سؤال للمقيمين بدبي

[mohamedsamy]

انا متجوز من اوربية. وعايش في اوربا من 3 سنين. مراتي جايلها عقد عمل في دبي.

وكنت عاوز اعرف, ممكن بعد ماهي تسافر تبعتلي اروح اعيش هناك واشتغل علشان انا جوزها ؟

شكرا

[desert_eagle70]

محمد انتى ممكن تيجى هنا حتى لو مش متجوز أو مش فى أوروبا يعنى الموضوع عادى يعنى ممكن تدخل دبى فى اى وقت بتأشيرة زيارة وتبحث عن عمل عادى زى اى حد.

وربنا يوفقك إن شاء الله

[mohamedsamy]

محمد انتى ممكن تيجى هنا حتى لو مش متجوز أو مش فى أوروبا يعنى الموضوع عادى يعنى ممكن تدخل دبى فى اى وقت بتأشيرة زيارة وتبحث عن عمل عادى زى اى حد.

وربنا يوفقك إن شاء الله

شكرا لحضرتك عالرد

بس المشكلة التأشيرة هجيبها ازاي

حضرتك عارف الجنسية المصرية صعب اننا نسافر لاي بلد من غير تأشيرة

[tahereyad]

أولا ألف مبروك يا محمد أنك هاتيجي دبي و ان شاء الله هاترتاح و تتبسط كتير هنا عن الدوله الأوربيه اللي انت فيها لاعتبارات كتير...

ثانيا: الرابط اللي جاي ده بتاع الجنسيه و الاقامه هنا و هاتعرف منه كل شئ عن التأشيرات و الاجرءات و كل ما يخص قوانين الاقامه هنا في دبي,,, خد بالك من الملاحظات اللي في آخر الصفحه لأني مش فاهم معناها كويس و ممكن أبأه أتصل بالجنسيه و أسألهم بنفسي ,,,((((2- المقيمة تستطيع ان تكفل زوجها وأبنائها اقامة إذا كانت مدرسة , مهندسة , طبيبة على أن يكون راتبها على الأقل 3000درهم + السكن أو 4000 درهم))))))))

http://www.dnrd.ae/dnrd_arb/Transactions/D...rmit/EP301A.htm

و عامة المدام عشان هي أوربيه غالبا هاتكون من ال 33 دوله اللي بيدخلو الامارات بدون تصريح دخول,, و بعدين بعد دخول البلد ممكن تاخد الاقامه بتاعتها عالباسبور و بعدين تروح الاقامه تعملك اذن دخول,,, بس خد بالك ,,, هام جدا,, لازم عقد الزواج يكون موثق من السفاره الاماراتيه في البلد اللي انت فيها, عشان يعترفوا بيه هنا,,, هيه هاتعمل الاجراءات زي اللي فالرابط ده و بعدين هاتعمللك اذن دخول "للاقامه",, (خد بالك في أوذونات دخول زياره و سياحه و للأقامه),, و بعدها هاتكون المدام هيه الكفيله بتاعتك و هاتقدر انك تدور علي شغل براحتك بعدها و ممكن بعدها تنقل كفالتك علي المكان اللي هاتشتغل فيه ان شاء الله عشان يكون وضعك قانوني فالعمل,,

و أبشرك انك لما تيجي الامارات انت و المدام هاتستلم الرخصه الاماراتيه علطول لو معاك رخصه أوربيه معترف بيها هنا,, و دي مشكلتنا الكبيره اللي واجناها بسبب ان الرخصه المصريه مالهاش لزمه فالأماراتو أنا عن نفسي قعدت 3 شهور من غير عربيه فالامارات لما كنت بكلم نفسي....

[etihad]

طالما زوجتك جاية بعقد عمل يعني حايعملولها اقامة وبعد كدة تقدر تيجي وتكون على اقامة مراتك فأنا مثلا لدي اقامة وزوجتي معي على اقامتي وتفدر تدور على شغل براحتك وعلى فكرة هات اي حاجة معاك تثبت انك كنت عايش او دارس في اوروبا دي وحدها تقدر ترفع راتبك 5 اضعاف وسلام لو معاك جنسية اي بلد اوربي وتتبرى من جنسيتك العربية دة وحده كفيل ان يدخلك عالم المال والاعمال في دبي اما اذا شمو انك عربي فمصيرك ذي اي عامل هندي في دبي

[autoscriptor]

ملحوظة على رخص القيادة. على ما اعتقد انه يتم استخراج رخص القيادة مباشرة لمن يحملون رخص قيادة أوروبية أو أمريكية من مواطنين هذه الدول فقط. العبرة ليست برخصة القيادة فالعبرة بجنسية حاملها. يرجى التأكد.