ايها العملاق الابيض الي اين ؟؟؟

[شينكاوي]

استبشرنا خير لما السيد المحب الزملكاوي ممدوح عباس تولي رئاسة النادي لاني الراجل بيصرف بجد بلاش اي حد يزايد علي ده وبعدين تولي الخمورجي ميشيل تدريب الزمالك وقلنا مدرب عالمي وكانتو عارفين السيرة الذاتيه للمدرب- الخمورجي- ميشيل وبعدين الزمالك لعب مباراة العمر امام الاهلي وصح اتغلب بس برده شفنا زمالك جديد وبدا الزمالك الصفقات الجامده اوي وبرده ما حدش يزايد ولكن المنحوس منحوس لو علقوا في ديله مش فنوس بل السد العالي كله المهم سمعنا ان ميشيل بيه قبل الموسم بتمن ايام استقال ومصيبتاه دلوقتي لازم مدرب زملكاوي ومخلص وهو :طه بصري لازم وبلاش الجوهر والكلام القديم لاني الجوهري هيجيب حسام تاني ةهيلعب بحازم اساسي وهنسبع ستات وسبعات وابشر بالتمنيات 8 يعني من الاهلي وحتي الالمونيوم المهم الزمالك ما اعرفش هل هو نادي مشاكل ولا ايه هل الواحد يشجع الزمالك ولا مصر كلها تبقي اهلاويه وده فخر طبعا بس المشكله انني اكره الريس والحزب الوطني والاخبار والاهرام والجمهوريه وصفوت الشريف والسيكو سيكو فاروق حسني والاهلي كمان هتقولولي ليه هقولكم لاني بكره فوبيا ان البلد كلها كده فالاهلي بيحاول يوصل للبطوله ولو علي حساب المصلحة العامة وله الف من يدافع عنه اي انني اعاني من عقدة الاضطهاد ايوة انا مضطهد ايوة حد عنده اعتراض المهم يا عرب الموضوع كده يعني اننا سوف ندور في فلك القطب الواحد لمدة طويلة والاهلي سوف يحتكر البطولات ونعود وعمر بيه زكي يقولك هحترف في كفر ام حسين في انجلترا وعم الكل جمال حمزة يقضيها غيابات والمسكين عبد المنصف يشيل ستات الا اذا اتلم الوضوع وجه مدرب زملكاوي محترم بصري بصري بصري المهم انني احي ممدوح عباس برده لانه راجل محترم والله اعلم بالسرائر بعدين نصيحة لبشير كل عيش يا عم الحج دا انت وربعك صاحبوا اكبر فضيحة في تاريخ النادي وارجو من الاخوة الاهلوية المحترمين ان تكون ردودهم بناءة في كيفية اعدة بناء فريق الكرة بنادي الزمالك وكيفية عودة النادي مرة اخري للبطولات المحلية والقاريو وافادة منتحب مصر

[DARWEEN]

:sad: :lol: :lol: :lol: :lol:

كتر خيرك ياشينكاوي .... من أول يومين لك معانا داخل تموتني من الضحك

العملاااااااااااااااااااق ؟؟؟؟

العملاااااااااااااااااااااااااااااااااااااااق :lol: :lol:

طيب مش تقول لنا مين العملاق ده ... وبأمارة أيه ومن أمتى وهو عملاق ؟؟؟؟؟

فالاهلي بيحاول يوصل للبطوله ولو علي حساب المصلحة العامة وله الف من يدافع عنه اي انني اعاني من عقدة الاضطهاد

لا حول ولا قوة ألا بالله ... طيب يا حبيبي ما أنا بقالي سنين بأقول الكلام وده ومش مصدقني ..... يا جماعه يا زملكاويه ... أتعالجواااااااا

ايوة انا مضطهد ايوة حد عنده اعتراض

لأ طبعا ... مين يقدر بعترض .... كل واحد حر في نفسه .... بس هل للدرجه دي الأهلي بيعقد ؟؟؟؟

