زيت عباد الشمس بدل البنزين

[achnaton]

[size="5"]

بسم الله الرحمن الرحيم

كلما انعم الله على بالصحة والعافية وانفذ تعليمات الاطباء واخرج اتمشى .. يصيبنى اكتئاب شديد وارجع لبيتى وانا استمطر السماء كل اللعنات على كل من اسهم وشارك فى تدمير نظام التعليم فى مصر .. فقد كنت وانا فى ابتدائى اصاحب جدى الشيخ حسن رحمة الله عليه فى جولاته الخلوية بين الحقول والمزارع .. وأكل الفول المشوى على نواصى الحقول .. طبعا كنا بنأكل برضه الذرة المشوى فى آوانه .. وكنا لما نمر على اطراف النجع ونزور "سرجه عم زغلول " وكان يعصر فيها الكثير من انواع البذور .. بداية ببذرة القطن .. ومرورا ببذرة الكتان .. وانتهاء بحبة البركه .. وحبوب عباد الشمس .. كنا روادا .. صحيح من غير علام .. ولا بكالوريوس .. ولا جايزة نوبل .. هذه اخدها عم زغلول .. ولكن جائزته التى كانت تسعده عندما ينفحة جدى كام جنيه مصرى المتصور عليه الملك فاروق وكان لسه عيل صغير .. وفى المقابل .. كنا نحمل الى الدوار كام زجاجه وكام علبة صفيح مليانه بالزيوت الطازة ..

شفت النهارده المزارعين الالمان .. وهم مشمرين الاكمام .. ياريت .. دول كانو مشمرين الجزء العلوى بالكامل .. فالدنبا حر .. بيجمعوا زهرات عباد الشمس الواحده منها عاملة زى رحاية جدتى " صبوحه " .. عارفين الرحاية دى ؟؟ لأ .. ما هى انقرضت الوقت .. كانت عبارة عن دائرتين من حجر البازلت فو ق بعض وكانت الستات ايامها تطحن بهما الحبوب .. المهم زهرات عباد الشمس اللى قطرها اكثر من نصف متر كانوا بيبعتوها وبمعنى اصح بيبيعوها للمعاصر الجديدة فى القرى الالمانية .. ناويين يبطلوا استيراد زيت عباد الشمس .. وده طبعا فى مصلحة مصر اللى بستورد هذا الزيت من شرق اسيا من زمان بعد ان توقفنا عن زراعة القطن او كدنا

وحاجة الموطنين الى الزيت لقلى الطعمية والطبيخ واحيانا بيعملوا به الفطير بعد ان ندر اللبن والزبده والقشطه .. منكم لله ياللى فى بالى .. خرببتوها .. وقعد الغربان على تلها ..

انا سألت فى الحقيقة .. ايه الحكايه .. ومال الالمان نازلين عصير وانتاج زيت .. وفكرت اشتغل بالاستيراد .. والربح السريع " الحرام " ومحدش احسن من حد .. شوفوا قزم السرك العجيب وكيف اصبح فى سنوات مليادير واصبح لدماء الشعب " فامبير " .. وفكرت ايه المانع اعمل " فامبير " على كبر .. فقال مرافقى الالمانى .. اصحى يا عمنا لن نصدر نقطه من هذا الزيت .. ولو عندكم انتم احنا نستورده فالحمد لله توصل علمائنا الى تحويل هذا الزيت النباتى الى مادة حارقة بدل " البنزين " والسولار .. وبدأت العربات فى بعض المدن والانحاء تمون التنك من المنتج الجديد بدل البنزين .. ونتائج احتراق البنزين .. وفى بعض محطات البنزين حاليا طلمبه خاصة بالمنتج الطبيعى الجديد الذى لا يلوث الجو ولا يضر الصحة .. وكما لاباس به من السيارات الآن يستعمله بدل البنزين .. واشتغلت المصانع لانتاج المادة الجديدة .. وركز الفلاح الالمانى فى التوسع فى زراعة عباد الشمس فى كل مكان ..

وعندئذ فقط نطق اللسان .. يحيا شعب الالمان .. اللى بيحب بلاده .. ويحرص على امتاع جيرانه .. انت فين يا عم زغلول ؟؟؟ مات ومات معه محصول الفول .. وماتت معه كل الاصول .. ويا الف مليون خسارة يامصر ... اللى بيحصل فيكى يعصر القلب عصر ..

تم تعديل 28 يوليو 2007 بواسطة achnaton