ياترى نبتدى منين .......

[تيتو]

إذا كان حال البلد زى ما الكل عارف

طيب نبتدى منين الاصلاح من قمة الهرم ولا من القاعدة

يعنى هل إذا جه رئيس تانى الناس هتكون كويسة والمسئولين هيشتغلوا بجد

ولا أحسن غالبية الناس تتحسن عشان نوصل للأحسن

انا شايف إن الاحسن نبتدى بالقاعدة وفى النهاية هنلاقى القمة اللى إحنا عايزنها .

[badroora]

تفتكر هنقدر يا تيتو ؟

احنا عاملين زى اللى متسلسلين فى الارض

نقدر نتحرك فى الحيز المسموح لنا به

اما لما تفكر تنهض وتقدم خطوتك تكتشف السلاسل اللى حواليك

تقوم تحبط وتبقي محلك سر

دا ببساطنا حالنا فى ظل

مبارك واعوانه

[محمد عبدالعزيز]

فى رأيى ليس المهم أن نسأل أنفسنا من أين نبدأ, بمعنى أنه إذا حدث اتفاق للأغلبية على اختيار منهما فسوف يكون مجدياً.

الأهم فى رأيى هو وجود رغبة حقيقية للإصلاح وليس مجرد كلام فض مجالس.

الإصلاح الذى ننشده يتطلب تضحيات ومجهودات جبارة لا يستطيع أن يتحملها إلا صاحب الرغبة الحقيقية فى الإصلاح.

عموماً أغلبية الشعب المصرى الآن سواء مقيمين أو مغتربين ينتظرون الإصلاح الذى سيأتى بيد غيرهم, أما هم فمتفرجون ومستمتعون بالفرجة. ومادام هذا هو حال الأغلبية فالإصلاح من وجهة نظرى بعيد المنال.

[tahereyad]

التاريخ يا جماعه هو اللي هايرد علي السؤال,,

مصر و شعب مصر ياما عدي علينا كتير قبل كده من نكبات و فساد, و ياما الشعب المصري عاني و ذاق المر علي يد من عاثوا فالارض فسادا,لالمثله كتير, المماليك بفسادهم و الفاطميين بخزعبلاتهم

لكن في كل مره, كان بيجي الحاكم الصالح اللي بيبدأ الاصلاح, و بتقف معاه جموع الشعب و بينصلح حال البلد,,,

فاكرين ازاي صلاح الدين الايوبي القائد الصالح العادل أعاد بناء جيوش مصر في وجه الصليبيين حتي انتصر عليهم تماما في حطين و قبلها ازاي انهي حكم الفاطميين و رجع مصر للمنهج الاسلامي القويم بعد انتشار الخزعبلات و الفقر والأمراض والجهل...

ولا القائد المتدين سيف الدين قطز اللي أصلح شئون البلد و أعاد تكوين الجيش المصري اللي هزم بيه التتار في موقعة عين جالوت

و الرئيس انور السادات اللي تولي حكم مصر لما كان كل من له علاقه بالدين داخل المعتقلات و السجون, لما كانت الميكروجيب هو الزي الرسمي للنساء و موضة الخنافس (البيتلز) للشباب,, لما كانت مصر مهزومه و كفاءتها هربانين في الخارج أمثال مجدي يعقوب و أحمد زويل و غيرهم الكثيرين,, لما كان الفكر الشيوعي مسيطر عالشباب,, جيش مهزوم و شعب محطم نفسيا و فاقد للثقه..

أعاد لسادات اصلاح البلد داخليا و فتح المعتقلات و نشر الوعي الديني بين الشباب و الفتيات (ودي كانت فكره عثمان أحمد عثمان) و قدر السادات انه يعيد ترتيب الجيش المصري اللي استطاع انه يهزم اسطوره الجيش الاسرائيلي..

ان شاء الله هاييجي لمصر الحاكم العادل المصلح اللي هايلف حوله الشعب المصري و يصلحوا كل افسده المفسدون,, بس المهم وقتها,, لازم يلاقي حوله المصريين الوطنيين المصلحين اللي قلبهم علي بلدهم و نفسهم فالاصلاح بجد علشان يقدر يعمل اللي قبله من الأبطال عملوه...

و اخيرا,,, أحب أقول أن زي مالتاريخ ليه قائمة الشرف اللي تضم أسماء العظام من الحكام,, برضه في مزبلة التاريخ اللي لمّت و هاتلمّ كل من أفسد فيها....

[afreet]

اخوانى الاعزاء

جدى الله يرحمه زمان قال لى " يابنى ثلاث حاجات ماتجادلش فيهم الدين والسياسة والكورة " ولكن بصراحة الموضوع استفزنى وقررت بعد طول تفكير انى اتخطى نصيحة جدى لمرة واحدة فارجوا ان اجد الصدر الرحب

هل عايش احدكم احد الوزراء او راه وهو يرتشى او يفسد فى الارض ليتهمه بالفساد

واذا كان هناك وزير فاسد مثلا فهل كل وزراءنا ومتخدى القرار لدينا من الفاسدين ولا يوجد شخص واحد ولو بالخطأ غير فاسد

رايى الشخصى ان العالم يمر بفترة ركود وهو شىء معروف عالميا ولكن مصر بضعف امكاناتها وسوء ادارتها اثر بها اكثر من غيرها

مصر ياسادة بها الكثير من سوء الادارة وبعض الفساد

[الطيار المصرى]

اتفق مع استاذي محمد عبد العزيز ان وجود الرغبة في الاصلاح و نفض روح الخوف عن المصريين هي الحل الامثل لتلك المشكلة...

فالمصريون يحتاجون الي ضربة علي عقولهم تجعلهم يفيقون من هذا السبات العميق و يدركون ما يحدث حولهم.......

يدركون ان التعويجات الدستورية التي تمت جعلتهم يفقدون ادني حقوق المواطنة....وجعلت القضاء متنحيا بصورة تامة عن الرقابة علي اية عملية انتخابية لضمان بقاء الحزن الوثني كابسا علي انفاسنا.......

و قد تجعلهم تلك الضربة ان يدركون انهم ليسوا مجرد مجموعة من الأفدنة ورثهم سيادته من جدو الباشا ....

و ان يقفوا امام عملية التوريث بكل ما اوتوا من قوة...

و مع خالص احترامي لرأي الاستاذ طاهر.....فانه ليس علينا النتظار حتي يظهر من يلتف حوله الناس....

فالشعب هو الذي يصنع الحكام.... و لا يجب علينا ان نقيس احوالنا علي التاريخ املين ظهور قائد صالح يقوم بخطوات الاصلاح...

ففي ظل هذه الاحداث اذا لم يتحرك الشعب ككتلة واحدة و ظلت فكرة الخوف علي لقمة العيش و مستقبل الابناء اهم من اصلاح البلد فلن يظهر من يقود تلك الامة.....بل سيظل الجميع قانعا بالجلوس في الظل راضيا بما يحدث طالما انه بعيد عن هذا كله.......دون ان يدركوا انه لا مستقبل في بلد يعمه الفساد و سوء الادارة.....

لا مستقبل في بلد اعتبر حاكمه ان الشعب قطيع من الخراف يورث من جيل لاخر...

و اعتبر الشعب مجرد ابواق ليس عليها سوي ان تردد مات الملك ............عاش الملك

فاذا لم نستيقظ .....و نفكر و نتحرك معا محطمين تلك السلاسل التي تقيد العقول و الحركة و ظللنا جالسين بجانب الحائط.......

لن يكون الاصلاح حلم بعيد المنال فقط.........

فقد يختفي هذا الحلم فلا يسعنا حتي مجرد التفكير فيه.........

[تيتو]

تفتكر هنقدر يا تيتو ؟

احنا عاملين زى اللى متسلسلين فى الارض

نقدر نتحرك فى الحيز المسموح لنا به

اما لما تفكر تنهض وتقدم خطوتك تكتشف السلاسل اللى حواليك

تقوم تحبط وتبقي محلك سر

دا ببساطنا حالنا فى ظل

مبارك واعوانه

:rolleyes: wst:: wst::

إن شاء الله نقدر وليه لأ

فى ناس كتير كويسة

وإن شاء الله هيييجى اليوم اللى يتغير فيه كل الل بيحصل

دوام الحال من المحال

[تيتو]

فى رأيى ليس المهم أن نسأل أنفسنا من أين نبدأ, بمعنى أنه إذا حدث اتفاق للأغلبية على اختيار منهما فسوف يكون مجدياً.

الأهم فى رأيى هو وجود رغبة حقيقية للإصلاح وليس مجرد كلام فض مجالس.

الإصلاح الذى ننشده يتطلب تضحيات ومجهودات جبارة لا يستطيع أن يتحملها إلا صاحب الرغبة الحقيقية فى الإصلاح.

عموماً أغلبية الشعب المصرى الآن سواء مقيمين أو مغتربين ينتظرون الإصلاح الذى سيأتى بيد غيرهم, أما هم فمتفرجون ومستمتعون بالفرجة. ومادام هذا هو حال الأغلبية فالإصلاح من وجهة نظرى بعيد المنال.

كلامك عين العقل الحل مش هييجى بالكلام بس لازم كل واحد يبدأ بنفسه

واكيد هيكون فى تضحيات بس المهم الوصول للأصلاح

ويارب الشعب يتغير .

[تيتو]

tahereyad

صح لازم نتعلم من التاريخ

بس الناس دى كان إيمانها اقوى مننا بكتير

يبقى لازم نعرف نبتدى منين نتغير نحو الافضل

[تيتو]

هل عايش احدكم احد الوزراء او راه وهو يرتشى او يفسد فى الارض ليتهمه بالفساد

أنا معاك إنه من الصعب اتهام حد بالفساد

بس لما يكون الوزير عنده بيزنس خاص به فى نفس مجال الوزارة اللى هو وزيرها

اضمن منين انه مفيش فساااااااااد

[تيتو]

ففي ظل هذه الاحداث اذا لم يتحرك الشعب ككتلة واحدة و ظلت فكرة الخوف علي لقمة العيش و مستقبل الابناء اهم من اصلاح البلد فلن يظهر من يقود تلك الامة.

الشعب هيتحرك اكيد بسبب لقمة العيش ومستقبل الابناء فحتى دى الناس تعبانة منها

كفاية الميه اللى الناس مش لاقياها وابسط حقوق الناس مش موجودة

يبقى إزاى الناس هتسكت