اخر اخبار قرعة الاراضى

[vipwithyou]

فعلا كدة اللى نزل فى الشروق هى اسماء من مسلسل 1 الى 16 وعددهم 205 قطعة وباقى

من 17 الى 22 وعددهم 484 اسم وان شاء الله ربنا يوفقكم كلكم

[vipwithyou]

ان شاء الله تتعوض فى قرعة تانية باذن الله يا أخى tala متزعلش وقل لن يصيبنا الا ما كتب الله لنا

الحمد لله ماحدش عارف الخير فين والف مبروك لك ولكل اللي كسب ربنا يبارك لكم يارب بس انا بصراحة عاوزه افكر في الاراضي الزراعية واسيب موضوع المباني ده شوية ايه رايكم في المناطق القريبة من الشروق هل هي مضمونة زي القادسية او حتى الحزام الاخضر في اكتوبر مثلا كنت ح اخد فيها في الصيف قبل ما افكر في القرعة بس خفت من موضوع الجمعيات ده وهل ممكن ان احنا بنفسنا نعمل جمعية ونقدم في وزارة الزراعة على فدادين زيهم يعني بمشاركة مجموعة من الناس ولا صعب مش عارفة ياريت لو حد عنده معلومات عن الموضوع ده يفدنا وشكرا

أولا واضح ان tala أخت مش أخ عموما ً

فكرة الأرض الزراعية أنا كنت هأعملها فعلا وفعلا سألت لكن لم أجد ودا كان قبل القرعة لكن بجد فكرة الأرض الزراعية فكرة ممتازة ومتخافيش من الجمعيات ولا حاجة المهم محامى يمشيلك فيها ويتأكد من الورق وتاخدى العقد الأخضر وتتسجل ويكون الرى بتاعها كويس

بس السعر أنا مش عارف هيكون كام

وياريت موضوع الجمعية اللى نعملها دى بس مش عارف ممكن ولا لا

وياريت فعلا

أنا معاك اذا عرفت حاجة هأبلغك ان شاء الله

وربنا ييسر لك

[Tala]

شكرا جدا لكل اللي بيواسوني وعلى الروح الطيبه

[msmsmsms]

السلام عليكم جميعا انا عضو جديد بالمنتدى لكنى متابع لحوارتكم الراقية من اسبوع واعجبت بالمنتدى وسجلت فية على فكرة انا اول مرة اقدم فى القرعة بدر وقدمت والحمد لله ربنا وفقنى فى قطعة والله بدون واسطة واتمنى للجميع الفوز والصبر اناشفت النتيجة امس ولم اجد اسمى لكن اخوتى اتصلوا بيا اليوم وشاهدو اسمى وباركولى والله مش افلام لكن الصبر مفتاح الفرج

[سهران]

ازاي ممكن تترتب الأسماء في الكشف أبجديا ..... يا ريت حد يفيدني

[طه بدر]

حاســــــــــــــــــــــــــــــــــــــــــــــــــــــــــــــــــــــب

فرامل جامدة والحق نفسك قبل ما تخبط فى العمود

الاراضى الزراعية يااخوانى فيلــــــــــــــــــــــــــــــــــــــــــــــــم تانى خالص

يعنى اذا كان الارض والعقار ومشاكل البناء كارثة بالنسبة للبعض فالاراضى الزراعية كوارث مجمعة ومتتالية وتخرب بيت كل من لا يفهم فيها

يعنى انت كل يوم يجب ان تقوم برعاية الزرع وجنى محصوله وتسويقه واذا لم تكن متمكن من الموضوع فاحسن لك ان تحرق فلوسك بنفسك على الاقل ترتح من حرقة دمك القادمة

الاراضى الزراعية الحالية ( الارض السوادء) تحتاج لخبير لرعايتها فما بالك باراضى الاستصلاح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ثانيا المنطقة التى نتحدث عنها حاليا غير صالحة للزراعة وهناك مشكلة كبيرة فيها نتيجة لنقص المياه

حد شاف هناك ترعة او اى وسيلة رى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعنى قبل المقارنة مع جمعيات الطلائع والقادسية واحمد عرابى يجب ان نعرف من هولاء وما هى امكانيتهـم التى وصلوا بها لوضوعهم الحالى

اما اذا ارادت الاستثمار فى الزراعة ومتاكدة من خبرتك فنصيحتى لك الاتجاه الناحية الثانية خالص

