حل مشكلة مصر الاقتصادية عبر المشروع القومي المصري للقرن الواحد والعشرين

[MOOOM]

السلام عليكم ورحمة الله وبركاته

يا ترى يا جماعة إيه أخر الأخبار .. من فترة كبيرة ومفيش أي مداخلة على الموضوع .. هوه تقريباً هياخد وقته في الكلام وينتهي ولا إيه ؟؟؟

هوه تقريباً وجودنا خارج مصر متهيألي يجعل الموضوع صعب شوية في المتابعة والاستفسار .. حتى لو فيه حد ممكن يفيدك من المعارف في مصر .. فالأشخاص الذين تثق فيهم .. للأسف لا تجدهم محبذين الفكرة .. وأبسط حاجة ممكن تسمعها من الناس التانية .. انتا يا عم مسافر وعملت إلي انتا عايزة خلاص ومش محتاج فلوس .. يعني الشغلانة إلي بتقول عليها دي شغلانة واحد عملوا كام مليون وطلع على المعاش فحب يعمله عزبة صغيرة ..

المهم .. أنا بإذن الله سأكون في إجازة إلى مصر خلال أسبوعين تقريباً وإن أراد الله تعالى سوف أبدأ بإسناد الموضوع إلى محامي كفء .. وأكيد طبعاً هيكون من أصدقائي أو أقاربي لأنني للأسف بصراحة لا أثق بعموم المحاميين [ مع احترامي لجميع المحاميين ] وأنا عارف طبعاً إنه أكيد فيه محاميين على خلق ودين وأهل للثقة طبعاً بس بيكون الوصول ليهم صعب شوية هذه الأيام .

وإن شاء الله سأفيدكم بالأخبار باستمرار وإن تم البدء فعلاً سوف أبلغكم برقم هاتفي في مصر لمن أراد التواصل .. لأنه بصراحة في وقت الإجازة بيكون موضوع النت ده صعب شوية أو تقريباً صعب شويتين لأن مفيش وقت أصلا وخاصة أن زوجتي بتكره النت دي وبتكرر كثير [ لا أنا .. لا النت دي في البيت ] وطبعاً بختار [ _ _ _ ] [ من خاف سلم ] :huh: وإلي يقول غير كدة يبقى يديني رقمه علشان يقولي بيعمل إيه ؟؟

متمنياً التوفيق وحياة هادئة وسعيدة للجميع ويوم موفق بإذن الله

[شموع]

السلام عليكم

الله ينور عليكم الكلام جميل جدا والفكره طبعا اجمل

بس فين ؟

انت لسه مرجعتش من السفر يا مون والا ايه ؟ :unsure:

الفكره عجباني جدا ونفسي نعمل حاجه وياريت لو ينفع نكون معاكم

[somebody]

الفكرة هايلة اذا اخذت الطابع العام يعني الحكومة هي ال تنفذها للصالح العام وهي الي تمولها

لكن لو تم تنفيذ المشروع لصالح افراد معدودين (يعني قطاع خاص)يا ترى ده هيفيد مصر؟؟؟؟ مش عارفة

أنا شايفة ان المشروع ده ماياخدش الطابع الخاص لحساب افراد

[ابتسامة رضا]

السلام علينا وعلي عباد الله الصالحين

أفكاركم حلوة

حبيت أشارككم ولو بالدعاء

ربنا يوفقكم ويوقف لكم ولاد الحلال ويبعد عنكم ولاد الحرااااااااااااااااااام

[somebody]

جزاكي الله خيرا يا أختي ابتسامة أسأل الله أ ن يبدل حال مصر إلى الأفضل

تم تعديل 20 أبريل 2008 بواسطة somebody

[shark]

يااخوان انا شايف رغم الحماس الواضح من كل المشاركين لان الفكرة جميلة وواقعية ومش صعبة التنفيذ لو موظفين الحكومة اعداء البلد موقفوش فيها ولكن لي ملاحظة ان المشاركات قليلة جدا وتواريخها متباعدة مش عارف اية السبب يعني انا باكتب التعليق ده واخر مشاركة بتاريخ 20 ابريل 2008 اية ياجماعة الحماس قل ولا اية

الفكره جميلة وعايزة الحماس يزيد ميقلش وياريت تقبلوني عضو معاكم

[somebody]

أنا متأكدة أن المشروع ده لو اتنفذ أغلب مشاكل مصر الاقتصادية هتتحل إن شاء الله

لكن في نفس الوقت لازم الحكومة ( يتم اعلامها بالفكرة دي) عشان تباشر الموضوع بنفسها

يعني ميكونش المشروع لصالح افراد معدودين وباقي الشعب يتفرج (الطبقات الفقيرة هتزيد فقر والطبقات الغنية هتزيد والطبقة الوسطى هتنهار وتتحول إلى فقيرة) يعني لازم يكون في توازن والتوازن ده المفروض هتعمله الحكومة على ما اعتقد

********************************************************************

[Abofady]

لايوجد اى تقدم او حلول مع هذه الحكومة ورئيسها ، انتظروا حتى الرحيل وبعدين نفكر فى تقدم مصر

[عمو عمرو]

يا عم والله العظيم ما سلبيةولا حاجة بس انا فكرتي كانت للمنفعة العامة يمكن لان MOOM و ETIHAD بس انا حاسس انهم مقتنعين بالفكرة فدا حسسني اني الموضوع مش مهم عند باقي الناس ولكن انا فكرتي لم تكن تبني لمصلحة شخصية او مشروع شخصي لان المشاريع الشخصية كتير بس اللي عنده فلوس يدخل لكن زي ما قلت في الاول انا كان هدفي مصلحة مصر كدولة والمصلحة العامة كشعب لكن فكرتك انت كفكرة مشروع لافراد فهي جد ممتازة وقابلة للتطبيق.

اما بخصوص اللي نصب عليك المصري ابن الناس فيا عزيزي كلنا في الهوا سوا وياما اتبعتنا من ولاد بلدنا لكن دي مش هتمنعنا ان احنا نثق في الناس .

وانا ايدي علي كتفك انا وMOOM شوفلنا حتة الارض بس اهم حاجة السعر لانني لسه يدوب بمارس حياتي العملية من 3 سنين فمسالة التمويل شوية مش كبيرة عندي واخوك داخل علي جواز .

أشكرك سيدي الفاضل على تأييدك للفكرة .. بس بردو انا مش بدور على مشروع شخصي ولا مصلحة شخصة أكثر متكون مصلحة للجميع أولاً وأخيراً ..

لأن الفكرة هعيدها تاني [ وأسف للتكرار ] ولكن تتلخص في الآتي :

1- يجتمع عدد من الشرفاء لجمع مبلغ محترم من المال وعمل جمعية او شركة .

2- يتم طلب قطعة أرض كبيرة وليست عشرة ولا خميسن فدان .. أنا اتكلم على ألف فدان مثلاً أو أكثر .

3- يتم استصلاحها على قدر الإمكان .. وقد فضلت طريق الفيوم او 6 أكتوبر وذلك تقريباً لسهولة وصول المياة فيها أكثر من غيرها من المناطق .

4- يتم تقسيمها إلى قطع تزرع محاصيل مختلفة .

5- لا يتم توزيع الأرض بالكامل على الأعضاء .. ولكن تكون الأرض كاملها ملك للشركة أو الجمعية [ يعني جميع الاعضاء شركاء في كل حاجة ] وكذلك المحاصيل المزروعة تكون تكاليفها على الشركة وكذلك المشاريع الحيوانية أيضاً تكون مصاريفها من الشركة أو جزء منها - وأيضاً إنتاجها يكون للشركة أو جزء منها - ولكن يتم تحديد جزء معين من الأرض ويوزع على الاعضاء وبقية الأرض يتم زراعتها والبيع منها لأعضاء جدد مع شرط زراعتها وفق شروط الجمعية وفي المدة التي تحددها الجمعية .

6- يخصص جزء من الأرض وعلى مساحات معينة كحد أقصى ثابت من الأمتار يمكن البناء عليه لكل عضو .

7- يخصص جزء يتم عمل ثلاجات للمحاصيل وذلك لضمان وجود المحاصيل طوال العام وعدم غلاء أسعارها من التجار .

8- يتم تخصيص جزء معين كمنافذ بيع سواء الانتاج الزراعي أو الحيواني .

9- يتم تخصيص جزء للخدمات في المستقبل .

10- بهذه الطريقة يضمن كل عضو قطعة أرض للبناء عليها وكذلك مصدر دخل مضمون له من إنتاج الأرض .

11- طبعاً مش كل عضو هيشتغل بإيده في الأرض ولكن يستم استقدام عمالة للعمل بالأرض وتكون بردو عن طريق الشركة وتحت إشرافها وأيضاً ممكن كل عامل يحضر عائلته معه وبذلك سوف يزيد عدد الأيدي العاملة وكذلك ستقضي على عدد كبير من البطالة .. مش عدد كبير أوي بس أي عدد هيكون مصلحة .

بس كفاية .. يعني تكون مدينة زراعية صغيرة على الأقل ويكون لها مجلس أمناء ليكون الواجهة في أي تعاملات مع أي جهات رسمية .

وإلي عندو أي أفكار أخرى يمكن إضافتها .

ياريت نبتدي يالا ايدي علي كتفك انا عضو معاكم