اعترافات..

[se_ Elsyed]

لأ بجد الموضوع جه على الوجيعه ، فأنا بالنسبة لى أهم مميزات الغربة هى

1- أحساسي بكرامتي كبنى آدم هنا - مع العلم بإنى فى بلد عربي شقيق وهو السعودية .

2 - تأدية العمره فى أى وقت و الحج فى موسمه المحدد.

3- الواحد هنا بيختار ويحدد حياته زى ماهو عايز ، لكن فى مصر أتحدى واحد يقدر يعمل كده لأن مهما قفلت عليك أبواب وشبابيك بيتك المشاكل هاتدخلك هاتدخلك لأنى بجد بأحس لما بنزل مصر إنى عايش فى محطة مصر ماليش خصوصية وتدخل من الرايح والجاي فى حياة كل الناس مش أنا بس.

4- توفر الحياه المادية الكريمة .

العيوب بأة :-

1- كتيــــــــر جداً أهمها أحساس الرقص على السلالم زى ماقال كثير من الأخوة والاخوات هنا ، فساعات بأقعد أفكر مع نفسي وأقول طيب وأخرتها ايه ؟ سؤال مش لاقى له أجابة.

2- طبعاً الافتقاد للأهل والاحباب ، يكفى أن والدي أتوفى من حوالى 4 شهور بعد مارجعت من الاجازة بـ 5 ساعات .... تصوروا

الخلاصة : أن المصريين يا جماعه مش شعوب بتاعت هجرة زى أهل الشام كده لكن كل واحد فينا مهما كان دايماً بيحن لمصر وبيفتكرها كل لحظه .

الله يخرب بيت اللى كان سبب شحططيتنا .

[Eskandarani]

عفارم عليك يا سي السيد!

و الله يجازي اللي كان السبب

والله الحاجه اللي وحشاني هي شهر رمضان في مصر و حلاوته

إسكندراني

لأ بجد الموضوع جه على الوجيعه ، فأنا بالنسبة لى أهم مميزات  الغربة هى 

1- أحساسي بكرامتي كبنى آدم هنا - مع العلم بإنى فى بلد عربي شقيق وهو السعودية .

2 -  تأدية العمره فى أى وقت و الحج فى موسمه المحدد. 

3- الواحد هنا بيختار ويحدد حياته زى ماهو عايز ، لكن فى مصر أتحدى واحد يقدر يعمل كده لأن مهما قفلت عليك أبواب وشبابيك بيتك المشاكل هاتدخلك هاتدخلك لأنى بجد بأحس لما بنزل مصر إنى عايش  فى محطة مصر ماليش خصوصية وتدخل من الرايح والجاي فى حياة كل الناس مش أنا بس. 

4- توفر الحياه المادية الكريمة .

العيوب بأة :-

1- كتيــــــــر جداً أهمها أحساس الرقص على السلالم زى ماقال كثير من الأخوة والاخوات هنا ، فساعات بأقعد أفكر مع نفسي وأقول طيب وأخرتها ايه ؟ سؤال مش لاقى له أجابة.

2- طبعاً الافتقاد للأهل والاحباب ، يكفى أن والدي أتوفى من حوالى 4 شهور بعد مارجعت من الاجازة بـ 5 ساعات .... تصوروا 

الخلاصة : أن المصريين يا جماعه مش شعوب بتاعت هجرة زى أهل الشام كده لكن كل واحد فينا مهما كان دايماً بيحن لمصر وبيفتكرها كل لحظه .

الله يخرب بيت اللى كان سبب شحططيتنا .

