تعذيب بشع وتجاوزات رهيبة من رجال أمن الدولة بالجيزة

[ali]

تعذيب بشع وتجاوزات رهيبة

من رجال أمن الدولة بالجيزة

خاص: حقائق مصرية 3من ديسمبر 2002

جرى منذ أول رمضان وطوال هذا الشهر الكريم انتهاكات لحقوق الإنسان .. واعتداءات صارخة .. وتعذيب بشع على مواطنين أبرياء ورجال شرفاء .. من قبل ضباط أمن الدولة بالجيزة سواء في المقر الرئيسي في جابر بن حيان أو المقرات الفرعية خاصة في إمبابة والطالبية.

وتنوعت هذه الانتهاكات .. وتعددت ألوان التعذيب وأشكال الاعتداء .. وتراوحت بين اللكم والرفس بالأرجل والكي بالكهرباء .. والتعليق من الأرجل .. والوقوف في الزنزانة ساعات وساعات إلى أن يفقد الضحية قواه وتركيزه.

والأمثلة عديدة...

- المهندس سراج اللبودي وقد قارب الخمسين عاماً يعلق من رجليه ويضرب بالأرجل والأحذية .. ويكوي بالكهرباء حيث تركت آثاراً بارزة ودامية على جسده.. وذلك بيد كل من الضابطين حسن عبد الحميد وأسامة الجبالي .

- والطبيب محمد الصوفاني يحدث له أكثر من ذلك، الركل بشدة في خصيتيه .. والصعق بالكهرباء والتعليق من القدمين والوقوف بالساعات .. وذلك بإشراف الضابط حسن عبد الحميد وسيف.

- المهندس عبد المجيد محمد سعد الدين يتولى تعذيبه الضابط المتوحش حسن عبد الحميد .. باللكمات الهمجية ووضع دخان السجائر بجوار الأنف لمدة خمس ساعات والأمر بالوقوف طوال الليل تحت حراسة مشددة .. وخلع الملابس تماماً ووضع كرسي على الصدر مع النوم على الظهر والصعق بالكهرباء وقد قام بذلك الرائد البشع حسن عبد الحميد.

- المواطن رمضان محمد عبد الفتاح.. تم استقباله بالضرب الشديد في منطقة المعدة حتى حدث عنده نزيف حيث قام الضابط حسن عبد الحميد بضربه وأحدث له أضرار بالعمود الفقري ..

تكرر هذا الأسلوب والاعتداء المتوحش على الأبرياء على يد الرواد :

- حسن عبد الحميد

- إسلام عبد الرحمن

- أسامة الجبالي

وكل هذا يحدث تحت إشراف المقدم حسام عبد الحليم

ونذكر على سبيل المثال لا الحصر بعضاً من هؤلاء الذين وقع عليهم التعذيب البشع:

- الدكتور محمد عبد المجيد البنا.

- حسين عبد الفتاح السهيت.

- أسامة رفعت (مهندس)

- محمد عبد الفتاح (مدرس)

- المهندس نادر توفيق

- أحمد عبد الفتاح (مدرس)

- محمد يوسف (مدرس)

وغيرهم كثير......

وآخر أشكال التعذيب بالصعق بالكهرباء ما تم من هجوم الرائد إسلام عبد الرحمن على مسجد سعودي بفيصل والقبض على مجموعة من الطلاب بعد صلاة التراويح وسوقهم سوقاً في عربة ميكروباص إلى مقر التعذيب بالطالبية وضربهم بشدة وصعقهم بالكهرباء .. لا لذنب ارتكبوه إلا أنهم أرادوا أن يرضوا ربهم ويجتهدوا في العبادة في العشر الأواخر من رمضان ويعتكفوا في المسجد..

