ازاى لما تضرب على البطيخة تعرف انها حمرا ولا قرعة بدون فتح !!

[badroora]

نصح اتحاد التغذية الالماني بالإكثار من تناول البطيخ صيفا لأنه لا ينعش الجسم فحسب وانما يزوده بالعديد من المواد الأساسية التي يفقدها عبر الغدد العرقية. وذكر الاتحاد في تقرير له أن الدراسات الأخيرة التي أجريت على نساء ورجال بدناء أثبتت فاعلية البطيخ والشمام على تبديد الشحوم، خصوصا المتجمعة في منطقتي الردفين والبطن. وكان خبراء التغذية في الاتحاد قد أجروا دراسة على 40 متطوعا تم تقسيمهم إلى مجموعتين، بينت أن الاكثار من تناول البطيخ أفاد في تقليل أوزان البدناء في المجموعة الأولى مقارنة بالمجموعة الثانية التي لم تتناوله. ما تجدر الإشارة إليه هو أن البطيخ ليس مجرد ماء، وانما يحتوي على كميات كافية من البوتاسيوم تعوض ما نفقده من خلال العرق. كما يزود، البطيخ والشمام، الانسان بكمية جيدة من فيتامين سي والكاروتين اضافة الى قليل من الكالسيوم والمغنيسيوم والحديد. هذا عدا عن مادة مانغان الضرورية لتنشيط الدماغ، وحامض الفوليك المقوي للخلايا.. ويعود الاسم الأوربي للبطيخ إلى الكلمة اليونانية القديمة Melone التي تعني «التفاحة الكبيرة». ويصنف البطيخ والشمام ضمن الثمار الخضراء وليس ضمن الفواكه، ويعرف البشر اكثر من 500 نوع من الشمام ينمو معظمها في آسيا وأفريقيا وأميركا الجنوبية. وينصح معهد التغذية الألماني بتناول البطيخ والشمام الناضج لأنه يحتوي أعلى نسبة من المواد المفيدة ولأنه يوفر أفضل تأثيراته على مكونات الشحوم في البطن والردفين. وللتفريق بين البطيخ الناضج وغير الناضج والفاسد يقدم المعهد الألماني نصيحة «جديدة» يعرفها سكان العالم الحار منذ قرون: الضرب بالكف على البطيخة والتعرف على عملية النضج من خلال رنين الصوت. إذ يصدر عن البطيخة غير الناضجة صوت حاد رنان، في حين يصدر عن البطيخة الناضجة صوت رخيم وعميق يشي بكمية الماء (دليل النضج) فيها. ويحتاج الإنسان إلى خبرة كبيرة كي يميز صوت الضربات البالغة الرخامة التي تدل على فساد البطيخة وامتلائها بالماء.

:blink:

[MZohairy]

طول عمري اضربلي ضربتين على اي بطيخه بشتريها قبل ما اشتريها

وكالحمار يحمل اسفارا....لم افهم ابدا معنى التخبيط ده!!!

ولا عمره جاب نتيجه معايا!

لكن انا اعتبرته نوع من انواع العرف المتوارث :blink:

[رمضان]

ما فيه حل افضل

تروح لبائع البطيخ وتحت تهديد السلاح اكيد هيديك بطيخة ممتازة وياسلام بقى لو قلت له لو ما عجبتنيش مش هشتريها افتحها الاول

وممكن تطلب ضمان

[lady]

تروح لبائع البطيخ وتحت تهديد السلاح اكيد هيديك بطيخة ممتازة وياسلام بقى لو قلت له لو ما عجبتنيش مش هشتريها افتحها الاول

هههههههههههههههه

فعلا

شكرااااااعلى الموضوع والافادة

[محمد عبدالعزيز]

شكراً على المعلومات المفيدة جداً دى.

بس ياترى الكنتالوب اللى فى ناس بتقول عليه أناناس يدخل ضمن أنواع البطيخ والشمام اللى اتكلم عنها التقرير؟

الكنتالوب ده عندنا فى اسكندرية مغرق السوق ويعتبر أرخص من البطيخ عشان كده بسأل عنه.