[yasser6666]

والله يا جماعة حاسس من كلامكم بمرارة الغربة والبعد عن الاهل والمعارف والتعامل مع ناس جديدة تماما ( عرب كانوا او خواجات )... ولكن ياجماعة اريد فقط ان اذكركم ان كل مغترب مهما قست عليه الغربة فهو علي الاقل افضل من غيره ( لا اتكلم عن الماديات ) الذي يعيش في مصر ويتحرق شوقا للسفر للخارج ولا يستطيع الحصول علي تاشيرة لدولة اجنبية او عقد في اي دولة عربية...وما اقصده بافضل هنا ان لنا حرية الاختيار بين امرين وهو الاستمرار بالغربة او العيش في مصر بينما الاخر في مصر ليس لديه حرية الاختيار دي .بل هو شئ واحد مفروض عليه فرضا !!!!!.....وعلي رائ المثل ...( الغاوي ينقط بطاقيته ) :roll: :D :D

[kokowawa1979]

من الأفضل أن تكون غريبا خارج وطنك على أن تكون غريبا داخل وطنك

مش كدو واللا إيه!!!!!!!!!

[بنت شعنونة]

تعالو نكمل بقية الأعترافات بقى...:cry:

الـــــــشــــــــائـــعـــــات...

مافيش اكتر منها..

يا ترى ايه اقوى شائعة انت تعرضت ليها

او اكتر واحدا فاكرها..

وخلصت ازاي؟؟ :roll: :roll: :cry: :)

[Cleo]

أغرب إشاعة كانت عند التحاقى بهذا المنتدى حيث شك اكثر من عضو و عضوة أنى "موناليسا" العضوة السابقة بالمنتدى و أكثر من حد سألنى السؤال ده....

بس أنا والله العظيم مش هى......!!!!!!!!!!!!!

:cry: :cry: :) :)

[ragab2]

kokowawa1979

على فكرة

تاريخ ميلادك هو 1/9/ 1979

ولا دى كمان اشاعة

[بنت شعنونة]

:cry: :)

انتي كمان يا كليو؟؟؟؟؟؟؟

:?

انا كمان اول ما دخلت برضة افتكروني واحدا تانية

بس واضح انها كانت حبيييييييييييبتتتتتتتهههههههم قوووووووووووووي

:mad: :mad:

ادوووووني جرعة ترحييييييييييييب

من اللي هيييييييياااا

:wink: :wink: :oops: :oops:

بس الحمدلله.....

عرفوا اني شعنووووووونة و بس... :) :D

طب خلينا نغير السؤال بقى

شائعة تعرضتوا لها جوا النت وبراها.؟؟ :)

ايه بقى اكتر شائعة فاكرينها؟؟؟؟؟؟؟؟؟

:oops: :oops:

[فتوح]

قبل الرد علي السؤال الاخير للاخت شعنونه احب ان ابين ان من مساوئ الغربه ان بعض الاسئله ليس لها رد

انت حترجع مصر ؟

مش عارف

انت ناوي تكمل هنا علي طول؟

مش عارف؟

انت ليه ما بترحعش مصر فعلا نهائيا؟

خايف

يعني ها تكمل هنا؟

ما قلتلك مش عارف

طاب و العيال؟

ربنا يسترها و كفايه بقي انت غمتني كفايه الليله :?

[بنت شعنونة]

:(

اسفة يا فتوح اني غميتك :(

[فتوح]

لا والله مش قصدي يا اخت شعنونه، مش انت اللي غمتيني لا سمح الله حتي انت قفشاتك لزيزه لكن هو الموضوع اللي يغم لانه يحير و مالوش حل ، هو قرار جريئ يجب ان ياخذ في وقت معين،،، ارجع مصر و انسي الغربه و ابدا من جديد او احمد ربنا و استعوضه في البعد عن الاهل و افضل هنا...

[بنت شعنونة]

ولا يهمك يا فندم

فداك :oops: :oops: :oops: :oops: :roll: :roll:

وربنا معاكم والله في الحيرة دي... :roll:

[بنت شعنونة]

:D

ماحدش عاوز يعترف بالشائعة؟؟:(

طب ماشي

بما اننا على اعتاب 2003

كل سنة وانتوا طيبين بقى... :D

ايه احلى حاجا و اوحش حاجا حصلتلك في سنة 2002؟؟

:cool: اعترفووووووواااا :D :D

[Cleo]

أحلى حاجة إنى حاسة إنى بعد رمضان السنة دى فيه حاجة اتغيرت فيا.... الواحد بقى حريص أكتر على الدين و على قربه من الله تعالى

أوحش حاجة إنى كنت مسافرة برة... و عادة لما بسافر مش بحب أشيل كاش كتير و كمان مش دايما بلاقى عملة و لو لاقيت بخاف أخسر فى فرق العملة... عشان كدة بأحط الفلوس كلها على الفيزا و لما أوصل البلد اللى أنا مسافراها باسحب فلوس من أى "مونى ماشين".. المهم لما سافرت المرة دى عملت نفس الحكاية بس لما وصلت....... :? :? :? :? :?

