تجريس اون لاين

[aimen]

فاكرين التجريس ؟ انهم يركبوا المذنب أو الحرامى مثلا حمار بالمقلوب ويخلوا الناس تفضل تشتم فيه ..الا تستحق حكومتنا الرشيدة نوع من هذا التجريس ؟ انا مش بأضحك تخيلوا لو فى موقع على النت وحطينا اسامى الحرامية والمرتشين والمغتصبين والمزورين ويا سلام لو فيه بحث بالإسم أو المصيبة ونعمل استفتاء " من هو المجرس الإكبر " ..كل املى بس نرد لهم بعض الجمايل ؟ نفسى اسمع عن حاجه ماشية سليمة فى مصر ...مش بالرشاوى ..يا ترى دى حاجه كبيرة ..

[hussaindoit]

الموضوع نسبة وتناسب

المفروض محدش يحدف الناس بالطوب وبيته من زجاج - ما أقصده مع انتشار الفساد بختلاف أنواعه يبقى حتقوم حرب أهليه

أرجو تكون فكرتي وصلت

فالفساد له جذور وله فروع وليس الأن نبته نزيلها أقصد نجرسها

تحياتي

[mesryforever]

فكرة حلوة

[شينكاوي]

:sail: يبقي كده 100% من الوزراء والسادة المسؤليين سوف يضربون بال...... امام الشعب عيانا بيانا واول واحد سوف يضرب بالطماطم هو حبيبكم الكبير يا جماعه بجد البلد ريحتها فاحت يعني حضرتك لو طلعت فوق الكرة الارضية من فوق هتلاقي ريحة زي اللي في افلام توم اند جيري طالعه كده لفوق والريحة سوف تزكم الانوف ههههههه مع اني حاسس اننا بقينا شعب ابخر ما بنشمش يعني كل حاجة في مصر بالفلوس وكله بيترشي استغفر الله مش كله كله يعني بس الرشوة واستغلال النفوذ عيني عينك في المحروسه واسمعوا دي من كام يوم كان ع الجزيرة الوثائقية برنامج عن اعظم رحلة جوية قام بها تلاته اجانب وكانوا بيعدوا علي بلاد كتير والعجيب لما وقفوا في مصر كانوا جدا عصبيين وقالوا انهم قد تم تعطيلهم بسبب الروتيم والبيروقراطيه في القاهرة وانهم لكي يخرجوا من مصر ويكملوا تحليق " قد قاموا بدفع الكثير من المال " تفتكروا دفعوه ليه هههه يمكن زكاة عن جناحات الطيارة المهم ان المشهد بعد كده جابهم وهما داخلين حائل في السعوديه وقد استقبلوا استقبال رسمي وشعبي وكذلك في البحرين والله العظيم قدمت لهم الورود في البحرين والسعودية واحنا في مصر ندفعم رررررررررررششششششششششششوة ايوة رشاوي واكراميات طبعا احنا وبنسمع البرنامج فطسنا من الضحك بس ضحك علي ايه لاننا عارفيين داخلنا ان مصر كده وطبعا مش عاوز اطول لاني لي اصحابي خليجيين لما بيحكولي عن اللي بيحصل معاهم في مصر بدءا من المطار الي الخروج من مصر والله بتكسف انني مصري واسف للاطالة