بس عموماً معلومة إن البطيخ بيقلل الوزن دى أنا مجربها بنفسى أيام ماكنت فى السعودية, جت على فترة زهقت من كل الأكل فقررت أقضيها جبنة وبطيخ, وقعدت فعلاً على الحال ده ييجى شهر غدا وعشا جبنة وبطيخ, لقيت نفسى خسيت جداً وبقى وزنى معقول خالص.

[mffaswan]

فعلاً .. البطيخ أفضل فاكهة صيفية على الأطلاق ..

نجفة .. موضوع فاتح للشهية :blink:

و بالنسبة لي .. أنا بأشتريها على أسم حد .. يعني لما أروح أشتري بطيخ (في مصر) .. أروح للراجل أقوله نقيلي بطيخة حمرا و كويسة .. ويقولي حاضر ..و أقول ف سري .. على اسم فلان .. والدي والدتي ابن اختي ..أي حد .. و أخدها و أروح

طلعت حمرا .. بأقول أمال .. دا أنا خبرة (كذاب طبعاً) .. طلعت قرعة .. بأقول أنا جايبها على اسم فلان .. أنا ماليش دعوة (تهرب طبيعي من ا لموضوع :blink: )

و بكده أبقى ف السليم ........ :sad:

نهاركو .. بطيخ :blink:

[شينكاوي]

]

فعلاً .. البطيخ أفضل فاكهة صيفية على الأطلاق ..

[/quote

]

ممكن تكون كده بس كلها ميه يا عم

تاني حاجة انا عندي خبرة لما تخبط علي البطيخة حاول تسمع الصوت اذا حسيت ان الصوت اصم يعني كانك بتضرب في طوبة اعرف انها خضراء او قرعة اما اذا حسيت ان الصوت مش اجوف يعني في عامل خارجي تبقي حمرا يا معلم اما المشكله بقي في الطعم يعني حلوة ولا ماسخة هي دي المشكله .

ولو مش عارف روح للبياع قولوا انا هشتري منك عشرة بطيخات بس ممكن تفتح واحدة نجرب هيقوم يفتلحك واحدة بس من الاول علشان ما يخبطكشي واحدة سكين قولوا لو طلعت حمرا يبقي تمام وبعد ما يفتحها طلعت حمرا قولوا انا هشتري منك كل يوم ودا هو النصب وخدها وامشي وديله كمان بقشيش اما لو طلعت قرعه ومشتريتش يبقي اكيد هتخدلك بشله في وشك تخليك تكره البطيخ طول عمرك ومش هتفكر تشتريه تاني وبكده تكون استريحت خالص يا معلم

[kokomen]

الأخت العزيزة : نجفة هانم

الظاهر أن سوق العبور اليومين دول مفيش بيع للبطيخ والشمام ..؟؟؟ علشان كده عملتي حملة تسويقية للبطيخ

لإنعاش السوق مفيش فايدة حا نأخذ نسبة على المبيعات :blink: هههههههههه .... الدراسة دي جميلة جدا وواقعية

لأن البطيخ والشمام من أجمل فاكهة الصيف هما بيعتبروهم خضروات .. بس أهم حاجة يكون مفيش تلوث كما سمعنا مؤخرا

وعملية الضرب على البطيخ دي عمرها ما جابت نتيجة معانا ..؟؟ كل مرة تتطلع قرعاء وبيضاء .. الظاهر عارفه أني زملكاوي ..هههههه

أكيد بتطلع حمراء معاكي ومع الأهلاوية :blink: :blink: ... أضيف معلومة صغيرة وهي .وجود نسبة عالية جدا من الألياف في البطيخ مما ينشط المعدة والأمعاء

الدقيقة والغليظة في حركتها لخض الطعام أثناء الهضم .. وأيضا تساعد الألياف على تنظيف الأمعاء بكنس بقايا الطعام والفضلات ويستفيد الجسم من ذلك

مع أجمل أكلة وهي البطيخ مع الجبنة البيضاء أو المش البلدي النظيف طبعا .... وبالهنا والشفا ....ههههههههههههههههه

:sad:

[badroora]

فـــــــوائــــــــــــــــــــد الــــــشمام

مليغرم الياف و فيتامين سي و فيتامين ب2 و الكثير من الاملاح المعدنية تفوق الموجودة في البطيخ

الشمام مفيد لادرار البول و منقي للدم ويساعد في علاج امراض الكلى و النقرس كما ان الشمام يزيل الامساك و يقاوم مرض البواسير

و يحذر اكله بكميات كبيرة حتى لا يسبب بحدوث تعفن بالامعاء و ينصح بعدم تناول الشمام للاشحاص المصابين بمرض السكر او المصابين بالتهابات الامعاء الحاد او عسر الهضم

البطيخ الأصفر"الشمام" عبارة عن نبات كثير العصارة ينتشر فوق سطح الأرض متسلقا ما يعترض سبيله، واسمه العلمي Cucumis melo .

وثمره مستطيل أو مستدير, في وسطه كتلة من البزور, وهو أصفر القشر أو أخضره, ذو لب أصفر أو أبيض أو أخضر. وأغلب الظن أن الشمام زرع أول ما زرع في آسيا الجنوبية أو في إفريقيا. ويكثر تناوله في فصل الصيف وأوقات الحر، وغالبا مايفضل تناوله بعد وضعه في الثلاجة ليحصل على برودة مناسبة

يحتوي المائة غرام من الشمام على 95% من وزنة ماء -70 مليغرام بروتين - 2 مليغرام دهون - 6 غرام سكر - 50 مليغرم ألياف و فيتامين سي و فيتامين ب2 و الكثير من الأملاح المعدنية تفوق الموجودة في البطيخ الأحمر.

والبطيخ الأصفر كالأخضر مرطب ومطفئ للعطش، ويزيد عنه في خواصه الشّافية فهو علاج ممتاز للإمساك إذا أخذ على الريق. وإن وَضعَ شرائحه على الجلد المتغضن _ الجعد _ يكسبه نضارة وليونة، كما أنه مفيد لمعالجة التهابات الجلد. وماؤه ينقي الجلد من الكلف والنمش. وهو مفيد لإدرار البول ومنقٍ للدم ويساعد في علاج أمراض الكلى والنقرس ويزيل الامساك ويقاوم مرض البواسير.

ويحذر أكله بكميات كبيرة حتى لايسبب حدوث تعفن بالأمعاء، وينصح الأشخاص المصابون بمرض السكر أو المصابون بالتهابات الأمعاء الحاد أو عسر الهضم بعدم تناوله، كما أن أكل كمية كبيرة من البطيخ الأصفر يولد الشعور بالتثقل في المعدة والمغص وينتج عنه الإسهال.

طريقة اختبار نضج الشمام

يعرف مدى نضج الشمام بالضغط على عرقها بالأصابع،

فإذا كانت طرية فهي ناضجة. أما إذا كانت جامدة فمعنى ذلك

انها تحتاج لبضعة أيام كي تنضج.

< توضع الفاكهة غير الناضجة في مكان معتم،

وذلك في كيس من الورق البني حتى تنضج.

[mffaswan]

شمام !!!!!!!!!!!

أهو ده بقى اللي مش حلو !! لا هو .. ولا عائلته الكريمة :blink:

[se_ Elsyed]

شمام !!!!!!!!!!!

أهو ده بقى اللي مش حلو !! لا هو .. ولا عائلته الكريمة :blink:

أنا عدو من اعداء الشمام والكنتالوب ولا أطيقهم لإن كل فين وفين لما تلاقي واحده حلوه .. فما بحبش اتعب نفسي وبأروح على طول على الفاكهة اللي ضامنها .. وخصوصاً المانجه اللي إتحرمت منها هذا الصيف لإن ما كانتش لسه إحلوت في مصر ... وكذلك الكرز في السعودية في فصل الصيف .. وتلاقيني بأتحول إلى إنسان كرزاوي من الدرجة الأولى وليل نهار بأكل كرز لحد ما بقيت شبه والعياذ بالله حامد كرزاي بتاع أفغانستان ربنا ياخده .

[شينكاوي]

ومين سمعك يا ابو احمد يا اخوي انا عرفت الاهلويه ليه بيحبوا البطيخ لانها علي طول معاهم حمرا يدخلوا المباراة من هنا وتكون خلاص هتقرع معاهم وفي الاخر تبقي ايه استغفر الله حمرا المهم ان برده يا جماعه الشمام مفيد ويساعد علي التخسيس وانا ناوي اجرب البطيخ وبشده علشان الوزن زاد وخايف انزل مصر كده علشان بيتمسخروا علي كل سنه لما وزني يبقي زايد ويمكن ربنا يوضعها في البطيح بس خايف دايما نطلع قرعه لانها مش ناوية تحمر مع الزمالك ابدا يا مسهل

[badroora]

انا بحب الشمام اوى بس لاسف زى ماقال س س مش باعرف اشترية اللى شكلها حلو ويطلع قلبها اسود قصدى مخوخ

واللى تطلع حمضانه واللى تطلع ضربة من جوة :sad:

بس الشهادة لله السوبرماركت هنا مرياحنه بلاقيها مقشرة وجاهزة ومقطعة كمان مع انى باحب انحت القشر :blink: بس يلا بقي كله يهون

البطيخ مكنتش باحبة خالص لحد ما فيوم واحدة صحبتي عزمتنى فى مكان والحلو كان جحة انا قولت كويس اجرب الجحة

يمكن تكون حاجة حلوة وفجئت ان الجحة دى يعنى بطيخ

بس بصراحة كان طعمة حلو ومن ساعتها وانا بدات اكل بطيخ ويوم تطلع حمرا ويوم بطيخ دايت اللى هو الاقراع وبتمشي

اليوم بعد ماقرات طريقة فحص البطيخة روحت وبكل ثقة بدون ماخلى حد يساعدنى وقعدت اخبط على الجحة (البطيخ ) ولاقيتهم كلهم صوتهم واحد قولت جايز يكونوا مختارنهم عالفرارزة وكلهم حمرين

المهم اشتريت اكبر واحدة وصوتها كان بيرن بس لسه مفتحتهاش خايفة انصدم :blink:

بخصوص المنجا بقي دى اكتر حاجه بحبها فى حياتى وخصوصا زمان لما كان جدى بيزرعهلنا قدام البيت وكنت اشيلها لما تستوى وكان طعمها حلو

هنا المنجا الهندي مش بطالة بس طبعا غير المنجا بتاعتنا والله لو ينفع المنجا توصل بالدى اتش ال كنت خليت ابويا بعتلى قفصين :sad:

البلح بقي اللى فظيع هنا اوى طعمة حلو ومعسل غير اللى عندنا فى مصر

كفاية بقي انا جوعت wst::

[se_ Elsyed]

والله لو ينفع المنجا توصل بالدى اتش ال كنت خليت ابويا بعتلى قفصين

ينفع وما تتحججيش ... إرفعي سماعة التليفون وإتصلي على بتوع الدي إتش إل .. وإسأليهم كم الشحنات اللي بيسلموها يومياً لدول الخليج من مصر قد إيه ؟ .. على فكرة دي مش للتجارة .. ولكن خليجيين كثير بيحبوا ياكلوا الحاجه صابحه ... فبيجيبوا مؤنة الإسبوع بالدي اتش إل .. وخصوصاً المانجا الفص ..لإنها صغيرة في الحجم جداً وتستاهل .. يعني ممكن في الكاروتنة تلاقي ييجي 200 مانجايه وتوزن حوالي 20 ك .... إسأليني انا يا نجفه .

وبعدين هناك الطُرق البديلة .. أي حد من أصحابك راجع اجازة .. الحاج يقوم مزقلط له كرتونه صغننه كده ولا من شاف ولا من دري وياخودهالك معاه ...

[badroora]

ينفع وما تتحججيش ... إرفعي سماعة التليفون وإتصلي على بتوع الدي إتش إل .. وإسأليهم كم الشحنات اللي بيسلموها يومياً لدول الخليج من مصر قد إيه ؟ .. على فكرة دي مش للتجارة .. ولكن خليجيين كثير بيحبوا ياكلوا الحاجه صابحه ... فبيجيبوا مؤنة الإسبوع بالدي اتش إل .. وخصوصاً المانجا الفص ..لإنها صغيرة في الحجم جداً وتستاهل .. يعني ممكن في الكاروتنة تلاقي ييجي 200 مانجايه وتوزن حوالي 20 ك .... إسأليني انا يا نجفه .

وبعدين هناك الطُرق البديلة .. أي حد من أصحابك راجع اجازة .. الحاج يقوم مزقلط له كرتونه صغننه كده ولا من شاف ولا من دري وياخودهالك معاه ...

بجد والله لو كدا لاسال فى الموضوع دا بس مش هتحمض على ما توصل ؟

وبخصوص الاصحاب عاوزة اقولك فى واحد جارنا بقالى سنه مقطعاه بسبب الموضوع دا

خلى امي اتعشمت وحضرتك كله حاجة وقالها الحمام لا اصلة بيطير فى المطار اللحمة ممنوعه مش هيدخلوها كان نفسي فى الجبنه القديمة قالها دى بالذات عليها حظر المنجا قال لابوا دى هتبقي عصير والمنجا ملية البلد هناك

ابويا قالة طيب دا لاء ودا لاء طيب تقدر تاخد ايه قاله اى حاجة خفيفة ومالهاش وزن ابويا قالة هانتدفع تمن الوزن وهنوصلك لحد المطار يعنى كل اللى عليك هتسلمها هناك وهى هتستناك فى المطار

قاله مش هيقدر

اى حاجة خفيفة معندوش مانع

ابويا قالة طيب وصلها سلامنا يا بني قالة يوصل بمنتهى البرود

يا عم س س عم عشم مات من زمااان الله يرحمة

عموما هاخلى موضوع الدى اتش ال دا فى دماغى

تم تعديل 13 أغسطس 2007 بواسطة نجفة المغرورة

[aimen]

ينفع وما تتحججيش ... إرفعي سماعة التليفون وإتصلي على بتوع الدي إتش إل .. وإسأليهم كم الشحنات اللي بيسلموها يومياً لدول الخليج من مصر قد إيه ؟ .. على فكرة دي مش للتجارة .. ولكن خليجيين كثير بيحبوا ياكلوا الحاجه صابحه ... فبيجيبوا مؤنة الإسبوع بالدي اتش إل .. وخصوصاً المانجا الفص ..لإنها صغيرة في الحجم جداً وتستاهل .. يعني ممكن في الكاروتنة تلاقي ييجي 200 مانجايه وتوزن حوالي 20 ك .... إسأليني انا يا نجفه .

وبعدين هناك الطُرق البديلة .. أي حد من أصحابك راجع اجازة .. الحاج يقوم مزقلط له كرتونه صغننه كده ولا من شاف ولا من دري وياخودهالك معاه ...

بجد والله لو كدا لاسال فى الموضوع دا بس مش هتحمض على ما توصل ؟

وبخصوص الاصحاب عاوزة اقولك فى واحد جارنا بقالى سنه مقطعاه بسبب الموضوع دا

خلى امي اتعشمت وحضرتك كله حاجة وقالها الحمام لا اصلة بيطير فى المطار اللحمة ممنوعه مش هيدخلوها كان نفسي فى الجبنه القديمة قالها دى بالذات عليها حظر المنجا قال لابوا دى هتبقي عصير والمنجا ملية البلد هناك

ابويا قالة طيب دا لاء ودا لاء طيب تقدر تاخد ايه قاله اى حاجة خفيفة ومالهاش وزن ابويا قالة هانتدفع تمن الوزن وهنوصلك لحد المطار يعنى كل اللى عليك هتسلمها هناك وهى هتستناك فى المطار

قاله مش هيقدر

اى حاجة خفيفة معندوش مانع

ابويا قالة طيب وصلها سلامنا يا بني قالة يوصل بمنتهى البرود

:lol: يا عم س س عم عشم مات من زمااان الله يرحمة

عموما هاخلى موضوع الدى اتش ال دا فى دماغى

اعرف ناس فى الرياض حتى البصل بتجيبه من مصر والرز وكل حاجه ..انا عن نفسى واحد صاحبى خلانى اشترى له شاى العروسة مخصوص من مصر ..واعرف ناس ..مفترية تخيلوا بيرسلوا بط محشى لحم من مصر ..كمان علشان الحق فيه ناس فى مصر فاكرة اننا هنا فى صحرا وقحط ومش لاقين ناكل ..يعنى بالله عليكم لما واحدة تبعث معى 10 كيلو حلاوة مشبكة مش يبقى دا اجرام ؟ ولا موضوع البط المحشى لحم ؟ ولا لما واحد يبعث من مصر صناديق مانجو ؟ تصدقوا بالله اعرف واحد كان بيرسل لأهله يبعثوا له جزم وبنطلونات ..يقيسها ما تطلعش على مزاجه يرسلها تانى مع اى حدا نازل ؟ . المشكلة ان الكل مصيرة الثلاجة وبعدها مين عارف يتاكل ولا لآ ؟

نرجع لموضوعنا

بصراحة انا كنت فاكر نفسى الجاهل الوحيد فى موضوع البطيخ ده ..كل الناس بتخبط على البطيخ الإ انا .....مش فاهم ليه بيعملوا كده ؟

[شينكاوي]

ولكن خليجيين كثير بيحبوا ياكلوا الحاجه صابحه ... فبيجيبوا مؤنة الإسبوع بالدي اتش إل .

انتوا بتتكلموا بجد يعني الواحد يقدر يطلب لحمه ب DHL لاني اللحمه هنا ماسخة جدا وكلها الياف والواحد بيحس انها مش لحمة وحظك السئ لو انك حمرت اللحمة استغفر

الله طعمها يتغير والموضوع يرسي انها تكون اكلة فيها الم فظيع بالبطن والواحد هيكاكي من اكل الفراخ والفترة الماضية الفراخ بالكويت كانت ممنوعة الواحد كان مقضيها

سمك برده وطبعا لاني عازب السمك كان بيعملي مشكلة في التنظيف لكن الحمد لله عادت الفراخ بسلامة الله الي ارض الكويت لكن وحشني حمام الوالدة واللحمة البلدي

يعني لو في 2 كيلو بالدي اتش ال يكون الموضوع تمام ولو كل شهر مرة لان الواحد هينسي طعم اللحمة اللي بجد لحمة لحمة يعني مش .....

[se_ Elsyed]

واعرف ناس ..مفترية تخيلوا بيرسلوا بط محشى لحم من مصر ..كمان علشان الحق فيه ناس فى مصر فاكرة اننا هنا فى صحرا وقحط ومش لاقين ناكل ..يعنى بالله عليكم لما واحدة تبعث معى 10 كيلو حلاوة مشبكة مش يبقى دا اجرام ؟ ولا موضوع البط المحشى لحم ؟ ولا لما واحد يبعث من مصر صناديق مانجو ؟ تصدقوا بالله اعرف واحد كان بيرسل لأهله يبعثوا له جزم وبنطلونات ..يقيسها ما تطلعش على مزاجه يرسلها تانى مع اى حدا نازل ؟ . المشكلة ان الكل مصيرة الثلاجة وبعدها مين عارف يتاكل ولا لآ ؟

ليه الغلط يا كابتشن ؟

طب أنا كلمتك :lol:

-------------------

لحمه بالدي إتش إل يا شنكاوي ؟ لحممممممه

قصدك بقى لحمه متشوحه أو ستيك يعني ؟

لإن لو لحمه نيه بتوع الدي إتش إل ممكن يطمعوا فيها ويعملوا عليها شوربه في السكة ..

---------------

هاقولك على مفاجأتون يا نجوفه

أي دي إتش إل من أو إلى دول الخليج لازم يعدي على المحطة الرئيسية لهم وهي في

البحرين

لإن طياراتهم هناك

وبالتالي إرسال أو استقبال الطرد بياخد 48 ساعة

لكن لما يكون مبعوت من او إلى البحرين بياخد 24 ساعة فقط ... يعني ماما تشوح لك حتتين اللحمه .. يوصلولك سخنين ملهلبين .

أما المانجو فمش هايحصل لها حاجه من يوم

جربي شُحنه فص .. وأدعيلي ... وأمانه عليكي تعزميني أعديلك الكوبري وأخد نصيبي وأتني راجع .

تخيلي إننا ساعات بنلاقي الكراتين مفتوحه والعيال في المطار مسلكين شوية مانجا منها .. ما هم بني ادمين برضوا وبيحبوا يدوقوا :lol:

[badroora]

هاقولك على مفاجأتون يا نجوفه

أي دي إتش إل من أو إلى دول الخليج لازم يعدي على المحطة الرئيسية لهم وهي في

البحرين

لإن طياراتهم هناك

بجد والله كدا تمام

طيب يا شباب اتصلوا باهاليكم وكل اللى نفسوا فى حاجة يخلى اهلوا يبعتها على اختكم فى البحرين وانا على اطمئن عليها قبل ما توصلكم ولا تشلوش هم

خلاص بقي دى المحطة الرئيسية فى البحرين ويا ريت لو قالقالين لا بتوع الدى اتش ال يسلكوا الحاجة خلوا بلوليصة التامين باسمى ومتقلقوش

ومن راى يا شبنكاوى 2 كيلوا لحمة مش هيقضوا كلكلم اشتركوا فى عجل وابعتوه البحرين وانا اقسم لكل واحد نصيبة وابعته من المحطة الام اليكم

امال يا جماعة دا احنا اهل

س س نصيبك من كل عملية محفوظ لانك صاحب الخبر الحلو دا :closedeyes:

يلا يا شباب فى انتظار الطلبات

اختكم اللى حريصة على لحمتكم قصدى مصلحتكم

نجفة القاطنه فى المحطة الام

للا دى اتش ال

[شينكاوي]

se_ Elsyed

لحمه بالدي إتش إل يا شنكاوي ؟ لحممممممه

قصدك بقى لحمه متشوحه أو ستيك يعني ؟

لإن لو لحمه نيه بتوع الدي إتش إل ممكن يطمعوا فيها ويعملوا عليها شوربه في السكة

ايوة يا عم الحاج سي السيد لحمه لحمه مش مانجو- اسف يا نجفة- يا راجل دي اسمها يحض لحمه لانك هنا والعياذ بالله اللحمة طعمها غريب تحس انك تاكل فردة شبشب والعياذ بالله يا راجل اللحمه في مصر غير .. احنا هنا لما بيكون حد من اصحابنا جايله لحمه من البلد تشوف المسجات زي النار في لحمة بلدي عند فلان وبالليل يا معلم تشوف الراجل مزنوق ومش عارف يعمل ايه والهجوم الكاسح يبدأ لو مش مصدقني اسال اي حد في الكويت بتجيله لحمه من مصر والانتيمز بتوعه يعرفه ضرب نار يا معلم

تاني حاجة متشوحة بالدم بتاعها من عند الجزار اهي لحمه مصري والسلام .

وبلاش اقولك علي معارك المحشي المصري اللي بتحصل يا معلم ازمة ازمة وبعدين الاخت نجفة تقولك مانجو يا عم لحمه لحمه .

ومن راى يا شبنكاوى 2 كيلوا لحمة مش هيقضوا كلكلم اشتركوا فى عجل وابعتوه البحرين وانا اقسم لكل واحد نصيبة وابعته من المحطة الام اليكم

والله يا نجفة اعرف واحد كان جاي هو ومراته وتلات بناته وخدامته من مصر كل وزنه جابوا لحمه يعني عجل اندبح بالليل واتكيس واتلج وعلي الطيارة علي طول وطبعا اخوكي نابه من الموضوع ده كيلو وحتة كبده قعدت منتشي عليهم شهر كامل .

اما نبعته ع البحرين دي فانا خايف ياست الكل لا نخسر بعض وتبقي مشاكل وقضايا بين الدول لانك بس تشمي ريحة اللحمة البلدي فهتنسي الاتفاق اللي بينا وممكن الموضوع يقلب حرب اهلية في مصر امال الموضوع كبير لحمة يا ست الكل ياسلام ولو ديك بلدي من اللي بتربيهم الحاجة في البيت ولا جوز حمام يبقي تمام خالص ... لحمه يا جماعه لحمه مصري ....