موظفين القطاع الخاص غلابة

[nk]

كان زمان يتحسدوا على المرتبات الضخمة التى كانوا يحصلون عليها أما الآن فالجميع عاد للبحث عن الميرى ليتمرمغ فى ترابه فمرتبات القطاع الخاص لم تعد بالشكل المغرى بل ويمكن الاستغناء عن الموظف فى أى وقت مع عدم التأمين عليه " هو صاحب العمل هايعمل ايه ولا ايه " الله يكون فى عونه

وبالمناسبة أحب أقولكم ان أحد أصحاب العمل قال للموظفين بتوعه ان الحكومة لازم تبوس ايد علشان بيشغلهم !

ده يرضى مين بالذمة ومفيش حاجة اسمها مكتب عمل ولا يحزنون

والكبار شغالين نهب :roll:

[mnman]

العزيزة الاخت فيفي...

موضوع القطاع الخاص ينقسم الي شقين...

الاول قطاع خاص استثماري او اجنبي ودة بيدي مرتبات معقولة وبيمشي دائما سليم وبيدفع تامينات وكلة تمام..عيب واحد بس وهو اعتبار المصري عمالة رخيصة Cheap labor والمرتب 1000 جنية ماهو الا 215 دولار لاطلعوا ولانزلو بالنسبالة لاشئ بالاضافة انة مبيدفعش نسبة من الارباح اخر العام للموظفين والزيادة في المرتب بتكون ليست سنوية وان كانت فهي طفيفة ودة بيكون بناء علي نصائح المحاسبين القانونيين للشركة وبعض منافقي الشركة المصلحجية الي الفروض انهم مصريين وطبعا مش حتكلم علي ان برة ممكن خلال 3 او اربع سنوات تضاعف دخلك لكن في مصر مش ممكن ابدا..و الله العظيم مهندس مصري خبرة 15 سنة يعمل بنفس شركتي لاكن في مصر مرتبة 5000 جنية وهو اقل من خريج الهندسة الجديد العين حديثا في بلجيكا..طبعا حتقول 5000 ياعم دول كتير اوي اديني نصفهم وشوف انا حعمل اية.. المشكلة علي الاقل عندي انا معنوية اكثر من كونها مادية

هما مش اذكي ولا احسن منا..

النوع التاني مستثمر مصري معاة قرشين وفتح شركة.. والمصري فهلوي يعني ممكن يطنش التامينات خاصة السعاة والسائقين لو فية..

قليل الادب وجلياط الا من رحم ربي..بيدفع مرتب في حدود المعقول اقل من النوع الاول لكن معقول وبردة مفيش زيادة ولايحزنون ومش ممكن تطلب... مع النوع الاول لو مديرك خواجة ممكن تتناقش لو مصري يبقي زية زي النوع التاني..

قانون العمل المصري غير واضح واللعب فية كتير ولو رحت مكتب العمل الرشاوي حتطلعك غلطان وتستحق الضرب بالــ......