اكتشفت إنى نسيت ال Pin Code فى مصر. :D :D :D

المهم إن فى اسطنبول مش كل المحلات بيبقى عندها فيزا ماشين و خصوصا فى الأماكن التجارية الرخيصة اللى الناس عادة بتروح تتسوق فيها...!!!!!!!!!!! :D :cry: :cry:

ياللا.... علقة تفوت ولا حد يموت.... :D

[se_ Elsyed]

مداخلة بسيطة عبارة عن سؤال للأخت شعنونة ...

هل كنتِ فى الرياض فى شهر 7/98 أو بمعنى آخر مسافرة الى القاهرة على رحلة الخطوط السعودية :D ؟

جوبني وبعدين هقولك ليه

[بنت شعنونة]

لا والله يا فندم؟؟؟؟؟

بس ليه؟؟؟؟؟؟؟ :shock: :D :cry:

هما منعوها؟؟؟؟؟

مش انا يا بييييييييه

:roll: :roll:

[se_ Elsyed]

لا أبداً مافيش حاجة ، أصلي فى نفس الوقت اللى قولتهوليك ده كنت رايح القاهرة فى إجازة على الخطوط السعودية فبالصدفة كانت راكبة فى الكرسي اللى جنبي بنت مصرية جايه الرياض لوالدها تجدد الاقامة وكانت بتدرس فى كلية الطب وبرضوا شعنونه ولها نفس الطريقة الظريفة فى الكلام زييك كده .

فسبحان الله " يخلق من الشعانين أربعين " هأ هأ .

عام سعيد وكل سنة وأنتم طيبين .

[amoun]

و اللة موضوع صعب التحدث فية بس انا لما سافرت و اشتغلت و حصلت على الجنسية ما كانش كل دة على بالى لحد لما اتجوزت و خلفت و ابتدأ الاولاد يكبروا و مشاكل اللغة و العادات و ابتد الشوق و الحنين للوطن و كفاية كدة يا اخت شعنونة حرام صحيتى المواجع

[Farah]

لايوجد فى نظرى ثمن أفدح وأغلى للغربه من ذلك الهاجس الذى يطاردنى كلّما قمت بتوديع والدى ووالدتى بعد نهاية أجازتى السنويّه والذى يجعلنى أتسائل : ترى هل سيقدّر لى الله أن أراهما فى العام القادم مرّة أخرى؟؟؟

لايوجد ثمن أفدح فى غربتى من خوفى من رنين هاتف  أو رساله قصيره على الموبايل تطلب منّى العودة فورا فى الوقت الذى قد لاأستطيع فيه انهاء اجراءات عودتى فى الوقت الذى يسمح لى باحتواء شخص عزيز على قلبى بين أحضانى قبل أن أودّعه للأبد

لايوجد ثمن أفدح من احتمالية أن أغلق عيناى للأبد قبل أن أملّيهما بوجوه من أحببت

:(  :(

بكيت كما لم ابكي في حياتي وكانني كنت في حاجه الي البكاء اصل حتي البكاء اصبح عمله نادره وكانني كنت ابكي كل اللي راح

اشكر من اتاح لي فرصة البكاء

[nora]

disappointed كلماتك بيحس بيها اي مغترب صدقني كلنا في الهوا سوا عارف انا سعات بحس بجد اننا فعلا عمرنا ما هنتجمع ولما بكون جية مسافر ببقى عمله حسابي اني هموت تفكير غريب بس ده والله الي بيحصل معايا ربنا يرجعنا سالمين يارب و يحفظ لنا الي احنا متغربين عنهم