سرقة كابل التيليفون لإستراحة الريس

[etihad]

انتشرت في محافظات الشرقية والإسماعلية والدقهلية وبعض المحافظات المجاورة مافيا من نوع جديد على الشعب المصري

بل اصبحت ظاهرة لأنتشارها في جميع محافظات الوجه البحري انتشار الهشيم فكانت البداية الشرقية والإسماعيلية وهي قيام بعض الشباب الجامعي المحبط من سياسة الحكومة بتشكيل عصابي لسرقة كل ماهو حكومي فبدات بفلنكات السكك الحديدية ثم اسلاك الكهرباء ومن ثم كوابل التليفونات تصوروا ان احد اصدقائي من محافظة الدقهلية في الغربة لم يستطع ان يتصل باهلة اكثر من شهرين وبعد السؤال عن السبب اتضح ان الكابل المغذي المنطقة كلها تم سرقتة تصوروا ان تصل بالشباب الحالة لعمل خلل كهربائي في احد مناطق الضغط العالي بالإسماعلية ومن ثم تسلق الاعمدة وفك كل الاسلاك ليبعونها خردة تخيلوا ان تصل لدرجة سرقة حديد سور احد الحدائق من الزقازيق والممتد لمسافة 4 كيلومترات وكان مصنوع كلة من الحديد وعند سؤالي احد الراكبين معي العام الماضي اين السور لهذه الحديقة لم يبقى منه الا اطلال قل لي تم سرقتة من الشباب وعند غضبي من الشباب بتوع الايام دي رد على وقال زعلان لية يا استاذ سيبهم يسرقو ماهيالحكومة ناهبة البلد كلها تخيلو ان يصل الحد لسرقة حديد الكباري التي تعبر بعض افرع النيل والترع وعند عبوري احد الكباري بإحدي القري بجوار مدينة الزقازيق اجد الكوبري عاريا من الجانبين دون حائط صد تصوروا ان اقرا في احدى الصحف الخليجية بتاريخ 14 / 7 /2007 ان يد اللصوص وصلت لكابل التليفون المغزي لإستراحة الريس في الإسماعيلية تخيلو ان احد الفلاحين اصبح يناوب هو واولادة لحراسة بوابة بيته خوفا من الصوص في منطقة ظهرت فيها السرقات بصورة كبيرة تخيلوا تخيلوا تخيلو ...........................

[Amenemhet]

وعند غضبي من الشباب بتوع الايام دي رد على وقال زعلان لية يا استاذ سيبهم يسرقو ماهيالحكومة ناهبة البلد

انا اعلم علم اليقين ان ما كتبته صحيح تماما ....والحقيقه ان الموضوع موجود فى القاهره وليس امحافظات فقط ........... نعم .... هؤلاء الاشخاص يقومون بسرقة كابلات الكهرباء والتليفونات ..... وبالمناسبه الحاجات دى مش رخيصه ..... ولكن يا عزيزى عليك ان تؤمن بنفسك وبصحة موقفك عندما غضبت من سماع هذا النباء ..... الباشا اللى رد عليك وقالك زعلان ليه قوله لان دى بلدى وبلدك .... لان الكابلات اللى بتتسرق دى انت اللى دافع تمنها يا بنى ادم ..... ولو ان كلمة بنى ادم كتير عليه ....... ده بنى دواب الحقيقه.

يااااااه يا اخى الناس بقيت بالسلبيه دى ..... يعنى خلاص كل اللى يلحق يسرقله كابل يديها ..... وما فيش اعتبار لناس تانيه لا تستطيع الحياه نتيجة الكابل اللى اتسرق

قرى تعيش بدون كهرباء وتليفون علشان واحد سرق كابل والتبرير موجود .... ما تشوف الحكومه ما تشوف رجال الاعمال ماتشوف معرفش ايه

والمفروض انك تتعاطف مع اللص .... لانه غلبان ..... فانت اتعلمت 16 سنه وبتدفع ضرائب من دمك عشان ييجى بلطجى يدمر حاجات اتبنت بمجهود سنين والمطلوب انك تعاطف معاه ..... اه يا بلد واه من دى ناس.