Cleo بتاريخ: 2 ديسمبر 2002 تقديم بلاغ مشاركة بتاريخ: 2 ديسمبر 2002 أخوانى الأعزاء.... فى هذا الباب سوف أعرض عليكم بعضا من قصائد نابغة الزجل بيرم التونسى.. أرجو أن تعجبكم.... كليو وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 2 ديسمبر 2002 كاتب الموضوع تقديم بلاغ مشاركة بتاريخ: 2 ديسمبر 2002 الواسطــة لــه شغالــــــة *** يا رجالـــــــــة والحــالة هيـــاها الحـــالة *** فى كــل مكان لفنــدى قالــى و الأسطة *** هيــه الواسطـة فـى كل مركــز و محطــة *** خاتــم سليمان تشغلــك و انــت فـــراش *** كاتــــب بمعاش و تدخلك السينمـا بـلاش *** ويا الأخــــــــوان ايــه اللى خـلا الملعونــة *** تصبــــح فينـــــا شريعة فوق شريعة نبينا *** شــــرع القـــرآن طماع و عايز فــوق حقــه *** و طمعـــه يزقــه لرئيــس عمــل فاتـح بقه *** زى التعبــــــــان والحق بين الاتنين ضايــع *** واهو دا الشايــع مديـر يبلطج على صايـــع *** عاطـــل كسلان مدير شريف حيرته حيــرة *** و حوسته كبيرة فى مطلب الست منيــرة *** و خليل شعبـان يعفى ابنهم م الجهـاديــة *** و البلـــــديــــة يجيــب مخالفتهـــا عليــه *** و على الجيران داء فى الكنـــانــة متمكن *** أو متـــوطـــــن و جـــرح ضــارب و معفـن *** زى السرطـــان وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 3 ديسمبر 2002 كاتب الموضوع تقديم بلاغ مشاركة بتاريخ: 3 ديسمبر 2002 هذه القصيدة لنقد الحلفان بالطلاق عمال على بطال..... * يا أهلا و سهلا، يا عز الحبايب واحشنى، و احشنى، على الطلاق - طلاق فوق طلاقك، و من غير يمين انت أعز عندى من ابنى إسماعين و من بنتى فاطمة، و الناس أجمعين * لازم أى خدمة - جيتك يا صديقى و يا نعم الصديق واقع فى مصيبة و شدة و ضيق والصراف سلامة، بحق و حقيق راح يحجز على، على الطلاق * مالى تحت أمرك لو تطلب ألوف قبلة اتغدى عندى، حادبحلك خروف مخصوص لجلك انت يا أعز الضيوف غيرك لم يدوقه، على الطلاق - طلاق فوق طلاقك، و الكذاب يغور واكل قبل ماجى خروف فى الوابور واتحليت بعجوة ملو دى ماجور مش قادر أخطى، على الطلاق * طلاق بالتلاتة، إيمانا غلاظ إن ما كنت واكل، الخروف ده باظ حارميه للديابة، حارميه للكلاب - صادق يابن عمى و الحلفان ده ليه خليلك خروفك واسعفنى بجنيه و الجنيه يعودلك و البوسة عليه * على الطلاق و العتاق ياسمك ايه ما احكم على قرش صاغ م الجنيه - على الطلاق انت راجل عويل * على الطلاق انت راجل رذيل - على الطلاق انت راجل جعان * على الطلاق انت خلقة لومان وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 9 ديسمبر 2002 كاتب الموضوع تقديم بلاغ مشاركة بتاريخ: 9 ديسمبر 2002 لــــــورى البلديــــــة *** عــامل دوريـــــــة و مقــــدر روحــــــــه *** على كل أذيــــــة قوم شوف إيـه خاطف *** مواجير و مقــاطف و مشنــــة حلبــــــة *** صاحبتها وليــــــة قوم شــوف إيـه لامم *** خرفان و سلالــم متــاخدة غنــايــــــم *** ويــــاريت حربيــة وكراســــى قهـــاوى *** وحلل و بـــــلاوى عملولهــــا دعــــاوى *** وحاجات رسميـة ويشـــوف الخضـــرى *** ببضاعتــه بيجرى يدلقهــــا و ضوغــرى *** ياخــــــد العربية وإذا حــــد أذانــــــى *** فى اليــوم التانى اكتــــب عنــوانـــــى *** ويــــا الحراميــــة فى باريـــــز الشـارع *** فيـــه ألفيــن بايع واقفيـــن ببضايــــــع *** من طيابية و نيــة واشمعنـــى جنابنــا *** نبرم فى شنابنـــا على بيــــاع جبنـــة *** وبتـــــاع طعميـــة وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 11 ديسمبر 2002 كاتب الموضوع تقديم بلاغ مشاركة بتاريخ: 11 ديسمبر 2002 قاعدين ولاد العرب ليه فى القهاوى دوام بعكس اخوانهم الطليان و الأروام؟ **** سؤال أجابوا عليه من قبلنا الكتاب قالوا منازلنا مليانة، و هى خراب فى كل ساعة زمن يزعق عليها غراب يشتت اللى اجتمع و يفرق الأحباب حما يفور دمها من اتفه الأسباب ويدق عقرب لسانها، م العتب للباب وسلفة متطلقة،بتقول ما نابها مناب تسألها ايه اللى نابك لم ترد جواب وست تشكى من يومها من نكد و عذاب وقسمة سودة وبخت اسود، و عيشة هباب وعيال شياطين ما يردعهم فقى كتاب كسر الصحون لعبهم و الحدف بالقبقاب تهج من منزلك، و تغيب مع اللى غاب وتعود فى نص الليالى تلقى هم طويل الست من غير مناسبة حاطة طشت غسيل أو فاردة أورنيك قديم تتعلم التفصيل أو فاتحة صندوق كبير بتحط فيه و تشيل لحد ما تقوم حماتها، اللى نومها تقيل تقول يا عبد الحميد، اعمل لى شاى تقيل يعدل دماغى، وقوللى على اللى ف الجرانيل بحق فى الموسكى عاملين عالقماش تنزيل؟ **** تصحى العيال من جديد عالشوشرة و تقوم تلعب، و أولادنا لعبهم هموم ف هموم واحد يخبط على روس الجيران بقدوم ويعوى وياه أخوه الأصغر المقطوم والبيت يهيج بالصراخ، مضروب على مشتوم تنزل على القهوة نفرج غيظك المكتوم والست أصل البلا، تعتب عليك و تلوم سلمت أمرى إليك يا حى يا قيوم وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 17 ديسمبر 2002 كاتب الموضوع تقديم بلاغ مشاركة بتاريخ: 17 ديسمبر 2002 شوف لما يغضب ربنا يخلى فوقنا تحتنا و ف كل نايبة يدبنا من بعد ما يصيبنا العمى ندور نطبش فى الظلام واللى ورا يصبح أمام ونحلل الشئ الحرام بتشريعات و محكمة ولما تتهز الخصور والكاس على النسوان يدور يا نور تخاف منك يا نور كل النفوس المظلمة وكل ما النور ينطفى و يكتر اللهو الخفى القوت جميعه يختفى تحت الأيادى المجرمة قليل علينا دا الغلا يا تارك الصوم و الصلاة لسة المصايب و البلا متحضرة و متكومة الدودة مين كان قال لها كلى المحاصيل كلها من قطنها لفجلها قايل لها رب السما والنيل يا عباد الصنم نقص السنة دى كام قدم ويادوب عشان يسقى الغنم الطيبة المستسلمة كمان بقينا مسخرة بين لندرة و أنقرة أمه لا هى متحضرة قالوا ولاهى مسلمة ********************* الله يرحمك يا بيرم..... كأنك شايفنا دلوقت.... وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
وسام بتاريخ: 17 ديسمبر 2002 تقديم بلاغ مشاركة بتاريخ: 17 ديسمبر 2002 مممممم عجباً بيرم كان يصف حال ذاك الزمان و من الواضح انه فى تشابه كبير قوى بزمننا هذا يا ترى هل هذا بعد نظر منه :!: ام ان الامر سيان و دى حاجات مننا و فينا يا ترى المستقبل حيفضل كدة برضه :? ......The only thing necessary for the triumph of evil is for good men to do nothing رابط هذا التعليق شارك المزيد من خيارات المشاركة
Cleo بتاريخ: 19 ديسمبر 2002 كاتب الموضوع تقديم بلاغ مشاركة بتاريخ: 19 ديسمبر 2002 فقر العرب من جهلهم، وغلبهم من عقلهم مش لامؤاخذة بعضهم أو نصهم قول كلهم ابن العرب بالقنزحة يخلق لروحه مشكلة أمور كتير متسهلة يجعلها هو معضلة **** سواق قطار ايه مكسبه؟ مرتبه سواق قطار بعت ولاده الأربعة جامعة فؤاد قال الحمار عايز يشوف ذريته وكيلنيابة و مستشار القوت عاطيه لك ربنا مالك ومال الافتخار وفى المثل كوز الدرة لو يتبدل يصبح فشار **** عشرين سنة يصرف لهم مصاريف ركوب تفصيل بدل عشرين سنة وأربع شحوط ياكلوا الزلط من غير عمل العائلة عاشت على وصفة حسين سرى البصل وقبل ما ينولوا الأمل الأسطى وافاه الأجل أما العيال مفيش ولد يدخل معاه رطلين خيار **** جاره اسماعيل السمكرى شغل ولاده الأربعة فى مصبنة، و مصبغة، ومدبغة، ومطبعة هدوم صحيح متقطعة لكن قدود مترعرعة خمسين جنيه دخل العيال على الجميع متوزعة نعمة جزيلة مبرطعة فيها الصغار قبل الكبار وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 1 يناير 2003 كاتب الموضوع تقديم بلاغ مشاركة بتاريخ: 1 يناير 2003 كعب الجزمة المبرى، من سير الأقدام و الكرافطة العوجة قيراطين من قدام والدقن المحلوقة من 4ت أيام كل ده أهل زماننا، يعتبروه إجرام **** لو يطلع من قبره، عمر بن الخطاب بقميصه المترقع، لانسد الباب ونوصى الخدامة و نوصى البواب بقى دة اللى فتح فارس، و الفسطاط و الشام؟؟ *** أعمى القلب يشوفك ويحاسبك بالعين طالب نص مشكل، أو طالب رطلين وسجايرك من لندن أو خمسة بقرشين والبدلة اللى لابسها، سعر المتر بكام **** أعمى القلب يقوللك عالاخنف كروان واللى يغنى و يحزق، ده إله الألحان واللى يعوج بقه، ده أعظم فنان واللى بصيرته تضلم، يمسك فى الأوهام **** البنت المخطوبة، جالها الأسطى دياب بيشغل فى الورشة خمسين ستين شاب شافت قميصه متلغمط بهباب أخدت واحد صايع، لجمال الهندام وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 9 يناير 2003 كاتب الموضوع تقديم بلاغ مشاركة بتاريخ: 9 يناير 2003 قصيدة مناسبة لأجواء الفساد الذى نعيشه.. بخمسين قرش ترفع ميكروفونك لوش الفجر، وزيادة شوية وخمسين قرش توضع نص درهم فى جيب خصمك وترميه فى بلية وخمسين قرش تاخدلك شهادة بموت خالتك، وخالتك لسة حية وخمسين قرش تنهب أجزخانة من المستشفيات القاهرية وخمسين قرش يعفيك المفتش من الغرامات، ويشطبلك قضية وخمسين قرش، تتبدل محاضر بتهمة عليك وتتحول عليه وخمسين قرش، شيخ حارتك يخللى ولادك، يهربوا من العسكرية وخمسين قرش محفظتك تعود لك من النشال بالواسطة القوية وخمسين قرش اكتب لك مقالة بأنك من رجال العبقرية (أقترح نقل هذه المداخلة إلى باب الفساد..... :D :D :D ) وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 17 يناير 2003 كاتب الموضوع تقديم بلاغ مشاركة بتاريخ: 17 يناير 2003 من قبل ما وظفوه عرف لسان العرب وشىء عن البحترى وكام كتاب منتخب *** أصبح أديب مشتهر له فى التصانيف درر وبعد ما وظفوه أصبح قليل الأدب *** يقعد على مكتبه عارف مقام منصبه ووجه ده يقلبه قلبة صحاب العزب *** يلعن فى خاش السعة اللى ماودوش عشاه أما التليفون هراه بالدق من غير سبب *** وام القوام السمهرى لها الكلام الطرى ويخش له العبقرى يستقبله بالغضب *** هجاص و بياع كلام عمل رفيع المقام يقبض مرتب حرام من جيب بتوع العنب :wink: :wink: :wink: وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 17 يناير 2003 كاتب الموضوع تقديم بلاغ مشاركة بتاريخ: 17 يناير 2003 ليه فى الحساب و المعاملة تبقى حيوانى و طور مفكوك وتبقى فى الراندفو احسن بريطانى واسمك "كوك" وللفقير و الفقيرة، تبقى جراباتى و "نيتشه" أبوك و فى النفاق و المراوغة ميت باريزيانى ما يحتملوك كافر برك، ولكن تحمل المصحف حجاب مالعين وفى نهار الغنايم قبل ما تخطف تقول "يا حسين" و اسألك عن إلهك لما تتنصف تقوللة دا فين ؟؟ و الزار فى بيتكم، جماعة و انت متوظف قاموه بالدين من كل شىء ألعنه واخد و مستحلى بشكل صريح لو كنت شىء بتلبس كان كامل الأصلى يقول دا قبيح وان كنت شىء ينكبخ كنت البعيد طورلى بشحم و شيح مانيش بطول لسانى، ليه بتزغرلى؟؟ ده كلله صحيح...!!!!!!! :D :D وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 26 يناير 2003 كاتب الموضوع تقديم بلاغ مشاركة بتاريخ: 26 يناير 2003 حبك النصاب حبكة من أسهل ما يكون بدله نضيفة و شبكة وريال للمأذون ويدور يلعب نطة فى البلدان و يطوف يتجوز فى طنطا ويطلق فى منوف وينقى الهجالة واللى رجالها قليل واللى لها حصالة واللى مصاغها تقيل اسمه على الطبلاوى من مصر و بعدين يبقى بحيرى و بباوى واسمه فتحى الزين ولا أوراق شخصية تفهمها النسوان أهو راجل يا سنية وتكيدى الشمتان شهر النحل يعدى ويجيب الدلال ياخد العفش ويدى أى تمن فى الحال ويقول للمدهية نقلونى لأسيوط حابعتلك شهرية ومرنب مربوط وشوية وورقتها تتمختر فى جواب بطلاقها و براءتها وبدون بر و عتاب فى العام يصطاد سبعة وتمانية الملعون نصب و فسحة و متعة قدامك يا قانون والأطفال تتشرد فى حوارى وميادين أو تسخن أو تبرد على حفى وجعانين يخطفهملك فارس بيشغل أحداث فرقة تلم سبارس والتانية بأمواس وذرية أفاقة من والد أفاق أشغاله وراسماله كله جواز وطلاق وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 26 يناير 2003 كاتب الموضوع تقديم بلاغ مشاركة بتاريخ: 26 يناير 2003 إزاى، زمان النور و الحرية صادف زمان القنبلة الذرية ياهلترا صدفة كدة طبيعية؟ ولا الصدف تخفى حكم إلهية؟ ***** شوف لما كنا زمان فى الحشمة كان ربنا ناظرلنا بالرحمة ولما أصبحنا مجرد لحمة اللحمة يلزمها غطا ودفيه ***** سكتت عالمنكر قسس و مشايخ واللى بيوعظ، زى حالى دايخ واحدة قالت لى والنبى إنك بايخ والتانية قالت يبتليك برزية وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 24 مارس 2003 كاتب الموضوع تقديم بلاغ مشاركة بتاريخ: 24 مارس 2003 خلى الحكومة وراك وامشى انت قدامها واجعلها خدامتك ماتكومش خدامها والرزق ماتلموش من تحت أقدامها وبدال وقوفك عام ذليل على بابها تشحت وظائفها من يد حجابها وتجعلك كاتب من ضمن كتابها وقف على بابك مأمور ضرايبها شوف الخواجة فلان مالك دكاكينها هو اللى يكسينا وهو يطعمنا واحد ببسطرمة والتانى بالجبنة ويقتنوا العمارات وكله من جيبنا وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 24 مارس 2003 كاتب الموضوع تقديم بلاغ مشاركة بتاريخ: 24 مارس 2003 شفت الدنيا، عاليها سافلها، شايلاها عفاريت بتدور كل فضيلة صبحت نيلة، و المستنكر بقى مشكور كان الراجل قبل ما يخطب، يقعد يحسب ألف حساب مصاريف عرسه و تكاليف بيته و هو الغارم و المجبور كان يتمنى يحظى بنظرة إيدك، و انت ورا الشباك و أما يشوفك عنده بطولك يقضى حياته سعيد مسرور و أما طلعتى و اتشخلعتى، شوفى الراجل زاغ على فين ساق فى دلاله و عجبه جماله، و حسب روحه بدر بدور المتيسر صاحب الثروة، و القادر على فتح البيت بدل النفقة، و شغل الفلقة، أجر شقة عملها ماخور والمربوط فى الدرجة التاسعة، و المنفوخ على تسعة جنيه عايز الست تكون بعمارة، ولا بعزبة داخلها وابور وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 5 أبريل 2003 كاتب الموضوع تقديم بلاغ مشاركة بتاريخ: 5 أبريل 2003 هذه المداخلة هدية من الأخ O MAR B :wink: http://www.egyptiantalks.org/phpBB2Plus/vi...p?p=66485#66485 وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
أسامة الكباريتي بتاريخ: 5 أبريل 2003 تقديم بلاغ مشاركة بتاريخ: 5 أبريل 2003 مش هو برضه اللي قال: يابلدنا ياغريبة فيكي حاجة محيراني ............... نزرع القمح ف سنيييييييييييين يطلع القرع ف سواني (وفي رواية أخرى : نزرع القمح بصعوبة) .. يا حيف ع اللي جرحهم جرحي وفوق الجرح داسوا صاروا عساكر للعدى وكندرة العدو باسوا حسبنا الله ونعم الوكيل رابط هذا التعليق شارك المزيد من خيارات المشاركة
عمر بيك بتاريخ: 6 أبريل 2003 تقديم بلاغ مشاركة بتاريخ: 6 أبريل 2003 الفقر البيت أبو درفتين في حاره البغال *** وتحته دكان جدع أسمر خفيف بقال فيه فوق مره مليمه جوزها من العمال *** في شغله جمعه, وجمعه ترمي بطال أما المره بنت عيله أصلها من بيت **** أتهد وانشال أساسه زي ما اتهديت *** عاشت معاه بالوفَق زي العسل والزيت *** سبع سنين بدرت فيهم بست عيال الوقتين الدقيق ياكلوها بالتدقيق *** أما العموس عمسوه (بالدمعه) والتحديق ويعلم المولي والبقال بالتحقيق *** غير الزتون ما اشترت من عنده دي الأطفال بعتت له يوم الولد لما انضني حالها *** والباتشاويش اللي بيلم الغفر جالها قال له الولد , مختشي , وف إيده خلخالها *** بتقولك أمي النبي سلفنا نص ريال شاف الجدع وسع خلخالها اللي زانقها *** مصدْي من جوه من مطرح عرق ساقها فكر وقال دي مره سبحان خالقها *** خلقها محمل وجوزها صنعته شيال ! روح ياولد قول لها رهن المصاغ ده عيب *** وخد أَهو ريال بوشه , والريال في الجيب وقول لها فضي فكرك م الوفا والغيب *** شوفي انت نفسك وروحك والبسي الخلخال ............. وإن كنت يا ابن العرب راجل فقير وضعيف *** فوت الجواز للغني , واقعد وحيد وشريف دي العفه غاليه ولكن تنشري برغيف *** والفقر يرمي العفيف في أوسخ الأوحال ... 'wonders never cease'! رابط هذا التعليق شارك المزيد من خيارات المشاركة
عمر بيك بتاريخ: 6 أبريل 2003 تقديم بلاغ مشاركة بتاريخ: 6 أبريل 2003 زواج أوربا يتْعَرَّفوا الجوزْ فْي القهْوه *** ودَعْوَهْ علي غَدْوَهْ وَعشْوهْ وتاني يومْ هيَّهْ وهُوَّهْ *** يتوجهوا ع البَلديَّه واكتُبْ كتابْنَا يامُسَجَّلْ *** بدونْ مُقَدَّم ومْأَجَّلْ وفي المساَ عندها يٍنْقلْ *** أو تنْتٍقٍلْ عنده هَّيهْ غُرَفْ بلادْهم مفروشهْ *** ورْخيصَهْ علي قَدّ العيشهْ يٍنَيُلٍكْ يامّْ غْوٍيشَهْ *** ويٍبْتلٍيكي بٍرَزيَّه تٍحُطَّي مَهْر ابنك عَشْرْ *** وعايْزه فرش لكامْ حُجره صالون ونومْ وأودٍه سُفْرَهْ *** يامولدين عل طَبلَّيهْ وانْ كان عُويشَهْ المخطوبهْ *** يخَلَّي جوزْها كركوبه وتّواعْدي من طوبهْ *** وكلَّ يومْ عايزه هدَّيه ْ لو كنت أَقول كُلّ جوازاه *** فيها نَكَد يكفي جنازه لكنت أَنظمْ أَلْيازه (1) *** مصريَّهْ بَدَلٍ اليونانيَهْ (1) الإلياذه ملحمه شعريه للشاعر اليوناني هوميروس ... 'wonders never cease'! رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان