عاوزة دليل يا جماعة

[toty]

مساء اورد يا جماعة :rolleyes:

أنا واحده غلبانه..عمري ما عشت في مصر و دلوقتي نزلت عشان الجامعة..المهم..أنا مش عارفه حاجة هناك خالص..قضيت حوالي شهرين هناك كانو جحيم..كرهت كل حاجة..نفسي تدلوني على أماكن حلوة و لذيذة ممكن أزورها و أنا في مصر..مش أقصد عشان أتعرف على مصر..لا لا..كطالبة خصوصا إني هكون وحدي هناك من غير أهلي..يا ريت لو تدلوني على أماكن ظريفه..

أماكن الواحد ممكن يروح يقضي فيها وقت ظريف في الويك إند و نوادي رياضة أو معاهد موسيقية أو الأماكن اللي ممكن مثلا يكون فيها ندوات شعرية للشبابا..أي مكان حلو تعرفوه ياريت ما تبخلوش عليا بمعلومات عنه..

كمان مثلا إذا كان فيه كتاب للسياحة..أقصد مثلا في كتاب عن كندا فيه كل حاجة عن المطاعم و المحلات و الحفلات و الكتاب ده فيه بطاقات خصم كمان على الأماكن ده..فلو حد يعرف كتاب كده عن مصر يريت يديني إسمه..

وطلب أخير..معلش طولت عليكم..ياريت الحاجات اللي هتدلوني عليها تكون قريبة من المهندسين و ميدان لبنان ..ماتكونش برا النطاق ده يعني..شكرااا

تم تعديل 30 يوليو 2007 بواسطة toty

[الرويناء]

دار الاوبرا وساقيه مكى ممكن تلاقى فيهم طلبك جيبى نمرتهم او عدى عليهم وخد جداول النشاط الاسبوعى وشوفى لو حاجه عجبتك

[elneshawy]

أهلا بيك في مصر يا toty في مصر اللى أنا مش موجود بيها

ده رابط :) موقع هتلاقي فيه أماكن سياحية و ترفيه بعنوانيها و تليفونتها

http://www.egyptianreviewer.com/component/...orms/Itemid,25/

و خدي بالكي من نفسك

و ربنا يجيب الخير

:wub:

[Amenemhet]

دار الاوبرا وساقيه مكى

الاوبرا http://www.cairooperahouse.org/opera_home_english.aspx

اعتقد ان قصدك ساقية الصاوى http://www.culturewheel.com/

لو ليكى اهتمامات موسيقيه فمعهد الموسيقى العربيه قريب جدا وهو بالزمالك <امام اليمامه سنتر> ...... اما عن النوادى الرياضيه فكلها بجوارك ...... نوادى الصيد والزمالك بحى المهندسين ونوادى الاهلى والجزيره ايضا بجوارك فى حى الزمالك......... الجامعه الامريكيه بميدان التحرير بالقاهره لها العديد من البرامج الثقافيه ...... ايضا المركز الثقافى الفرنسى بالمنيره والمركز الثقافى الالمانى <معهد جوته> بالدقى ...... بالتوفيق انشاء الله.

تم تعديل 19 أغسطس 2007 بواسطة Amenemhet