شراء شقة فى الإسكندرية أسألكم المشورة

[بنت الشاطئ1]

الأخت الفاضلة :كمبيوترية مصرية

مساء الخير

* شركة القاهرة للإسكان والتعمير قامت بتقسيم معتمد للمنطقة من حوالي 15 سنة تقريبا

* الشركة بنت حوالي 6 عمارات منذ 10 سنوات وباعت الشقق بأسعار عالية ولا يوجد عندها شقق الأن على ما أعتقد

* باعت الشركة بقية أراضي التقسيم للمواطنين وشركات المقاولات وهم قاموا ببناءعمارات وهم الذين أشتريت منهم أنا شقتي

* وأسعار الشقق دي الآن أقل من أسعار شركة القاهرة التي باعتها من زمان

* أظن أن الشركة مازال عندها ثلاث قطع من الأراضي مساحاتها كبيرة يمكن للشركة أن تبيعها

هل هناك مدة محددة للبناء ايضا كما فى القاهرة

[kokomen]

الأخت الفاضلة : بنت الشاطئ

مساء الخير

ليس هناك مدة محددة للبناء ... على ما أعتقد

وأعتقد أن مساحات القطع المتبقية إن لم تكن قد بيعت مساحات كبيرة

وبالطبع سيكون سعرها عالي الآن مع إرتفاع أسعار الأراضي كما تعلمين

يمكنك الإتصال بشركة القاهرة للإسكان والتعمير بقرهم في القاهرة أو الأسكندرية

ومعرفة أرقام هواتفهم من بالإتصال بدليل الهواتف ليعطكي أرقامهم

مع خالص تحياتي

[كمبيوترية مصرية]

أشكرك ايها الاخ الفاضل أبو احمد بارك الله فيك

[كمبيوترية مصرية]

الاخ الكريم أبو احمد الاسكندراني اكيد هتقول تاني يا !!!!

أيوة انا تاني مضطرة ازعجك و أسالك

1- لما اشتريت شقتك اللى بالمندرة كانت تشطيب ولا لأ؟؟

2- ايه المشاكل اللى ممكن تحصلي ان اشتريت شقة(من شركة هندسية) بس عمارة غير مرخصة و بقول المهندس ان كل المباني فى المنطقة دي باذن من الزراعة و دي فى منطقة السيوف -أبيس بوابة الفالكي رقم 1 ايه رأيك الأول فى المنطقة و خصوصا ان بيقولوا ان الجامعة هتتنقل هناك ايه رأيك؟؟هل فعلا لها مستقبل ؟

شارع الامام الحسن المتفرع من شارع النبوي المهندس ايه رأيك فيه؟

[Mohammad Abouzied]

المهم ايه الغرض من الشقة

اذا كان الغرض هو التصييف بس ولمدة اسبوع او اسبوعين في السنة

فاافضل مكان شاطئ النخيل وصحيح شققه ضيقة شوية لكن ممكن الحجرة الواحدة ينام فيها اربع اشخاص لو استخدمتي سرير دورين فيها واغلب الشقق فيها على البحر وممكن الشقة المتوسطة الى فيها حجرتين تقضي فيها اسبوع او اسبوعين والشقة الى زي دي مشطبه سوبر لوكس ومساحتها 60 متر تقريبا لا تزيد عن 80 الف على اغلب الاحوال وتدفع بالتقسيط على سنتين واول ما تذهبي الى قرية النخيل ها يستلمك سماسرة الشقق لكن الافضل تسئلي عن شركة صاحبها مشهور هناك اسمه عصام سرور وامن القرية نفسه يعرف يوصلك عنده شققه ممتازة جدا واسعاره معقولة قوي ومحددة مقدما

وممكن تأخدي شاليه هناك عبارة عن حجرة وصالة ودي للاقامة يوم او يومان حتى ثلاثة ايام وممكن ايضا اسبوع لكنه ضيق جدا وها يسبب خنقة طبعا ودا لا يزيد سعره عن 50 الف وفيه استديو عبارة عن صالة صغيرة بها حمام ومطبخ امريكاني بس وهي لا تزيد مساحته كلها عن عشرين متر ودي باربعة وعشرين الف او ازيد قليلا

دا من جهة لكن اذا كان المقصود الاقامة الدائمة فا الافضل انك تبعدي عن البحر على قدر ما ما تقدري واسئلي مجرب لاني اخذت شقة في ميامي على البحر فوق كفتريا البارون واسرتي في الصيف بتهاجر منها على شقة النخيل او بنذهب للمزرعة او شقة القاهرة وحاليا بدور على شقة بعيد عن البحر لكن حتى الان لم نجد الشقة المناسبة ويمكن نفكر نسكن في برج العرب لانها منطقة جديدة ومستقبلها واعد فعلا

[kokomen]

الاخ الكريم أبو احمد الاسكندراني اكيد هتقول تاني يا !!!!

