اخر اخبار قرعة الاراضى

[ashrafhary]

يا سدي متشكرين جدا

انا هاتصل و انشاء الله ابشركم جميعا لاني عارف ان الناس بتحي الخير لبعض

[vipwithyou]

للأسف يا أستاذ أشرف اتصلت بيهم ولم يفيدونى قالوا النتيجة لسة ما نزلتش لهم

مع انى اتصل بفرع آخر قرعته كانت أمس وكان النتيجة موجودة فيه يلا معلش اصبر شوية

ربنا يكرمك ان شاء الله

[ashrafhary]

يا اخي و الله انا مش عارف اشكرك ازاي يكفي اهتمامك و ربنا يبارك لك في صحتك

[vipwithyou]

ياعم تشكرنى على ايه احنا فى مركب واحدة

أبشر باذن الله خير واللى ليك فيه نصيب هتاخدة ان شاء الله

[ashrafhary]

ده اكيد كله بأمر الله

و جزاك الله خيرا

[moaz]

أشكر هذه الروح الجميلة في تبادل المعلومات وحب مساعدة الآخرين قدر الإمكان .

جزى الله الجميع الخير وأعطاكم كل ماتتمنونه وأعطانا معكم .

أخوكم أبو معاذ

[سهران]

مبروك لمن فاز و خيرها في غيرها لمن لم يوفق و الحمد لله على كل شيء

عفوا ....... اتحملت معايا دلوقتي و شكرا لأخواننا و دعواتي لكم جميعا

تم تعديل 18 نوفمبر 2007 بواسطة سهران

[مصري أصيل]

الف الف شكر أستاذ vip ( تامر السيد )أنا أسف كنت في شغل بره ولسه راجع . كنت أتمني أبشرك بس الحمد لله علي كل حال والف مبروك للي كسبوا في القرعه والأمر قبل كل شيء قسمة ونصيب وليس في الأمكان أحسن مما كان بس أنا عندي نصيحة لكل اللي خسروا في القرعة أنة يحاول ياخد حتة أرض في أي مكان جديد علي أن تكون علي أقساط أيضاً ويكون مقدمها قريب من مقدم قطع الأرض في القرعه والا ينتظر القرعة القادمة لأن بالتأكيد النتيجة غير مضمونة كما حدث وأنا شخصياً سوف أفعل ذلك إن أراد الله وعلي الأقل عند شرائك قطعة الأرض هذه لن تكون مرتبط بميعاد أستخراج تصاريح أو مباني أو أي شيء وسوف تبيعها في أي وقت تشاء .

والف شكر مرة تانية

[ali m]

احبائى الكرام قرعتى ظهرت امبارح ومفيش نصيب ........... الان قرعة الشيخ زايد ومدينة مايو على موقع البنك يلااااااااااااااااااااااااااااااااا فرحونا معاكم ان شاء اللة....... على سعد

[ashrafhary]

الي كل الفائزين الف مبروك

انا الحمد لله ماليش نصيب كله بامره

شكرا للاستاذ مصري اصيل علي النصيحة

و نتقدم بالشكر ايضا للاستاذ تامر السيد ( في اي بي ) علي مجهوداته معانا

[سهران]

و الله يا جماعة الروح اللي موجودة بين الأخوان دي هي أكبر مكسب و أدينا بنهني اللي كسب ( ما سمعناش غير عن أم طارق ) و بنواسي أنفسنا ..... ما هو كل الأعضاء للأسف رمية الزهر ما أنصفتهمش .... يعني هانربط أحلامنا برمية زهر ؟؟؟!!! لازم فيه حل تاني .

طيب يا عزيزي ( مصري أصيل ) انصحنا ازاي نشتري أرض في مدينة جديدة زي أكتوبر مثلا ؟؟؟ ماهو مابقاش فيه ... و يا ريت يا جماعة نتشاور مع بعض و نتبادل الخبرات بحثا عن مخرج ... أنا مثلا مقيم في السعودية من فترة و أكيد فيه من الموجودين كتير عندهم الحلم من المقيمين بمصر و المقيمين بالخارج و عندهم نفس نفس الموضوع و مش عارفين يبنوا بيت لعيالهم ازاي ؟؟

فلنتبادل النصائح الجادة بدلا من البكاء على اللبن المسكوب 0

تم تعديل 18 نوفمبر 2007 بواسطة سهران

[newshare]

أخونا الاعزاء

السلام عليكم

مفيش أخبار عن العبور

[مصري أصيل]

الأخ سهران

أنا لم أقصد 6 أكتوبر لأن الأسعار هناك غالية جداً لكن ممكن مدينة بدر وممكن أماكن مطرفة من الشروق . يعني مدينة بدر مثلاً فيه ناس أعرفهم أخدوا فيها من حوالي ثمانية شهور وكان سعر المتر 60 جنية فقط يعني لو أخدت 600 متر يعني 000و36 ألف جنية وكانت بالقسط كمان بس طبعاً دلوقتي الأسعار أتغيرت تماما . بس لو كان مبدأ التقسيط ماذال موجود أظن أن ممكن بمبلغ ذي اللي أندفع في حجز القرعة يندفع هناك كمقدم أرض والباقي علي أقساط.

ويا ريت اللي يعرف حاجة عن مدينة بدر وأسعار الأراضي حالياً فيها يمدنا بأي معلومة ولو كان فية مدن تانية برضة يعرفنا وجزاه الله خير.

الفكرة أن الأ ستثمار الصح الحين في العقار وأنصح أي واحد معاه مبلغ حتي ولو كان صغير أن لا يحاول وضعة في البنك مثلاً بل يستثمرة في العقار . سواء أرض أو شقة تمليك أو شقة تحت الأنشاء أو ما شابه .

[moaz]

الأخ newshare ومن ينتظر مثله نتيجة العبور .

هاهي نتيجة العبور قد ظهرت على موقع بنك التعمير والاسكان .

http://www.hdb-egy.com/lands-result/elobor.xls

مع خالص دعاؤنا لكم بالتوفيق اللهم آمين .

مع ا لسلامة الجميع

[nana]

مبروك لكل من فاز ولونى مشفت

[nana]

مبروك لكل من فاز ولونى مشفتش حد اعرفه فاز وانا اعرف4 مقدمين فى القرعه ومحدش منهم فاز وعايزه اعرف هاناخد فلوسنا امتى على طول ولا لسه بدرى

[nana]

ياريت حد يقول

[nana]

ياريت حد يقولى يا جماعه

[سهران]

و الله عندك حق يا أخت NANA ده حتى في المنتدى الطويل العريض ده ما فيش غير أم طارق هي اللي بلت ريقنا و فازت ...... يبدو ان السماسرة هما اللي فازوا لانهم زي ما سمعنا بيخشوا بأعداد كبيرة ... عموما قدر الله و ما شاء فعل و الحمد لله ... الفلوس زي ما قالوا بعد انتهاء كل ال ( قرعات ) هايتصلوا و يسلموا الشيكات .....

تحياتي للجميع و مبروك للي فازوا و ما نعرفهمش

[ام طارق]

السلام عليكم اللى اعرفه ان هيبعتوا شيكات على العنوان اللى انتى مسجلاه فى الاستماره بتاعه الحجز بس الموضوع هياخد شويه وقت عشان الاعداد كبيره

ياريت حد يقولى يا جماعه