والمسكين عبد المنصف يشيل ستات

شفت بقى مين اللي عنده واسطه ؟؟؟ أهو عمال يشيل ستات وبوليس الآداب مش بيكلمه

وارجو من الاخوة الاهلوية المحترمين ان تكون ردودهم بناءة في كيفية اعدة بناء فريق الكرة بنادي الزمالك وكيفية عودة النادي مرة اخري للبطولات المحلية والقاريو وافادة منتحب مصر

كده بقى تعجبني يا شينكاوي ... الله ينور عليك

أولا ... واضح طبعا أني أهلاوي ... وكل الأخوه هنا عارفين كده ... وكل اللي فات كنت بأهزر معاك .... بس والله بأحب لعب الأسماعيلي جدا ( لما يلعب لعب رجاله ) ونفسي كمان الزمالك يرجع تاني للمنافسات

ثانيا ... أنا شايف أن مشكلة الزمالك أنهم دايما متخيلين أن المشكلة مشكلة لاعبين ... وبيشتروا عمال على بطال ... مش مهم إذا كان لاعب مفيد للفريق أم لأ .... المهم كل مايتعرض لاعب يشتروه ..... وكل ده بيسبب أن يدخل مزادات خصوصا مع الأهلي وأصبح أسعار لاعبين برجل خشب تقدر بالملايين

ثالثا ... ورابعا ... وخامسا ... الإدارة يا عزيزي ... وأنا أرى أن ممدوح عباس نموذج إداري جيد ... لكنه يحتاج لمجموعة متجانسة بجانبه من أبناء النادي بجد ... مش مستوردين لمجرد كونهم رجال أعمال وأغنياء

رابعا ... لازم ... ولابد ... وحتما ... يتم تشكيل لجنة كره من الخبراء من أبناء النادي ... أمثال حماده أمام و يكن حسين وأحمد مصطفى و زكي عثمان

خامسا ... الزمالك في حاجه لحارس مرمى جيد جدا

تحياتي وأطيب أمنياتي .... ومنه لله مرتضى الذي تسبب في هدم القلعه البيضاء ( واخد بالك القلعه مش العملاق ) wst::

أوعى تزعل مني .... ونصيحة أخوية ... بجد بلاش كلمة بأكره دي :sail: :sail:

[kokomen]

الأخ الفاضل : شينكاوي

كلامك جميل عن الزمالك بس الزمالك عايز تنظيم إداري جيد حتى يعود للنادي رونقه

الأخ العزيز : داروين زعيم الأهلاوية

قال كلام جميل جدا عن الإصلاح الإداري للزمالك وهو كلام جميل وحقيقي

خصوصا بعد نبأ إستقالة ميشيل ولا نعرف السبب ويا فرحة القلعة الحمراء فينا

عندي حل للمشكلة دي .. أنا وأنت والزعيم كوكواوا نسيب القلعة البيضاء ونرحل الي قلعة قايتباي في أسكندرية ههههههه

أيه رأيك في الحل ده ...؟؟؟؟؟؟؟ أهو يخفف ضغط الدم اللى عندنا نحن الزملكاوية ... ويجعله عامر

:sail:

[أبو محمد]

ميشيل يستقيل من الزمالك بسبب رغبته فى الاستغناء عن حازم وعبد الحليم وطارق

الإسماعيلى يقيل نوفو .. مش عارف ليه بالضبط .. يمكن الكومى عاوز يدفع له بالتقسيط

سؤال غير برئ :

أليس هذا أكبر دليل على أن الأهلى يخرِّب الأندية الأخرى ، ويفرغها من مدربيها بعد أن فرَّغها من لاعبيها ؟

[شينكاوي]

السلام عليكم بص يا عم الحاج كوكومن الموضوع كالتالي انا بحب الزمالك ونفسي الزمالك يرجع تاني نادي القرن من تاني اما بخصوص رد الاخ داروين فهو معترض علي ان الزمالك عملاق وانا اقوله ايوة عملاق يا عم الحاج داروين لانكم انتم لحد السنة اللي فاتت لسه بتحاولوا تكسروا رقمه القياسي في افريقيا والسوبر الافريقي علي الرغم من ان الزمالك ليه ست سبع سنين ما نفعهاش ببطولة من افريقيا يبقي عملاق ولا لأ تاني بطولة العالم للاندية الزمالك اول فريق يتاهل لكن الدورة اتلغت يعني عملاق برده تالت حاجة ايوة انا بكره الاهلي والريس وسيكو سيكو حسني وصفوت الشريف والجرايد القومية انا حر يا عم الحاج واذا ده حجر علي الحريات في المنتدي ولا ايه طبعا انا بهزر يا عم الحاج وما تاخدشي الموضوع شخصي المهم يا عم كوكومن ان نترك تشجيع العملاق الابيض هذا ما يريده الحزب الوطني هههههيعني الاهلوية ليه علشان سياسة الحزب الواحد والرئيس الواحد والنادي الواحد شفت يا عم الحاج .

بص يا عم ابو محمد الموضوع مش نوفو ولا الخمورجي الموضوع ان هناك بالفعل سياسة تكسير عظام واهلنة للقطاع الرياضي عارف ليه لاني دي سياسة البلد وانا لا انكر بطولات الاهلي بس علي حساب الرياضة المصريه عموما اقولك ازاي لو الاهلي عنده مباراة في اي بطوله والمنتخب عنده معسكر اعداد برده لاي بطوله يحصل شد وجذب علي لاعبي الاهلي ويروحوا المنتخب ولا وتبقي مصيبة لو لاعب بحجم ابوتريكة لاقدر الله اصيب تشوف الحاج فتحي سند والمعلم ابراهيم حجازي ولا الراجل اللي اسمه الزرقاني ده بيشنوا هجوم علي مدرب المنتخب مع اني المفروض الدوري او اي نادي بيخدم المنتخب ايوة بيخدم علي المنتخب لاني دي القاعده .

المهم ان الاعلام الاحمر بيساند النادي الاهلي علي طول الخط اما الزمالك فالموضوع فوضي تشوف اي مدرب زملكاوي علي اي قناة عامل فيها ابو العريف ويتحدث عن اسباب انهيار فريق الكرة وكانه لو مسك النادي الزمالك هياخد كل البطولات .

الخلاصة الزمالك ما ليهوش كبير .

وعوضنا علي الله .

[أبو محمد]

بص يا عم ابو محمد الموضوع مش نوفو ولا الخمورجي الموضوع ان هناك بالفعل سياسة تكسير عظام واهلنة للقطاع الرياضي عارف ليه لاني دي سياسة البلد وانا لا انكر بطولات الاهلي بس علي حساب الرياضة المصريه عموما اقولك ازاي لو الاهلي عنده مباراة في اي بطوله والمنتخب عنده معسكر اعداد برده لاي بطوله يحصل شد وجذب علي لاعبي الاهلي ويروحوا المنتخب ولا وتبقي مصيبة لو لاعب بحجم ابوتريكة لاقدر الله اصيب تشوف الحاج فتحي سند والمعلم ابراهيم حجازي ولا الراجل اللي اسمه الزرقاني ده بيشنوا هجوم علي مدرب المنتخب مع اني المفروض الدوري او اي نادي بيخدم المنتخب ايوة بيخدم علي المنتخب لاني دي القاعده .

المهم ان الاعلام الاحمر بيساند النادي الاهلي علي طول الخط الخلاصة الزمالك ما ليهوش كبير .

وعوضنا علي الله .

عزيزى شينكاوى

أولا .. دعنى أعبر عن سعادتى بالدخول معك ولأول مرة فى حوار .. وأتمنى أن يستمر الحوار بيننا فى هذا الموضوع وموضوعات أخرى إن شاء الله ..

ثانيا .. أنا لا أكره الزمالك أو الإسماعيلى أو أى نادى آخر كما تكره أنت الأهلى .. وأنا من أشد المعجبين بالأهلى (من غير الأهلوية) مع العلم إنى اتحاداوى غلبان .. فأنا أحب الناجحين .. وأحب أكثر الناجح الذى يتعثر ليقف مرة أخرى على قدميه ليكمل المسيرة .. وهذا ما أتمناه للزمالك ولكل الناجحين السابقين

ثالثا .. أنا أتفق تماما مع الأخ دارون أن الموضوع ليس موضوع نادى حكومة وحظ وإعلام وحكام (كما يردد البعض) .. ولكنه أولا وثانيا وثالثا إلى ما لانهاية موضوع إدارة ناجحة تعمل فى إطار من الأعراف التى لها قوة القانون والدستور وإن لم تكن مكتوبة .. يضاف إلى ذلك مسئولية من يختارون الإدارة وليتك تقرأ هذا الموضوع :

رابعا .. لا أمل فى أى إصلاح إذا استمرت القاعدة العريضة فى البحث عن شماعات بدلا من الاعتراف بالمسئولية عن الاختيار الغير صائب ومحاولة تصحيح الخطأ فى أقرب فرصة تالية تكون فيها القاعدة فى موقع الاختيار .. فليس الوقوع فى الخطأ عيبا ، ولكن العيب كل العيب أن نتعامى وننكر الخطأ ونلجأ إلى الأسلوب المريح لتبرير الفشل وهو تعليق الخطأ على شماعات الغير

فإن كنت تسأل العملاق الأبيض : "إلى أين" .. يجب أن تكون كل الطرق واضحة أولا

ولك خالص تحياتى

[شينكاوي]

السلام عليكم وعذرا للخطا الذي حدث واكيد هتعزروني لاني جديد معاكم بخصوص رد العم ابو محمد اولا انا شاكر لك علي تعقيبك القيم وردك المقنع وهذا ليس مجاملة فانا متابع للمنتدي منذ مدة قبل التسجيل وتعجبني اراء العديد من الاخوة المشاركين في المنتدي لانهم يمثلون باقة من المثقفين المصريين .

من ناحية تانية انا لا اخفي مشاعري تجاه النادي الاهلي لانني لا احب الاهلي الاسلوب وليس الاهلي الكيان- مع الاعتراف التام بنجاح النادي الاهلي في حصد البطولات- ولي وجهة نظر قد تبدو غير رياضية ولكن هكذا الحياة فيها .

انا فندت راي ولكم الحق الكامل في مخالفتي الراي وخصوصا ان هذه المواضيع ليس الخلاف فيها يقدح في عقيدة الشخص ولا وطنيته وهكذا هو الحوار .

ليس كرهي للنادي الاهلي هو كره لجماهيره العريقة ولا كره للاعبيه وقد وضحت سابقا انني اكره الاسلوب وليس كيان النادي نفسه وبعد عشرة اعوام لو تغير الحال واصبح الزمالك نفس الاهلي في الاسلوب وزملكة المجتمع ساصرح لكم جميعا انني اكره الزمالك الاسلوب وليس الكيان.

فجميعكم من المثقفين وترون الطريقة التي يتعامل بها الاهلي رياضيا والحزب الوطني سياسيا فهي نفس الطريقة والاسلوب .

فمنذ ان بدات ادرك الامور وذلك في بداية التسعينات -لاني من مواليد العام سئ الصيت 81- وانا اري نفس الاسلوب هوهو لا فرق .

ارجو ان اكون قد اوضحت وجهة نظري واخيرا قد اكون مخطئا وانتم علي صواب وشكرا لكم جميعا ولادارة هذا المنتدي المحترم الذي اتابعه منذ مدة ولم يتسني الشرف الا للتسجيل به مؤخرا وشكرا

[أبو محمد]

السلام عليكم وعذرا للخطا الذي حدث واكيد هتعزروني لاني جديد معاكم بخصوص رد العم ابو محمد اولا انا شاكر لك علي تعقيبك القيم وردك المقنع وهذا ليس مجاملة فانا متابع للمنتدي منذ مدة قبل التسجيل وتعجبني اراء العديد من الاخوة المشاركين في المنتدي لانهم يمثلون باقة من المثقفين المصريين .

من ناحية تانية انا لا اخفي مشاعري تجاه النادي الاهلي لانني لا احب الاهلي الاسلوب وليس الاهلي الكيان- مع الاعتراف التام بنجاح النادي الاهلي في حصد البطولات- ولي وجهة نظر قد تبدو غير رياضية ولكن هكذا الحياة فيها .

انا فندت راي ولكم الحق الكامل في مخالفتي الراي وخصوصا ان هذه المواضيع ليس الخلاف فيها يقدح في عقيدة الشخص ولا وطنيته وهكذا هو الحوار .

ليس كرهي للنادي الاهلي هو كره لجماهيره العريقة ولا كره للاعبيه وقد وضحت سابقا انني اكره الاسلوب وليس كيان النادي نفسه وبعد عشرة اعوام لو تغير الحال واصبح الزمالك نفس الاهلي في الاسلوب وزملكة المجتمع ساصرح لكم جميعا انني اكره الزمالك الاسلوب وليس الكيان.

فجميعكم من المثقفين وترون الطريقة التي يتعامل بها الاهلي رياضيا والحزب الوطني سياسيا فهي نفس الطريقة والاسلوب .

فمنذ ان بدات ادرك الامور وذلك في بداية التسعينات -لاني من مواليد العام سئ الصيت 81- وانا اري نفس الاسلوب هوهو لا فرق .

ارجو ان اكون قد اوضحت وجهة نظري واخيرا قد اكون مخطئا وانتم علي صواب وشكرا لكم جميعا ولادارة هذا المنتدي المحترم الذي اتابعه منذ مدة ولم يتسني الشرف الا للتسجيل به مؤخرا وشكرا

عزيزى الفاضل/ شينكاوى

مفيش أى خطأ يا عزيزى .. هذا رأيك ، وهذا نمط للتفكير لا يقتصر عليك وحدك ولك مطلق الحرية فى رأيك وفى نمط تفكيرك .. ولا يجرؤ كائن من كان "سوى أنت بنفسك" على تغيير ذلك الرأى وذلك النمط فى التفكير .. والميزة الكبرى فى المنتديات عموما وفى "المحاورات" خصوصا هى تعدد الأجيال والخبرات .. والجيل القديم فى "المحاورات" ، وأخص نفسى بذلك ، نسعى إلى دعم التواصل (وليس الصراع) بين الأجيال .. وأرجو أن تفهمنى أنت وجيلك عندما تأتى أى مناسبة للمقارنة بين جيلين أو أكثر .. فلن يكون القصد أبدا تبكيت الجيل الجديد أو التقليل من شأنه .. ولكن القصد دائما هو وضع خبرات السابقين أمام اللاحقين .. ولك أن تستنتج من هو الطرف المستفيد أو على الأقل الذى لن يخسر شيئا من الاطلاع على تلك الخبرات ..

أقول هذا بسبب ما ألاحظه ، بكثير من الأسف والحيرة فى أغلب الأحيان ، من نمط للتفكير لم يكن سائدا من قبل .. وهو كراهية الآخر وتمنى زواله .. وتزداد الحيرة عندما أعرف مبررات تلك الكراهية .. ولو كان هذا النمط من التفكير موجودا من قبل لوجدنا من يكره أم كلثوم مثلا .. فقد كانت هى المتربعة على عرش الغناء وكانت حبيبة القلوب التى يجتمع لها العرب ويلتفون حول الراديو فى أول خميس من كل شهر .. هذا بالرغم من وجود ليلى مراد وسعاد محمد وفيروز وفايزة أحمد ونجاة ووردة .. فبالرغم من تلك العبقريات الغنائية كانت أم كلثوم شيئا آخر وكنا نحب تلك العبقريات ولكن لأم كلثوم منزلة خاصة .. قل نفس الكلام على محمد عبد الوهاب فى وجود السنباطى وزكريا أحمد والقصبجى وفيد الأطرش ومحمد فوزى وبليغ حمدى والموجى والطويل والرحبانية .. وقل نفس الشئ بالنسبة لعبد الحليم حافظ فى وجود وديع الصافى ومحرم فؤاد ومحمد قنديل وكارم محمود ... لم نكن نسمع عن شخص يكره أم كلثوم أو عبد الوهاب أو عبد الحليم لانفرادهم بمنزلة خاصة وشعبية جارفة .. لم يكن من يحب السنباطى يكره عبد الوهاب ولم يكن من يحب ليلى أو فايزة يكره أم كلثوم .. ولم يكن من يحب محرم فؤاد أو قنديل أو كارم يكره عبد الحليم .. كل ذلك بالرغم من أن كل عملاق من هؤلاء العمالقة كان له أسلوب جدير بالكراهية كما تكره أنت أسلوب النادى الأهلى .. فأم كلثوم كانت تلعب بعواطف ملحنيها ومؤلفى أغانيها لتظهر لنا إبداعاتهم التى لم نعد نرى مثلها .. وعبد الوهاب كان موسوس وماكر ولا يقبل أن يقترب من عرشه أحد من الملحنين وأجبرهم على النظر إليه نظرة التلاميذ إلى الأستاذ .. وعبد الحليم كان يحارب كل صوت حديث يخرج إلى جواره واسأل الكبار عن كمال حسنى وماهر العطار وعبد اللطيف التلبانى .. واسأل هانى شاكر عن قصيدة رسالةمن تحت الماء التى كان يستعد لغنائها من تلحين الموجى فى فترة خصام بين الموجى والعندليب مما جعله يهرع إلى الموجى ليصالحه ليمنع القصيدة عن هانى شاكر .. مع كل ذلك كان لكل عملاق من الثلاثة مكانة متفردة فى القلوب ولايكرههم أحد

وأؤكد لك لم يكن المسلم يكره المسيحى أو العكس فما بالك بالسلفى والحنفى والمالكى والشيعى لم نكن نسمع عن مالكى يكفر شافعى أو حنفى يكفر شيعى

هذا هو نمط التفكير أو قل الثقافة التى تزحف غازية قلوبنا وعقولنا دون أن ندرى .. يشاهدها ويشعر بخطرها كبار السن ولا حول لهم ولا قوة إلا تنبيه أبنائهم .. ومن بعد ذلك فينطبق قوله تعالى : " وَكُلَّ إِنسَانٍ أَلْزَمْنَاهُ طَآئِرَهُ فِي عُنُقِهِ .. "

وصدقنى فإننى لا أتمنى للعملاق الأبيض إلا القيام من عثرته ولا أتمنى للمارد الأصفر إلا استمرار طفراته الممتعة ولا يضايقنى مطلقا تسيد السوبرمان الأحمر للساحة .. على الأقل أصبح لمصر كيان يلعب باسمها إلى جانب المنتخب القومى والمنتخبات الأخرى .. كيان له رقم ضمن أفضل 50 نادى فى العالم وأحيانا ضمن أفضل 40 والآن ضمن أفضل 30 .. أعتقد تصنيفه الآن 26 على قائمة أندية العالم .. بالذمة دى حاجة تزعل أى مصرى ؟

[شينكاوي]

كلامك منطقي ومرتب وانا معجب بالوب السرد , نحن لا نتمني الصراع بين الاجيال ولا نسعي اليه لاننا الجيل الخاسر الوحيد فمن سبقونا استفادوا والذين تلونا ان شاء الله يكون لهم نصيب افضل منا .

ولكن كل ما قلته انني لا احب الاهلي الذي يسعي الي ان يكون هو فقط الموجود ويحقر من شأن الاخريين زهي اندية اعرق من الاهلي والزمالك لانها تمثل انجازات ومن ينسي ان الاسماعيلي هو اول من سجل اسم مصر افريقيا بين الانديه لكن يا سيدي حينما نري ان السيد الكومي يدافع عن مصالح ناديه ثم وبسبب هذا يهاجم من جماهير الاهلي هجوم شنيع وبشع ومنهم من يصفه بالفاظ نابية ماذا تتوقع من جماهير الاسماعيلي ان تتيم بحسن حمدي لا .

تخيل ان قناة معينة وصحافة معينة يتحفونا حينما يفوز الاهل يولو علي بنفيكا بدون اي لاعب مشهور ببنفيكا وكان بنفيكا هو البرشا وقبلها يقولون ان هزيمة الاهلي من البرشا للارهاق وحينما يهزم الاهلي من الاسماعيلي بتلاته يقولوا ارهاق وحينما يفوز علي الزمالك في نهائي الكاس فالاهلي هو الاجدر يا سيدي الاعلام الاحمر هو السبب لانه يزكي كراهية جماهير الاندية الاخري للاهلي .

[شينكاوي]

السلام عليكم

بعد فوزين عريضين :unsure: بثلاثيتين علي فريقين يدربهما ابناء الزمالك يبدو ان العملاق الابيض سيقوم من رقاده الذي

استمر طويلا طويلا جدا.

صحيح المشاكل لا تفارق النادي ولكن كما يقال من رحم المعاناة يولد البطل

ننتظر مباراة يوم العيد لنري ان كان العملاق سينتفض ام سيصبح قزما :oldman:

اتمني كزملكاوي ان ينتفض العملاق وان تفتح مدرسة الفن والهندسة ابوابها مرة اخري بعد اغلاق طويل

[ابو محمود]

السلام عليكم

بعد فوزين عريضين :rolleyes: بثلاثيتين علي فريقين يدربهما ابناء الزمالك يبدو ان العملاق الابيض سيقوم من رقاده الذي

استمر طويلا طويلا جدا.

صحيح المشاكل لا تفارق النادي ولكن كما يقال من رحم المعاناة يولد البطل

ننتظر مباراة يوم العيد لنري ان كان العملاق سينتفض ام سيصبح قزما :lol:

اتمني كزملكاوي ان ينتفض العملاق وان تفتح مدرسة الفن والهندسة ابوابها مرة اخري بعد اغلاق طويل

دائمآ الذمالك يصيب جماهيرة بالأحباط ودة نتيجة لسوء الأدارة حتى أصبح هذا الأسلوب بين جماهيرة فعندما فازو فى لقائين من 13 لقاء ورا بعض ظنو انهم حصلو على بطولة جديدةالا وهى العملقة يارب أديهم اللى نفسهم فية بس على اللة مانرجعش نقول انهم راجعين الا قولى ياصديقى يعنى اية الذمالك راجع ؟؟

هوفيةفرقةعندها مرشدير ولا ميكونوش مركبين مواتير انا مستغرب يعنىكل ما تقابل واحد ذملكاوى يقولك الذمالك راجع اللة هوكان مسافر ولا فىغيبوبة انا أعرف انة دائمآ فى المركز التانى وقليلآ يبقى الأول يمكن علشان يحافظ على التانى ربنا ينولكم اللى انتم واخدين علية التانى ولا أقول تانى

[شينكاوي]

السلام عليكم

محمودمصطفى رد اليوم, 02:12 AM

هوفيةفرقةعندها مرشدير ولا ميكونوش مركبين مواتير انا مستغرب يعنىكل ما تقابل واحد ذملكاوى يقولك الذمالك راجع اللة هوكان مسافر ولا فىغيبوبة انا أعرف انة دائمآ فى المركز التانى وقليلآ يبقى الأول يمكن علشان يحافظ على التانى ربنا ينولكم اللى انتم واخدين علية التانى ولا أقول تانى

ههههههههههه ههههههههههههههه :lol: :lol: :lol: في مرشدير وفي سرعات برده في الفرق يا اخ محمود

احنا لما بنتكلم عن يرجع قصدنا يرجع للعب الجميل اما البطولات فدي توفيق من ربنا