أيوة انا تاني مضطرة ازعجك و أسالك

1- لما اشتريت شقتك اللى بالمندرة كانت تشطيب ولا لأ؟؟

2- ايه المشاكل اللى ممكن تحصلي ان اشتريت شقة(من شركة هندسية) بس عمارة غير مرخصة و بقول المهندس ان كل المباني فى المنطقة دي باذن من الزراعة و دي فى منطقة السيوف -أبيس بوابة الفالكي رقم 1 ايه رأيك الأول فى المنطقة و خصوصا ان بيقولوا ان الجامعة هتتنقل هناك ايه رأيك؟؟هل فعلا لها مستقبل ؟

شارع الامام الحسن المتفرع من شارع النبوي المهندس ايه رأيك فيه؟

الأخت الفاضلة :كمبيوترية مصرية

ولا يهمك أنا تحت امرك مفيش إزعاج ولا حاجة ..... أنا لما أشتريت شقتي كنت متخوف وحريص برضه

لكن أنا أحببت أطمئنك لأنني عندي خبرة معقولة في كثير من مناطق الأسكندرية لآني أشتريت عدة شقق

لي ولأخواني واخواتي وكذلك بعض أصدقائي ... فالأمر يتعلق بعدة أشياء : وهي

1- موقع الشقة أي موقع العمارة حيث يختلف السعر من مكان لآخر كما تعلمين

2- مساحة الشقة ونوع التشطيب الداخلى للشقق ونوعية الخدمات في العمارة

3- وضعية الأرض المبني عليها العمارة مسجلة أم غير مسجلة

4-الغرض من الشقة هل للتصيف فقط أم للسكن ..؟؟ أو كمصيف وسكن في آن واحد وده يفرق في السعر

5-مازالت أسعار الأسمنت والحديد في أرتفاع لذلك سوف تزداد أسعار الشقق خلا ل فترة قصيرة

6- بخصوص شقتي أشتريتها بالتشطيب لوكس .... ويمكنك الشراء بدون تشطيب

7- يمكنك فتح شقتين مع بعض في نفس الدور بمساحة حوالي 195 متر وهي مساحة كبيرة تناسب البعض

8- دفعت نصف المبلغ والباقي على سنتين تقسيط شهريا أو ربع سنوي أو نصف سنوي

أختي العزيزة .. نصيحة أبعدي عن منطقة السيوف .. لماذا ؟؟؟ شعبية المنطقة وده مش عيب

الخطورة عدم وجود رخصة للبناء ودي مصيبة .. ؟؟؟؟ لأن المحافظ هدم عمارة بالقرب من خالد أبن الوليد مكونة من 16 دور لأنها بدون رخصة

كلام كثير قيل عن نقل الجامعة ولم يتحقق شئ ..؟؟؟؟ ولا تقلقي فالمواصلات متوفرة .... فمنطقة سموحة قريبة من الجامعة ولكن أسعارها نار

اذا وصلتي الي شارع النبوى المهندس .. أذن أنت وصلتي للموقع الذي ذكرته لك أي أراضي تقسيم القاهرة للتعمير اللى أنا أشتريت فيها

في هذه المنطقة مشروع شركة مينا للمقاولات وهي من أكبر شركات المقاولات يسمى مشروع مينا جرين هاوس .. سعر المتر فيه حوالي 1600 جنيه

أخيرا يمكنك في هذه المنطقة تستخدمي الشقة كمصيف وأيضا كسكن دائم أو تؤجريها لطالبات كلية الدراسات الإسلامية

ويقال حسب ما سمعت أن أراضي الأوقاف بجوار كلية الدراسات .. سوف يبنى عليها فرع ضخم لمول كبير كارفور .. شوفي بقى الأسعار تبقى ازاي

مع خالص تحياتي وتمنياتي بالتوفيق

:P

[drm]

:lol:

السلام عليكم

هل حضرتك اشتريتى الشقة؟

تحياتى

[ssmaly]

ممكن استأذنك يأخت كمبيوترية مصرية واستفيد من الاستاذ الخبرة كوكومين فى السؤال عن شقة فى منطقة سموحة او من كامب شيزار اى اشاطبى تكون مساحة كبيرة واقساط ممكن الاقى شركات ايه حايا وسعر المتر بيوصل كام؟ مع تحياتى للاسان الفاضل الخدوم كوكو باشا مين

[ssmaly]

ممكن استأذنك يأخت كمبيوترية مصرية واستفيد من الاستاذ الخبرة كوكومين فى السؤال عن شقة فى منطقة سموحة او من كامب شيزار الى الشاطبى تكون مساحة كبيرة واقساط ممكن الاقى شركات ايه حاليا وسعر المتر بيوصل كام؟ مع تحياتى للانسان الفاضل الخدوم كوكو باشا مين

[[size="6"]font="Century Gothic"]اعادة لتصحيح اخطاء الكتابة مع الاعتذار

[تناهيد]

السلام عليكم ورحمة الله وبركاته

اعضاء المنتدي الكرام

هذه اول مشاركة لى بالموقع و باذن الله لن تكون الاخيرة

اود استشارتكم في مسالة شخصية

باذن الله نويت أشتري شقة بالاسكندرية ...

أرى حسب اراؤكم ان منطقة السيوف (مبدان السيوف) رائعة انا عن نفسى زرتها كتير

واغلب اصحابي ومعارفي فيها... (المقصود) عندي شاليهين بمنتجع بمرسيليا1 بالساحل الشمالي

وارغب باستبدال احدهما بشقة بالاسكندرية... ياريت تفيدوني....وحاليا اريد ان اؤجر الشاليهين فترة

الصيف على بال ما اجد مشتري او مبادلة ودي اول مرة احاول ااجر فيها علما بأن (الشاليه عبارة عن غرفتين نوم وصالة وحمام ومطبخ)

كما اتمنى التوفيق للكمبيوترية المصرية وارجو ان تفيدني بما وصلت ليه

تناهيد :P

[عطر الجنة]

السلام عليكم و رحمة الله و بركاته

تعالوا و نوروا اسكندرية

و شرفونا

بس خدوها نصيحة اللى عاوز يشترى فى اسكندرية ميشتريش فى دخلة الصيف او فى الصيف

يشترى فى دخلة الشتاء او فى الشتاء

يعنى من شهر نوفمبر الى شهر فبراير

لان الاسعار بتكون مريحة

كمان اشتروا شقق موصل ليها العدادات لان المحافظ كل شوية بحال فى قوانينه

كمان اشتروا فى الادوار من الاول لغاية السادس فقط

لان ده اللى حيكون مترخص

ولو رحتوا لسمسار قوله له انتم عاوزين شقق تنفع تمويل عقارى

لان كده حيجيب شقق مفيش عليها اى نزاعات و اوراقها سليمة

و انا جاهزة لاى استفسار

تحياتى

[تناهيد]

السلام عليكم و رحمة الله و بركاته

الاخت عطر الجنة لك جزيل الشكر...ويسعدني ردك ...

تعالوا و نوروا اسكندرية

و شرفونا ... دي الاسكندرية منورة باهلها

واشكركم مرة ثانية على الافادة

تحياتى

تناهيد wst::

[عطر الجنة]

السلام عليكم و رحمة الله و بركاته

الاخت عطر الجنة لك جزيل الشكر...ويسعدني ردك ...

تعالوا و نوروا اسكندرية

و شرفونا ... دي الاسكندرية منورة باهلها

واشكركم مرة ثانية على الافادة

تحياتى

تناهيد wst::

الله يكرمك يا اخت تناهيد

شوفوا يا جماعة الشراء من الشركات ليه مميزاته و عيوبه

المميزات لا تخرج على بند التقسيط

لكن العيوب اكتر

اولا الاستلام على افضل الاحوال لا يقل عن سنتين

تانى شئ غالبا من اول الدور السادس و انتم طالعين مش مرخص

لان المحافظ محدد البناء الان بحد اقصى 6 ادوار

بعد كده غالبا الحجرات بتكون ضيقة على حساب الريسبشن

كمان هو بيعمل الريسبشن على الشارع و بقية الشقة على المناور

معظم الشركات بتحمل نسب منافع اعلى و اكتر من 20 % يعنى تخيلوا شقة 100 متر يكون صافيها 77 مثلا

اما الشراء من الافراد فايضا له مميزات و عيوب

فلابد ان تتحرى عن الشقة جيدا و تسأل عنها الجيران

ده بالاضافة الى التراخيص و ما الى ذلك

ايضا تصطحب معك مهندس متخصص يتحرى لك عن الاساسات و يقول رأيه

مفيش داعى تشتروا شقق ليها صحة توقيع فقط لابد ان تكون مسجلة بعقد صحيح و تسئلوا عنه فى الشهر العقارى

تحياتى

هذا بعض من كل

[تناهيد]

السلام عليكم ورحة الله وبركاته

الاخت عطر الجنة 'عطر الجنة' الله ينور عليكي

تمنياتي لك بالتوفيق باذن الله

تناهيد

[newcomer]

و انا جاهزة لاى استفسار

حضرتك اللى عرضتى .....فبصراحة شجعتينى اخد من وقتك..

و كمان شكل حضرتك فاهمة مش حافظة

ف معلهش بقى....هاتقل على حضرتك بسؤال:

اشتريت شقة من شركة معروفة

المفروض كانوا يسلمونا بعد 3 سنين

اتأخروا 6 سنين....مش هو ده الموضوع

هم جم بعد كتابة العقد ب سنتين

و بعتولنا جواب ان الشركة قررت تزود ثمن الشقة الكلى 40 %

من التمن اللى اتفقنا علية فى العقد....علشان ارتفاع اسعار الخامات و الحاجات.....

بعت فاكس للشركة.....قلت فيه انى مش موافقة على الزيادة دى

المهم...ماحدش رد على الفاكس ده.....و استمريت ادفع الاقساط

المفروض انى هاستلم الشقة دلوقتى....فبعت اسأل مدير المشروع

عن دفعة الاستلام.....و فروق التعديلات و......

مدير المشروع قال للناس اللى بعتهم .....على اللى مفروض اسدده

بما فيه ال 40% اللى همه عايزينها زيادة!!!!

انا لسه ما كلمتش محامى و لا حد فى الحكاية دى

و مش عارفة .....هل من حق الشركة انها تزود عن العقد زى ما هى عايزه

و هل اخطارهم لينا قبل كده ....يخلى الزيادة دى قانونية؟؟؟؟

محتاره جدا.....لأن اللى معايا مجرد عقد ابتدائى

و ثمن الشقى متسدد بالكامل ...فاضل بس دفعة الاستلام

يعنى هم الطرف الاقوى......و سكة القضايا ...طويلة...

يا ريت الاقى عند حضرتك او عند حد من الزملاء الافاضل مشورة

باعتذر على الاطالة.....و شكرا مقدما

[doudy]

السلام عليكم و رحمة الله و بركاته

تعالوا و نوروا اسكندرية

و شرفونا

بس خدوها نصيحة اللى عاوز يشترى فى اسكندرية ميشتريش فى دخلة الصيف او فى الصيف

يشترى فى دخلة الشتاء او فى الشتاء

يعنى من شهر نوفمبر الى شهر فبراير

لان الاسعار بتكون مريحة

كمان اشتروا شقق موصل ليها العدادات لان المحافظ كل شوية بحال فى قوانينه

كمان اشتروا فى الادوار من الاول لغاية السادس فقط

لان ده اللى حيكون مترخص

ولو رحتوا لسمسار قوله له انتم عاوزين شقق تنفع تمويل عقارى

لان كده حيجيب شقق مفيش عليها اى نزاعات و اوراقها سليمة

و انا جاهزة لاى استفسار

تحياتى

السلام عليكم

اسمك حلو جدا يا عطر الجنة

فعلا معاكى حق انا من الاسكندرية برضه

ز كل يوم و التان نشوف ادوار مخالفة بيزيلوها و حاجة بهدلة

فلازم الواحد يخليه فى المضمون احسن

اشكرك على الموضوع الهام

[عطر الجنة]

و انا جاهزة لاى استفسار

حضرتك اللى عرضتى .....فبصراحة شجعتينى اخد من وقتك..

و كمان شكل حضرتك فاهمة مش حافظة :rolleyes:

ف معلهش بقى....هاتقل على حضرتك بسؤال:

اشتريت شقة من شركة معروفة

المفروض كانوا يسلمونا بعد 3 سنين

اتأخروا 6 سنين....مش هو ده الموضوع

هم جم بعد كتابة العقد ب سنتين

و بعتولنا جواب ان الشركة قررت تزود ثمن الشقة الكلى 40 %

من التمن اللى اتفقنا علية فى العقد....علشان ارتفاع اسعار الخامات و الحاجات.....

بعت فاكس للشركة.....قلت فيه انى مش موافقة على الزيادة دى

المهم...ماحدش رد على الفاكس ده.....و استمريت ادفع الاقساط

المفروض انى هاستلم الشقة دلوقتى....فبعت اسأل مدير المشروع

عن دفعة الاستلام.....و فروق التعديلات و......

مدير المشروع قال للناس اللى بعتهم .....على اللى مفروض اسدده

بما فيه ال 40% اللى همه عايزينها زيادة!!!!

انا لسه ما كلمتش محامى و لا حد فى الحكاية دى

و مش عارفة .....هل من حق الشركة انها تزود عن العقد زى ما هى عايزه

و هل اخطارهم لينا قبل كده ....يخلى الزيادة دى قانونية؟؟؟؟

محتاره جدا.....لأن اللى معايا مجرد عقد ابتدائى

و ثمن الشقى متسدد بالكامل ...فاضل بس دفعة الاستلام

يعنى هم الطرف الاقوى......و سكة القضايا ...طويلة...

يا ريت الاقى عند حضرتك او عند حد من الزملاء الافاضل مشورة

باعتذر على الاطالة.....و شكرا مقدما

السلام عليكم و رحمة الله و بركاته

اول شئ لابد ان تقرأى العقد المبرم بينك و بين الشركة

لان هذه العقود بتكون فى غالبيتها كلها بنود فى صالح الشركات و ليست فى صالح الافراد

و تشوفى هل يوجد فقرة تنص على تحصيل فروق سعرية فى حال ارتفاع مواد البناء

تانى شئ هل يوجد بند شرط جزائى عند تأخير الاستلام

و اعرضى الامر على محامى و شوفى رأيه

بس انا حقولك شئ الشركات لما بتتأخر كده فى التسليم بتتطمع و بتعلى السعر لان شوفى السعر اختلف كام عن 6 سنوات مضت

يعنى لو شركة بتبنى فى منطقة كانت قاحلة و غير مأهولة زى المنطقة " كفر النموس " و دى امام جرين بلازا و خلف مستشفى السرايا

من 6 سنين كانوا بيتحايلوا على الناس المتر لا يتعدى 500 جنيه

الان المتر حوالى 4000 جنيه

انا مرة شفت شقة فيها ولما وجدت امامها زراعة تراجعت

فانتى شوفى لو بعد اضافة مبلغ 40 % كان تمن الشقة اقل من سعر السوق بكتير

فتوكلى على الله و ادفعى و خصوصا لو طريق المحاماة طويل و حيستغرق وقت

اما لو السعر مقارب فلكى ان تنالى شرف المحاولة

اسفة طولت عليكم

تحياتى

[newcomer]

و تشوفى هل يوجد فقرة تنص على تحصيل فروق سعرية فى حال ارتفاع مواد البناء

تانى شئ هل يوجد بند شرط جزائى عند تأخير الاستلام

و اعرضى الامر على محامى و شوفى رأيه

فانتى شوفى لو بعد اضافة مبلغ 40 % كان تمن الشقة اقل من سعر السوق بكتير

فتوكلى على الله و ادفعى و خصوصا لو طريق المحاماة طويل و حيستغرق وقت

اما لو السعر مقارب فلكى ان تنالى شرف المحاولة

</div>

الأول لازم اشكر حضرتك لأهتمامك

بعدين افكر بصوت عالى

* مفيش بند فى العقد بينص على تحصيل فرق اسعار

*فيه بند بشرط جزائى عند النأخر على التسليم .....

ممكن يكلف الشركة مبلغ ....بس انا ماكنتش ناوية اطالب بيه

مابحبش المشاكل.....و كمان كنت حاسه ان ظروف الشركة مش مساعدة

*هوه الحقيقة لو حسبت السعر بعد اضافة ال 40% الزيادة.....

هايكون فيه فرق عن سعر السوق دلوقتى....

بس خلينى افكر مع حضرتك:-

انا مش ناوية ابيع.....يبقى حكاية الفرق دى مش موضوعى دلوقتى

تانى حاجة ....طب ماهى الشركة بدأت البناء بفلوسى و فلوس الناس

اللى بدأوا معاها من الأول من 2002 ........و استحملت التأخير

من سنة 2005 لحد دلوقتى.....

* مع احترامى للسادة المحامين....بس مافيش محامى هايقول

حلى الموضوع ودى.....اكيد هايقولى نرفع قضية

علشان كده ....بافكر كويس قبل ما اسافر و اروح الشركة

و اقابل المسئولين فيها....

باشكر حضرتك تانى لأهتمامك...

[doha]

لاه يااختي نيوكومر ممكن المحامي يقولك حلي ودي في حالة مااذا فوضتيه في انهاء اجراءات تسجيل الشقة ..

يعني انتي روحي لمحامي ويكون متخصص في كتابة العقود وماشابه واطلبي منه يوضح لك وضعك القانوني ايه وهو هيكون امين معاكي لان هيستفيد في كل الاحوال مهو انتي مش هتعرفي تتمي اجراءات التسجيل لوحدك وفي نفس الوقت هيطلع له فيها مبلغ كويس ..

ادفعي استشارة واسئلي وفي كل الاحوال المحامين الكويسين مش ناقصين قضايا وهيدلوكي على الطريق المختصر مباشرة ..

[عطر الجنة]

و تشوفى هل يوجد فقرة تنص على تحصيل فروق سعرية فى حال ارتفاع مواد البناء

تانى شئ هل يوجد بند شرط جزائى عند تأخير الاستلام

و اعرضى الامر على محامى و شوفى رأيه

فانتى شوفى لو بعد اضافة مبلغ 40 % كان تمن الشقة اقل من سعر السوق بكتير

فتوكلى على الله و ادفعى و خصوصا لو طريق المحاماة طويل و حيستغرق وقت

اما لو السعر مقارب فلكى ان تنالى شرف المحاولة

</div>

الأول لازم اشكر حضرتك لأهتمامك

بعدين افكر بصوت عالى

* مفيش بند فى العقد بينص على تحصيل فرق اسعار

*فيه بند بشرط جزائى عند النأخر على التسليم .....

ممكن يكلف الشركة مبلغ ....بس انا ماكنتش ناوية اطالب بيه

مابحبش المشاكل.....و كمان كنت حاسه ان ظروف الشركة مش مساعدة

*هوه الحقيقة لو حسبت السعر بعد اضافة ال 40% الزيادة.....

هايكون فيه فرق عن سعر السوق دلوقتى....

بس خلينى افكر مع حضرتك:-

انا مش ناوية ابيع.....يبقى حكاية الفرق دى مش موضوعى دلوقتى

تانى حاجة ....طب ماهى الشركة بدأت البناء بفلوسى و فلوس الناس

اللى بدأوا معاها من الأول من 2002 ........و استحملت التأخير

من سنة 2005 لحد دلوقتى.....

* مع احترامى للسادة المحامين....بس مافيش محامى هايقول

حلى الموضوع ودى.....اكيد هايقولى نرفع قضية

علشان كده ....بافكر كويس قبل ما اسافر و اروح الشركة

و اقابل المسئولين فيها....

باشكر حضرتك تانى لأهتمامك...

انا هنا بكلم عن فرق السعر ليس بغرض البيع

لكن لو كان الخيار المطروح هو استرداد ما دفعتيه

مثلما يحدث فى بيتشو سيتى اللى فى المعادى

انا عندى حل

هناك رقم تليفون اوله 0900 بس مش فاكرة الباقى ممن تتصلى بالسنترال و تجبيه

وهو لمجموعة اسمها مستشارك القانونى و بتتصلى و بتسألى عن كل ما تريدين

وهم فعلا صادقين

وانا اتصلت بيهم اكتر من مرة و فعلا صادقين

و بيقدموا المشورة او النصح

و طالما فيه شرط جزائى فلو طالبتى به فعلى الاقل ستسعى الشركة لتخفيض مبلغ 40 % بس لازم تروحى الشركة اولا و تطالبى بيه

اما عن البناء فالشركة فى مدة 3 سنوات كانت اسعار مواد البناء منخفضة و اجرة العمالة

اعتقد هم طالبوا بالزيادة لما ارتفع اسعار الحديد

تحياتى