اسباب اختيارك للوجو والاسم الحركي والتوقيع...

[ابو حلاوه]

ده بقه اسم العائلة الكريمة

و كنت في المدرسة باكرهه لانه كان مثار لنكت سخيفة و تريقة عيالي .. و دلوقتي بقه مش هاممني... ايوه ابو حلاوه و هافضل ابو حلاوة

بالنسبة للوجو .. انا شبهي كدة فعلا .. اصلع و بنظارة.. بس مش مكتأب كده زي اخينا اللي في الصورة

و كنت الاول مختار بيت شعر لامل دنقل بس احد الزملاء نبهني انه ممكن يجرح البعض فغيرتة لكلمات قراتها فضلت في ذهني

[Faro]

لعدم توافر اللوجو المناسب إضطررت لإختيار الأقرب فى التعبير لـ Faro لذا فقد تعود من أخالفه فى الرأي أن يلقبني بـ فــــرعون.

Faro هى الترجمة الأسبانية لـ المنار ( منارة الأسكندرية ) / الفنار ( فنار رأس التين )

[بنت شعنونة]

ابو حلاوة

انت مش ممممكن

سككككر والله

موتنييييييييي من الضحك على اللوجو المكتئب

هههههههههههههههههههههههههههههه

:D :cry: :lol: :lol: :D :lol: :lol: :cry: :cry:

[Seafood]

ابو حلاوة

انت مش ممممكن

سككككر والله

:D  :cry:  :lol:  :lol:  :D  :lol:  :lol:  :cry:  :cry:

طبعاً سكر ... مش " أبو حلاوة "

[KWA]

بسم الله الرحمن الرحيم

السلام عليكم ورحمة الله وبركاته

الأسم الحركي الذي أخترته هو ثلاث حروف....الحرف الأول K هو الحرف الأول من اسماء بناتي الأثنتان و في نفس الوقت الحرف الأول من أسم العائله

و أختيار اللوجو ...هو اقرب شئ للتعبير عن نفسي....اما التوقيع ان مصر هي وطني و بيتي الأساسي ...اما أمريكافهي حياتي الأن...بمعني الكلمه...هي زوجتي و أولادي و مستقبلي ...و حياتي

[ابو حلاوه]

ابو حلاوة

انت مش ممممكن

سككككر والله

موتنييييييييي من الضحك على اللوجو المكتئب

هههههههههههههههههههههههههههههه

طبعاً سكر ... مش " أبو حلاوة

:D  :lol:  :D  :D  :D  :lol:  :lol:  :lol:  :lol:

:cry: :cry: :cry: :lol:

[وحداني]

انا وحداني لاني فعلا وحداني من يوم ما سبت مصر عشان اكمل دراستي و كل اما احاول ارجع الاقي السكك مقفله اقوم راجع بلاد الاجانب تاني، اما اللوجو فهو فعلا شبهي لما كان عندي شعر اما الان فانا اقرب شبها للاخ ابو حلاوه، اصلع و بنظاره ، لكن ولا يهمك يابو حلاوه الحلاوه حلاوه الروح

[MuslimaEgyptian]

السلام عليكم يا جماعه،

أخيرا لقيت الموضوع، تعبت على بال ما لقيته...هو مش المفروض ان المواضيع الخاصه بالاعضاء تتثبت فى باب التجمع علشان نضيف عليها كل ما تأتى الفرصه؟

المهم، أنا عندى بعض التعليقات وأسئله بتلح عليه...طبعا للأعضاء خالص الحريه فى عدم المشاركه واحترم ذلك بشده..فأعتذر لأن اللوجو والاسم الحركى شئ خاص..ولكن قلت أسأل بما ان هذا الموضوع مخصص له :D

يا ترى يا هل ترى، إسم كوكوواوا وكتامندو مدلولهم إيه؟ :cry:

والاخ إتربى، خير اللهم اجعله خير، ما حكايه اللوجو الجديد؟ :oops:

[ابو يوسف]

ابو يوسف لانى ابو يوسف !!!!!

و انا حديث العهد بالمنتدى ... و يمكن يكون ده اول منتدى حقيقى اشارك فيه ...

اما اللوجو ... فاخترت اى لوجو علشان ما كنش فيه وقت ادور

(و ممكن يكون عقلى الباطن ليه وجهة نظر تانية !!!! )

و انا حقيقى كنت محتاج لحد مصرى اكلمه !!!!

[وسام]

ممممم مش عارف حاسس اننى جيت فى الوقت الضايع

المهم ......اكيد عارفين الاسامى الحركية لاسمى زى مثلا (وسو) او (وسوس) و زمان قوىىىىىىىىىىى كان ( سمسم)

و طبعا لو اخترت أى اسم منهم فأشك ان اى حد حيتعامل معايا بجدية وكل كلامى حيتاخد على انه تهريج

عشان كدة قلت خليه زى ما هوا ...وسام

باللنسبة للوجو هوا بيعبر عن حوار العيون الصامت :shock:

اما التوقيع الحالى فهو اغنية لمنير بحب اسمعها جدا لان فيها شجن واحساس بالغربة

[Deconvolution]

انا بقى اخترت الاسم العجيب دة لانه في شغلي يعنى شئ مهم

زى ما تقولوا كدة زي الفلتر

الحياة ملاينة عقد و مشاكل و محتاجة لفلتر علشان الواحد ياخد الحلو ويرمي الوحش وده تقريبا اللى deconvolution بيعملوا في شغلي

اما بقى اللوجو يمكن علشان شبهى بس من غير النظارة و التوقيع مرتبط برضة بلشغل لاننا بنحاول نلاقي الحل للمشاكل والدعاء ده ربنا اعلم به

[متفائل]

الاسم الحركي

ما أتمناه (أن أكون متفائل وأن يكون هناك ما يدعو للتفاؤل)

لأني في أحيان كثيرة بكون عكس كده خالص

اللوجو

وجه طفل بريئ أكيد متفائل و لأني كمان روحي طفولية وبتعامل مع الناس بدون أي خطط أو استعدادات

التوقيع

دعاء سهل وجميل (أسأل الله الصحة التي هي أهم نعمة في الحياة

والعفو حتي يدخلنا الجنة برحمته والإعانة على الطاعة التي هي طريق نول رضاه والسلام من شر أي من مخلوقات الله)

[علي بابا]

ممم.....موضوع مسلي،،،و خصوصا ان انا جديد هنا......

الاسم الحركي:علي بابا...... انا اسمي الاصلي علي،

سبب الاختيار: علي بابا و الاربعين حر امي....

آنا علي بابا ....(ده اسمي في كل مكان علي الانترنت)

الاربعين حرامي ...... انتم عارفين مين....(اللي حيخربوها للاسف) ربنا يحفظ بلدنا...

اللوجو: انا عايش في كندا، بررررررردددددد،،،،،لازم الحركه ولا الواحد ينشف...

حاجه كمان،،،المنتدي ده اجمل مكان علي الانترنت.... :)

[فنكوش]

فنكوش دائما شعره منكوش يشوف المصايب يضحك ما يهموش

زي عمنا بتاع عالم سمسم وعلى فكره ظول عمري معجب بيه :D

[Lancelot]

منمان ... شكرا علي الموضوع الجميل جدا ... اللي فعلا خرجنا من مود السياسة و القرف ...

أنا إسمي لانسلوت و هو إسم أوروبي من العصور الوسطي و هو إسم ريتشارد جير البطل في فيلم الفارس الأول First Knight بطولة شون كونري و الجميلة جوليا أرماندو ... و الفبلم ده هو فيلمي المفضل لأسباب كثيرة يطول شرحها ... و الإسم ده أنا بأستعمله في كل المنتديات و في الشات بنفس طريقة الكتابة .. رغم إني بأكتبه غلط .. المفروض يكون Lancelot لكن أول منتدي جيت أشترك فيه لاقيت واحد واخد الإسم فرحت مغير طريقة الكتابة و علشان يكون الإسم واحد في كل الأماكن قررت أكتبه غلط علي طول ..

اللوجو لاقيته في الصور المقترحة كلوجو لما تقوم بتسجيل إسمك .... إخترت اللوجو رسوم متحركة لأني بحبها جدا ... و علي فكرة الشاب اللي في الصورة مش شبهي إطلاقا ... أنا بلبس نضارة و شعري بيسحب علي ورا يعني في يوم من الأيام هأكون أصلع زي أبو حلاوة ... رغم إني لسه صغير علي الصلع و الله ...

التوقيع هو دعاء كان بيقولوه Arthur of Camelot أرثر ملك كاملوت في نفس الفيلم الفارس الأول و أرثر هو شون كونري ... كان بيقولوه قبل إجتماعات المائدة المستديرة .... الكلمة جميلة جدا لأنها متسلسلة علي بعضها .. إنت محتاج الحكمة علشان تعرف الحق .. و الإرادة علشان تختاره ... و القوة علشان تحميه ..

طبعا أنا أسهبت و أطلت كعادتي ... لأني رغاي طحن ...

سؤال إلي الإدارة .... هو ليه مفيش منتدي للأفلام هنا ... ده هيكون هايل .......

[عصام]

إسو .. ده دلع "عصام" كمبيوتريا ..

أما مسألة "ذا جريت دى" فكان ليها سبب .. لكن الحقيقة والله ما انا فاكره .. أصل الكود نيم ده هو اللى باستعمله من أول ما قالوا يا إنترنت f((: ..

اللوجو .. الراجل اللى فى الصورة ده إسمه "solid snake" بطل لعبة إسمها "metal gear solid" عجبتنى جدا جدا جدا جدا جد....... إلخ ..

أما التوقيع ... فهو مبدأى فى الحياة وأساس معاملتى مع الناس ومعالجتى لكل أمورى .. وهو حديث شريف بالمناسبة .. وأحيانا با ازود كده حاجة وللا إتنين إلى التوقيع لكن دايما أول جزء ثابت ..

[sos]

الاسم : SOS وهو كما نعلم جميعا...هو كود طلب النجدة او الغوث....وما احوجنا فى هذا الوقت ...الى طلب الغوث من الله....هذا الاسم يذكرنى دائما بطلب الغوث من الله......

اما اللوجو....فقد وجدته خلال النت....وهو بسيط جدا....اذا لم تكن تلك الشمعة التى تضيىء للاخرين.....فلا تكن ذلك الظلام المحيط بها....

اما مقولة اينشتين....فهى ترجمة منى....ولكنها تلخص اغلب الامور...هناك امورلابد انت تكون بسيطة....اذا لم تدرك بهذا الشكل البسيط ....فلا داعى لقول المزيد...فبذلك ستتعقد الامور

[mwefy]

موضوع جميل طبعا انا جاي متأخر عليه كتيييرر بس معلش المهم

m ده الحرف الاول من اسمي و wefy ده اسم عيلتي واللوجو بتاعي طبعا معروف للجميع مصر بلون علم مصر مش بالون الخضر بتاع الحزب

[Tafshan]

فرصة اعتزر للأخ الطفشان على اني بأستخدم اسم قريب من اسمه ، فى الحقيقه انا ما كنتش اقصد خالص و اكتشفت التشابه ده بعد شهر من اشتراكي و كسلت اغير اسمى !!

على فكرة انا بدأت اقرأ تعليقاته القديمة و معجب جداً به ..

الطفشان قال :

اسمي الطفشان لاني طفشت من مصر من زمان، و هاجرت و اقيم بالخارج من وقتها

و هو ده نفس سببي لأختيار الاسم فأنا مقيم بدبي لأني طفشان من اللى جرى لى في مصر f((:

اما عن اللوجو فحاولت ادور على حاجة تكون زي emotion لطفشان !

اما التوقيع ، فده ليه قصة : بعد حرب العراق و سقوط بغداد الاخ كاظم الساهر عمل اغنية اسمها The war is over now ... مش عارف ليه فهمتها ان قصده :الماتش متباع f((: زي ما اخونا الزمالكوية ما بيقولوا لما يتغلبوا m8:

من ساعتها و انا حاسس ان الماتش متباع و ما فيش فايدة !!!

[راضي]

موضوع ممتاز

اسمي ( راضي ) ده طبعا الاسم الحركي ولو اني ( مش راضي ) عن الدنيا واللي بيجرى لنا فيها

فأنا راضي عن نفسي الحمد لله و قانع بما قسمه الله لي ودعائي المُفضل هو ( اللهم قنعني بما رزقتني وبارك لي فية ) قولو آمين

ومش راضي ابدا عن احوالنا العامة و ما وصل اليه حال الأمة f((: ، ولكن دايما عندي أمل ان بكره ان شاء الله احسن من النهاردة وعشان كده اخترت التوقيع أدناه

أما اللوجو فلم أجد أفضل منه للتعبير عن انتمائي للوطن .

أخوكم راضي اللي مش راضي

تم تعديل 15 ديسمبر 2004 بواسطة راضي