وأسماء المجموعة التي تم اعتقالها من مسجد سعودي بفيصل هم :

- عمير صبري (طالب بكلية الدعوة الإسلامية - جامعة الأزهر)

- أحمد فؤاد (طالب بكلية الهندسة - جامعة حلوان)

- محمد صالح (خريج تجارة القاهرة)

- محمد رفعت (طالب بمعهد علم النفس ببورسعيد)

- إسلام (طالب جامعي)

- ياسر حسن (يعمل في محل حدايد وبويات)

- محمد جمال (طالب بهندسة القاهرة)

- ياسر سعد زغلول (طالب بكلية طب الأسنان)

وحسبنا الله ونعم الوكيل

[etreby]

أستاذ على . بالراحة و واحدة واحدة علينا حتى نعرف رأس الموضوع من رجليه. الأحداث اللى ذكرتها كيف و متى حدثت و ما هو مصدرك لهذه المعلومات لو تكرمت. و شكرا.

[ali]

alsalamo alykom wa rahmat allah wa barakato

this informations , i found in this web site

www.egypt-facts.org

and i send this informations to know what is your opinions in this topic

i am sorry for writing in english

ali

[عادل أبوزيد]

الفاضل على

أولا مرفوض المراسلات هنا بغير اللغة العربية

الموقع المذكور هو موقع الإخوان المسلمين و لا اعرف ان كان هذا هو الموقع الرسمى للجماعة ام لا

الموضوع يقول ان هذا كان يحدث طوال رمضان !! و الكل يعرف ان هناك سبعة عشر عضوا فى مجلس الشعب ينتمون بطريقة او اخرى للتيار الإسلامى او جماعة الإخوان المسلمين

فظاعة محتوى هذا الموضوع تجعلنى شبه متأكد انه غير صحيح

نعرف ان ضحايا التعذيب يرفعون قضايل على الدولة و يكسبونها

و نعرف ان جماعات حقوق الإنسان ربما يثير شهيتها مثل ذلك الموضوع

اسمحوا لى اشك كثيرا فى مصداقية هذه الأخبار

و ان كنت لا استبعد القيام بالإستجواب و ربما الإستجواب بغلظة

اما الصعق بالكهرباء و التعليق من الأرجل فاعتقد انه نوع من المبالغات من الراوى أو نوع من التهييج الجماهيرى المخطط و المدروس

[صعيدي]

اما الصعق بالكهرباء و التعليق من الأرجل فاعتقد انه نوع من المبالغات من الراوى

الأخ عادل انت لا تعيش فى المدينة الفاضلة هذه الاشياء تحدث فى جميع أقسام الشرطة فما بالك بأمن الدولة ربنا يجعل كلامنا خفيف عليهم :roll:

[tiger_egypt]

الكلام دة اللى ذكرة الاستاذ/ على او الاستاذ- صعيدى

بلتاكيد غلط وبلتاكيد دة كلام مألوف لانة رجال امن الدولة العليا ناس شرفاء جدا جدا كما انهم فى غاية الادب والاحترام وفى منتهى الاخلاق ولكن اذا كانت هناك اى ادانة لاى مواطن بالتاكيد ان جهاز امن الدولة يتابع ويتا بع حتى يتاكد من الادانة ثم ياتى بكل الافراد الموجهة اليهم التهم المسوبة اليهم اما اما يحدث من ضرب للمتهم احيانا دة بيكون بسبب انكارة بانة مش متهم .. والدليل موجود هوة الحرامى بيقول انا حرامى برضة ....اما عن السادة الضباط المذكورين او اى ضباط فى امن الدولة يجب ان يعرف كل الناس .. كل الناس بانهم رجال محترمين جدا جدا ويحترمون الناس عدا المتهمين سواء فى قضايا سياسية او ارهابية او دينية متطرفة فقط لاغير اما عما يجرى داخل القسم او اى قسم شرطة فاقول بكل صراحة ووضوح ان امن الدولة هى الحامية لبلدى ولا ادرى لا ادرى لماذا الناس يفتحون اذنهم لكل واحد عمال يقوم بلتشنيع عن امن الدولة ورجالها من الشرفاء الساهرون على خدمة امن وسلامة البلاد الداخلية فيجب العتراف بفضلهم دائما وابدا بدلا من التشنيع عليهم ودة مجرد تعليق على كلام السادة على و صعيدى باشا ...

[مصرى]

ربنا يجعل كلامنا خفيف عليهم :roll:

قلتلك يا صعيدى يا خويا بلاش منه الكلام ده .. برضه مفيش فايدة .. أهم يا عم جولك لحد عندك .. سد بقى

:shock:

[Proud Muslim]

tiger-egypt رجال أمن الدولة شرفاء ؟؟

لا تتكلم لأنك لم ترى يا هذا , يبدو أنك من شباب بابي و مامي و لا تدري شيئا عن المضطهدين من أبناء مصر .

يعتقل الكثير من الملتزمين لا لشيء ولكنهم ملتحين و أنا أسمع عن الكثير حدث لهم ذلك , و الله و الله و الله هم أشاص ليس لهم أي علاقة بالسياسة من قريب أو بعيد , و لكنهم أصحاب لحى !!

و ما يحدث أنهميأخذون المعتقل يوم او يومين او ثلاثة , يمضيهم وحيدا يسمع آهات المعتقلين سياسيا , و يسمع كلمتين و شتمتين و يروح .

أما ما يحدث للشيوخ فحدث و لا حرج . الشيخ نشأت على سبيل المثال .

الكثير من الاحوان المسلمين يعتقلون و يعذبون عذابا شديدا لماذا ؟؟

لأنهم يقولون لا اله الا الله محمد رسول الله ؟؟؟

لماذا يعتقلون طلاب الجامعات في جماعة الزقازيق - على سبيل المثال- أيام الامتحانات ؟؟

أظنك تكتب هنا للاستفزاز , لا أكثر و لا أقل .

[Mohd Hafez]

سعادة المقدم .. تيجر المصري

واضح أن سعادتك على علم كامل ومفصل بما يحدث داخل غرف أمن الدولة .. يا تري سعادة الباشا نقل إليها من بعد ترقيته في جهاز الأمن المركزي أم إدارة الأداب .. :D :D :D

[tiger_egypt]

ان رجال امن الدولة المصريين تاس فعلا فعلا شرفاء جدا ومحترمين جدا جدا وهم من يحترمون الناس كثيرا ولكن اكثر الناس لا يعلمون واننى اطالب من لا يعلم فلا يشنع او يتكلم عن رجال امن بلدى ؟؟ فاننى اعلم تماما ان كل الناس يروجون الاشاعات هنا وهناك ضد رجال الامن المصرى وخاصة رجال امن الدولة المصرية ؟ولكننى اقول لكم بكل صراحة ووضوح والسؤال هنا ؟؟ كيف يتاكد رجال امن الدولة من فلان الذى كان يقف مع فلان الفلانى التى لة ادانة سياسية او ينتمى لاى تنظيم ارهابى او يكون ضد نظام الحكم فى مصر .. ؟؟؟ فلابد من التاكد فقط فاذا ثبتت الادانة مع صاحبة فلان المدان من حق امن الدولة اتخاذ كافة الاجراءات القانونية ضدة ؟؟ وحتى لو حدث ضرب احيانا لفلان دة لانة مبيعترفش بحق ادانتة مع ان شريكة قد يكون اتهمة واعترف ان صاحبة معة فى الادانة فكيف تبررون ما تقولون عن رجال امن بلدى ؟؟ اننى اقول لكم مالا تعرفوة ان رجال امن الدولة ناس محترمين جدا .. يشكرون اى مواطن مصرى شريف بل ويكافؤنة ايضا اذا ادلا بمعلومات عما يهدد امن وسلامة البلاد بل ويعاملونة معاملة حسنة جدا بصفتة ضيف عزيز ومحترم حال ابلاغة عن اى موضوع يهدد سلامة البلاد والامن الداخلى ..واود ان اقول للسادة الذين لا يعرفون اى شيىء عن رجال امن بلدى لا ينشرون الاشاعات ضدهم لان دة يسىء الى سمعة البلاد وانها بلدنا جميعا وشكرا لكم ..

احب ان اقول للسادة ضيوف المنتدى اننى رجل اعمال مصرى وليس لى صلة لا بامن الدولة او غيرها من اجهزة الامن ...

[تصحيح]

احب ان اقول للسادة ضيوف المنتدى اننى رجل اعمال مصرى وليس لى صلة لا بامن الدولة او غيرها من اجهزة الامن ...

أنا كمان رجل أعمال بس ما ليش في المخدرات و عايز شوية قروض من كام بنك و أفك قبل النظام ما يتغير

( مش كتير تلاتين أربعين مليون $ عشان مستقبل العيال)

و سيبك من السياسة و وجع دماغها و خلينا في البيزنس و قولي علي الطريقة و مش حا أنساك في السبوبة ( العمولة)

و وعد الحر حقا دين عليه

لما نبقي أحرار بمعني الكلام

و السلام

....

[tiger_egypt]

رجل اعمال مصرى يحب وطنة جدا ويقول كمجرد تعليق:

السيد العزيز :

السيدة العزيزة او الاخت الفاضلة تصحيح/

اولا : احب ارد عليكى مش كل رجال الاعمال حرامية زى ما انتى او سيادتك متصور .... ثانيا : انا مش متجوز ولسة متجوزتش علشان احوش للاولاد ....وانا عمرى 35 سنة .... ومن اكبر العائلات فى مصر

ولعلمك انا ببتدى مشوارى بنفسى وبس ... ودة كل شيىء

ثالثا: انا من اصحاب الشركات الكبرى فى مصر ودة راجع اساسا لمجهودى وبس ...ومن فضلك متظلميش او تظلموا الناس فان كان البعض يخطىء فكل الناس لا تخطىء ... وشكرا لسيادتكم ...

مع كل احترامى وتقديرى .....

[Cleo]

أعرف ضابط شرطة حكالى بعضمة لسانه أنه قام مرة بتعلق حرامى من إيديه فى السقف لمدة أكثر من حمس ساعات لدرجة أنهم لما يجرحو فى يديه لا ينزل منهما دما لأن الدم كله هرب منها من كتر التعليق.. و لما نزلوه بعد 10 دقائق وجدوا أن يديه "بتشرب دم" من كثرة الجروح التى لم تكن تدمى أثناء فترة التعليق هذا فضلا عن حكاية الركل فى أماكن لا تترك علامات مثل البطن و بعض الأعضاء الأخرى و استبدال الحرق بالسجائر بالكى بالكهرباء لأنها لا تترك أثرا....

[الطفشان]

الاخ نمر مصر

انا مش عارف انت بتضيع وقتنا و الا بتهزر و الا ايه بالضبط

يجوز انك شاب فاضي و بتكتب عشان تضحك انت و زمايلك على ردود الافعال هنا

او انك من شباب الحزب الوطني او جمعية المستقبل، و جاي تهلس هنا

او انك فعلا مقتنع باللي بتكتبه، و هنا تبقى المصيبة

لكننى اقول لكم بكل صراحة ووضوح والسؤال هنا ؟؟ كيف يتاكد رجال امن الدولة من فلان الذى كان يقف مع فلان الفلانى التى لة ادانة سياسية او ينتمى لاى تنظيم ارهابى او يكون ضد نظام الحكم فى مصر .. ؟؟؟ فلابد من التاكد فقط  فاذا ثبتت الادانة مع صاحبة فلان المدان من حق امن الدولة اتخاذ كافة الاجراءات القانونية ضدة ؟؟

هل مجرد معرفة شخص تاني متهم يبقى دة جريمة؟

هل في اعتقال و حبس قبل ما نيابة تحقق و قاضي يحكم؟

هل الاشتباه في حد ذاته جريمة؟

يعني مجرد ما مخبر جاهل او موتور قال زيد بيقف مع عبيد، يبقى خلاص بقت جريمة ثابتة على المتهم؟

مجرد ما شخص واحد يقول اخبارية عن حد، يبقى خلاص تلزق فيه للابد؟

في انهي شرع دي؟

في انهي قانون دي؟

في انهي عرف دي؟

وحتى لو حدث ضرب احيانا لفلان دة لانة مبيعترفش بحق ادانتة مع ان شريكة قد يكون اتهمة واعترف ان صاحبة معة فى الادانة فكيف تبررون ما تقولون عن رجال امن بلدى ؟؟

يعني لازقة فيه لازقة فيه

الاول اشتباه نتيجة لمخبر حاقد او جاهل او موتور او فاسد

و بعدين يا اما تعترف باللي بيقولوه، يا اما تعذب لغاية ما تعترف؟

يعني في جميع الاحوال النتيجة معروفة، و هي انك مذنب من الاساس، و الفرق حتتضرب قد ايه لغاية ما تعترف، و الامر يرجع لك

اعترف و انت تخلص بسرعة

في انهي شرع دة؟

في انهي قانون دة؟

في انهي عرف دة؟

و الله احنا نستاهل كل اللي بينكتب علينا من جماعات حقوق الانسان و سيرتنا بقت على كل لسان

و اخر الزمن يطلع اللي بيدافع عنهم كمان

(فان لم يستطع فبقلبه و ذلك اضعف الايمان)

وصل غسيل المخ للدرجة دي؟

حسبي الله و نعم الوكيل

اننى اقول لكم مالا تعرفوة ان رجال امن الدولة ناس محترمين جدا ..

صح تمام

يجوز فيهم محترمين

لكن هم اصبحوا زبانية الحكومة و وسيلة ارهاب لها ضد اي عدو سياسي لها

بدل ما يروحوا يدوروا على الفساد و المخدرات و الجرايم التانية بقوا اداة لاخراس و تخويف و استئناس الشعب

يشكرون اى مواطن مصرى شريف بل ويكافؤنة ايضا اذا ادلا بمعلومات عما يهدد امن وسلامة البلاد بل ويعاملونة معاملة حسنة جدا بصفتة ضيف عزيز ومحترم حال ابلاغة عن اى موضوع يهدد سلامة البلاد والامن الداخلى

يعني عايزين جواسيس كمان؟

رجعنا لايام عبد الناصر يعني

ما شاء الله

[Cleo]

عثر أحد المخبرين فى الجيزة على تمثال مجهول و ذهب به لقسم الشرطة فى محاولة لمعرفة هويته.... و لم يستطع أحد التعرف على هوية التمثال...ز

تبرع الصول عب منصف و أخذ التمثال انفرد بيه و بعدين رجع للمأمور

- تمام يا فندم

- عرفت يا عب منصف التمثال بتاع مين

- رمسيس التانى يا فندم

- و عرفت ازاى يا صول عب منصف

- اعترف بنفسه يا فندم......

:D :D :D

[تصحيح]

رجل اعمال مصرى يحب وطنة جدا ويقول كمجرد تعليق:

السيد العزيز :

السيدة العزيزة او الاخت الفاضلة تصحيح/

اولا : احب ارد عليكى مش كل رجال الاعمال حرامية زى ما انتى او سيادتك متصور .... ثانيا : انا مش متجوز ولسة متجوزتش علشان احوش للاولاد ....وانا عمرى 35 سنة .... ومن اكبر العائلات فى مصر

انا اسمي تصحيح --- صح ---

و بأقولك أنا رجل أعمال

و ترجع تسأل انت أخ و لا أخت

قبل كده قولتلك اقرأ مرة و اتنبن و تلاتة و أربعة لغاية لما تفهم و بعدين أكتب

بالمناسبة أنت راجل ---زي الناس المحترمين اللي بتكتب هنا ------ و لا

--- ممكن النمر يبقي نمرة ----- و لا --- بلاش

[زيزو]

يا جماعة بلاش تريقة... وده بدل ما نرحب بالأستاذ العضو الجديد tiger_egypt؟

وعلى فكرة شباب، ومن أكبر العائلات وفي أواخر الثلاثين من عمره وصاحب أكبر شركة ولسه بيكون نفسه... ليه انا بشك إن المواصفات دي بتنطبق على زين الشباب كلهم أمل مصر وصاحب الفكر الجديد واللي خرجت حملة ضده من هذا المنتدى؟ :lol:

جايز يعني حب يشوف الناس اللي مش عاوزينه بيقولوا إيه! :lol: وعمومًا شرفتنا برده! :lol:

لأ بجد من غير هزار.. مش المفروض مصر بلد "ديمقراطي"؟ طيب يعني من حق أي واحد إنه يكون ضد نظام الحكم! أمّال ديمقراطية إيه اللي بتكون فيها المعارضة ذنب؟

جهاز أمن الدولة هذا غير موجود في البلاد الديمقراطية بل هو موروث من النظم الإشتراكية.

مش منحق حد يعاقبني على شئ للإشتباه بدون حكم محكمة! وإن كان قانون الطوارئ بيتيح ده فهو وضع غير مقبول. أمّا عن حقيقة التعذيب فالقصص كتيرة، لكن أين الحق؟ الله أعلم!

[الطفشان]

ثانيا : انا مش متجوز ولسة متجوزتش علشان احوش للاولاد

احسن ما تتجوزش برضه، و ده حماية لمستقبل مصر :lol: :lol: :lol:

وانا عمرى 35 سنة

و لسه ماتجوزتش؟

لا، الموضوع فيه ان

اذا كنت غني و من عيلة

مش عارف فكرتني بمين كدة 35 سنة برضه و مما اتجوزش

لسه كنا في سيرته هنا من كام يوم

ومن اكبر العائلات فى مصر

لو هو اللي قصدي عليه، مش من عيلة كبيرة و لا حاجة

ولعلمك انا ببتدى مشوارى بنفسى وبس ... ودة كل شيىء

بتفكرني بنكتة هنا في امريكا

واحد مليونير بيحكي حكاية كفاحه، و ازاي وصل من لا شئ

كان فقير ايام ال Great Depression بين الحرب الاولى و التانية، بيحكي انه كان معاه 10 سنت

اشترى تفاحتين، و مسحهم تمام و لمعهم

و في اخر اليوم كان باعهم، و كسب فيهم 4 سنت

راح تاني يوم و اشترى تفاح تاني و كرر العملية

و يوم بعد يوم، شهر بعد شهر، بقى معاه مبلغ 10 دولار

و بعدين اتجوز واحدة غنية وارثة، و كدة بقى غني

ثالثا: انا من اصحاب الشركات الكبرى فى مصر ودة راجع اساسا لمجهودى وبس

ازاي بقى تيجي دي يعني؟

من عيلة و عمل شركااااااات كبرى و من مجهوده بس؟

يجوز "العيلة" ساعدت في ضمان قروض مثلا :lol: :lol: :lol: سداد يوم الحساب مثلا؟

[مصرى]

الأخ نمر - مصر

بداية أرحب بك بجد وبصحيح والله .. أيا كانت صفتك .. ورجاء أن تتدخر جهدك فى محاولة رسم شخصية لك تقدمها لنا .. للاطلاع قليلا فى المكتبة السياسية لتعرف حقوق الشعب وحقوق الحاكم .. وكيف تمارس السياسة والسلطة فى العالم من حولنا

ومن خلال ما طرحته من آراء أستطيع أن أرسم لك صورة أنك تعيش فى كنف السلطة بداخل مصر تماما (وهذا ليس عيبا على أى الأحوال) ولكنك تشربت تماما لأفكار السلطة .. وأن ميولك السياسية قد بدأت مؤخرا .. ففاتك ادراك تفاعلات الشارع وحقيقة رأى الناس بعيدا عن المؤتمرات المنظمة والاعلام الموجه .. كما فاتك ما يجرى فى العالم من حولنا

لا أطالبك بالتراجع عن أفكارك .. لكن فقط أن تخاطبنا وفق قواعد الحوار وأساسيات العمل السياسى .. فيا صديقى لسنا واقعين فى ظل استعمار حتى لا يكون لنا الحق فى نقد حكومتنا أو رئيسنا .. وفى ظل الاستعمار تتغير القواعد ويصير هناك كفاح مسلح ومواثيق دولية ومعاهدات منظمة .. ولكن لأننا مواطنون أحرار تعيش فى ظل حكومة وطنية .. فان الف باء "مواطنة هو حق الشعب فى اختيار حاكمه والمشاركة فى ادارة مجتمعه وممارسة الرقابة على أعمال الحكومة .. من خلال القنوات الشرعية المتمثلة فى البرلمان والأحزاب والصحافة ومنها النت .. والعمل الذى نقوم به هنا ليس فقط حق من حقوق المواطنة ولكنه أيضا واجب .. وكان ينبغى أن يكون له ما يوازيه فى الصحافة المصرية المطبوعة والمرئية وفى البرلمان وفى الأحزاب .. ولكن لأسباب نسعى أو قل نحلم بتغييرها لا يحدث هذا .. فأصبحت الحكومة تسير فى اتجاه بينما الشعب يسير فى اتجاه آخر .. وهذا ما يسمى بالأزمة السياسية .. وللحديث بقية ان شاء الله

[mnman]

الاخ العزيز تيجر باشا....

في البداية مرحبا بك كعضو وزميل جديد...بصراحة لما قراءت مداخلاتك اصبتي نوبة ضحك هستيرية يتبعها غضب اندفع في عروقي وجري مجري الدم... من مبداء ان الاختلاف في الرئ لايفسد للود قضية... فحضرتك بصراحة خلتها خل...من بداية رجال امن دولة شرفاء انتهاء بانا من عيلة كبيرة(كام كيلو يعني؟)... ياعزيزي الكبير هو الله... هنا في منتدانا نحن عائلة كبيرة ومهما اختلفنا في الرئ فان الاحترام موجود.. لاننظر لكونك من عيلة كبيرة او صغيرة او ابن ناس.. كلنا ولاد ناس.. عمرك سمعت ان فية بشري جة نتاج تزاوج قط وفار مثلا،، ولا سعتك تقصد معنويا انك احسن مننا مثلا..

تواضع ياعزيزي فمن تواضع لله رفعة...

اما بخصص جهاز الشرطة العظيم ..فحدث ولا حرج..زي بعضة حنقول الناس بتبالغ حبتين.. بس مفيش دخان من غير نار..يعني 75%صحيح والياقي مبالغات.. تعرف يعني اية نسبة 75% تجاوزات يعني الشرطة مش في خدمة الشعب ،،، الشرطة كتمة علي نفس الشعب،،، ياراجل هو في جهاز شرطة في العالم بيضرب المشتبة فية علشان مش عايز يعترف.. مش جايز برئ.. الظاهر ان الشر بة اسف الشرطة المصرية ماشية بمبداء "قالوا للحرامي احلف قال جالك الفرج" وبناء علية المشتبة فية مدان حتي يبصم بالعشرة ويعترف انة مدان..

ارجو من الاخوة المنسقين حذف ما يجدوة غير لائق في مداخلتي لاني كتبتها وانا متنرفز مليون في المية وشكرا..