحمة الله وبركاته

يا ريت أحد الأخوه او الأخوات يتفضلوا بعرض وصفه ....محشي ورق العنب ...وصفه بيتي مش وصفه كتاب و لا الأنترنت ....و صفه لورق العنب علشان أكله مش علشان أعزم أصدقائي يتفرجوا عليه....و رجاء أخير شرح الوصفه ببساطه ....

:) :D :wink: :wink: :D :D

[freefreer]

أموت و أعرف الستات بتغلب نفسها ليه فى (لف) أصابع محشى العنب ؟

ليه ما يحطوش راق ورق عنب و راق رز .. و يتقطع زى المكرونة الباشاميل .. ؟

و هل هذا دليل على ان الستات ......... ولا بلاش .. :)

[KWA]

ليه ما يحطوش راق ورق عنب و راق رز .. و يتقطع زى المكرونة الباشاميل .. ؟

يا أستاذي أناطالب وصفه مش أقتراح..... خليني أخد الوصفه الأول و بعدين نفكر في لف ورق العنب و لا نعمله كبيبه و لا نريح نفسنا و نرجع ورق العنب علي الشجره تاني....كل سنه و انت طيب

:mad: :mad: :) :D

[MuslimaEgyptian]

ممكن حد يدلنى على طريقه ام على ؟

:inlove: :inlove: :inlove:

[mnman]

الرز بالبن احسن نفسي فية موت ...الله لايوريكو يوم حرمان من كل مالذ وطاب.. :inlove: :inlove:

[freefreer]

انتم جايين على اخر رمضان تتشمللوا .. طب حد يلحقنا بوصفة العجمية بتاعة الكحك .. و كل سنة و انتم طيبين ..

[freefreer]

حته خبرة من المدام (حرم فرىفرير) اضافة فصين مستكة و نصف كوب قشطة مع الرز و هو بيستوى - فى النهاية خالص نضيف معلقتين جوز الهند للخليط و نقلب ثم يغرف .. و بالهنا و الشفا

[EBN ELBLD]

جرى أيه يا جماعه فين سد الحنـــــك

[KWA]

حماتك بتحبك يا عزيزي KWA من حوالي اسبوع تحدثت مع الوالدةو صارحتها بان نفسي في ورق العنب... وياحبيبي يابني اعملة وابعتهولك ... "Belhana we el shefa"

بسم الله الرحمن الرحيم

السلام عليكم ورحمة الله وبركاته

الأخ العزيز منمان..لك جزيل الشكر و للوالده كل الأحترام و الشكر أطال الله في عمرها أنشاء الله.....ده وصفه تمام و انشاء الله هجربها في العيد و كل سنه و انت طيب .....و بالمناسبه ارجو ان تقبل مني هديه صغيره طبق ورق عنب سوف ارسله لك ب يو بي اس...البريد النستعجل....و ارجو ارسال الأسم و العنوان بالمسنجر ...و سوف يكون اسرع مايكون و طمئن الوالده....و لكن سوف يكون الطرد بدون اسم الراسل و يحمل فقط اسم المرسل أليه...و السبب هو الجمارك و التفتيش و طبعا الشكوك في شكل الطرد و التشابه الكبير بين صوابع الديناميت و صوابع ورق العنب .....و تخيل السيناريو و سي ان ان و شهرتك

...مكتوبالك يا سيدي ...ايه رأيك في الهديه الحلوه دي....

:D :D :D :D :D :D

[KWA]

الأخ منمن

طريقة عمل الرز بلبن سوتيه يعنى نى فى نى

المقادير

1 كيلو رز

1 كيلو لبن

1 كيلو سكر

1 كيلو ماء

الطريقة

يخلط الكميات أعلاه وتقلب لمدة نصف ساعة ثم تصب فى أطباق صغيرة وتحفظ فى الثلاجة لمدة ساعة ثم تقدم باردة .. وبالهنا والشفا

أى خدمة

بسم الله الرحمن الرحيم

السلام عليكم ورحمة الله وبركاته

يا دكتور رجب 2 ...إذا سمحتلي سؤال بسيط...يا تري التركيبه ده طبق بعد الأكل و قبل لأكل.....جزاك الله كل خير.....

[EBN ELBLD]

KWA

انت /انتى بتقول او بتقولى:

....و ياريت ما تحاوليش تعزم حد امريكاني علي سد الحنك لغايه ما تحاول انت الأول و تري اثارها و بالتوفيق و الهناء ...

دانا أكلت الامركان مش بدوده مش راح أأكلهم سد الحنك

كنت تعالى شوف الوليه حماتى لما كلت المش جرى لها أيه !!!!

والا بعيد عنك لما شمت ريهح المفتأه أجارك الله ياحويا

كنت راح أورث بس عمنا عزرائيل غلط فى العنوان

[mnman]

الأخ العزيز منمان..لك جزيل الشكر و للوالده كل الأحترام و الشكر أطال الله في عمرها أنشاء الله.....ده وصفه تمام و انشاء الله هجربها في العيد و كل سنه و انت طيب .....و بالمناسبه ارجو ان تقبل مني هديه صغيره طبق ورق عنب سوف ارسله لك ب يو بي اس...البريد النستعجل....و ارجو ارسال الأسم و العنوان بالمسنجر ...و سوف يكون اسرع مايكون و طمئن الوالده....و لكن سوف يكون الطرد بدون اسم الراسل و يحمل فقط اسم المرسل أليه...و السبب هو الجمارك و التفتيش و طبعا الشكوك في شكل الطرد و التشابه الكبير بين صوابع الديناميت و صوابع ورق العنب .....و تخيل السيناريو و سي ان ان و شهرتك

...مكتوبالك يا سيدي ...ايه رأيك في الهديه الحلوه دي....

 

شكرا جزيلا يا عزيزي KWA ومتنساش بعد كدة العيش و الحلاوة والمرة دي العنوان ميتوهش جزيرة جواتيمالا... :oops: :oops: :lol: :D

[mnman]

كنت تعالى شوف الوليه حماتى لما كلت المش جرى لها أيه !!!!

عزيزي بن البلد عذرا للفضول.. جري ليها اية هة هة؟؟ :oops: :oops: :D

[KWA]

بسم الله الرحمن الرحيم

السلام عليكم ورحمة الله وبركاته

ياتري فيه حد عنده و صفه لعمل البسطرمه ....أكون شاكرا اذا حصلت علي الوصفه و شرح خطوات التحضير والعمايل بوضوح و سهوله ....إذا تفضلتم و شكرا مقدما علي مساعدتكم.....

[mnman]

في البداية احب اشكر الاخت كليو والاخت فريدة علي احلي طبق كبدة اسكندراني اكلتة من سنة كاملة.. والله قعدت ادعلكم ربنا يخليكو يارب ويخلي وصفاتكم اللذيذة..

:wink: :wink:

الاخ KWA وصفة البسطرمة طلب في الجون ياريت حد يدلنا...

[disappointed]

أقترح تركيب "شفّاط" لهذا التوبيك لأن ريحة الصوانى فحفحت

كما أقترح مكافئة كل من شارك بوصفة لذيذة فى هذا التوبيك بارسال "صباعين محشى" له على صندوق بريده الوارد

وأعيد مناداتى بما كنت قد طالبت به سابقا فى موضوع" النقاش المحتدم حول أحقّية الأرانب أو الجمبرى باعتلاء عرش الملوخيّه؟؟‍‍" بأن يتم اضافة أيقونات جديده مثل : "ارفع الحلّه من على النار" و "هذا الطاجن مغلق" و "اقتباس لورك فرخه من هذه الصينيّه" و "ضع موضوعك فى الفرن"...الخ

كما أناشد السادة أعضاء فريق التنسيق والمشرفين على المنتدى سرعة سداد فاتورة الغاز لضمان استمرار قدرة الأعضاء على نشر هذه الوصفات اللذيذه

وجرّيتوا ريقنا حرام عليكم

(ملحوظه: يمكنك استخدام "كبشه" أو "مغرفه" بدلا من الماوس عند المشاركه فى هذا التوبيك , كما ينصح لك بخلاّط "مولينيكس" لتقليب أفكارك قبل نشرها)

:) :cry: :cry: :) :) :D

[freefreer]

شكرا للست امينة على طريقة العجمية شكرا جزيلا

[CANDEL]

انا مليش في الطبيخ ,,, وعايزه اتعلم ومش عارفة ابتدي منين .. كل ما اعمل حاجة تبوظ وكل ما اشتري كتاب طبخ يتحرق من نار البوتاجاز او يقع علية الطبيخ .. وافاجأ بالمطبخ بقى ملاهي... النجدة :cry: :cry: :oops: :cry:

[disappointed]

انا مليش في الطبيخ ,,, وعايزه اتعلم ومش عارفة ابتدي منين .. كل ما اعمل حاجة تبوظ وكل ما اشتري كتاب طبخ يتحرق من نار البوتاجاز او يقع علية الطبيخ .. وافاجأ بالمطبخ بقى ملاهي... النجدة :cry:  :cry:  :oops:  :cry:

ياهناه يا سعده

:D :D :D :D

لا..لآ....لاااااا... الحقى نفسك يا "كاندل" وخذى كورسات مكثّفه قبل ماتظلمى زوج المستقبل معاكى وتخلّيه يقضّى حياته هوم ديليفيرى وتونه وبولوبيف والنواشف ايّاها.... الراجل لمّا عصافير بطنه بتصوصو ومعدته تثور عليه بيبقى حالته صعبه قوى

:D :D :D :D

ومعلش... تعالى على نفسك وخلّيكى "شمعه" تحترق فى المطبخ لتنيرى مائدة زوجك

:wink:

على فكره....حسين الامام بيعمل أكلات أفكارها جديده ولذيذه وسهله ومحترمه (يعنى من النوع الفاخر والثقيل) فى برنامج القاهره اليوم اللى بييجى على القناه الثالثه بشبكة الأوربت...... اسألينى أنا.... ده أنا والمدام بندعى له دعا...... أصل المدام عندى كانت ثقافتها المطبخيّه ضعيفه برضه شويّه فى الأول (بس مش أستيكه كده يا كاندل :D :D ) , وآهى الحمدلله ذاكرت وامتحنت ونجحت وبقيت بأدّيها تقدير امتياز مع مرتبة الشرف بعد ما كانت دايما بتأخذ ض.ج....

أنا عن نفسى مسجّل حلقات كثيره لحسين الامام , وبنكتب على الشرائط : "دروس محو الأمّيه المطبخيّه"

صدّقينى....الحقى نفسك.... كل الرجاله بتعمل نفسها فى الأول مش هاممها و " نو بروبليم" بس بعد فتره......عينك ماتشوف الاّ النور... وربّنا يكفيكى شر الزوج المحروم من أكله مسبّكه.... حيتلكك لك ويقعد لك على الواحده :D :shock: