شراء شقة فى الإسكندرية أسألكم المشورة

[كمبيوترية مصرية]

السلام عليكم اعضاء المنتدي الكرام

هذه اول مشاركة لى بالموقع و باذن الله لن تكون الاخيرة

اود استشارتكم في مسالة شخصية

باذن الله نويت أشتري شقة بالاسكندرية ...بس مش عارفة الفرق بين مناطق الأسكندرية المختلفة

أرى اعلانات الشقق بالجرائد و السعر معقول لكن انا مش عارفة المنطقة المناسبة

انا مش عاوزة منطقة بعيدة عن البلد و عن المواصلات و كده يعني

يا تري ممكن تفيديوني انه افضل العجمي ولا النخيل ولا ميامي و لا ايه؟

أشكركم

[شينكاوي]

السلام ]عليكم ورحمة الله وبركاته : انا اخوكم محمد 26 سنة بنكاوي وهذه اول مشاركة لي ومن زمان بحاول اسجل لكن ما كنتش عارف والحمد لله نجحت اخيرا ومش قادر اوصف فرحتي كانني ناجح في الثانوية العامة- رحمها الله- وبحب اسلم علي كل الاعضاء اللي انا لم اتشرف بمعرفتهم ارسين لوبين وكوكوواوا والاخت نجفه وسي السي وابو محمد وناس كتير مش عاوز انسي حد ويا ريت تستحملوني شوية وبخصوص سؤالك طبعا انا مش اسكندراني فمش هفيدك وبلاش تقولي علي رخم ولا قرار لكن اسعار ايه يا ست الكل المعقوله بصي انا نفسي اسكن في الاسكندريه طبعا - بعيد عن جهنم الحمرا الكويت طبعا اللي درجة الحرارة فيها 7000 فهرنهايت بس منين يا حسرة الحمد لله ولو شفتي شقة سعرها معقول قولي للكل لاني حسب قرائتي للمنتدي اعرف الكل بيدور علي شقه في مصر في اي حتة ان شاء الله في درب الزلوع - طبعا ده عند ام نظيف - واسف للاطاله ولنا عوده اخوكم شينكاوي - موظف في بنك

[كمبيوترية مصرية]

شكرا اخ بنكاوي

بس حسب الاعلانات في الجرايد فأسعار الشقق أرخص اكيد من القاهرة....ده حسب الاعلانات

يعني شفت من اول 30-50-60 ألف و اقل كمان

هي شقق مصايف اكيد بس فيه كمان مساحات معقولة...و المشكلة اني مش عارفة اى المناطق أفضل

[رمضان]

بتقولي الشقة بكام من 30 الى 50 الف يا سلام طب ياريت

تعرفي انا قبل كده شفت الاعلانات دي عن شقق في اسكندرية وفرحت جدا بالاسعار وبالفعل نزلت علشان اشتري لكن كانت المفاجأة ان مفيش الكلام ده ودي اسعار بس (جر رجل) وانزلي وشوفي بنفسك

ده انا سألت على قطعة ارض عندنا في المنصورة تخيلي سعر المتر بكام ( بـ 45 الف جنيه )

[hussaindoit]

مفيش منطقه دلوقتي زي زمان ممكن تتسمى انها منطقه راقيه

بحكم التغير في جغرافيا السكان والتداخل البين في المستوى المادي وعدم علاقته بمستوى ثقافه الأنسان

ولذلك كل الأماكن تتساوى ويحكمها فقط الرؤية النظرية للموقع وتناسبها معكي

تحياتي

[مومو الامور]

مبروك مقدما الشقه

انا انصحك بمنطقه السيوف (ميدان السيوف) انا شخصيا شايف انها مناسبه واخدت شقه هناك

ولو انتى معاكى قرشين حلوين خديلك فيلا فى ابو تلات او كدة وابعدى عن العجمى مش هتعجبك (كانت زمان عجمى)

ربنا يوفقك

[كمبيوترية مصرية]

أشكر مومو الأمور و hussaindoit

أشكر الاخ رمضان المنصورة بس مش عارفة انت ضاربها فى العلالي ليه....و بالمناسبة الأرض اللي بتقول سعرها 45 ألف ليه انت كنت ناوي تشتريها على النيل ولا ايه؟؟...احنا عارفين الأسعار هناك برضه...بلاش تعقد الناس كده مرة واحدة و بالمناسبة فيه أرض في احمد ماهر المتر على 7 ألاف جنيه بس مش عارفة زمانها اتباعت ولا لسة

[kokomen]

السلام عليكم اعضاء المنتدي الكرام

هذه اول مشاركة لى بالموقع و باذن الله لن تكون الاخيرة

اود استشارتكم في مسالة شخصية

باذن الله نويت أشتري شقة بالاسكندرية ...بس مش عارفة الفرق بين مناطق الأسكندرية المختلفة

أرى اعلانات الشقق بالجرائد و السعر معقول لكن انا مش عارفة المنطقة المناسبة

انا مش عاوزة منطقة بعيدة عن البلد و عن المواصلات و كده يعني

يا تري ممكن تفيديوني انه افضل العجمي ولا النخيل ولا ميامي و لا ايه؟

أشكركم

مساء الخير

شراء شقة في اسكندرية يعتمد على عدة عوامل تتحكم في السعر وهي

1- موقع الشقة أو العمارة حيث يختلف كل موقع في الأسعار عن الآخر

2- عمر العمارة من حيث سنة البناء هل قديمة البناء أم حديثة البناء

3- مساحة الشقة كبيرة أم وسط أم صغيرة

4- نوع تشطيب الشقة هل عادي أم لوكس أم سوبر لوكس أم فاخر

5- يصل سعر المتر على البحر أي الشاطئ ب 5000 جنيه للمتر حتى 10000 حنيه

6- في شارع جمال عبد الناصر وهو موازي للكورنيش ولا يبعد عنه كثيرا يتراوح سعر المتر بين 3500 جنيه الي 2000 جنيه

7- المنطقة القبلية أي الموازية لقطار ابو قير تنخفض الأسعار بشكل جيد وهي منطقة لا تبعد كثيرا عن البحر ليصل المتر 1000جنيه الي 1800

بالنسبة لتجربتي الشخصية وهي أنني أشتريت شقة تمليك في منطقة المندرة قبلي شارع النبوي المهندس أمام كلية الدراسات الإسلامية للبنات

تقسيم شركة القاهرة للإسكان والتعمير ... وهو تقسيم مميز به مدرسة أسكندرية للغات ومدرسة الفيوتشر للغات وهي مدارس مميزة جدا

اشتريت شقة 105 متر ثمنها 100 ألف جنية دفعت 50 ألف والباقي تقسيط سنتين ... تتكون الشقة من

حجرتين + ريسبشن + حمام كبير + مطبخ كبير ....... وهي تطل على الشارع ... والمنطقة هادئة وتبعد عن شاطئي المعمورة والمنتزة

حوالي خمس دقائق ويوجد بجوارها مشروع مينا جرين هاوس ومشروع مدينة الزهور للصحفيين التابعة للأوقاف علما بأن سعر المتر في هذين المشروعين يبلغ أكثر من 2000 جنية للمتر

تمنياتي لك بالتوفيق وتكوني جارتنا بالأسكندرية التي تفتح ذراعيها للجميع .. وأتمنى أن أكون أوضحت الموضوع بشكل جيد

:sail: :sail:

[كمبيوترية مصرية]

مشكور يا أبو أحمد جدا

هي دي الناس اللي تقيد بجد

ألف شكر و جزاك الله خيرا

[كمبيوترية مصرية]

يلا يا أهل اسكندرية الجدعان قوي

قولولي رايكم و خبرتكم الشخصية

[بنت الشاطئ1]

مساء الخير

5- يصل سعر المتر على البحر أي الشاطئ ب 5000 جنيه للمتر حتى 10000 حنيه

6- في شارع جمال عبد الناصر وهو موازي للكورنيش ولا يبعد عنه كثيرا يتراوح سعر المتر بين 3500 جنيه الي 2000 جنيه

7- المنطقة القبلية أي الموازية لقطار ابو قير تنخفض الأسعار بشكل جيد وهي منطقة لا تبعد كثيرا عن البحر ليصل المتر 1000جنيه الي 1800

بالنسبة لتجربتي الشخصية وهي أنني أشتريت شقة تمليك في منطقة المندرة قبلي شارع النبوي المهندس أمام كلية الدراسات الإسلامية للبنات

تقسيم شركة القاهرة للإسكان والتعمير ... وهو تقسيم مميز به مدرسة أسكندرية للغات ومدرسة الفيوتشر للغات وهي مدارس مميزة جدا

اشتريت شقة 105 متر ثمنها 100 ألف جنية دفعت 50 ألف والباقي تقسيط سنتين ... تتكون الشقة من

حجرتين + ريسبشن + حمام كبير + مطبخ كبير ....... وهي تطل على الشارع ... والمنطقة هادئة وتبعد عن شاطئي المعمورة والمنتزة

حوالي خمس دقائق ويوجد بجوارها مشروع مينا جرين هاوس ومشروع مدينة الزهور للصحفيين التابعة للأوقاف علما بأن سعر المتر في هذين المشروعين يبلغ أكثر من 2000 جنية للمتر

تمنياتي لك بالتوفيق وتكوني جارتنا بالأسكندرية التي تفتح ذراعيها للجميع .. وأتمنى أن أكون أوضحت الموضوع بشكل جيد

:sail: :sail:

اشكرك جدا يا استاذ كوكومين والله هذا احسن خبر سمعته عن العقارات منذ ان التحقت بهذا المنتدى الرائع

يا ريت لو حد يجيبلنا اخبار حلوة كهذا الخبر ..ده الواحد اتعقد من القاهرة

استاذ كوكومين انا اعتقد..اسفة على نبرة التشاؤم..ان هذه الأسعار بعد عام مش هنلاقيها..العرب هيحولوا على الاسكندرية..يا رب استر..وبلاش تنشر الاسعار ديه يا استاذ كوكو لغاية ما نشترى

[بنت الشاطئ1]

استاذ كوكو مين

سؤال مهم

هذه الاسعار جديده ام ماذا..

[kokomen]

استاذ كوكو مين

سؤال مهم

هذه الاسعار جديده ام ماذا..

الأخت الفاضلة: بنت الشاطئ

دي فعلا أخر الأسعار اللى في سوق العقارات

لكن فيه بعض المقاولين بيحدد مبلغ 850 جنيه للمتر في بعض المناطق وهذا غير حقيقي

لان السعر بيختلف في النهاية ليصل الي 1000 جنية في المناطق الشعبية

أرجوا أن يكون الموضوع واضح ... وأنا مستعد تحددي أي منطقة تريدين وسوف أوافيكي بالسعر في تلك المنطقة

مع تحياتي الخالصة

[kokomen]

الأخت الفاضلة : بنت الشاطئ

مساء الخير

كلامك صحيح الأسعار دي ليست ثابتة طبعا

وهي في زيادة مضطردة لأسباب كثيرة

أنصح من يريد شراء شقة أن يبادر بالشراء من الآن

مع خالص تحياتي

[بنت الشاطئ1]

استاذ كوكومين

الشقة اللى حضرتك اشتريتها فعلا هل هذا السعر بالنسبة لعمارة حديثة؟

[كمبيوترية مصرية]

بسم الله الرمن الرحيم

الأخ الفاضل كوكومين أسفة على ازعاجك

أرجو استشارتك ما رأيك في الآتي؟

خلف ميدان السيوف

شاطئ النخيل ؤية جيدة للبحر

الهانوفيل

سيدي بش بالقرب من نفق محمد نجيب

سيدي بشر بالقرب من شاطئ أبو هيف

ميامي متفرع من خالد بن الوليد

مصطفى كامل - رشدي

بييانكي - بيطاش

ميامي ش العيسوي

سيدي بشر عموما

العجمي الأسعار فيها اقل ايه السبب

يا تري ممكن ألاقي في تقسيم شركة القاهرة للإسكان والتعمير ... نكون جيرانك يعني؟؟و لو فيه طريقة الاتصال تكون ازاي

جزاك الله كل خير

[kokomen]

استاذ كوكومين

الشقة اللى حضرتك اشتريتها فعلا هل هذا السعر بالنسبة لعمارة حديثة؟

الأخت الفاضلة : بنت الشاطئ

مساء الخير

نعم الشقة في عمارة جديدة ... وأعتقد أنها مناسبة لسببين هما

1- سعر المتر معقول جدا حوالي 1000 جنيه في وسط الأسعار العالية جدا

2- يمكنك أستخدام الشقة كمصيف في الصيف وهي قريبة جدا من شاطئ المعمورة وشاطئ وحدائق قصر المنتزة والمندرة

3- يمكنك تأجير الشقة بعد فصل الصيف لطالبات كلية الدراسات الإسلامية أمام العمارة مباشرة ويتم إخلاء الشقة في فصل الصيف

مع خالص تحياتي وتمنياتي بالتوفيق

:sail: :sail:

[kokomen]

بسم الله الرمن الرحيم

الأخ الفاضل كوكومين أسفة على ازعاجك

أرجو استشارتك ما رأيك في الآتي؟

خلف ميدان السيوف

شاطئ النخيل ؤية جيدة للبحر

الهانوفيل

سيدي بش بالقرب من نفق محمد نجيب

سيدي بشر بالقرب من شاطئ أبو هيف

ميامي متفرع من خالد بن الوليد

مصطفى كامل - رشدي

بييانكي - بيطاش

ميامي ش العيسوي

سيدي بشر عموما

العجمي الأسعار فيها اقل ايه السبب

يا تري ممكن ألاقي في تقسيم شركة القاهرة للإسكان والتعمير ... نكون جيرانك يعني؟؟و لو فيه طريقة الاتصال تكون ازاي

جزاك الله كل خير

الأخت الفاضلة : كمبيوترية مصرية

مساء الخير

تحت أمرك مفيش إزعاج ولا حاجة

خلف ميدان السيوف منطقة شعبية غير مميزة أسعارها معقولة

1- شاطئ النخيل بأكتوبر .. منطقة بعيدة ناحية العجمي وهي مصيف ولا تصلح للسكن العادي

2- الهانوفيل .. يعني العجمي مشاكلها كثيرة خصوصا الصرف الصحي وكثير من مناطقها شعبية وبعضها عشوائيات

3- سيدي بشر عند نفق محمد نجيب ... معقولة ومتوسطة الأسعار ولكن بها بعض المنازل بها سكان مش ولا بد من العشوئيات القديمة

4- سيدي بشر أبو هيف وكذلك ميامي من خالد أن الوليد معقولة بس تكون شوارع مناسبة وعمارة تكون جديدة علشان القديمة بتكون وحشه

5- مصطفى كامل رشدي .. منطقة مميزة جدا وأسعارها عالية شويتين لكنها ممتازة وراقية

6- العجمي بيانكي وكذلك الهانوفيل .. أبعدي عنها .. إلا في الشوارع الرئيسية فهي جيدة ومعظمها مصيف

7- ميامي شارع العيسوي جيد جدا .. أصبح شارع مميز في سيدي بشر .. وسيكون المرور فيه إتجاه واحد بعد الصيف

8- الأسعار رخيصة في العجمي ... بسبب الحارات والأزقة الضيقة ..و يعتبر فيه كثير من العشوائيات .. ومشاكل في الطرق والصرف الصحي

ومعظمها أراضي بوضع اليد وغير مسجلة

9- مازالت هناك شقق في تقسيم القاهرة للإسكان والتعمير وهي منطقة مسجلة ومخططة بتنظيم راقي من محافظة الأسكندرية .. وأتشرف بأن تكونوا

جيران لنا فنعم الجيرة وأنا تحت أمركم

مع تحياتي الخالصة

أرجوا أن أكون قد قدمت لكم بعض المعلومات المفيدة ... وحنعزمكم على أكلة سمك .. بس على حسابكم .. . هههههه

:sail: :sail:

[كمبيوترية مصرية]

ا9- مازالت هناك شقق في تقسيم القاهرة للإسكان والتعمير وهي منطقة مسجلة ومخططة بتنظيم راقي من محافظة الأسكندرية .. وأتشرف بأن تكونوا

جيران لنا فنعم الجيرة وأنا تحت أمركم

مع تحياتي الخالصة

أرجوا أن أكون قد قدمت لكم بعض المعلومات المفيدة ... وحنعزمكم على أكلة سمك .. بس على حسابكم .. . هههههه

:lol: :lol:

طيب يا تري ازاي ممكن اتصل بشركة القاهرة للاسكان و التعمير ممكن تساعدني؟تليفون و عنوان اذا أمكن

بالنسبة للسمك يا سيدي احنا تحت أمرك

جزاك الله كل خير

[kokomen]

الأخت الفاضلة :كمبيوترية مصرية

مساء الخير

* شركة القاهرة للإسكان والتعمير قامت بتقسيم معتمد للمنطقة من حوالي 15 سنة تقريبا

* الشركة بنت حوالي 6 عمارات منذ 10 سنوات وباعت الشقق بأسعار عالية ولا يوجد عندها شقق الأن على ما أعتقد

* باعت الشركة بقية أراضي التقسيم للمواطنين وشركات المقاولات وهم قاموا ببناءعمارات وهم الذين أشتريت منهم أنا شقتي

* وأسعار الشقق دي الآن أقل من أسعار شركة القاهرة التي باعتها من زمان

* أظن أن الشركة مازال عندها ثلاث قطع من الأراضي مساحاتها كبيرة يمكن للشركة أن تبيعها

* عنوان الشركة في منطقة سموحة خلف محطة سيدي جابر للقطارات في عمارة ملك الشركة تسمى ب الملتقى وهي معروفة

* للأسف معنديش تليفون الشركة وهي لها فرع في القاهرة يمكنك تعرفي تليفونها بالإتصال بالدليل يعطيكي رقمهم

* * أما بخصوص العمارات فقد أرسلت لك رقم موبايل المدام مالكة العمارة اللى أشتريت منها لتتفاهمي معها على جميع التفصيلات

مع خالص تحياتي ... وأهلا بكم في الأسكندرية

:lol: :lol: