الله حي .. الوزززززير جي

[se_ Elsyed]

لا تعليق عما جاء اليوم في جريدة المصري اليوم

عايز أقول بس .. هنئياً لنا برئيسنا مبارك وبوزراءه وبرجال الشرطة الأبرار الذين يسيطرون دائماً على الموقف

موكب وزير مجهول يتسبب في قتل ثلاثة مواطنين وإصابة ١٥ وتحطم ٦ سيارات

كتب أحمد شلبي ١/٨/٢٠٠٧

كشفت مصادر عن وقائع أحيطت بالتكتم حول الحادث المروع الذي شهده طريق «مطروح- الإسكندرية» صباح الجمعة الماضي، والذي أسفر عن مصرع ثلاثة مواطنين وإصابة ١٥، بينهم ٨ سائحين، وتحطم ٦ سيارات. قال شاهد عيان، حضر الحادثة، إن موكب وزير كان سببا أساسيا في وقوع الكارثة التي تحرر بها المحضر رقم ١٩٩٦ جنح الحمام.

يروي عادل جلال «عضو باتحاد الكتاب» ما حدث قائلا إنه استقل سيارته بصحبة زوجته وأبنائه في طريق العودة إلي القاهرة بعد قضاء إجازة في مارينا، وكانت الشبورة كثيفة علي الطريق، وقبل أمتار من نقطة تفتيش «العلمين» فوجئ بضابط وأمين شرطة يقفان في وسط الطريق، يشيران له بالتوقف فرضخ لإشارتيهما.

ويستطرد شاهد العيان: «مرت دقائق وجاءت سيارة ملاكي أخري لتقف خلفي، وتكرر المشهد نفسه في الاتجاه المعاكس، حتي شكلت السيارات طابورين في الاتجاهين، ولأن الشبورة كانت كثيفة فقد خفنا أن تأتي سيارة مسرعة من الخلف وتصطدم بالجميع في ظل تعذر الرؤية،

وطلب قادة السيارات من الضابط وأمين الشرطة وضع علامات مضيئة لتفادي الكارثة، لكن وقع المحظور، إذ جاء أتوبيس سياحي مسرع واصطدم بالسيارات الواقفة، فقتل طبيبا وأصاب ٧ سائحين، وضربت سيارة أخري السيارات الواقفة في الاتجاه المعاكس».

ويضيف عادل جلال: «في لحظة انقلبت الدنيا رأسا علي عقب، وجاء ٤ لواءات وقيادات أمنية كثيرة إلي موقع الحادث، ونقل المصابون إلي المستشفي، بينما ظلت ثلاث جثث ممددة علي الأسفلت».

وأكمل عادل جلال: «سمعت صوت أحد اللواءات يتحدث في تليفونه اللاسلكي قائلا: تمت السيطرة علي الموقف، والمهم أن الوزير عدي بخير.. وعرفنا أن كل هذا الانتظار كان بسبب موكب الوزير الذي لم نعرف اسمه».

[badroora]

حسبي الله ونعم الوكيل

شوفت فى بلدنا لما الريس يعدي ولا اى حتى عضو مجلش ميساويش تلاقيهم مواقفين الطريق وممنوع المرور والناس تنحبس فى الشوارع لحد ما ساعته يعدي ولا الحادثة اللى ذكرتها دي والاراواح اللى راحت فداء لمعالية ولا كأن الناس ليها اى قيمة عند اى حد

انا باحترم اوى البحرين يعنى انا الشباك بتاعى بيبص على قصر رئيس الوزراء وقصر الملك بينا وبينه شارع ولا عمرنا حسينا لا بحظر حول المكان ولا حد خنئنا فى الرايحة ولا الجاية ولا حتى عمرهم وقفوا اشارة مخصوص لو الملك معدي وتبقي ماشي عادى جنب الموكب بتاع الملك ولا حد بيسالك تقف ولا تستني لما سعادتعة يعدي

وفى ايام الشابورة لما الاشارة مش بتشتغل بسرعة تلاقي عربية الشرطة منورة للتنبيه واتنين عساكر واقفين عشان ينظموا المرور ومنع التصادم

بجد البلد دى منظمة اوى الكل هيقول عشان دى صغيرة ولا عزبة مش مهم والله باكتب الكلام دا وانا غيرانه ان بلدنا مش كدا

وحسبي الله ونعم الوكيل

[صـــــقـــــر]

لن نقول الا ما يرضى ربنا

حسبنا الله ونعم الوكيل

[se_ Elsyed]

التنظيم والأدب والإحترام لا علاقة له على الإطلاق بعدد سكان اي بلد ... وإلا كانت الصين والهند الناس اللي فيهم أكلوا بعض ..

ولكن الموضوع يتوقف على حكومة محترمة تحترم نفسها وتحترم شعبها فيحترمها الشعب ...

والحدوته كلها والسياسة اللي ماشيه عليها البلد تتلخص في جُملة واحده جاءت في سياق تصريحات أحد الشهود وهي :

" سمعت صوت أحد اللواءات يتحدث في تليفونه اللاسلكي قائلا: تمت السيطرة علي الموقف، والمهم أن الوزير عدي بخير "

دي حقيقة .... أهم حاجه يبقى الريس ورجاله مبسوطين وبياكلوا ويشربوا ويهيصوا ويمشوا في شوارع رايقه .. ويتحرق الشعب بجاز مالهمش دعوة .... يروح الوزرا يبلبطوا في مارينا وفي الوقت اللي فيه الشعب المصري بيموت من العطش وبيشرب مياه الصرف الصحي ..... لو المسئول من دول حواجبه وجعته يسافر بره يتعالج على حساب اللي خلفونا .. ويموت المصري اللي مش لاقي ثمن الأسبرين ... يعيش ويعمر الوزير والمسئول الحكومي ويمشي في جيبة المنشطات والمقويات المستوردة من بره من كل شكل ولون - دي من بؤ واد مُقرب من أحد الوزراء جداً - وإحنا الكبد الوبائي والفشل الكلوي والشرطان بيهري في جتتنا .

[kokomen]

حسبنا الله ونعم الوكيل

كل دول العالم المتحضر تجعل للإنسان فيها أعلى قيمة ... إلا عندنا فليس للإنسان قيمة

في الأسكندرية أثناء إمتحانات الثانوية العامة مر موكب أحد المسؤلين الكبار فأغلقت شوارع

المدينة ؟؟؟؟ ولم يستطع الكثير من الطلاب الوصول الي لجان الامتحان في الموعد المحدد

وجاءت تعليمات الي رؤساء اللجان بالسماح للطلاب بدخول قاعات الامتحان حتى ولو كان

التأخير لمدة ساعة ؟؟؟ عجبنا عجبنا ؟؟؟ وكانت الأمهات تبكي من خوفها على بناتها من

ضياع مادة الامتحان في ذلك اليوم ؟؟ وأصيبت الكثير من الطلبات بالخوف والهلع ؟؟؟

رفقنا بالشعب يا أيها المسؤلين ..... وعمار يا مصر

wst:: md2:

[تيتو]

الفرق بينا وبين غيرنا كبيييير

فى بلد اسمها ألبانيا عدد سكانها حوالى 3.6 مليون نسمة وفيها قانون بمنع التدخين فى الوزارات

وقام اربع وزراء بالتدخين فى مكاتبهم تفتكروا ايه اللى حصل.....

تم تطبيق القانون على الوزراء وقاموا بدفع الغرامة .