ناحية طريق مصر الاسكندرية الصحراوى وتحديدا عند مديرية التحرير فهى مناطق اصبحت الان زراعية وبها شبكات رى ومازالت اسعارها فى حدود المعقول

وبرضة مسافتها عن القاهرة زى الشروق او اكثر بقليل

او الافضل الاتجاه لمناطق زراعية فعلا سواء فى الصعيد او الاسماعيلية

اما تجربة سنبل وحلم الصحراء ها تبقى خضراء فصدقنى ليس بهذه السهولة

تم تعديل 25 نوفمبر 2007 بواسطة طه بدر

[msmsmsms]

ازاي ممكن تترتب الأسماء في الكشف أبجديا ..... يا ريت حد يفيدني

بالنسبةالى2003 excel

اضغط data then sort then sort by names (الاسماء)

[Tala]

والله يا أستاذ بدر انا فعلا ماافهمش اي حاجة في الزراعة بس بقول ان المناطق المجاوره للمدن الجديده ممكن مع الوقت حتى لو طال للاولاد يعني يستفيدوا منها وتزيد فيها نسبة المباني بعد فتره يعني زي الحزام الاخضر كان من حوالي سنة اسعاره مش كبيرة اوي يعني الفدان يصل متوسط سعره ل 45000 بس وبسبب التجار باه المتوسط للفدان في ال350000 حاجة مش معقولة فعلا حتى القادسية الاسعار اللي فيها صحيح اقل من اللي في الحزام بس كمان الناس بتشتري املا في المباني ومش الزراعة والله أعلم... :rolleyes:

[ahmed sattar]

الأخ الفاضل msmsmsms

ألف مبروك وبالتوفيق دائما, لكن لى سؤال لو سمحت لى كيف أنك لم ترى اسمك على النت ثم إخوتك شافوا إسمك فى الكشف , هل هناك نتيجة أخرى أم أنك من سرعة القراءة على النت لم ترى اسمك ؟ مرة أخرى ألف مبروك لك ولكل من فاز من أعضاء المنتدى لهم كل التهنئة والتوفيق وحظ أسعد لمن لم يحالفه التوفيق هذه المرة .

مهندس / أحمد عبدالستار

مصرى مقييم فى الإمارات

[msmsmsms]

الأخ الفاضل msmsmsms

ألف مبروك وبالتوفيق دائما, لكن لى سؤال لو سمحت لى كيف أنك لم ترى اسمك على النت ثم إخوتك شافوا إسمك فى الكشف , هل هناك نتيجة أخرى أم أنك من سرعة القراءة على النت لم ترى اسمك ؟ مرة أخرى ألف مبروك لك ولكل من فاز من أعضاء المنتدى لهم كل التهنئة والتوفيق وحظ أسعد لمن لم يحالفه التوفيق هذه المرة .

مهندس / أحمد عبدالستار

مصرى مقييم فى الإمارات

اخى العزيز شكرا لك لم اجد اسمى نتيجة اننى بحثت عن الاسم بctrl+f

ثم كتبت اسمى وهى طريقة دقيقة لو الاسامى انجليزى اما لو الاسامى عربى مع اختلاف الهمزة او مسافة فهى غير دقيقة وهذا ما حصل معى اما اخى فرتب الاسامى ابجدى وهذا افضل عزرا للسهو وعدم التوضيح وشاكر لك

[سهران]

[quote]بالنسبةالى2003 excel

اضغط data then sort then sort by names (الاسماء)

ألف شكر يا عزيزي msmsmsms لأهتمامك بالرد و شكرا جزيلا أخي الكريم و مبروك عليك مرة تانية

تم تعديل 25 نوفمبر 2007 بواسطة سهران

[vipwithyou]

ازاي ممكن تترتب الأسماء في الكشف أبجديا ..... يا ريت حد يفيدني

الأخ الفاضل msmsmsms

ألف مبروك وبالتوفيق دائما, لكن لى سؤال لو سمحت لى كيف أنك لم ترى اسمك على النت ثم إخوتك شافوا إسمك فى الكشف , هل هناك نتيجة أخرى أم أنك من سرعة القراءة على النت لم ترى اسمك ؟ مرة أخرى ألف مبروك لك ولكل من فاز من أعضاء المنتدى لهم كل التهنئة والتوفيق وحظ أسعد لمن لم يحالفه التوفيق هذه المرة .

مهندس / أحمد عبدالستار

مصرى مقييم فى الإمارات

اخى العزيز شكرا لك لم اجد اسمى نتيجة اننى بحثت عن الاسم بctrl+f

ثم كتبت اسمى وهى طريقة دقيقة لو الاسامى انجليزى اما لو الاسامى عربى مع اختلاف الهمزة او مسافة فهى غير دقيقة وهذا ما حصل معى اما اخى فرتب الاسامى ابجدى وهذا افضل عزرا للسهو وعدم التوضيح وشاكر لك

بالفعل يا جماعة انا عملت نفس الطريقة والله ولم أجد اسمى وفعلا كلمت خطيتى وبلغتها ان مفيش نصيب

بس كنت بأعمل الاسماء أبجدى بس علشان أضع الأسماء على المنتدى ولو لم أقم بذلك لما كنت رأيت اسمى صدفة

وطريقة ترتيب الأسماء كما يلى

من قائمة DATA

اختار SORT

ثم حدد SORT BY الاسم

وإن شاء الله يترتب الاسماء عندكم

دا اذا الأوفيس اللى عندكم انجليزى لكن اذا عربى أكيد هيكون من قائمة البيانات ثم ترتيب ثم ترتيب بالاسم

شكرا

أخوكم

تامر السيد

[vipwithyou]

الأخ الفاضل msmsmsms

ألف مبروك وبالتوفيق دائما, لكن لى سؤال لو سمحت لى كيف أنك لم ترى اسمك على النت ثم إخوتك شافوا إسمك فى الكشف , هل هناك نتيجة أخرى أم أنك من سرعة القراءة على النت لم ترى اسمك ؟ مرة أخرى ألف مبروك لك ولكل من فاز من أعضاء المنتدى لهم كل التهنئة والتوفيق وحظ أسعد لمن لم يحالفه التوفيق هذه المرة .

مهندس / أحمد عبدالستار

مصرى مقييم فى الإمارات

معلش يا مهندس أحمد ممكن أسأل حضرتك منين علشان أنا أعرف صديق من الشرقية بنفس الاسم فهل حضرتك من الشرقية

شكرا لك

[moaz]

الأخت الفاضلة / روح الحياة ... المحترمة

قرأت لك كلمة جميلة وهي : " ونحمد الله على كل مايأتينا "

هذه تعتبر أختي الفاضلة أفضل كلمة قلتيها . وتأكدي بأن الخير قادم إذا لزمت هذا الرضا والحمد على كل مايأتي من الله ولاتتعجلي في الدعاء .

قبل أن تقدمي على أمر استخيري الله واقبلي بالنتيجة أياً كانت . وقتها ستجدي الراحة والاطمئنان كأنك حصلتي على أرض مصر كلها . فالسعادة أختي ليست في الأراضي ولكن السعادة الحقيقية والغنى الحقيقي في الرضا بما قسمه الله لك .

قال رسولنا الكريم صلى الله عليه وسلم " إرض بما قسمه الله لك تكن أغنى الناس " أو كما قال حبيبنا .

أسأل الله لي ولك ولجميع الأخوة هنا والأخوات التوفيق في كل أمور الدنيا والآخرة . إنه ولي ذلك والقادر عليه.

أخوك أبو معاذ

تم تعديل 26 نوفمبر 2007 بواسطة moaz

[ahmed sattar]

الأخ الفاضل msmsmsms

ألف مبروك وبالتوفيق دائما, لكن لى سؤال لو سمحت لى كيف أنك لم ترى اسمك على النت ثم إخوتك شافوا إسمك فى الكشف , هل هناك نتيجة أخرى أم أنك من سرعة القراءة على النت لم ترى اسمك ؟ مرة أخرى ألف مبروك لك ولكل من فاز من أعضاء المنتدى لهم كل التهنئة والتوفيق وحظ أسعد لمن لم يحالفه التوفيق هذه المرة .

مهندس / أحمد عبدالستار

مصرى مقييم فى الإمارات

معلش يا مهندس أحمد ممكن أسأل حضرتك منين علشان أنا أعرف صديق من الشرقية بنفس الاسم فهل حضرتك من الشرقية

شكرا لك

عفوا أنا من القاهرة

[طه بدر]

الف الف مبروك لكل من فاز بالقرعة هذه المرة والمرات السابقة وكل من حصل على قطعة ارض وينوى بناءها

وعلشان ما ينفعش اجى وايدى فاضية

وعلشان خاطر 48 الف واحد دخلوا هذا الموضوع

وعلشان انا عارف ان كلهم دلوقت بيضربوا اخماس فى اسداس وشايلين هم المبانى وخايفين من كلام المهندس والمقاول ومش فاهمين حاجة منهم

