الجماعة رجعوا من المصيف

[mamdowh]

الحمد لله الوزرا كلهم رجعوا من المصيف وكل واحد نزل يشوف شغله نشاط كبير وتصريحات كثيرة براقة لامعة منسقة ومرتبة كل الوزراء ما شاء الله منسقين مع بعض عارفين ليه مش خدمة للشعب , لا ده هما سمعوا ان في تعديل وزارى فكل واحد رجع يلحق الكرسى بتاعه احسن يضيع يا عم و كفاية كده.

كل سنه وانتم طيبين

[badroora]

الف الف حمدالله على سلامتهم

وحيات باباك لو سمحت بس طمنا عليهم هل انبسطوا فى المصيف وهل قبلتهم اى مشاكل ولا الشمس كانت حارقة ولسعت جلدهم

ولا السن بلوك قصر معاهم ولا حاجة

بليز طمنا عليهم مهما اكيد بيرفهوا عن نفسهم عشان يرجعوا فريش للشعب ويشوفوا مصالحنا

ربنا ما يحرمنا منهم يا رب ولا من حنيتهم علينا وعقبال المصيف الجاى يا رب

تم تعديل 16 أغسطس 2007 بواسطة نجفة المغرورة

[شينكاوي]

يا راجل لا لا بجد ما شاء الله تبارك الرحمن الف الف الف حمد الله علي السلامة بس لو ممكن هما كانول بيصيفوا فين وعلي حساب مين ؟

انت قلت مين وزراء لا يا راجل جديدة دي هو احنا في مصر عندنا وزراء لأ لأ ما تقوليش هو حد بيحكم ولا يقدر ينفذ ولا يقدر ياخذ قرار من نفسه امال الراجل الكبير بيعمل ايه بيلعب كورة شراب لا يا راجل انت قصدك ا ل ا ر ا ج و ز ا ت هههههه والله عشنا وشفنا مصر فيها وزراء يا راجل قول كلام غير ده