حكايتى مع الزمان

[الحسناءالفاتنة]

كنت اعرف فتاة جميلة جدا تقدم لخطبتها الكثيرون وحاول ملاغاتها الاكثر ولكن لم يصل اليها احد كانت كالنجمة العالية التى لا يستطيع ان يصل لها احد وفى يوم من الايام تقدم لخطبتها احد الاشخاص كان الكل يقول عنه انه شاب مثالى ووافقت عليه وفى حفلة خطبتهما حدث بينهما شجار بسبب غيرته عليها ولكنها كانت معجبة به جدا فلم تترك للحزن مكان عندها ولكن مع الايام كانت الغيرة تزيد وبدا الشجار والشجار والمزيد...كان متحكم بها لابعدالحدود وكانها منومة مغناطيسيا فقبل خطبتها له كانت ذات شخصية قوية كانت دائما القائدة ،ومن سوء حظها كل من كان يرغب بها كان يتسبب بالمشاكل مع خطيبها فكانوا يتصلون بهذا الخاطب ويشككوه بها وكانت هى الضحية فى هذا الموضوع ..... وغدا ساكمل لكم ماذاحدث بعدكتب الكتاب وبماذا انتهت هذه الحكاية...

[الحسناءالفاتنة]

اكمل لكم الحكاية ...,بعد ما اتكتب الكتاب زادت التحكمات بل بالعكس عرفت البنت دى ان خاطبها انسان مش كويس خالص بيشرب مخدرات وخمرة وحاجات تانية كتير انا اسفة مقدرش اوضحها بس لنتم اكيد فهمتوها ليه علقات مع بنات كتير وبيكلمهم و....والاسوءانه معدش بيبين اى احترام لاهلها وكل اللى على لسانه انه عايز يتجوز وبس وبعدما كان خلاص الفرح معدش عليه حجة قررت البنت البعد بعد ما اقر الدكتور بتعها ان حالتها النفسية مدمرة وانها عندها شبه ذبحة صدرية وكل دة بسبب لاستاذ وفاقت من الغيبوبة ولكنه مكنش راضى يسبها ابدا مع انه بعدما قررت تسيبه قال عليها كلام وحش جدا ولكن البنت صممت وسبته بعد عناء كبير جدا ولكن سؤالىهل هى مظلومة ام ظالمة

[mffaswan]

لا يمكن أبداُ الحكم عليها أن كانت مظلومة أو ظالمة .. لإن حكايتك مش واضحة التفاصيل .. أنتي حكيتي الموضوع بأختصار ..

طب البنت دي جميلة .. لكن أهلها أخلاقهم ايه .. وأخلاق البنت نفسها ايه .. و طبعها .. و تعليمها .. و نفس الموضوع على الشاب اللي اتخطبتله

و بعدين كون انها تتخطب لواحد تكتشف بعد كده انه بيتعاطى هباب أو بيشرب زفت .. دي غلطة أهلها .. لأنهم كانوا المفروض يسألوا و يتأكدو من كل شيء (صحيح ممكن يكون فيه حاجات مستخبية) .. لكن موضوع العلاقات النسائية و المخدرات و الخمرا .. حاجات بتبقى مفضوحة !!

كمان ممكن تكون هي شخصيتها قوية زيادة عن اللزوم قبل الخطوبة .. و ده خلاها بعد الخطوبة .. تكون محتاجة لواحد يحسسها بالمذلة .. أو بمعنى آخر بالأنكسار و الضعف !! .. على أعتبار ان المرأة هي النص الاضعف .. بس المرأة مش بتبين الضعف ده غير لراجل تكون هي مقتنعة بيه انه أقوى منها .. أو أنها محتاجة تحس بالضعف معاه ..

و لو الراجل ف الحالة دي مش جنتل و ابن ناس متربي ..... هيذلها و يسففها التراب !! .. لإنها هتكون بالنسبة له فرصه لأثبات الرجولة (اللي غالباً هاتكون ناقصة منه ) .. على عكس الجنتل ابن الناس المتربي .. هايخد بأيدها و يعرفها ان ضعفها و قوته على كفة .. يوزنو العلاقة مع قوتها و ضعفه على الكفة التانية .. مافيش انسان ضعيف بالكامل .. و لا قوي بالكامل

التفاصيل في موضوع ناقصة أختنا حسناء

لكن ولا شك .. الأختبار .. خطأ !

لك مساحات الاحترام