اهدى لهم جميع هدية تسوى ملايين

اليكم جميعا

المرشد لامتلاك وبناء المسكن

كتاب الكتروني مجاني

من إعداد

معماري / محمد علي عبد العزيز حلواني

وهو مهندس سعودى قدم هذا الكتاب مقابل سعر غالى وهو دعائكم له

ولاتنسونى انا كمان من صالح الدعاء

الكتاب حجمه حوالى 4 ميجا ويوجد بموقع المكتب فى هذا العنوان

http://www.halawany.net/download/morshed4.pdf

ودعائى بالتوفيق للجميع

تم تعديل 26 نوفمبر 2007 بواسطة طه بدر

[طه بدر]

على فكرة الكتاب موجه اساسا لمن يريد البناء دون خبرة هندسية سابقة لذلك فهو ياخذ بيدك خطوة خطوة لفهم العملية بداية من اختيار الارض الى التصميم والتنفيذ وحتى العقود والديكور

طبعا ستجد بعض الاختلاف فى المصطلحات (لان الكتاب سعودى اساسا) لكن فى الغالب ستصل الى الفكرة العامة ويوفر لك معلومات كثيرة عن كل خطوات البناء

المهم لاتنسى ان تدفع الثمن

ولا تنسى الدعاء للمولف

وانا كمان معاه

[osaimi]

شكرا لجميع الردود والموضوعات ، وبارك الله فيكم جميعا ورزقكم بالطيبات والصالحات ، روح طيبه من شعب طيب والف الف مبروك لجميع الفائزييييييييييييييين :rolleyes:

[سهران]

أعزائي أعضاء المنتدى.

السلام عليكم و رحمة الله و بركاته .

أعتقد الموضوع يهمنا جميعا و يكتنفه بعض الغموض .... و فيه أسألة كتيرة عاوزة اجابات من ناس لهم رؤية:

(1)بعد بناء كل هذه الأراضي ( واضح جدية الوزارة في سحب الأراضي من اللي ناوي يسقع و كمان الغاء التوكيلات هايقلل السماسرة ان لم يمنعهم تماما ) هل عرض الوحدات السكنية يقابله طلب مماثل لهذا العدد الكبير المتوقع من الوحدات علما بأن اغلب المناطق ما زالت بعيدة عن مقار العمل و عن العمران و لسة برضة مش كتير يقدروا يسكنوا فيها ( بدر 46 كم من القاهرة , الشروق 37 كم ,أكتوبر 32 كم على سبيل المثال ) .

(2) تكلفة الوحدة السكنية أعتقد أن المسطح مثلا 200م للوحدة السكنية و متهيألي على سعر الأرض الحالي و تكلفة البناء الحالية هاتكون التكلفة للشقة 200 م. في حدود 175000 جنيه للوحدة .... طيب سعر بيعها هايكون كام ؟؟؟

(3) واضح ان فيه توجه لزيادة المعروض من الأراضي الفترة اللي جاية خاصة أن الناس هي اللي هاتدفع مقدما تكلفة المرافق و غيره و الصحراء ممتدة زي ما هو واضح على الخرائط .... طب ده تأثيره أيه على العرض و بالتالي على أسعار الأراضي .

(4) حالة الأقبال الشديد على شراء الأراضي بالنهم الهستيري الحالي ـ وهي حالة غير طبيعية بالتأكيد ـ هل ستستمر طويلا أم ستخف حدتها بعد ما يتم بناء كل الأراضي اللي تم توزيعها خلال السنتين اللي جايين و كل مشتري يجمد فوق ال750000 جنيه تكلفة الأرض و المباني و ينتظر مشتري نظرا لزيادة المعروض كما هو متوقع.

(5) في الفترة من سنة 90 حتى 2000 كانت الوحدات المعروضة في أكتوبر أكبر بكتير جدا من الطلب و اسعار الشقق في الأرض و على 36 شهر أقساط و بيدللوا عليها و ما حدش عارف يبيع .... حد عنده تفسير ؟؟

نرجوا لمن لديه رؤية واضحة أن يدلنا و النقاش مفتوح للجميع قد نكوّن رأيا أقرب للصواب

تحياتي للجميع

تم تعديل 26 نوفمبر 2007 بواسطة سهران

[أبو العز]

الأخوة الكرام

هل هناك أية معلومات عن أسماء المجموعة الثانية من قرعة الشروق

:unsure: