اخر اخبار قرعة الاراضى

[مجدى امام]

الحمد لله دة ثالث قرعة ولم اجد اسمى فيها المهم الف مبروك لكل واحد اسمة جة فى القرعة وهارد لاك للباقى الاخوة الحمد لله على كل حال واللهم لا اعتراض على حكمة ربنا

[vipwithyou]

ارجو من لديه معلومات عن بدر او العاشر من رمضان يمدنا بها

وشكرا

دكتور محمد معلش سؤال بسيط ان أمكن

هو حضرتك مقدم فى العاشر وبدر ؟؟

ولا ؟؟؟؟؟؟

[د محمد على]

لدى اصدقاء كثيرون هنا في الامارات مقدمين في العاشر و بدر و اكتوبر

و طلبوا منى ان اتابع لهم على النت

اما انا الحمد لله فزت في اكتوبر

و لا يجوز ان تتقدم في اكثر من قطعة عموما حتى و لو في مدن مختلفة

[vipwithyou]

شكرا يا دكتور على التوضيح

وانا كمان مستنى معاك ياعم ربنا يسهل

[د محمد على]

انا مش عارف نتيجة العاشر من رمضان ليه اتاخرت كده

هى اعلنت امس و المفروض كانت تنزل امس ليلا

حضرتك مقدم في بدر؟

اذا لم تظهر خلال نصف ساعة النتيجة ساضطر للنوم و غذا ان شاء الله نتابع مع موقع البنك

[MinaAziz]

شكرآ يا د. محمد

رجاء لو حد يعرف طريق الواحات الفيوم فيها مرافق أم لا؟ أو متوقع يدخل لها مرافق أمتى؟ يعني حاجة بتاخد سنين ام شهور

سؤال آخر؟ الوزير قال اللي يعوز يبني ندخله مرافق مؤقتة؟ يعني أيه مرافق مؤقتة وتاخد أد أيه وقت؟

[روح الحياة]

أرجو ممن لديه اي معلومات بخصوص أسعار الاراضي في أكتوبر وبالتحديد في مناطق الفردوس او الشيخ

زايد أن يعرفني آخر الأسعار ( وذلك خارج نطاق القرعة ) .

وهل سترتفع اسعار هذه الاراضي بعد القرعة أم ستنخفض ؟ افيدونا افادكم الله . ونحمد الله على كل حال .

[se_ Elsyed]

عايز أقول نقط مهمه بخصوص المهلة الممنوحة لبناء الأرض التي لم يصلها مرافق

الدولة وعلى لسان وزير الإسكان لا تضع عدم توصيل المرافق حُجه لتأخير البناء

يعني لو إستلمت أرضك من النهاردة يبقى العداد هايبتدي يعد عليك 3 سنين لو ما بنتش تتسحب منك .... ولو عايز مرافق مؤقته وإنت بتبني يعني كبل كهربا أو ماسورة مياه .. فهايمدوا لك وصلات مؤقته وعلى ما تخلص بناء تكون المرافق بأكلمها إتوصلت لك ... وبعدين ده ما شاء الله في مهلة 9 شهور عشان تستخرج التراخيص ودي فترة كافية جداً لإنك لو جد فعلاً فالتراخيص ممكن تخلص في شهر ... خصوصاً والشهادة لله إن التعامل مع اجهزة المُدن الجديدة مختلف تماماً عن أي أجهزة أخرى من حيث الرُقي والتفاهم ..

في رأي الشخصي إن اراضي المُدن الجديدة هايرتفع ثمنها مرة أخرى لسبين هامين جداً :

1- قلة املعروض .. لإن معظم المُدن خلاص بح وما بقاش في أراضي تاني الا بقى اللي لسه هايضموها في التوسعات وحلني يا معلم .

2- الأراضي المرة دي نازلة غالية ... يعني عندنا في العبور اول مره نشوف أسعار أراضي القرعة دي العالية لإن متوسط السعر بيتراوح ما بين 400 إلى 550 بعد ما كانت أقصى حاجه 300 ... يعني زيادة 5 % مستريح .

ولا اعتقد إن تجار الأراضي قاعدين حطين إيدهم على خدهم ومنتظرين الـ 217 قطعة مثلاً بتوع العبور ولا الـ 60 قطعة بتوع الشيخ زايد .. وهما إستحلموا كتير المرة دي ( أنا بانقل وجهة نظرهم زي ما شفت وسمعت ) وأتخربت بيوتهم على حد قولهم لإن موسم الصيف بيعتبر رموسم رواج وشغل على ودنه بالنسبة لهم .. وبالتالي الموسم ده بالذات إنضرب وكان كله كساد بالنسبة لهم لإن ناس كتير وخصوصاً من المغتربين قال : وانا أروح أشتري بملايين ليه طالما في أمل ادخل القرعة وأكسب .... والتجار كمان داخلين بأسماء كثيرة على أمل الفوز بقطعة او إثنين لتعويض صبرهم .... وبالتالي مع إنتهاء الهوجة وأتضاح الرؤية هانشوف إتجاه الأسعار هايبقى عامل إزاي الأيام الجاية ...

وبالتوفيق للجميع

[moaz]

أحد عنده فكره عن نتائج : برج العرب الجديدة والعاشر من رمضان وقنا الجديدة وبدر وطيبة

للأسف موقع البنك لم ينزلهم . ياريت إذا أحد عنده هذه النتائج يضع روابطها هنا وجزاكم الله جميعاً كل خير .

أنا نتيجتي يوم الثلاثاء إن شاء الله .. نسألكم الدعاء . لكن بحب أتابع كل المدن .

شكراً لكم

ابو معاذ

[sherifks]

الف مبروك يا دكتور محمد علي على المكسب وربنا يبارك لك فيها بس كنت عايز اسال هي مساحتها كام وعمارات ولا فيلات ... وارجو دعواتكم انا حاجز في الشروق والنتيجة يوم السبت

ارجو دعوات الجميع

[lostman]

مبروك يا دكتور محمد .

بس ليا سؤال ليك او لاي واحد كسب وشاف اسمة ورقم استمارتة علي الموقع.

هل رقن الاستمارة اللي قرأتة هو نفسة بالظبط اللي معاك في ورقة الحجز ولا قبلية رقم اخر خاص بالفرع.

يا ريت ترد لان الموضوع مهم. شكرا

[sherifks]

الاخ lostman هو فعلاً رقم الاستمارة اللي معايا مختلف عن كل الارقام اللي كسبت يعني انا حاجر في فرع مصر الجديدة ورقم استمارتي هو 003358 بس .... والارقام الفائزة ارقام ثانية لا تخص الرقم بتاعي لا من قريب ولا بعيد ... فياربت الدكتور محمد علي يجاوبنا على هذا السؤال

[muslim4ever]

اقتباس من الاخ سين سين

نيجي لزبدة الموضوع - اللي عنده كليسترول ما يقرأش الحتتين دول - ... إخواننا اللي بيذوبوا عشقاً في المدن الجديدة وعايزين يعيشوا في حماها ... يروحوا يشوفوا كمية الأراضي المحيطة بمدينة الشروق من أول بوابة المدينة لمسافة 20 ك متر بالتمام والكمال لحد يافطة بتقول " مرحباً بكم في مدينة العاشر من رمضان " وأراضي مُرخصة وبتتباع برخص التُراب ولكنها ليست في ذمام مدينة الشروق ولا تابعة للجهاز .. الغريب بقى إنها تابعة لمنطقة النُزهة الجديدة ... تخيلوا ؟ ولا فترة بُنا ولا دياولو وإعمل اللي إنت عايزه إن شالله تسقع ملايين الأمتار زي جمعية مصر الجديدة ما هي شاريه هناك وعامله كده وزي جمعية الأمل وجمعية الطلائع وزي جمعية القادسية وزي أفراد بالعبيط عاملين كده هناك ..

وهناك أراضي مميزة جداً جداً انا شوفتها وخصوصاً لو عايز برستيج بقى والناس تشاور عليك وتقول .. ده ساكن في حته مميزة بجوار المركز الطبي العالمي خبط لزق .... المتر هناك بيتبدي من 250 ج ده إن ماكانش عدا دلوقت لإن اخر أرض في الشروق خلاص بح واتباعت في القُرعة وبالتالي تجار أعرفهم نزلوا حتتك بتتك عالاراضي دي وأشتروا بالفدادين لإنها هي الإمتداد الطبيعي للشروق وبالتالي الدور جاي عليها عشان تولع ....

9- بالمناسبة في هناك مرافق وممكن تبني من بكره لو حبيت وجاد في البُنا والتعمير

الاخ العزيز سين سين

ليه تجربة حول هذة الاراضى ومعرفش هل كلامك موثق ولا لا

انا اتصلت باحد الشركات اللى بتبيع قطع اراضى فى مخطط الامل عند المركز الطبى

ولما سالتهم عن المياة قالو مافيش توصيلات الى الان ولكن فية ابار مياة وغير صالحة للشرب !!!!

طيب اخبار الكهرباء قالوا الكهرباء برضوا مافيش وعليك انتى اللى تمدها !!!! طب من فين ياجماعة الخير قالوا من العاشر !!!!!!

ده غير ان الارض الى الان مخصصة للزراعة ولم يصدر لها قرار تبوير يعنى حنشترى سمك فى مية

هل رايت بنفسك مشاريع مقامة هناك

ياريت تدلنا على اماكن هناك تكون مضمونه باذن الله ونقدر نشترى منها

[s s s]

يا جماعه اختي اتصلت عليه من نادي المقاولون وقالتلي اني كسبت قطعه ارض ببدر

بشكركم وبتمني للجميع الخير

[wansawansa]

الأخ s_s_s ألف مبروك و عقبالنا إن شاء الله

[جمال عامر]

اخواتى الاعزاء

الحقيقه الموقع ده مميز جدا لانه بجد مجمع شويه اعضاء زى الفل وبتمنوا الخير للجميع

انا عندى استفسار صغير وياريت اللى عنده اى معلومات عنها يفيدنى

اراضى 6 اكتوبر اللى فى طريق الواحات ........ مكانها فين بالظبط وياترى فيها مرافق ولا لسه

واتمنى التوفيق للجمع ............. ومبروك لكل اللى فازو فى القرعه

[s s s]

الله يبارك فيك يا اخ

wansawansa

وعقبال كل الاخوان ال بالمنتدي يارب

[سهران]

ألف مبروك لكل الأخوة اللي فازوا و خيرها في غيرها لمن لم يوفق .

الأخ/ جمال عامر

أرض الواحات مكانها و انت طالع أكتوبر من طريق الفيوم تتعدى مدخل المدينة و تستمر كأنك طالع الفيوم حوالي اتنين تلاتة كيلو بعدين فيه مدخل يمين تمشي فيه حوالى خمسة ستة كيلو تقريبا هو ده الموقع حسب ما عرفت و هي غير مرفقة و استلامها بعد 3 سنين من الان .... و طبعا المهلة هاتبدأ من تاريخ تسليمها بعد 3 سنوات من الآن و بعد التسليم يعد عليك العداد.

مبروك مرة ثانية لكل اللي فازوا

تم تعديل 22 نوفمبر 2007 بواسطة سهران

[ali m]

تلغراف الى:-

اخى جمال عامر

ارض 6 اكتوبر اللى مقدمها 28 دى على طريق الفيوم نفسة بعد قيادة مرور الفيوم ب 5 كيلو على اليمين يعنى اقرب ماتكو ن لنادى الرماية ...

اختى روح الحياة :-

لوعيزة الاسعار فى اكتوبر والفردوس انا معى كرت سمسار وتليفوناتة لو حبة اضعها على المتندى للسترشاد عن الاسعار اضعها لكى ولمن يرد المعرفة وللعلم ليس لى علاقة بة ولكن حصلت على الكرت لما كنت فى جهاز مدينةاكتوبر وعرف انى مقدم فى القرعة كان فاكر انى هااكسب وابيع............

اخى اللى خسر القرعة 3 مرات .......معلش الشرع بيقول اريعة وانا خسرت 4 مرات يعنى شرعى هلطق قرعة منهم واكسب الخمسة اشاء اللة

اخيكم م/ على سعد

[ali m]

احبائى المنتظرين

نتيجة العاشر على موقع البنك الان